عنوان الموضوع : لكم بعد الله ابي نصايحكم ودعواتكم -لصحتك
مقدم من طرف منتديات نساء الجزائر

لكم بعد الله ابي نصايحكم ودعواتكم



بسم الله الرحمن الرحيم

السلام عليكم ورحمة الله وبركاته

انا فتاة يتمه وعايشه عند اخوي وزوجته وامي عسى الله يطول بعمرها
هي مونستني بهاالدنيا

عمري 29مخطوبه والحمدلله

بس انا قرويه وهو عايش بمدينه ومايعرف طبعي القروي

ابي منكم تعطوني اجوبه على هالاسئله

ودعواتكم لي

س1/كيف ازيل الكلف من وجهي ؟؟

س2/كيف اجهز لعرسي من وين ابدا وووووودي البس النفنوف الابيض بالعرس بس كيف وين الاقيه؟؟

س3/ كيف اخفي كرشي يعني وش البس كرشي كبير كأني لي 5شهور؟؟

س4/اذا سافرنا بعد العرس وش اخذ معي كل الاغراض اللي اشتريتها ؟؟

س5/انا استحي وماعرف اتكلم واذا تكلمت كان صوتي اببكي وش سوالفي عليه اذا سولف معي اقوله عن ايام طفولتي ولا وش اسولف
؟؟

س6/ انا متعوده بالبيت 24 ساعه لابسه جلال يعني طرحه ملونه
كيف اعود نفسي على التسريحات والاستشوار وكيف يعني؟؟؟

س7/انا ماكلم احد واذا تزوجت اخاف مايكلمن احد ويقول وش فيها هذه مايبيها أحد كيف وش اسوي ؟؟

س8/ابي كريمات تبيضن وتزيل التشققات برجليني وابي شي يزيل السواد من كوعي ؟؟

عسى الله يحرم وجهها عن النار اللي تجاوب علي مالي غيركم بعد الله

انا في قريه ماعرف احد وقرايبي استحي اقولهم وامي هالاشئاء هذه ماتعرفها

ابي على كل سؤال جواب

وابي منكم دعوات لي بالتوفيق والسترررررررر

واني أحمل بسرعه لاني كبيره وامي نفسي تشوف عيالي

عسى المتزوجه مايتزوج عليها والبنت تتزوج واللي ماجابت تجيب عيال صالحين ترى لكن دعوووووووه

واعذروني على كتابتي وكلامي اذافيه خطا


ياااااارب تسترن وترزقن الذريه ياااارب ومن قال آآآآآآمين

>>>>> ردود الأعضـــــــــــــــــــاء على الموضوع <<<<<
==================================


يوووووووووووه يكثر اسالتك يابنت
بس ولا يهمك بجاوبك على اللي اقدر عليه
اولا الكلف في بالصيدليات ادويه لهالسوالف ولا تروحي للمشتسفى يعطونك علاج او جربي خلطه بودرة نشا الذره مع مويه الورد خلطيهم على النار لين يصيرو عجينه خليها بعد ماتبرد شوي بس ثواني بعدين حطيها على وجهك واتركيها لين تنشف وبعدين غسليها مره على مره بتصفي وجهك من اثار الحبوب او البقع
ثانيا
فستان العرس تلاقينه يااما ايجار بالمحلات الخاصه بملابس العرس او انك تشترينه وانا اقول لو تستاجرين افضل لانك بتلبسيه بليله وحده وبعدين بتجلسي تناظري فيه وبس غير ان سعره مره غاليبس بالايجار ارخص بكثييييييييييير
من ناحيه من وين تقضي اغراضك يعتمد عطور شنط ملابس نوم مكياج وماادري شنو بعد بتشترين كلها بتلاقينها بالسوق بس شوفي الاغراض الاساسيه والباقي حبه حبه بعدين انا مو عارفه انتي من اي منطقه على شان احدد لك مكان معين تشتري منه
ثالثا
الكرش في عندك حلين يااما انك تمارسي الرياضه وتبتعدي عن الغازات وخاصه رياضه المشي والبطن
او انك تلبسي مشد للبطن وتلاقيه بمحلات ملابس النوم
رابعا
اذا سافرتوا بعد العرس من صجك انتي بتاخذي كل الاغراض؟
لا طبعا خذي الاشياء الاساسيه كم قميص على كم شي خفيف للبيت على كم بدله والمكياج الاساسي والسشوار والعطر وكم جزمه مريحه للمشي واهم شي ملابس النوم انتي عروس لازم تتكشخين مو تجلسين ببيجاما وحده وخلاص
خامسا
مسالة الجلال على قولتك انسيها بالمره
يازينه المعرس وهو يشوف عروسته طول الوقت متحجبه جنبه هو متزوج بنت ولا عجوز؟
السشوار مايبيله سالفه في نوع حلو وخفيف بالاستخدام دامك ماتستشوري شعرك هو فيليبس شكله مثل المشاطه العاديه كل اللي عليكي توصليه بالكهربا وبعد ماتتروشي تمشطي فيه شعرك لين ينشف وخلاص ويوم خليه يمين ويوم يسار يوم لمي نصه ويوم خليه مفتوح عاد السالفه مايبيلها
سادسا
من ناحية السوالف سالفه تجر سالفه ماعليكي انتي بالبدايه بتستحي تتكلمي بس بعدين لسانك بيلولش بالبيت
سابعا
انتي ماتكلمي احد الحين بس بكره تتزوجي وتتعودي على اهله وخليكي قريبه منهم يعني مو تقطعيهم لانك اذا قطعتيهم بيقولو ماعندها اخلاق وماتحب تجي عندنا ومن هالكلام عامليهم مثل خواتك سولفي ضحكي شاركيهم سوالفهم لين تتعودي
ثامنا
التشققات برجلينك روحي لمشغل نسائي وقوليلهم ابي بديكير لرجليني وهم بيشيلو الجلد الميت كله لاتخافي ماراح تحسي باي شي بيسوون لك مساج وبينضفو رجلك كلها وبترجع رجلين عروس وكريمات تلاقين بالصيدليات ياكثرهم للتشققات وتبييض
تاسعا
ربي يوفقك ويسهل امورك يارب ويرزقك بسرعه بسرعه ذريه صالحه تقر فيها عين امك


__________________________________________________ __________

يقلبي والله اني حزنت عليك الله يحقق لك جميع احلامك
اتمني ان احد يساعدك والله مابيدي شي
الله يسعدك ويوفك


__________________________________________________ __________

الله يوفقك يارب باين عليك حبوبه وطيوبه

ومثل ماوصتك لهفة انثى ماقصرت سردت لك كل شي ومبرووووك والله يتمم لك على خيريارب


__________________________________________________ __________

الله يسهلك امورك ويوفقك
والاخت لهفة انثى
ماقصرت


__________________________________________________ __________

الله يتمم عليك وش هالكلام
الحين انتي تدخلين نت وتقولي انا قرويه
ادخلي منتديات وشوفي التساريح وتعلمي الماكياج
وادخلي وشوفي الخلطات وعلمي نفسك بنفسك
الوحده تهمل نفسها واذا جاءت تتزوج تبي كل شىء يزين بلمح البصر
مايصير
الله يوفقك ويستر عليك وتحملين اناشاء الله باول لليله
امين