عنوان الموضوع : <<امي >>هل الذي اعمله معها عقوق الطبيب يجيب
مقدم من طرف منتديات نساء الجزائر

<<امي >>هل الذي اعمله معها عقوق



السلام عليكم ورحمة الله وبركاته
بنات امي عندهامرض في راسها من ثلاثين سنه وكل ماتكبر يزيد
الان هيه طريحت الفراش اخذها بشلل رباعي
ماتقر تتكلم ولا تاكل بنفسها ولا تخدم نفسها
انا عطوتها غرفه خاصه بها وهيه فيها من كذا سنه ماتخرج ولا تتفسح والله قلبي يتقطع عليها اذا فكرت فيها وفي حالتها يجيني نفسيه اجلس فتره متضايقه ومهمومه والله يبنات كانها مسجونه
ماتدري من الي يجي ويروح
هيه تسمع واتوقع انها تفهم الكلام بس ماتتكلم تحاول بس ماتقدر
انا اعطيها الاكل والشرب وابدل لها
بس مااجلس عندها اكون مشغوله مع عيالي واذا جلست عندها عيالي صغار ويجون معاي واخاف يزعجونها واتركها لوحدها
النوم انام مع زوجي خواتي يقلون لاتتركين زوجك لوحده يأحذ عليها

انا بسألكم هل الي اسويه صح اوغلط
انصحوني ولو انتم مكاني ماذا تعملنه <بعيد عنكم الشر >

الله يجزيكنه الجنه لاتنسونها ادعولها بحسن الخاتمه
وادعولي ان ابرها بما امرني به ربي

>>>>> ردود الأعضـــــــــــــــــــاء على الموضوع <<<<<
==================================


الله يشفيها ويعافيها ويشفي مرضى المسلمين يارب


__________________________________________________ __________

اهلين اختي
الله يششفي امك ويعافيها ويقومها لكم بالسسلامه يارب
شووفي اختي انا من رائي انك تخصصي وقت لامك تجلسي فيها لحالك معها
اكيد تحب تتكلم فيها معك وتفضفض عن اللي بقلبها بس ماشافتك فاضيه يعني مثل ماقلتي انتي انك مشغووله ف حاولي تتفضين لها لو ساعتين باليوم
وتطلعينها تتمشى بين الوقت والثاني
لانوه جلسسه البيت ماتنطاق ابد ف انتي حاولي تطلعينها تتمشى وتروح عن نفسها
وحاولي تخصصين لك لو يوم بالاسبوع تنامين فيه مع امك رح يسعدها وتنبسط منك فيه
واذا رحتي لامك حاولي ماتخلين اطفالك معك يعني خليهم بمكان اخر
وانتي ادخلي لامك

هذا رائي واتمنى تتقبلينه بكل سعه صدر
موفقه

.,


__________________________________________________ __________

الله يشفيها ويعافيها
واعطيها وقت مثل ماتعطي زوجك وعيالك هي جنتك ونارك
وطلعيها لو يوم بالاسبوع بعربيه خذيها لحديقه تغير جو يمكن تتحسن


__________________________________________________ __________

انا اقول امك اولى باهتمامك من زوجك واولادك لان كلهم يتعوضون لو راحو اما امك ماتتعوض اتقي الله في امك لمن كانت في مصدر قوتها وانتي طفلة كان كل وقتها لك لمرضتي وتعبتي مايشغلها عنك احد والان لما احتاجتك تتحججين بالاطفال وبالزوج وربي كلهم فداء لأمي واذا زوجي مو عاجبه هالوضع مع السلامة امي جنتي وناري وربي لاالزوج ولا الاولاد راح ينفعوني لماتت امي وهي غضبانة علي تلاحقي على امك قبل لاتروح وتندمين طول عمرك ومن قدم السبت لقى الاحد وكما تدين تدان......


__________________________________________________ __________

اللهم رب الناس أذهب الباس أشف أمك أنت الشافي لا شفاء إلا شفاؤك شفاءا لا يغادر سقما
اللهم رب الناس أذهب الباس أشف أمك أنت الشافي لا شفاء إلا شفاؤك شفاءا لا يغادر سقما
اللهم رب الناس أذهب الباس أشف أمك أنت الشافي لا شفاء إلا شفاؤك شفاءا لا يغادر سقما
اه