عنوان الموضوع : اختار قلبي ولا عقلي ؟!
مقدم من طرف منتديات نساء الجزائر

اختار قلبي ولا عقلي ؟!



السلام عليكم

اول شي يعطيكم العافيه على المنتدى الراقي

وبدخل في المشكله من غير مقدمات وبحكيلكم عاللي صار عشان تقدروا

تساعدوني

انا عمري 18 واحب واحد اكبر مني تقريبا بسته سنين

باختصار هوا للاسف مو سعودي بس مواصفاتو مره تعجبني

ماشاء الله بار بوالدينو ومواقف كتيره تدل على كدا يعني انا حكمت من

نفسي لا كدب عليا ولاشي واللي قاهرني فيه انو ماكمل دراستو وقف لعند

الثانوي وكانت نسبتو ماشاء الله مره تمام بس وقف بسبب مشاكل عائله و

وقف مع ابوه وانا شايفه انو شي مره كويس منو مين في الزمن دا يوقف

دراستو عشان امو ولا ابوه ولا حتى يطنش نفسو عشانهم ؟

وهوا يشتغل مع ابوه وراح يفتح محل خاص فيه وبحاول اقنعو يكمل

دراستو لانو حلو الواحد يكون معاه شهاده بس يقولي انو الرجال مو

بالشهاده ولا هوا عيب انو الواحد يكون مو سعودي يعني مو اخد الجنسيه

بس تربيتو وكل شي هنا وحالو الحمدلله كويس

وعادات اهلنا زي بعض ..المهم الحب متبادل بين الطرفين ويبى يتقدملي

بس انا اجلت الموضوع بسبب دراستي و كنت شايله هم من بابا مره

متعصب ويبى دكتور ومظاهر بس انا قلت احسن الظن بربي وهوا قادر

على كل شي يعني في النهايه كل شي في يد ربنا

بالزات اننا متفاهمين الحمدلله وعندي مبدا انو مافي مشكله الا ولها حل

احس انو حلمي الوردي حياتي معاه تمام التمام ويحس فيا واحس فيه

ويخفف عني والعكس وجلست افكر بيني وبين نفسي انو مستحيل الحياه

تضل كدا واكتشفنا عيوب بعض وبنتحمها وبس السنه دي اتقدملي واحد

دكتور وبابا مره اتبسط وصار يحاول يقنعني فيه وقلت طيب يلا تصير

الشوفه عشان لا اجيب الشكك لنفسي وصارت الشوفه وكنت حاسه

باحساس مره عاتي بس اخر الليل يجيني انهيار

واضل ابكي ونفسي ادمرت لاني احب واحد وبروح لواحد تاني

في نفس الوقت عقلي يقول اختاري الدكتور ومستقبلك يكون معاه تمام

وحافظ القران وتدرسي برا وتبدئي صفحه جديده بس مشكلتو انو اهلو

مره منفتحين يعني كشف وخليطي وانا ببدأ حياتي صح

يعني صح حافظ القران بس مايطبقو !

وعندو عادي اكشف على اخوانو !

لمن جو اهلو لعند ماما سالتهم ماما كيف تقاليدكم في الكشف وقالت احنا

ماعدنا غطا اللي تبى تتحجب براحتها بس مافش غطا

وانا على طول رفضت وضغطتي ارتفع انو بابا ماردلهم خبر ويقول انو

مو سبب مقنع ولا هوا راضي يفهمني ودخلنا في معمعة الكشف انو حرام

ولا مو حرام وانا عارفه في قرارة نفسي انو حرام ومابدي اعيش حياه

بديك الطريقه ومن الناحيه الاجتماعيه او حتى الشكل بابا شايفنا لايقين

على بعض ومو مدحا في نفسي الحمدلله ربي منعم عليا كل شي من شكل

وجسم وكلو بس اوقات كتيره اتمنى اني اكون عاديه حتى مايحكموا الناس

عليا بالطريقه دي يعني حلوه لازم تاخد حلو ومظاهر! يمكن ما اتبسط

معاه

انا من سادس وانا عند بابا وماما بعيده عني و مرت بابا خربتني

وكشفتني على اهلها وبدي اكمل حياتي بطريقه صح كبرت و وعيت

وعرفت الصح من الغلط ..

رفضتو بس بابا يقولي انا ماراح اضغط عليكي والشي اللي تبيه يصير

خايفه اكون استعجلت وقلبي يقول خدي الشخص اللي يفهمك ويحس فيكي

وحياتكم بسيطه وتمشي ان شاء الله فبالي مشغول مره واحس اني

مشتته وخلقي ضايق على طول والله ربي عالم قدايش

حالتي النفسيه زفت وجربت حظي واستشرت لبنات يعرفوني كويس بس

ماحسيت اني استفدت مع اني حكيت لماما كل شي وكلمت حبيبي

وقالتلي ابوكي ماراح يرضى عشنو مو سعودي ومو عالمستوى قولتها

انتي تفكيرك مو كدا قالتلي ازا مو ابوكي كان قولتلك والله والنعم فيه بس

ابوكي ماراح يرضى ولا تعلقي امالك وانا بدورلو على غيرك :g

[103]: قولتها ربي قادر على كل شي ويقدر يربط لسان بابا لا جا

يطلبني صح ماترد عليا وتسكت

بستشريكم ..حطوا نفسكم مكاني

<<~ خانقتها العبره

تختاروا قلبكم ولا عقلكم؟ !

ومرره اسفه عالاطاله وياريت تقوليلو ايش رايكم لاني والله بطق

>>>>> ردود الأعضـــــــــــــــــــاء على الموضوع <<<<<
==================================


اختي اولا ربي يجيبلك الخير صلي استخارة قبل كل شي والظاهر انتي تفكرين بالمظاهر ايضا وما متمسكة بجد بحبيبك لكن اللي ما عرفتها كيف اتعرفتي على حبيبك؟؟؟ يعني هل انتي متأكدة من اخلاقو؟؟؟؟؟؟؟؟ واذا متعرفة عليه عن طريق النت لا يكفي لمعرفة الشخص بجد وربي يوفقك


__________________________________________________ __________

السلام عليكم ورحمه الله وبركاته

صراع العقل والقلب
حكمة العقل وعاطفة القلب
اذا اخترتي العقل راحة بال
واذا اخترتي القلب السعادة والحب
واحنا في واقع العقل الاول اولا ثم القلب
تمنياتي لكي بالتوفيق ولا تنسين الاستخارة وربي ييسرامورج


__________________________________________________ __________

اختي الغالية صلي صلاة استخااره والخيره فيماا اخترهااا الله

واكثري من الاستغفااار ولاضايقي بعمرج

تقبلي مروري


__________________________________________________ __________

هلا خيتي
الافضل لك تصلي استخارة هذا الحل المثالي وشوفي لمين بترتاحي اكثر فتفكيرك والله ما يخيب عبد لجأ إليه والله يفرج همك والله يهدينا جميعا للصلاح والخير
تحياتي


__________________________________________________ __________

الله يعينك اولا استخير ربنا ثم انا من وجهت نظري الدكتور احسن مولانه منصبه لا لانه جاء من الباب ام الثاني وش دراك انه يبغى منك الجنسية وبعدين البعيده طلقها انتبهي قرار زي هذا لازم تفكير زين وقوليلى وش يصير معاك الله يفرج عندك ادعيلك بين الاذان والاقامه اللهم يفرج عنك وعنا يارب العالمين