عنوان الموضوع : ماعندي اخت ولا صديقه وابي نصيحتكم تكفووون ..!! الطبيب يجيب
مقدم من طرف منتديات نساء الجزائر

ماعندي اخت ولا صديقه وابي نصيحتكم تكفووون ..!!



السلام عليكم ورحمه الله وبركاته
كيف حالكم اخواتي الغاليات ..؟؟
يعلم الله اني لم ألجأ لكم الا لاني فاقده النصح والتوجيه
سواء من اخت او صديقه او اي شخص استطيع اني احكي له عن اللي بداخلي
لان مشكلتي لا تحتمل اني اشاركها مع اي احد اعرفه
فما لي بعد الله سواكم فلا تبخلون علي بنصيحه او مشوره
وارجو عدم التجريح اخوتي واعتبروني اخت لكم تنتظر النصيحه وبحاجه لها
هي مو مشكله اعتبروها فضفضه ولو اخت لكم او صديقه مكاني وش راح تنصحونها فيه
انا من فتره تقريبا سنه تعرفت على شاب عن طريق الجوال
وحبينا بعض وتعرفنا طول هالسنه على بعض اكثر وتعلقنا ببعض اكثر وتعاهدنا انه محد يضر الثاني ونكون نعين بعض
وصرنا نتعاهد ع الصلوات وصيام الاثنين والخميس وكفاله الايتام
والشاب محترم معي حيييل وبعد مرور سنه على حبنا طلب يدي للزواج وهو ناوي يخطبني من اهلي
انا فرحت كثيير لان هو فارس احلامي فيه كل المواصفات اللي اتمناها
يصلي ويصووم واخلاق والحمد لله وانا والله العظيم اني بنت شريفه وصادقه معه مثل ماهو صادق معي
وانا ماحبيته وتعلقت فيه الا لانه صادق ونيته واضحه انه يبي يتزوجني مو مجرد حب
كل يوم عن يوم واحلامنا تكبر وتكبر انا عمري 26 وهو اصغر مني بسنه يعني 25
المشكله انه عاطل عن العمل ومن قبل يتعرف علي وهو يدور وظيفه بس مالقى
والوظيفه مهمه لانه مستحيل يتزوجني اذا ماتوظف
ومع الايام صرت احسه يتضايق ويتحسس من هالموضوع وخايف انه يفقدني واكون من نصيب غيره
بس انا واياه تواعدنا ما نترك بعض ومايفرقنا غير الموت
بس الوظيفه هي اللي مانعته انه يتقدم مع انه طلب مني انه يكلم اهلي بس خطبه
عشان اهلي مايحسوون اني ارفض اللي يتقدمون لي بسبب شخص بحياتي
وانا رفضت طلبه لان اي اهل مستحيل يقبلون لبنتهم اي شخص عاطل حتى لو ظروف اهله مناسبه
مستحيل اهلي يقبلون
هو صار يحس اني ما ابيه واني اطلع اعذار عشان اخليه يمل مني
بس والله العظيم اني اتمنى اكون له اليوم قبل بكرا بس هو يبي اي طريقه عشان يكون لي ومايعيش بضغط اني انخطب من غيره
انا والله احترت
والشي الثاني انه هو بمدينه وانا بمدينه ثانيه وبعيدين عن بعض
يعني ما اقدر اقول لاهلي اخو صديقتي ولا هو يقول اعرف اخوانها يعني صعب موضوعنا حيل
هو اقترح علي انه يعرفني باخته ونصير صديقات وتصير الخطبه ع اساس اني صديقه اخوه
بس لما صار حاجز الوظيفه وتاخر زواجنا بسببها صار مايفتح موضوع اني اتعرف على اخته
انا تعبت والله من التفكير اخاف اهلي يضغطون علي واتزوج اي احد يتقدم لي
والعمر يمر واخاف من غدر الزمان
احيان يجي ببالي انه هو شاب مو مشكله لو تاخر به العمر وماتزوج
بس انا بنت والكل بينظر لي نظرات تصغرني اذا ماتزوجت
تكفوون ادري اللي قلته يمكن مايكون مشكله او تشوفونه شي تافه
بس حطوا ببالكم ترا اي كلمه تقولونها تكون نابعه من قلب راح تكون شمعه مضيئه لي
انصحوني تكفون انا مالي خوات ولا صديقات
وان ماقدرتو تنصحون ابيكم تدعون لي ان ربي يسهل امرنا ويجمعني فيه بالحلال
ويسهل عليه الوظيفه
اختكم في الله

>>>>> ردود الأعضـــــــــــــــــــاء على الموضوع <<<<<
==================================


اسمعي ياقلبي دام هذي مواصفاته وانسان محترم خليه يتوظف ولو حارس امن او موظف استقبال فتره بسيطه لين يلقى الوظيفه الحكوميه عشان يجي يتقدم لك وقولي لاهلك جاء عن طريق خطابه كلمتها وحده من صديقاتك المقربات واتفقي معها واصغر منك بسنه مو مشكله مو فرق كبير وان وافق قولي له متى راح تعرفني على اختك . ويابنت الحلال لاتوفتين العريس مو كل يوم بيجي الوحده رجل مو اصفاته زينه يصلي ويخاف الله . الله يكتب اللي فيه الخير ياقلبي


__________________________________________________ __________

السلام عليك اختي العزيزة و الله شعرت بماساتك لانني مررت بمشاكل اصعب بكثير منك تقدم لخطبتي شاب ملتزم جعلني ملتزمة بحجابي و صلاتي و لكن ليس لديه عمل بكيت كثيرا لعدم موافقة اهلي بقيت شهرين وانا لا انام اصلي الليل و ادعو الله و ابكي بحرقة و استخرت الله كثيراا ووضعت كل ثقتي بالله فقط و بعدها عاد اليا و قد توضف وضيفة محترمة و الله حتي اهلي لن يصدقوا وانا الان معه ثلاث سنوات و نحن الان نجهز منزلنا و لله الحمد وانا انصحك بالصلاة و الصلاة و الصلاة قومي الليل و اسال الله تعالى ان يكون هذا الرجل خير لك في دنياك و ان يكون من نصيبك


__________________________________________________ __________

شوفي اذا كنتو ماشين بما امر لله به صدقيني رح الله يوفقك


__________________________________________________ __________

عليك بالدعاء


__________________________________________________ __________

انا أقول اتقي الله في نفسك انتي مسؤله عن كل دقيقه كلمتيه بالحرام
وتعتبرين زانيه بالسانك ، وبعدين سؤال وشلون تجمعين الاخلاق والمغزلجي ؟
لا تعتبرين كلامي اهانه او تجريح بل تذكير لك من جهنم والعياذ بالله
توبي وأرجعي لربك يغفلك زلاتك ويرحمك برحمته ويرزقك الزوج الصالح المصلح كان هو او غيره
لك حبي واحترامي