عنوان الموضوع : ابي رأيكم اخواتي مجابة
مقدم من طرف منتديات نساء الجزائر

ابي رأيكم اخواتي



السلام عليكم ورحمة الله وبركاته


مشكلتي بسيطه فقط محتاجه لأرائكم يأ أخواتي
:

/

:

انا كنت ادور وظيفه وجاتني وظيفه بالمقصف ابيع بالمدرسه والراتب بالشهر 500

طبعآ رحت وجربت يومين حسيت بتعب يعني احس متوتره انا انسانه خجوله وحيويه وخوافه وكل شي

أرتبك وانا ابيع ولا اعرف وش السبب واجي البيت وانا متضايقه لدرجة صرت اتذكر كيف انا كنت مرتاحه بالبيت والفرق الحين

قررت اترك الشغله وامي ماهي راضيه اتركها ومعصبه علي وتقولي انتي تقهرين وحد يعافي الوظيفه

وبيني وبينكم هي ماتنلام واقولكم السبب

السبب ان ابوي متقاعد ومن تقاعد وهو صار مايعطي وهذه مشكله ثانيه مو وقت اني اقوولها بس والله ان مايعطي الا الي يرحون المدرسه وانا بالبيت مااخذ شي

وانا نفسي عزيزه حتى لو كانت على ابوي ماحب اطلب منه لان ماقد عطاني من نفسه وان طلبت كني طالبه شي ثقيل حتى لو انها 10 ريال

يعني ال 500 شي حلو بالنسبه لي بس بالنسبه للتعب الي اشوفه هناك ماتسوى


وانا وربي محتاره رغبتي بأني اجلس بالبيت اكثر من اني اروح اشتغل
رغم اني بحاجه يعني ان رحت تضايقت وان جلست تضايقت عشان امي


ابي نصيحتكم تكفوون


أختكم:

>>>>> ردود الأعضـــــــــــــــــــاء على الموضوع <<<<<
==================================


ياقلبي انتي والله ان الشغل راااحه اكثر من جلسه البيت
والشي الثااني الله بيوفقك اذا مشيتي كلام امك وارضيتيها بدوامك .. واللي لازم تسوينه اذا اخذتي راتبك تعطين امك 100 وابوك 100 وخلي 300 بجيبك لحاجتك الخااصه قسم بالله لتشووفي بركه براتبك ماتخيلينها
وغير كذا ماتدرين يمكن مع الاياام يزوود راتيك لاكثر وتستااهليين على تعبك ؟؟

اختي حاافظي على وضيفتك والله اني لوو احصلها ماارفضهاا موو عشاان المااده انا الحمد لله الله معطيني خيير لكن جلسه البيت اهلكتني وسببت لي التعب من جد

اتمنى لك التوووفيق وانتبهي على حاالك ولا يلعب فيك الشيطان طيعي امك وانا اختك وبيفرجها ربك ان شاء الله


__________________________________________________ __________

الشغل أحسن لك من جلسه البيت وعشان ماتنذلي وبعدين إنت لك يومين حاولي ممكن تتعودي




الله ويااااك





تحياتي


__________________________________________________ __________

كل شي بالبدايه صعب بس شوي شوي تتعودين

دايم كلمي نفسك وقولي انا اقدر اسوي كذى ولازم اسوي كذى خلي عندك طموح انك تكوني جريئه رغم انها شغله بسيطه بس فيها مسؤليه ركزي فيها وشغلي مخك ولا تستسلمي لخجلك والله يوفقك


__________________________________________________ __________

ابدا لاتتركي الشغل والله انه راحه نفسيه وابوك ليه مايعطيك ويعطي امك بخيل او ماعنده اذا ماعنده اعطيه منعندك واذا بخيل حاولي تسحبين منه بدون لايدري رغم البخلا لوتموتي ماتلاقي الريال وراهم واطلبي اخوانك وخليهم يرسلوا لامك كلشهر اذا عندك اخوان وداومي وتعرفي على صديقات وبتحبي الدوام واقري الاذكار دائما قبل الدوام


__________________________________________________ __________

اختي الغالية الوظيفه نفس النعمه

انا انصحج لاتتركي الوظيفه احسن لج بدال ماتطلبي احد

وان شاء الله مع الوقت تتحسن وضعج

ربي يوفقج ويسهل امورج