عنوان الموضوع : خنقووووووني بتفكيرهم -تم الاجابة
مقدم من طرف منتديات نساء الجزائر

خنقووووووني بتفكيرهم



السلام عليكم


مخنوووووووووووقه بالمره ومدري وش بالضبط بكتب
بقول كل اللي بقلبي واللي تقراء ماتطلع الا بدعوه لعلها مستجابه

..
امي ومرت عمي كأنو اعظم من الاخوات والله لو اقول اخوات اتوقع انهم
شويه اللي اشوفه اكبر من كذا
والله لدرجه ان امي تقولها كلام ماتقوله لاخته من كثر ماتحبها
المهم ...انا مرت عمي عندها بنت كبر اختي الكبيره تقريبا عمرها 27
متزوجه واختي الا الان ماتزوجت
طبعا هم اكثر من اخوات باركنا لهم وفرحنالها من جد
بعد ملكه بنتها بفتره بدت تتغير وبعد زواج بنتها رجعت زي ماكان
( للمعلوميه بنتها الحين لها 5 سنين متزوجه)
بعد زواجها بفتره مرت عمي سوت عزيمه لبنتها بااستراحه
لكن امي شافت مرت عمي وهي تأخذ غسسالنا <ركزوا على هالنقطه

امي طنشت قالت تخاف على بنتها من العين
ومع الايام دايم تقول بنتي مسكينه زوجها يسوي لها كذا وكذا
امي توصيها تصبر امــــــــــي على نياتها
ومرت السنين
ولدها الكبير المفروض يكون لاختي وانتظرته سنين لآجله
انكروا اختي وتزوج بوحده ثانيه تقرب لنا
والله انا امي فرحت له قالت هذا ولدنا( هذا الكلام من 3 سنين)
تغيرت على امي مره وماصارت زي اول ابداااا
تخــــــــــــــاف من العين
صبرنا ..وقلنا تخاف والحمدالله امي تحاول قدر الامكان تتحاشاها
لانها تتهرب من امي لان ولدها تزوج وبنتها
وامي لها 3 بنات كبار ماتزوجوا
تدرون يوم جلست اتناقش مع امي على اساس انا ماتزوجنا
جاوبتني وبكل صدر رحب قالت يابنتي كل شي قسمه ونصيب
لاتناظرين فلان ولاعلان هذا نصيبهم
بالعكس ماقالت الا كذا
ليه مرت عمي تخاف على نفسها منا
المهم
امس يوم الاثنين 16-12
تزوج ولدها الثاني قبلها بااسبوع معزمه خلق الله يجونها
وكلمت امي الساعه 10 المساء وبكره زواج ولدها قالت تعالي
سألتها امي مين بيجي قالت عائليه عماته وخلاته
امي اعتذرت قالت عائليه لاحقين عليها بالكرمه
مافكرت تقول لامي ليه انا اهل مافي فرق سكرت بسرعه من امي
واليوم الثاني دقت عليها تبارك لها بولدها
جلست تقول ولدي تعبان امس 2 بالليل مكتوم وحالته حاله
تخز امي بالكلام ...قالت امي كل خلق الله تعبانين مو ولدك لحاله
وصرفت امي وسكرت منها

اليوم كنا في عزيمه عند عمتي ..عاد عمتي كانت حاضره زواجه
تدرون وش قالت لنا ترى امس زواج +عزموا اللي يبون مومسوين كرمه
ذي زي الكرمه
انا يوم قالت كذا سكت وامي تضايقت قالت ليه ماقالت لي
ليه دايم تكذب على امي وتخبي عليها
لهدرجه صرنا نخوف علشششانا ماتزوجنا ذا نصيبا وش نسوي
وربي انا راضيين ليه كذا
انا كل مااتذكر معاملتها لنا اتضايق
احسها تحسنا وحوش ...تخاف من العين منا ومن ان نحسسدهم
ليه كـــــــــــــــــــــــــذا
..
تصدقون قبل شهرين تقريبا كنا بنقدم شغاله قالت قدموا معنا ولدي بيسافر
وبيجيب لي قالت امي بنوصيه ولدها عيا يجيب لنا
وتفاجأنا مابعد تم كلامه فتره الا جايتها شغاله ومع ذلك ماقالت لامي
( وولدها مابعد سافر علشان نقول انه جاب لها)

والله اني انغبن من الناس اللي تفكيرها مريض زي كذا
مدري من الواحد يكبر عقله

مااقول الا الله يغفر لنا ويسسامحنا على من اخطينا بحقه



..

يارب انك تعلم بهم قلبي فاافرج عني واصلح لي الحال والاحول

وارفع عنا مما ابتلاهم من عقول متخلفه

..
واسأل الله العظيم بان يكتب لااخوتي الكبار نصيب بهالعطله
لنقطع الالسنه من تكلم فينا

>>>>> ردود الأعضـــــــــــــــــــاء على الموضوع <<<<<
==================================


ياعزيزتي ولايهمك من هالحكي
بالله اريد اعرف انت ليه مقهوره؟
يعني والدتك اللي هي الوالده واللي المفروض تنقهر تشوفيها مامقهوره وماشاء الله عليها ايمانها زياده
طيب انت ليه ماطلعتي على والدتك؟
شوفي اخلاقها قد ايش عاليه وتترفع عن صغار الامور
هذا كله من الايمان اللي بقلبها
انت اصلا لازم تحمدين ربك وتشكريه على هيك ام
وانتو في كل الاحوال احسن من الناس
لان عندكم هالوالده الله يحفظها ويطول بعمرها ويخليها خيمه على رؤوسكم
ولاتشيلين هم عزيزتي
كل واحد ياخذ نصيبه وكل واحد الله يعطيه على نيته
اذا كانت زوجة عمك تخاف من العين ودائما تتكلم عن اولادها انهم مامرتاحين وهم في الحقيقه مرتاحين تراها دتغضب ربنا
لان الله قال واما بنعمة ربك فحدث
كان على الاقل تقول الحمد لله والشكر اولادي مرتاحين
ولكن مانقول غير الله يهديها ويسعد اولادها ويسعدكم انتو كمان ويرزقكم الى ان يرضيكم
امين يارب

تحياتييييييييييييييييي


__________________________________________________ __________

الله يبعتلك نصيبك انت واخواتك عن قريب ما يكون بعيد ان شاء الله
ويفرح قلب امكم فيكم يا رب ويجعل حظكم احسن من حظ اولاد عمكم
اختي ما عليكم طنشوهم زي الناس هذوله عقولهم مريضة منهم كثير بهل الزمن


__________________________________________________ __________

الله يفرجها عليكم ويخليلك الوالدة


__________________________________________________ __________

يارب ياكريم يزوجك انتي واخواتك بالازواج الصالحين اللي يسعدوكم يارب

وكلام الناس مايقدم ولاياخر

الله يوفقك انتي وخواتك وامك في الدنيابالازواج الصالحين وفي الاخره بجنه عرضهاالسموات والارض


__________________________________________________ __________

يارب يكون في عونكم ويرزقكم الازواج الصالحين
اجمعين