عنوان الموضوع : قــله ماوصلني منه يكفيني عـمــر!!! الطبيب يجيب
مقدم من طرف منتديات نساء الجزائر

قــله ماوصلني منه يكفيني عـمــر!!!



تكفون افهموني وحاولوا تساعدوني أحس بنجن من تفكيري وحاولت قد مافيني انشغل بأي شي ماقدرت

,,,أنا دخلت الجامعه ومااعرف احد فيها مرررررررره حتى صاحباتي اللي بالمدرسه كانوا معي ماهم فيه المهم اني تعرفت على كثير من البنات
ووحده منهم اللي احسها تفهمني وحبيتها من كل قلبي وبديتها ع الكل وصرت لها نعم الأخت واسرارها صرت كلها تقريبا اعرفها وهي كانت من قريه وجالسه عند اختها عشان تكمل دراستها لأن القريه مافيها جامعه المهم اني احتويتها وصرت لها كل شي واغنيتها حتى عن اختها اللي هي ساكنه معها وكنت كل يوم اكلمها من يوم اطلع من الكليه لين اوصل البيت وابدل ملابسي واتغدى ونرجع نكلم بعض لين ماننام واللي تصحى فينا بدري تصحي الثانيه عشان تاكل وتصلي وطول الوقت اتصالات ماتوقف وهي كان جوالها عام وانا لأ وكانت تقولي اي وقت بتكلميني ارسليلي انا اتصل فيك وعادي خلي الفاتوره تجي صكة مو مشكله اهم شي اني اكلمك واتطمن عليك عاد كانت حالتها الأجتماعيه احسن مني بس مو من طبعي استغل طيبة احد وقلتلها لأ حرام مره اشحن واكلمك مو كلها عليك خلي جوالك عشان تتطمنين على امك وكانت تقولي والله امي تبي الفكه مني اصلن امي ماتحبني ومن هالكلام وكانت علاقتها مع امها مو ذاك الزود
وكانت تسوي اشياء غلطت وحاولت معها عشان تتركها ومن حبها الكبير لي تركتها وحاولت احببها بأمها عشان اكسب اجرها

دلعتها ودللتها بصدق واحتويتها واحتويت همها وكان لي بالكليه معجبات وتقولي امانه ماتعطينهم وجه عشاني لأني اموت فيك ومااقدر اتخلى عنك وقلتلها والله لأقطع علاقتي بصاحباتي كلهم عشانك لأني فعلا حبيتها وبصدق وانا بنفسي مااقدر استغني عنها ولمدة اربع سنين واحنا كذا مكالمات ماتوقف لليل ونروح الكليه مواصلين ونجي الكليه نضحك محد يدري عنا انا مواصلين مانمنا وكل شي تبيه مني عطيتها إياه لين ماصار اسمي ارتبط باسمها ومستحيل احد يفرقنا عن بعض وياما حاولوا ناس بس ماقدروا لأن بقوه نحب بعض والكل كان يحسدنا على هالصحبه

وقبل مانتخرج بسنه تقدملها واحد وخطبها وكانت تبكي ماتبغى تقول ماابغى احد يفرقني عنك ومااخفيكم حتى انا انقهرت وبكيت بس قلت حرام اضيع مستقبلها عشاني ولو اني عارفه لو اني قلتلها لا تافقين بتسمع كلامي عشانها تحبني بس قلت لأ حراااام وكنت اقوله وافقي ويمكن يكون طيب وحنون وكل يوم يجيبك عندي وتجيبين بنت وتسمينها على اسمي
وقالت ماابغى انا بكون معاك قلت انا ماراح انفعك واذا ماتبين الزواج انا مااقدر اغصبك وقالتلي انا اخاف مااوافق وارجع عند امي لعيشتي القشرا
وتحرمني منك وما اقدر اشوفك وربي كل يوم كانت تكلمني بالليل وتبكي بحرقه لدرجه اني خفت تموت من البكا وكنت روحي وانبسطي وفليها الحياه كم مره بنعيشها <<يعني ماصرت انانيه وقلت لا توافقين واجلسي معي بالعكس شجعتها ووقفت معها وقفة بنت رجال لين وبيوم الزواج رحت معاها المشغل وانا من جواي نااااااار تسعر على فقدها بس مابينت عشان ترتاح وانا معها بالمشغل قالت انا ماني شايله هم احد غير بنت اختي الحين ماصرت معاها بالبيت وراح اشتاقلها وكتمت عبرتي وضغطت على نفسي عشان مااصيح فكرت ببنت اختها وانا اللي مو قادره استوعب غيابها ماهمها فيني والمشكله بنت اختها عمرها سنه وانا معاها اربع سنين بحلوها وبمرها مافكرت فيني والمهم صبرت ورحنا الزواج وآخر الزواج سلمت عليها وقالت انتبهي لنفسك عاد بعد هالكلمه ماقدرت وفرطت صياح ويادوب مسكت نفسي عشان الناس ماتفكر فيني غلط ..
وصارت حتى شهر العسل وهم مسافرين تكلمني وتقول شفتي اني عند وعدي ماقاطعتك المهم مرت شهرين على زواجها والحين صارت ماتكلمني مثل قبل وحتى لو كلمتني تكلمني بدون نفس وبسرعه تقفل احس تقهرني ليه تسوي فيني كذا يعني نست كل شي حلو بيننا واذا قلتلها اشفيك تقول ماعندي رصيد ومااقدر اشحن زوجي على قد حاله قلت خلاص انتي متى ماحسيتي نفسك فاضيه قولي انا اتصل فيك وماترسل ولا شي غير انا اتصل وقالت خلاص زوجي يروح العمل الصباح اكلمك براحتي وقلت طيب والحين صارلها اربع شهور وهي متغيره مدري ليه وانا قاعده احس فاقدتها جوالي صار مايدق يمكن اسبوع محد يكلمني بس الأهل لأني قطعت صاحباتي كلهم عشانها والحين لا هي ولا صاحباتي واتذكرها كل يوم واقعد ابكي وادعي ربي اني اتزوج يمكن انشغل مثلها لأني تخرجت الحين واحس بفراغ يذبحني بعدها

تكفون قولوا لي شسوي خلاص اقطعها وانسحب من حياتها والا وش السوات؟؟
ونسيت اقولكم انها اتصلت فيني قبل فتره وتقول انها حامل وتبي اسم حلو لو جابت بنت وقلتلها سميها على اسمي مزحه برزحه وقالت دوري غيره:::يـــاربي بس مقهووووره

>>>>> ردود الأعضـــــــــــــــــــاء على الموضوع <<<<<
==================================


في بنات كيذا ينقلبون بعد الزواج
ويمكن قلبها انفتح لشخص جديد اللي هو زوجها
فماراح تعطيك حب اكثر من زوجها يمكن تعتبر ان هذي خيانه
وان بعض الظن إثم يعني لا تتحسسين من اي كلمه
ويارب يرزقك زوجا صالحا


__________________________________________________ __________

حبيبتي عاااادي البنت بعد الزواج تتغير .... انا عن نفسي تغيرت بعد الزواج

وتخيلي تغيرت على من ؟؟؟؟ تغيرت على امي وابوي والاخواتي فديتهم والله

لا القعدات معاهم والتلفون معاهم .... كله يزعلون مني انك نسيتينا ووووو

بس شسوي مشغوله بزوجي .... حبيبتي عادي هاذي صديقتج تغيرت بعد الزواج

مو مشكله وانتي لا تكلمينها واايد متى ما صارت قديمه شوي ع الزواج هي بتكلمك بنفسها

ربي يرزقك بالزوج الصالح عاجلا غير اجل يااااااااااااااااااااااااااااااااااااااااااااااااا اااااااارب العالمين


__________________________________________________ __________

ويادوب مسكت نفسي عشان الناس ماتفكر فيني غلط
انا عن نفسي وسامحيني
لما قاعده اقرا ماعجبتني علاقتكم
اللي نعرفه الصديقات يفرحوا لما يجي عريس يخطب اي وحده فيهم
مررره سامحيني علاقتك تعدت حدود الصداقه وصلت لتملك الغير مقبول
ولا تحسبين ان راح فكري بعيد لان على كلامك انك مسكتي نفسك ماتبين الناس تفهمكم غلط
تبين الصراحه بعذرهم لو يفهمون غلط

وهي لقت علاقه جديده طبيعي انها تنسى امها اللي جابتها
وانتي اللي يرزقك بالزوج الصالح


__________________________________________________ __________

السلام عليكم ورحمة الله وبركاته
شوفي عزيزتي صاحبة المشكله
قريت كلامك كله وكنت معاك بالجو وكأنني عايشه وياكم لحظه بلحظه
عزيزتي
مابني على باطل فهو باطل
ياعزيزتي الصداقات ماتكون بهذا الشكل وبهذا التعلق الغريب
عزيزتي لاتتصورين انو انا فاهمه علاقتك بصديقتك غلط مثل مايخطر على بالك ومثل ماموجود من علاقات مشوهه لا والله انا فهمت البراءه اللي بداخل وبنفس الوقت فهمت الضعف والفراغ اللي تعانين منه
عزيزتي
اقولها لك ولكل من لها صديقه بنفس التفاصيل هذه الصداقات مو صحيحه ولا ينكتب لها عمر طويل لانها صداقات متطرفه
ياعمري انا بعمر والدتك والى الان عندي صديقات من ايام المتوسطه والجامعه وعلاقتنا والحمد لله روعه
تعرفي ليش؟
لانها كانت سليمه ومعقوله من بداياتها
ايش يعني تتكلمون بالتلفون ساعات
هذا حرام عزيزتي
وحتى لو تجين على حكمها بالشريعه الاسلاميه تشوفيها كمان حرام
مافكرتوا بالتبذير؟
ماتذكرتوا قول الله سبحانه وتعالى ان المبذرين كانوا اخوان الشياطين؟
عزيزتي الحياة العمليه ماتستحمل كلام وسوالف بالتلفون ساعات
المفروض كل يوم كل وحده تتطمن على الثانيه كلام وسلام كم دقيقه وخلاص
الحياة مو سوالف وكلام على التلفون عمال على بطال
كل وحده فيكم راح تكون مسؤوله عن بيت واولاد وزوج وتربية جيل
الجيل مايتربى وراعية البيت تتكلم بالتلفون ساعات
الجيل مايتربى وراعية البيت تدفع قوائم تلفون فلوس يابو فلوس
لا الله يرضى ولا عباده
انتو من البدايه غلطانين والغلط الاكبر من اولياء اموركم
اذا كانت صديقتك ماعندها ام تهتم بيها فوالدتك عليها الغلط الاكبر
وين كانت من كنتي تتكلمني بالتلفون ساعات؟
ليش مامنعتك من هالتصرف؟
لو كنتي بوقتها بدل ماتتكلمين بالتلفون ساعات طويله كان تمسكي كتاب وتقريه وتثقفي نفسك وتستفيدي
او تقري قرآن او تصلين نوافل اذا كان وقتك فائض
كل شيء حكيتيه من بداية علاقتكم غلط بغلط
والان صديقتك الحياة اجبرتها ان تصحح غلطها وانت ان شاء الله تفيقين لنفسك وتهتمين بحالك
كلمه اوجهها لكل بنت تمر من هذه الصفحه وتقرا هالكلام
لاتجعلون علاقتكم بصديقه اقوى من علاقتكم باخواتكم وامهاتكم
ولو لم يكن لديكم اخوات فأي فرد بعائلتكم وعايش وياكم هو اولى واحق بهذا الحب والتعلق
والا ستقعون في مأزق يصعب الخروج منه

تحياتيييييييييييييييييييييييي


__________________________________________________ __________

حببيتي الاخت بكيزا كفت ووفت من نقطة

واحب ازيدلج من نقطة ثانية

الحياة مسؤؤلية واهتمامات ومشاغل وامور

من المستحيل تقارنين نفسج انتي لا شغل ولا دراسة
بهي انسانة متزوجة عندها بيت ورجال وعيال(اهل الزوج) وغيرها من الناس الي يومية تشوفهم ومضطرة تتعامل معاهم اكيد هي هم لسى تحبج وتفتكر الايام الحلوة وياج

بس الحياة اجبرتها وتغير الظروف اجبرها انها تتغير
حاول تنشغلين بشغل بعمل بتعليم طبخ بقراءة بصلاة بقران

ويارب يقدملج الي في الخير