عنوان الموضوع : نصائحكم وآرآئكم بمشكلاتي..
مقدم من طرف منتديات نساء الجزائر

نصائحكم وآرآئكم بمشكلاتي..





بسم الله الرحمن الرحيم

السلام عليكم ورحمة الله وبركاته


انا متزوجه صرلي شهرين.. واتزوجت عن حب
حبينا بعض سنتين وكان زواجنا من سابع المستحيلات لرفض اهلي بسبب
اني ما يصير اتزوج الا من نفس المحافظه الي انا منها
يعني نحنا من نفس البلد بس اختلاف المحافظات كان رفض اهلي الشديد..
تمت الخطبه الحمدلله وتم الزواج ولله الحمد معجزه الاهيه.
من اول ما تزوجت وانا بس بدي اعرف ان بصير في حمل ولا لآ
وهاد اي بنت اول ما تتزوج بتصير بدها تعرف اذا بتجيب اطفال او في مشكله.. بس الشهر الأول عملنا موانع مشان مو ع طول
بس انا بس كنت بدي اعرف ..
ولله الحمد تم الحمل بأسرع ماكنت اتوقع..
الشهر التاني حملت واول ماعرفت اني حامل كنت رح طييييير من الفرحه
خبرت زوجي والي كنت افكره انو كتير رومانسي ع حسب ماكن يصورلي
رومانسيته وقت الخطبه..
طبعا خبرته بطريقتي.. شيكت نفسي وانتظرته لما اجا..
خبرته اني حامل .. كان ردة فعله بارده .. قال والله مبروك..
وانا كنت متوقعه كون فرحته اكبر من فرحتي..
لأنو هاد الحمل زهرة حبنا وعذابنا طول السنوات الي راحت..
وع فكره من اول ما تزوجت وانا كل فتره اعمل جو رومانسي وشموع وهالحركات واجيبله هدايا..
يعني من اول ماتزوجت يمكن 10 هدايا جبتله وهو مابيجي ببالي شي اسمو رومانسيه..
ولا مره جاب لي هديه..
بتمنى يجي ع شي مره جايبلي هديه مفاجأه..
هدية الحمل ماجابلي ولا فكر فيها حتى..
يمكن انا رومانسيه زياده.. بس انا مابحب يكون ناشف هيك..
فتحت الموضوع مره معو بكل هدوء حسيته اتدايئ وزعل..
قلي انا مو متل ما انتي بدك ..
سكتت وماعاد جبتله سيره.. وانا هلأ متل الي مليت ماعاد عملت جو ولاشي..
نرجع لحملي..
هلأ عم يصير معي شغلات بتدايئني كتير..
يعني بكره ريحة زوجي مرات ومابطيئ اقرب عليه او يقرب عليه
مع العلم اني بمووووت فيه
وبكره ريحة دخانه الي كنت احبها ومع هيك بدخن..
ممكن اقدر اقرب عليه من غير ما يدخن
بس لما يدخن بكره ريحتو وبكره كل شي وبلعبن << يعني معدتي بتقلب..
شو اعمل مابعرف..
وبالنسبه لإسم الطفل..
كنا متفقين انا وياه من وقت الخطبه على اسم البنات بس الأولاد لآ..
وبعد ماتزوجنا لما حملت قال هو الولد التاني لازم يسمي ع اسم امو..
اول شي رفضت لأنو اسمها مو بوقتنا .. ونحنا كنا متفقين على اسماء ناعمه وحلوه وصغيره..
المهم بعد طول نقاش اتفقنا ووافقت ..
بس الولد كانو اهلو ينادوه ابو فلان..
وانا هلأ ابدا ماعجبني الإسم وهو وافق انو نغيرو عادي عندو..
اهلو نطو ومابصير ومابعرف شو والكل صار يتدخل..
وسبق لما اهلي قالو شو رأيكم بهاد الإسم بس يعني عرضو علينا كم اسم..
قالي انا مابحب حدا يتدخل بحياتنا لا اهلي ولا اهلك..
ولما اهلو يتدخلو بسكت ومابحكي ولا كلمه وبوافقهم الحكي..
وانا مابحكي قدامهم شي مشان مايحكي الحق ع مرتو..
عدة شغلات مدايئتني كتير..
وعرضتها عليكم لأني بعرف راح تريحوني بنصائحكم...
لكم جزيل الشكر..

اختكم / بسمة أمل/

>>>>> ردود الأعضـــــــــــــــــــاء على الموضوع <<<<<
==================================


حلي كلش بتفاهم


__________________________________________________ __________

حبيبتي كلميه وهورايق اوامكن تكلميه في اوقات مو رارايق انتبهي من هذي ناحيه مواوقات مومناسبه مثل جوعان او يبغى ينام يالله الله يسرلك امرك يارب ومكن ماتفهمتوا مع بعض وامكن عشان بداية حياه زوجيه لاتنسيني من دعاء وان ربي يحقق مافي قلبي


__________________________________________________ __________

بصراحه مااشوف فيه مشكله باي شي انتي مكبرة الامور واحمدي ربك ع كل حال
تقبلي مروري


__________________________________________________ __________

حبيبتي هاي اسمها بهارات الزواج لسه بعيد الشر تشوفي المشاكل الحئيئة بين الازواج الله يخليكو لبعض ويحفظكو من كل شربالنسبة للرومانسية والهدايا والخ.. يمكن زوجك متدايق من شي قصة خاصة انو بعد الزواج الحال بتديق شوي انو تكلفة الزواج غاليه بعين الله حبيبتي انتي حاولي سايري لابعد حد بلاش تخربو بيتكو من شوية مشاكل اما بالنسبه للاسم حبيبتي كل شي بوقتو حلو ما تعملو مشااكل وتكبروها منشان اسم
الصبي بيجي وبجي اسمو معوانتي قليله شو بدك بصير بس خلينا اعطيك رأيي وهيك كونو حلوين واقرأي مواضيع عن التصرف والتفاهم مع اهل الزوج في مواضيع كتير اقرأيها واستفيدي منها


__________________________________________________ __________