عنوان الموضوع : مش عارفه اعمل ايه -تم الاجابة
مقدم من طرف منتديات نساء الجزائر

مش عارفه اعمل ايه



الســـلام عليكم ورهمة الله وبركاته
ازيكم يا احلى ستات واحلى بنات ف الدنيا .. كل سنه وانتوا طيبين وبالف صحه يااااارب
رمضـان مبارك ,,,

اولا احب اشكر اللى قاموا على عضوية مشكلتى وربنا يجازيكوا خير يارب

انا كان عندى مشكله صغنونه كده وعشمى فيكوا بعد ربنا

انا عندى 17 سنه ف تالته ثانوى عام ومخطوبه
ومخطوبه عن حب .. انا اعرف خطيبى من 8 شهور ومخطوبين من 3 شهور
المهم ياجماعه خطيبى غيووور جدا
او عصبى مش عارفه اقول ايه
زعل منى ومخاصمنى بقاله 5 ايام , وكل ده بسبب النت
انا وهو مشتركين ف سايت انا نادر جداا لما بدخله
ف واحد من السايت ده وهو الادمن كان بيرد على مواضيعى وف كلامه نبرة غزل شويه
ف خطيبى بقى شاف الكلام ده .. قبل حتى ماانا اشوفه
وخااانقنى خناقه كبيييييره وقاللى كلام جارح اوى
طيب قولولى انا ذنبى ايه هو انا كنت كلمته ؟؟
المهم امبارح الساعه 3 الصبح بعتلى ماسدج بيقوللى كلمينى
كلمته اتفتح فيا ويقوللى انا لو مابعتش انتى ولا هتعبرى .. انتى خلاص مابقتش بتفرق معاكى
انا فعلا ماكلمتوش من يوم ماخانقنى
لانه ف زعله بيكون انسان تانى خاااااااااااالص
بيكون قاسى اوى وبخاف ف لحظة غضب يقوللى كلمه كده او كده وانا مش هسامحه و تهد كل اللى بينا
مع ذلك كلمته وفعلا فضل يقوللى كلام زى السم
ع فكره قبل مايعرفنى كان يعرف بنات وعلاقاته بيهم كتير وهو بنفسه قايللى
ف امبارح ف الاخر المكالمه قولتله انا ماقبلش شكك فيا
ولا عشان انت علاقاتك كتير بالبنات فاكرنى كده
راح سكت وقاللى شكرا لحد كده وراح قاااااااااااااافل
ساعدونى ياجماعه انا والله تايهه
مش عارفه اعمل ايه انا عمرى ماحبيت غيره
ومش عارفه انا مفروض اصالحه ولا هو اللى يعتذرلى
لانه بجد جرحنى كتير اوووى
وانا كرامتى غاليه عندى اوووووى

افيدونى بالله عليكم

>>>>> ردود الأعضـــــــــــــــــــاء على الموضوع <<<<<
==================================


ياعمري ياصاحبة المشكله
هذا انت اللي قلتي ان الادمن رد على مواضيعك بكلام غزل
يعني مو خطيبك هو اللي بيتهمك
اذن خطيبك عنده حق وستين حق كمان
ياعمري لاتخربي على حياتك وتضيعي حبك بسبب ناس وهميين
مين هذول اللي في الانترنت ؟؟
مجرد اسماء مستعاره لاوجود لها على ارض الواقع
خلي بينك وبين خطيبك عمار وعساها بينك وبين هذول الناس خراب
اتركي هذا الموقع اللي قلتي عنه عشان خاطر عيون خطيبك
هو يستاهل واكثر بعد

ربي يتمملك بخير وتعيشي حياة سعيده
امين يارب


__________________________________________________ __________

اطلعي من المنتدى كله وريحي راسج وبلاش مشاكل مع خطيبك بسبب الناس وانتم لسا ع البر..معليش ياحبيبتي مفيش حلاوه من غير نار وازا انتي بتحبيه لازم تتحملي...عشان عين تكرم مدينه...وبلاش تبدأ حياتكم بمشاكل تافهه


لاتخلين النت يكون سبب بالخلاف بينكم..وتشكرات..


__________________________________________________ __________

انا عندي نفس المشكله بس هوه في موقع من المواقع الاجتماعيه الي لايمكن الدخول اليها بسم مستعار
بس المشلكه فيه هوه عنده بنات كثير في بروفيله وهوه بصراحه كان معايا صريح من بديه علاقتها
بس الان اكثر اصدقائه في النت بنات وهوه يعرف اني بتضايق من الحاجه دي لانهم اول ما ينزل صورتو ولا يكتب موضوع
تشوفو التعليقات والكلام الفارغ مليان بروفيلو وانا كل ما كلمو ما يديليش وجه او بلاصح يطنشني
وانا الحاجه دي بتديقني كتير يا ريت تساعدوني انا بقا
وارجو انت تتقبل مروري صاحبت الموضوع لاني نزلت مشكلتي كمان هنا


__________________________________________________ __________

اتصلى بية و كلمية براحة و قولى لة انك لغيتى هذا الشخص من اللادمن او لغيتى الاميل كلة و ابقى اعملى غيرة بعد ما تستاذنية و اعتذريلة هتلاقية اعتذرلك هوة كمان على اللى قالهولك ................. و اتمنى لكى كل التوفيق .


__________________________________________________ __________