عنوان الموضوع : خففواعني من الحال اللي عايشه فيه -لصحتك
مقدم من طرف منتديات نساء الجزائر

خففواعني من الحال اللي عايشه فيه



السسسسلام عليكم

المشكله بين ايديكم اتمنى تقرونها ابي لو نصيحه لان صايره


مااطيق الحال ابداااا


المشكله ابتدت من 3 سنوات كان مشكله بين اختي وخالتي والسبب

تافه (جوال) ولين الحين مايكلمون بعض قبل العام خالتي ماسلمت على

اختي والسنه ذي اختي ماسلمت عليها...<اتوقع مافي امل يتصالحون

مدري ليه شينه الانفس..


وخوالي لهم اسبوعين عندنا المهم خالتي دايم تقول جهزوا لسواقي

شاي جهزوا اكله وكذا مره رجعت من السوق قالت جهزوا الشاي

قالت اختي لازم يشرب شاي خالتي سوت سسالفه وزعلت

مع ان اختي مو اول مره تقولها تقولها من سنوات بس خالتي

تطنش بس مدري ليش ذي المره زعلت مع ان خالتي ماتقصر

دايم تجرح امي بالكلام وتذم ببيتنا مع انها كل عطله تجينا وتقعد شهر

او شهرين لانها موظفه وفلوسها بيدها وبيتها توه جديد

وامي مو موظفه ربه بيت وديام تعيب ونسسكت


المهم بعد سالفه الشاي خالتي صارت تكشر بوجه امي وتحاول تتجنبها

خالتي اخذت اعراضها وراحت بيت خالتي الثانيه بدون ماتقول لاامي


كل ششششي اخذته الا كيسين اللي شاريتهم من السوق


وامي زعلت قالت انا ماسويت شي ليه تسوي كذا امي دقت قالت ليه خذتي

اغراضك قالت يوم وبرجع قالت امي يومم وماخذه كل شي


امي عصبت والكيسين الباقيه ارسلتهم مع اخوي لبيت خالتي


خالتي جت اليوم الثاني تتفاهم مع امي .. امي مسكينه صابره وكاتمه

بقلبها من سنين وقت خالتي جايه تتفاهم مع امي امي قالت بخاطرها


كلها السنين اللي ساكتها عنها تبي ترتاح...المهم امي ماقدرت تتحمل


قالت اطللللللللللللعي برا قبل لايصير لي شي واروح من عيالي


خالتي طلعت وبعد 10 دقايق امي طاحت علينا وجلست بالمستشفى

من 4 العصر لين 11 الليل وللحين مدري وش صاير لها مو راضيه


تتكلم ولاتقول وش صاير لها وحتى اخوي اللي موديها بالمستشفى ساكت



وخالتي مو هامها شي


المهم بعد يوم جت خالتي وجابت كل اغراضها وامي عييت تطلع لها
خالتي قالت وين امك

قلت تصلي العشاء قالت كل ذي صلاه قلت توتر بعد وش اسوي اضطريت


اكذب المهم شافت امي طولت ماطلعت ضفت اغراضها ورجعت بيت خالتي


والحين امي لاتكلمها ولاهي تكلم امي قطعوااا


وجدتي (ام امي) بس مكشره مدري ليه وهي وبناتها(اللي هم خالاتي)


مع انا ماسوينا شي بس مايطقونا كأنا ماكلين حلالهم...انقلب الوضع عقب ماتهاوشت

اختي وخالتي علشان جوال...


والحين جدتي وبناتها كلهم عند خالتي الثانيه


وامس خالي كلم امي يسولف يقولها انا يوم اجيب امي وخواتي الرياض

خالتي جايه تصيح بالسياره تقول مابي اروح لهم (تقصدنا)مدري وش

مسوووين...وامي قالت العيد مو رايحين لحد بنجلس ببيتنا

متعودين كل عيد نتعيد عند خوالي والحين عقب المششاكل موب رايحين


انا بنتحر باالعطله جالسسه بالبيت لان ابوي مشغول


واخوي يدرس واحس اني مخنوقه ليييييييييييه حالنا كذا



،،

وبعد عماتي جو للرياض بس مافكروا فينا يروحون كل مكان يبون ولا

فكروا يسلمون على احد واذا رحنا اي مكان حطوا سسسالفه


وصارت هوشه مع بنت عمتي وانقطعنا



يعني اعتبر الحييييييييييييين مقطوعه من شجره




تكفوووووون قولوا لو كلمه خففوا عني مليييييييييييت

واسسفه طولت عليكم

>>>>> ردود الأعضـــــــــــــــــــاء على الموضوع <<<<<
==================================


عااادي حبيبتي وش عليك من الناس اللي مايبونكم وش تبون فيهم

وخالتك بالطقاق اللي يطقها هي وأسلوبها الزفت

بصراحة أنسانة لاتحتمل كيف تحملتوها...؟؟

وأهم ماعليكم أمكم المفروض ماتسكتون للي يسيء لها

حتى ولو كان خالة.. ولا وبعد سوو شاي للسواق ليش خدم عند أبوها أنتم..؟؟

أسمحي لي حبيبتي لكن أنتي وأمك وأخواتك ضعيفات ماعندكم شخصية

وإلا كيف ترضون بهالأسلوب..؟؟

المهم اللي صار صار الحين أنتي يعني تبين تجتمعين فيهم وهم كذا..؟

إلزم ماعليك أمك وكرامتك ومولازم تصير جمعات مثل أول هالناس معرفتهم خسارة..

وآسفة على كلامي القاسي لكن بجد أنقهررررت

تحياتي,,


__________________________________________________ __________

لا تزعلي ابدا في هذه المصيبة اللي انتو فيها اعرفتو مين اللي يحبكم واللي ما يحبكم
وانصحك تسمعي نصيحة الاخت ملام
والله يعينكم على اللي انتو فيه


__________________________________________________ __________

عادي حبيبتي اشتري راحت امك بدل المشاكل واهم اهل ماردهم بيرجعون لبعض واغلبيه العوائل فيها مشاكل والله يحننن قلبهم لكم


__________________________________________________ __________

بسم الله عليك مقطوعه من شجره وامك وابوك معاك حبيبتي امك بالدنيا كلها


__________________________________________________ __________

ايه والله امك وابوك واخوانك بالدنيا كلها

وهالنااس معرفتهم خساارة صادقة الاخت ملاام

وياما في اصدقااء احسن من اهل