عنوان الموضوع : تكفون مقهورة مجابة
مقدم من طرف منتديات نساء الجزائر

تكفون مقهورة



السلام عليكم

أنا بصراحة أبي تساعدوني وتنصحوني لأني بصراحة مقهورة مره وماأدري وش أسوي

أنا لي شهرين متزوجة وشهر عسل زين الناس مافيه كان بس ثلاث أيام ؟؟

مع أن ماكان في مشاكل وكنا مبسوطين بالسفرة بس أبوه كل يوم يدق عليه ويقول متى بتجون ؟؟

أنا عاد سكت ماأقدر أقول شي مستحية المهم إننا رجعنا لبيتنا وبعد مارجعنا صار كل أسبو تقريبا يطلع مع أصدقاءه للبر وأنا يوديني لبيت أهلي

والله تفشلت في أمي وأبوي يسألوني وأنا أختلق لهم أغذار ماأدري وش أقول

وإذا صرت لحالي بس أجلس أبكي ماني قادرة أكلمه ماأحس أني تجرأت عليه

والحين هو يقول الأسبوع الجاي بنسافر وبياخذ أبوه معنا وأنا مادري وش أقول قلت الله يحييه أحطه فوق راسي بس أنا منجد متضايقه مررره

مو مسألة أني أكره أبوه بالعكس والله مره أحبه بس أنه لازق بقوه في ولده لأنه هو أكبر عياله

أحس بقهر مررره ماأدري هو ليش يسوي كذا مع أن تصرفاته معي في البيت طبيعية وماأحس أنه يكرهني أو مايبيني بالعكس أحس أنه متعلق فيني

بس ماأدري وش يخليه يسوي كذا من تزوجنا عمري ماجلست الخميس والأربعاء في بيتي كله في بيت أهلي والمشكلة أن أمي تقول أنتم وش فيكم ماتجلسون مع بعض الخميس والجمعة

وأنا ماأدري وش أرد عليها والله ماني عارفة وش أسوي

أحس بقهرر مايعلم فيه إلا الله الله يخليكم ساعدوني

الله يسعد كل من تساعدني وتنصحني ويفرج همها يارب العالمين

>>>>> ردود الأعضـــــــــــــــــــاء على الموضوع <<<<<
==================================


اختي العزيزة

الله يوفقك ويسعدك ويالف بين قلوبكم انت وزوجك امين

عزيزتي

كل شئ بالحياة تفاهم والخجل والادب له حدود

وكمان بالادب والاحترام ممكن تكلميه

مثلا لما سافرتوا شهر العسل وين برا ولا جوا بلدكم

اذا كان داخل البلد مو مشكلة

اما برا البلد ودافعين تذاكر وشغلة وثلاث ايام مشكلة كان قلتي له بادب خلينا شوي الله يجزاك خير وانا كمان وحشني اهلك واهلي ومانستغني عنهم ياحبيبي ومن هالكلام بس خلينا شوي كمان وحاولي فيه

المهم حصل اللي حصل

لكن بالنسبة لكل اربعاء وخميس

حاولي تكلميه اا تعود صعب يرجع

مثلا

كلميه ليش يازوجي العزيز مانجلس الخميس هذا ونسهر بالبيت

او نروح مطعم او نعمل اي شئ
ومرة اقترحي تروحوا مثلا تسهروا عند اهله ومرة عند اهلك
ومرة يروح لاصحابة
على الاقل مرتين بالشهر لاصحابه ومرتين لك

حاولي معاه
وان مارضي
واذا حابه تجلسي بالبيت لوحدك قولي له ماابغى اروح الخميس هذا عند اهلي


ابغى ارتاح في بيتي

يعني عزيزتي الخجل حلو بس كمان هذي حياة والتفاهم فيها حلو بالاحترام والادب والكلمة الطيبة والحلوة

والحين بياخذ ابوه مو مشكلة

ومرة ثانية حاولي تلمحي له انكم تطلعوا لوحدكم كم يوم وانك تفرحي معاه وتحبيه ومن ذا لاكلام لعله يفهم

الله يهدي ابوه ويبعد عنكم شوي

حاولي عزيزتي شوي شوي وبالدلع والكلمة الطيبة والاحترام تفهميه

الله يسعدكم ويوفقكم


__________________________________________________ __________

انا مع اختي بحور يعني مره عندك اهله ومره عند اهلك

ومره اجلسي في البيت معه مهو كل يوم عند اهلك يالغلا

واذا علي ابوه وش تسوين بعد الشكوه لله


اصبري والتفاهم كل شي يصير

والله يوفقك


__________________________________________________ __________

الله يوفقك يا قمر ويسعدك

انا ما اشوف إن فيها غلط لمن تروحي بيت اهلك عادي انا عن نفسي احب اروح بيت اهلي واخليه يروح مع اصحابه بس المشكله عندك إن مو دائما المفروض لو يوم واحد تروحوا مطاعم تروحوا تتمشوا وإنتي لسى ببدايه الطريق حاولي تجيه بالمسايرة والكلمه الحلوة وأبوة يحبكم عشان كذى لاصق فيكم
مره عن مره راح يخف عنكم
وشكرا لكي


__________________________________________________ __________

لاتسكتين ياحبيبتي
كذا بيتعود عليك كلميه بهدوء وحاوريه
وانتي اقترحي عليه مو شرط تنتظرينه يقول وين بيوديك
غيري من هذا الروتين
ومهما كان هذا ابوه مضطره تستحمليه بس فتره ويفك عنكم مثل ماقالت اختي اللبوة
والله يعينك ويصبرك يارب ويسعدك مع زوجك


__________________________________________________ __________

خيتي يسعدني ان اشركك في حل مشكليتك ومثل مقلين لك اخواتي من قبليى حولي تكلميه لان المراه اذا وجدها الرجل سهله ترا تضيع حقوقها افرضي شخصيتك وضعي لك خطوط كي لي يتعدها ودمتي