عنوان الموضوع : بدون عنوان مجابة
مقدم من طرف منتديات نساء الجزائر

بدون عنوان



اخوي في ورطه ساعدوني

السلام عليكم ورحمة الله وبركاته

اخواتي انا اكتب هالمشكله وانا في حيره شلون اتصرف مع هالورطه
المهم انا اخوي متزوج وعنده ولد زوجته من جت عندنا وطبعا هو اللي اختارها وهي تلبس عبايه ضيقه وجريئه المشكله هذي تعبنا معها فيها وسكتنا المشكله الحين جابت ولد وكبر وعمره سنتين وزوجي يقولي لا تكلميها هذي قليلة ادب ولا تستحي شوفي شلون تمشي بهالعبايه الضيقه بالشارع ولا حاسبه لاخوك حساب وهو ساكت ما عنده غيره ولا يفكر يأدبها
اخوي انسان احسه طيب وفيه نسبة سفاهه لدرجة ان زوجته تمشي معه ويشوفها تسولف بصوت عالي قدام الشباب ولا يمنعها ومخليها على كيفها المشكله الاعظم ان صديق اخوي شافوه ناس وهو يطلع من شقتها ولما صارت هالسالفه زوجي منعني اكلمها وقالي زوجة اخوك مو محترمه ولا تروحي معها وانا قلت شوف هذي زوجة اخوي وما تمنعني اني اروح لبيت اهلي واشوفهم وبعدين هذا كلام كذب اللي قالك كذاب يبي يشوه سمعتها ويجيب كلام من عنده
حاول يقنعني وقال هذا صديق اخوك دايما معهم وين ما يروح ياخذه معهم و و و
وانا اقول مهما كانت جريئه مستحيل هالشئ يطلع منها وبقيت مصره على رايي وبعدها زوجي مشى لعمله وهي اتصلت وقالت بجي انام عندك قلت حياك الله وانا بصراحه ما ودي لان زوجي يقول لا تكلميها والحين اخليها تجي تنام عندي بس غصب علي
المهم جات عندي وكنا نسولف وانا ماخذه جوالها واطالع اللي فيه وافتح صندوق الوارد واشوف حافضاتي والا اشوف صوره مضيعه بين الاشياء وافتحها الا هي صورة صديق اخوي وانا ضعت وقلبي صار يوجعني على اخوي ونفسيتي تعبت بس ما بينت لها حاولت اكون طبيعيه ولا قدرت انام بهذيك الليله والحين شنو اسوي اخوي غبي وعلى نياته ولا يدري باللي يصير حواليه وانا نفسيتي تعبت ولا عارفه شنو اسوي وشلون اتصرف مع هالورطه واللي اعرفه ان الكل يتكلم عليها انها مو محترمه اهلنا كلهم الا اخوي ما يدري هو يحبها وهالحب مغشي عيونه والمشكله انه لو تركها بيرجع على هسترته وضياعه الاول لانه كان بالاول ضايع وراعي بنات
بس انا قررت بعدها اقول كل اللي يقولونه عنها لاخوي واجلس معه ومعها واذا نكرت اخذ جوالها واخليه يشوف الصوره بعينه
بس بنفس الوقت مابي اهدم حياة احد مع ان الشئ هذا يستدعي اني اهدم هالمسخره اللي صايره
ساعدوني ووجوهوني الله يفتح عليكم ابواب رحمته

>>>>> ردود الأعضـــــــــــــــــــاء على الموضوع <<<<<
==================================


شوفي ياقلبي لا تسكتين بعدين هذي قليلة ادب
حرام تربي ولد اخوك لان الولد اكييييد بيطلع زي امه
امسكي اخوك خليه يجي عندك البيت وكلميه بهدؤ
فهميه الموووضوع كله وقولي له يفتح جوالها ويدخل على الحافضه ويشوووف الصوره بنفسه
وبكذا تكونين سويتي الي عليك وفهميه ان الناس تتكلم فيها وفي عبايتها ووووو



والله يووووفقك




دعوووووات ربي يحقق الي في باااالي



بيلساااان


__________________________________________________ __________

كثير بنات كدا بس فهمي اخوك وهويتصرف ودخلوها تحفيظ احسلها بعدها بتتادب شكلها بتسمع اغاني كثير ومتأثرة ومسلسلت تركية الله يهديه00 ان الله يهدي من يشاء 00


__________________________________________________ __________

هلا حبيبتي

انا من رائي انك ماتتسرعين بالموضوع انتي تعرفين ان هذا مستقبل اخوك وطفله

و هذا شئ طيب انك تفكرين بااخوك وسمعته

طيب في البدايه ماله داعي تكبرين الموضوع لان هذا شئ راح يهدم حياته

ومستقبل اخوك وبعدين صعبه تفرقين بين الكبار وبينهم طفل ومهما كانت امه

غير محترمه اكيد الطفل محتاج لــ.. امه ومهما كثرت الاسباب

افضل حل يالغلا انك تتكلمين من رجل ثقه يعني اذا كان عندك اخو ثاني او رجل مقرب

لــ.. اخوك من العائله انه ينصح اخوك ان يشدد على زوجته وماله داعي زوجك يتدخل بالموضوع

ولافضل انك ماتقولين لزوجك عن موضوع الصوره لانه راح يحرمك من طفل اخوك

وانتي لاتكلمين اخوك ابد خلي رجل يكلمه رجل مع رجل يتفاهمون اكثر

لانك اذا نصحتي اخوك راح يفهمك غلط او زوجه اخوك راح تفهم غلط

وبتحط في بالها انك تغارين منها والخ

لكن اذا جاء الكلام عن طريق رجال واذا مافيه رجال خلي امك تكلمه احسن

ويكلمونه بالكلمه الطيبه وبالنصح وانه يشدد على زجته ومايخليها تلبس مثل هذي الاشياء

وتعدل مشيتها والخ واذا مااقتنع لمحوا له انه يراقبها بغيابه ويشوف الشئ بعينه احسن من الكلام

عموما كثير حريم من هالنوعيه زوجه خالي نفس حاله زوجه اخوك لكن انا مالي دخل فيهم

جدتي تحاول تلمح لــ... خالي والله يعين

واتمنى اني افدتك


__________________________________________________ __________

هنوف 11 رأيها جميل جدا وانا معها


__________________________________________________ __________

حبيبتي هنوف المشكله ان اخوي عصبي ولا يرضى يسمع نصيحه من احد ابدا ولااحد يقدر يتفاهم معه لانه متهور واذا احد نصحه او كلمه يصير كنه مجنون ويكسر الاشياء والابواب يعني يعبر عن عصبيته
ويعتبر ان اللي يكلمه يعني يهينه
وعلى فكره انتي تقولي لا تكبري الموضوع شلون يعني ما اكبره هو كبييييير هذا موضوع يمس الشرف والسمعه ومافي شئ اكبر من كذا واذا على الصوره انا ماقلت لزوجي ومستحيل اقوله مابي اشوه صورتها اكثر من كذا كل اللي اقدر اقوله حسبي الله ونعم الوكيل
زوجي مره كلم اخوي وقاله زوجتك انتبه لها ولا تخليها تطلع بعبايه كذا ولان اخوي غبي راح وقال لزوجته ان زوج اختي يقول عليك كذا وهذيك حقدت على زوجي يعني باختصار اخوي فيه نسبة غباء وسوء تصرف وزوجته فيها خبث ولها سوابق
زوجي هو قريب منه لانه كان يدرس معه وبنفس العمر يعني في نوع من الصحبه بس زوجي ما يقدر عليه ولا يرضى يكلمه يقول اخوك عقله صغير وعمره ما بيفهم
مشكورين جميعا لاعطائي الحلول لكن اللي مو مقنع انها حتى لو تعدلت السمعه وصورتها قدام الناس خلاص تشوهت وقدام اهلي بالذات يعني حتى لو في حلول ماراح تكون جذريه
يعطيكم العافيه