عنوان الموضوع : المشكله مش حجي حج زوجة اخو زوجي ساعدوها مجابة
مقدم من طرف منتديات نساء الجزائر

المشكله مش حجي حج زوجة اخو زوجي ساعدوها



السلام عليكم اخواتي
المشكله في زوجة اخو زوجي بس انا ابي اعطيها نصايح وافيدها بس مو عارفه قلت اخذ اراء خواتي في المنتدى اتمنا تفيدوني
المشكله ان زوجة اخو زوجي عصبيه شوي مشكلتها عند زوجها هيه دائما تشكيلي عنه وتقول ان زوجي ما يجلس معاي وهوه فعلا انا اشوفه ان ما يجلس معاها احنا في نفس البيت من الصبح يقوم ويروح الدوام وبعدين من الدوام حج الجامعه وتقول ان ما يجي الا باليل وعلى طول ينام حتى ما يسولف عندي وهيه ما مقصره معاه تسويله كل الي يباه بس هوه مادري ليش شذيه المهم لما تشكيلي تكسر خاطري تقولي والله يقولي لو عندي فلوس بتزوج عليج ولما تروح بيت اهلها ما يتصل فيها ولا يسأل عنها واذا اتصل يقول لها اذا تبين تجلسين عند اهلج بعد خليكي تقول ما يشتاقلي بس يشتاق حج ولده وهوه بروحه يقولها انا ما اشتاجج ولا شي بس ابي ولدي انا قلتلها سويله جو حلو رومنسي شمووع وكلام حب وهالسوالف تقول اسويله بس ما يعطيني وويه ومره وحده كان عيد ميلاده والمسكينه تبى تحتفل فيه جهزتله كل شي واخر شي لما دخل الغرفه قالها ييبي الكيك وتعالي برع المسكينه سمعت الكلام وودت الكيك واحتفل برع عند الاهل ولما دخل الغرفه قالها انا ما احب هالسوالف انا ما ادري ليش هوه شذيه وما ادري العيب من مين احيانا احس ان هيه ما تناسبه لان تفكيرهم مختلف هوه جامعي ومستواه اعلى من مستواها وهيه مب دارسه الا ابتدائي احيانا احس ان هيه ما تعرف تتفاهم معاه وعشان شذيه هوه ما يحترمها واحيانا احس ان هوه مقصر معاها انتو شو تقولون وشو تنصحوني اقول لها اذا شكتلي ردو علي

>>>>> ردود الأعضـــــــــــــــــــاء على الموضوع <<<<<
==================================


حبيبتي امكن المشكله شوي بيغالها صبر
خليها تحاول مره مرتين...........
تشوف الاشياء اللي يحبها تسويها تتدلع تحاول تجذبه

الله يعينها

تحياتي


__________________________________________________ __________

لاحول ولا قوة الا بالله الله يقر عينها بزوجها ياارب
خليها تحاول تتعلم تتثقف وتتعلم اشيااء كثيره
وان شاء الله تفهم له والله يسعدها


__________________________________________________ __________

حرام ....قطعت قلبي !

الصراحة بعض الرياييل ماعندهم قلب

انتوا تقولون لها سوي له جو ومادري شنو

صج انه هالشي مهم بس كونها ماتسوي له جو مايعطيه الحق

يعاملها بهالطريقة لانه تعامله تعامل واحد يكرهها مو متملل يعني

يمكن تزوجها بالغصب يعني كان مغصوب عليها

عموما الله يقر عينها فيه ويملي قلبه بحبها


__________________________________________________ __________

أقول ياحبيبتي هذا الرجال ما ينفع فيه الا التطنيش قوليلها لاتدق عليه ولا ترسل له وتقوم بواجباته وهي ساكته وهو راح ينجن وده يعرف وش اللي مشغلها عنه ويخليها ساكته والله انا كنت زي كذا وصرت اطنشه زي مايطنشني واكثر صار يجي ياخذني من اهلي غصب والقاه مسويلي جو رومنسي بالغرفه بعد المسأله يبيلها وقت وصبر مافيه شي يجي بيوم وليله والله يوفقك ويوفقها


__________________________________________________ __________

ياحبيبتي كونه حاصل على تأهيل علمي اعلى من زوجته هذا لايعطيه الحق بتجاهلها
او اهانتها والتقليل من شأنها
هو من خطبها واختارها او حتى ولو كان اهله هم من اختاروها
يعني كانت هي او اهلها كذبوا عليه من خطبها؟
قالوا له هي مهندسه او طبيبه وطلعت خريجة ابتدائي؟
ما امامها غير انها تتجاهله مؤقتا
وتشوف ايش راح يصير
ربي يسعدها ويسعد كل مسلمه

ودي وتحيتي