عنوان الموضوع : عاجل جدا -لشعر جذاب
مقدم من طرف منتديات نساء الجزائر

عاجل جدا



بسم الله الرحمن الرحيم

اخواتى انا عضوة جديدة معاكم ولى سؤال وعايزة الرد عاجل
انا شعرى مجهد وضعيف وبيتساقط وفيه كسرات وجاف سمعت عن فرد الشعر بالكيرياتين وفيه منتديات شكرتلى فيه واتصلت باحدى الكوافيرات المشهورة فى مصر لقيته بيعمله ب2017 جنيه بس هو قالى انه بيقعد مفرود من سنه الى 3 سنوات فهل الكلام ده صحيح لان واحدة صاحبتى قالتلى ده بيقعد 3 شهور فقط والمبلغ اللى هدفعه مش قليل عشان ماستفسرش ولى قريبه قالتلى انه فى مواقع اجنبيه كتبت انه بيجيب سرطان لفروة الراس ارجو المساعدة ولا تبخلون عليا بالنصيحه

>>>>> ردود الأعضـــــــــــــــــــاء على الموضوع <<<<<
==================================


عندي معلومات عن العلاج بالكيراتين سمعتها من خبير شعر لبناني في التليفزيون في قناة o tv في برنامج صباحك سكر زيادة

أولا الكيراتين هي المادة الطبيعية اللي بتغلف الشعرة و اللي بتروح مع العوامل المؤثرة على الشعر زي الفير و الاستشوار و الشمس و البحر و كلور البيسين و ما الى هذا

المادة دي بيجيبوها و بيفرودوها على الشعر ولكن قبل فردها يغسل الشعر بشامبوه خاص بنفس المادة و يتم الفرد بترك سم من الفروة و بعدين يتعمل سشوار ثم فير بالبيبي ليس

وبعدها يقعد الشعر 3 أيام بدون غسيل و بدون ما تحطي فيه توكة أو كلبس شعر و بعدها تروحي الكوافير يغسلهولك
تكرر العملية من مرة الى 3 مرات حسب حالة الشعر الصحية بين كل مرة و مرة شهر أو شهر و نصف
انا شفت النتيجة الشعر ناعم و ليه لمعة حلوة كتير و ليه سمك نتيجة تغليفه بالكيراتين
كمان هو بيعالج الشعر المقصف و المجهد من كثرة الصبغات

أحلي حاجة في الموضوع :

انه بيفرد الشعر و يخليه ليس من دون ما يضره زي البيرمنانت
بس اللي بيفرد الشعر بيكون فيه مادة الفورمالين هى زي ما قال غير مؤذية على الصحة العامة
و فيه نوعين نوع تركيز الفورمالين فيه 2%
ونوع 4% طبعا ال4% بيفرد الشعر اكثر
بس الخبير شخصيا كان بيستخدم النوع الثالث وهو نوع خالي من الفورمالين تماما
وعلى فكرة هو غير اليـــــــــــــــــــــــــــوكو الياباني
لانه بيخلي الشعر مش هو لييس و ملزق قوي زي اليوكو كمان هو أخف على الشعر و بيعالجه مش بيجهده زي اليوكو
كمان ما تقدريش تعمليه في البيت لوحدك لازم تروحي لمتخصص و يكون ثقةعشان يكون بيستخدم منتجات كويسة و أصلية
و متجبش سرطان لا قدر الله
على فكرة من الطبيعي ان ما فيش فرد يقعد من سنة الى 3 سنين لان الشعر بيطول كل شهر يبقى الزاي يا فطومة ؟؟؟
انا كمان مصرية . بس ما اعرفش حد ممكن افيدك انك تروحيله
بس من رايي الشخصي لازم تروحي لحد معروف ما دام انتي مستعدة تدفعي و مش فارقة معاكي التكلفة زي صالون محمد الصغير مثلا
لان الخبير أكد ان الكوافير لازم تكوني واثقة فيه عشان يكون بيستخدم
ماركات كويسة من منتجات الكرياتين
يا رب أكون أفدتك
و لو عمالتيه ابقي قوللنا عشان نستفيد منك
اللهم بلغنا رمضان


__________________________________________________ __________


__________________________________________________ __________


__________________________________________________ __________


__________________________________________________ __________