عنوان الموضوع : لعيون نونو الصغيرون وبنات المنتدى صبغة شعرك خطوة خطوة - جميلة
مقدم من طرف منتديات نساء الجزائر

لعيون نونو الصغيرون وبنات المنتدى صبغة شعرك خطوة خطوة



العزيزة نونو الصغيرون
احببت ان ارد عليكي لعلك تستفيدي انتي وباقي الخيات في المنتدى
اولا اذا كان شعرك غامق مستحيل توصلي لطلبك بسهولة وبدون سحب لون
علما بأن سحب اللون من اكتر اعداء الشعر وهو يسحب اللون من الشعرة ويتركها بلون فاتح جدا
ومع سحب اللون بيسحب كل خواص الشعر وبئلك انو سحب اللون يعدم الشعر لدرجة كبيرة لا يمكن اصلاحها حتى بالزيوت الا بعد فترة طويلة وممكن ما يرجع الشعر لطبيعته الا بعد قص الجزءالمصبوغ
نيجي للمفيد
لو انتي عزيزتي حابة نفس اللون اول شي بإمكانك عمل صبغة فاتحة لشعرك واكيد مارح يفتح للدرجة ياللي بدك ياها لكن ممكن يفتح درجتين انتي اصبغيها واستمرى على حمامات الزيت لمدة شهر
وكرري الصبغة باللون الفاتح بالشهر ياللي بعدو رح يفتح كمان درجتين او تلاته ولو كنتي بدك افتح برضه ارجعي داومي على حمامات الزيت وكرريها في الشهر التالت
هيك بتكوني كسبتي اللون ياللي نفسك فيه وبنفس الوئت ما عدمتي شعرك
ممكن بعض انواع الشعر تتقبل الصبغة بسهولة بدرجة اكتر من غيرها
يعني تقبل الشعر للون يتفاوت من نوعية شعر لآخر
كتير من الصالونات بيغلطو بصبغ الشعر وبتلائيه ضرب على احمر يعني ممكن يطلع مايل للنحاسي اكتر منه للأشقر هيدي ممكن تتجنبيها بعمل الخطوة التالية
اول شي البروكسايد اللي بدك تضيفيه للصبغة لازم يكون من تركيز 9% هيدا بتطلبيه من الصيدلي او محلات بيع المواد التجميلية
تاني شي لازم وضروري وهيدا السر انه الشعر ما يضرب على احمر انك تضيفي قليل من اللون الأخضر مع الصبغة لا يتجاوز 3/4 اصبعك الصغير
ولازم تخلطيهن كتير منيح
نجي للخطوات العملية
اول شي لازم تعرفي انه كل ما بعدتي عن جلدة الراس كل ما صار لازم تاخد وقت اكتر
بمعنى انه اطراف الشعر بتاخد وقت اكتر من جذور الشعر لتمتص الصبغة
والسبب انه جلدة الراس عادة بتكون حامية وباقي الشعر بكون بارد فكلما قربتي لدرجة الحرارة اكتر كل ماإنه اخدت لون اكتر يعني تناسب
وفي البداية لازم تبعدي عن جلدة الراس شي 3 الى ا4سم وتدهني الصبغة طبعا بتئسمي الشعر لأجزاء لحتى يسهل صبغة وبتاخدي خصلة خصلة وهيك لحتى تخلصي كل الشعر
بعد هالخطوة بتنطري شي ساعة الا ربع وانتي حاطة طائية بلاستيك او كيس نايلون
بعد هيك بتمشطي الشعر أدر الأمكان مو بالضرورة انك تمشطي منيح لأ
الهدف من الخطوة انك توزعي الصبغة عل جميع اجزاء شعرك بما فيهن جلدة الراس
بعد الخطوة انطري شي تلت لنص ساعة حسب استجابة شعرك للون
اشطفي شعرك بماء فاتر غزير وحطيلو البلسم احيانا بكون مع الصبغة او انتي بتستعملي النوع ياللي متعودة عليه
انطري كم دئيئة ليسفيد شعرك من البلسم وبعد هيك اشطفي بس خلي اثر البلسم بشعرك
يعني ما تشطفيه كتير
هيك بهالطريئة بتحصلي على الدرجة اللي بتتمنيها

بتمنى اكون افدتك عزيزتي نونو الصغيرون
بتمنى كل بنات المنتدى يستفيدو
ملاحظة لازم تلبسي الجلوفزات بإيديكي لأن بشرة الأيدين بتتأثر
بالبروكسيد

>>>>> ردود الأعضـــــــــــــــــــاء على الموضوع <<<<<
==================================


الله يعطيك الف عافيه حبيبتي
تقبلي مروري


__________________________________________________ __________

يسلموووووووووووو


__________________________________________________ __________

مشكوووره ي عمرررري م قصررتي


والله منحررجه منك بس بدي طررريقة تركيب الالوااان عشان يطلع نفس اللون ذا بالضبببببط


ولكي جزيييل الشكررر


__________________________________________________ __________

مشكورة غاليتي على ماقدمتي لنا من فائدة .وتقبلي مروري


__________________________________________________ __________

تسلم الانامل حبي

الله يعطيك العافيه

لاننحرم من جديدك

=)