عنوان الموضوع : ياشايلين الود دلوني وينه..اللي رحل عني جرعني احزان -روايات رائعة
مقدم من طرف منتديات نساء الجزائر

ياشايلين الود دلوني وينه..اللي رحل عني جرعني احزان






للكاتبة ظلال احزان

يبكي ظلال الشاكين احوالها
************************************************** ********** كبر المغبة والكرىانا لها
ياجرح لو تدري حجم العنا
************************************************** **** بحجم التجني والجفاكان اللقا
ياصوت لو ينبع منك الدفا
************************************************** ****** وين الجريح اللي ماقد شكا
اه من صوتك يادنيا بها هنا
************************************************** ******** عود غلاي يكبر الجرح كفا

القصة تدور احداثها حول امراء وفتاة فقيرة من سلالة الاسرة الحاكمه ...

بعيدا عن الانظار حدث في قديم الزمان ..
عايلة ابو تركي رجل طعن في السن ثري جدا كان يشتغل مع واحد من الامراء صفقات تجاريه في العقارات وله 3 ابناء ذكور و4 بنات وكلهم متزوجات ومن عدة امهات بطلة قصتنا ام عنود اسمها هلا شاعرة متألقه جميلة جدا وقعت في حب شريك ابوها الامير اللذي افتتن بها في امسياتها الشعرية اللي كانت تحيها بقصر اخته فتعلق قلبه فيها اكثر ..
تزوجها بالسرلتنجب له ابنه فيدخل ابوها في خلاف كبير معه بسبب اراضي من املاكه نزعت منه فيعلم بزواج ابنته من غريمه ليضرب بها صفحة القدر وتبدء مأساتها بخروج فتاة يتيمه تتبناها عايلة فقيرة لتحميها من جور ابيها تاكة قلبها الصغير يعاني مر القدر.

ابوتركي يعود من سفره
تقابلة زوجته الاولى رحاب..وتهلي به وتقهويه
ابو تركي ..ماتوقعته بتعدى على املاكي
رحاب..يارجال الحمدلله جت على كذا ولا امير مين يوقف في وجهه ..
ابوتركي..انابجمع القبيلة ياخذون حقي منه بعد انا مب ساكت .
رحاب اللي تدري ان زوجته الرابعه زوجت بنتها اللي طلق امها وهي صغيرة فطلبها الامير من خالها وتزوجت من دون علم ابوها لانها كانت عارفه طبيعة الخلاف بينه وبين ابوها .
تحاول تفاتحه ..مادريت يقولون بنتك هلا عايشه بقصره تآمر وتنهي .
عبدالرحمن ..والنارتاكل قلبه يصرخ مين الملعون اللي زوجها من دون شوري..
قام رايح بيت زوجته الأجنبية روز.
طلع من سيارته مندفع للباب
بيت هلا ..
يدخل عبدالرحمن عميان من الغضب يدق الباب برجوله ..
يفتح الباب غانم اخوها من ابوها هي من ام بريطانيه واب سعودي ..
عبدالرحمن يمسكه مع ثوبه وين هلا .
غانم ينزل يديه ..ليش توك تذكر انك ابوها .
عبدالرحمن ..سويتها ياغااااااانم زوجتها الامير والله لا اذبحك
غانم..لو فيك خير كان نشدت عنها من هي طفلة عايشه كنها يتيمه يوم تزوجت دارت الدنيا فيك لانك ابوها وينك يوم هي مرميه بلندن لا ولي ولا معين ..دفه وطلعه برى الحوش..اطلع من بيتي روز ماتت وبنتها تزوجت اب واخ وزوج وخير معين
عبدالرحمن..بعت بنتي برخيص ياغانم والله لاخذها منه
غانم ..اعلى مافخيلك اركبه ويسكر الباب .
غانم والشر يملي عينه ..والله لا اذبحها بيديني ..

بيت ابو نمر ..عايله** ..
الاب.. خالد عقيد في الجيش اخلاقه عاليه محترم يميزه شبابه اللي مايهرم رغم بياض لحاه..
الام ..مزنه مديرة مجموعة طبية** مغرورة جدا جميلة يميزها شعرها الاسود اللي يبرز جمال عيونها السود.
نمر ..الابن الاكبر مدير شركات اكبر شركة ابوه ويد ابوه اليمين ..جميل جدا طويل ضخم يمتلك جسم رياضي واحب رياضة يعشقها رالي السيارات خلوق وشخصية قوية جدا عمر30 سنه ..
راشد .. مهندس معماري ناجح استقل عن شركة ابوه يكون نفسه بروحه يشبه نمر بطوله ووجهه عنده ضعف نظر وحلوة عليه النظارات مرح جدا وفكاهي ..
هنوف ..27 سنه طبيبة وتحب عملها جميلة مثل امها عمليه وتحب جلسات البنات وطيوبة .
غلى .. 24 سنه رسامه موهوبة كل شغلها معارضها ولوحاتها وسفراتها مع امها ماتشوف الارض اللي تمشي عليها ..
لمياء..21 تدرس هندسة ديكورات

************************************************** ****************************
نمر فرش السجادة ويصلي العشا ..
تدخل عليه لمياء ..نمور تشوفه يصلي تجلس على سريرة شافت جواله لمحت شاشة جهازة اعذب الحب يتصل اخذت الجوال وتناظر في نمر حابه تعرف مين** ..
نمر انتهى يصارخ عليها ..هاتيه لا اكسر راسك شهاللقافه ..
لمياء تناوله الجوال ..سلامتك بس بغيت تدق على ولد عمي راشد ابكلم ميسا ماترد علي زعلت مني عشان ما حضرت عيد ميلادها امس ..
نمر..لا والله انتوا تكبرون ولا تصغرون ..
لمياء.. ياخوي والله انك حبيب كلمه ابيها تكفى ..
نمر يدق عليه خلاص صبري بشوفه ان كان صاحي ..ويرد عليه
راشد ..هلا وغلى بولد العم
نمر ..يسلم راسك علومك ياخوي
راشد ..اما مع ذا الصوت طيبين دوم
نمر ..الله يديمها عليك..الا راشد لمياء ازعجتني تقول تبي تكلم ميسا مدري تضاربوا مدري تحاربوا وجايتني تكفى يرحم والديك خلها تكلمها ناشبتلي ..
راشد ..اول ماسمع لميا طار قلبه..ههههههه الحين اكلمها تدق عليها
نمر.. اجل تامرني بشي .
راشد ..لا بس بغيت اذكرك بكرة اجتماع العايلة في قصر عمتي هنادي عاد محبوب عمته ياويلك ماتجي تسويها سالفة ..
نمر.. ياساتر الحمدلله انك مذكرني لا اروح في خرايطي اوك تمسي على خير..
راشد ..يلحق الخير من قالها مع السلامه..
نمر يناظر اخته اللي تبغى تسمع وش قال راشد وبخبث يطالعها..يقول راشد لميا جلست تصيح عليهم لين اغمى عليها ..
لميا عرفت انه يمزح تمسك قلبها طيت قلبي يالمجرم ..
نمر..كل هذا تحبينها .
لميا ..قول لا اله الا الله وجع قال بتكلمني صح
نمر..قال اقولك خل اختك تضف وجهها عني وعنك
لميا تضرب نمر بالمخده وتطلع ..
نمر تذكر هديل حبيبته رجع دق عليها .
هديل ..هلا بالغلا كله
نمر ساكت يتنفس من الشوق..لا ما اقدر بشوفك
هديل لا ياقلبي ما اقدر اهلي عندي كلهم اذا فضيت جيتك حسب ظروفي ..
نمر ..هديل ترى متزوجك مسيار يعني شروطي واضحه لا يفور دمي عليك .
هديل تستعطفه ..اه حبيبي والله علي الدورة استحيت اقولك .
نمر ..كان تكلمتي من البداية عموما وراي سفرة الاسبوع الجاي بذوقك وبروح اخاف اعطش .
هديل ..نموري حرام عليك ذبت .
نمر ..طيب بسكر انا .
هديل ..باي قلبي .

نمر يتصل بخادم جواريه ..سرور دخل علي اسماء
سرور ..سم طال عمرك .

دقايق وتفتح الباب فتاة جميلة جدا يطالعها باعجاب اشرلها على السرير نزلت ثيابها قرب منها صار يقبلها بشغف واخذ حاجته منها وسط شراهة رغبته ماينسمع غير صراخ اسماء المتألم .

بعد مرور ستة اشهر ..
عبدالرحمن يستغل زيارة هلا لبيت خالها اللي تحبه موت ويدري ان اخوانها يجتمعون ببيت خالها لان تركي مناسبهم ماخذ سارة بنت خال هلا.

يدخل البيت بسلاح مستغل باب البيت اللي انفتح لولده تركي .
عبدالرحمن يدفه عن طريقه ويتوجه للفلة الي ماكان فيها خالهم اللي راح يجيب العشا .
دخل الفلا توجه للدرج شافها متوسده الكنب وبطنها منفوخ هلا تحتمي بأخوها
وتصرخ ..حرااااااااااام عليك
تركي ..يبى اهدى وراسك اتركها.
عبدالرحمن يطالع بنته ويصفعها كف ويسحبها من شعرها
وسط صراخ الحريم يوفق تركي مانعه
تركي ..يبه البنت على ذمة رجال وراجعه اليوم
عبدالرحمن يطلق الرصاص على ولده وسط ذهول الجميع
يسقط تركي عضد يمينها ارضا

هلا..يبه لا اتركني تكفى
عبدالرحمن انتي لو تعرفين ابوك كان ماتزوجتيه من دون شوري دخلها السيارة
راح فيها لديار اعمامها البدوا اللي عايشين بالربع الخالي ..
انتهى اتمنى يكون عجبكم البارت بكمله بعد آراءكم.

>>>>> ردود الأعضـــــــــــــــــــاء على الموضوع <<<<<
==================================


اسفة على انقطاعي الطويل ..
البارت الثاني
بيت مازن
عبدالرحمن يدخل على اخوه ومعه هلا قي حاله شيه منهارة من البكي .
مازن ..خوف الله ياخوي من ذي.
عبدالرحمن.. بنتي يامازن ذبحتني.
مازن يطالع هلا وبصراخ وطيتي راس ابوك.
هلا تصارخ..حرام عليكم انا متزوجه وفي بطني ضنى خافوا الله ..
عبدالرحمن يصفعها كف وينهال عليها ضرب
مازن يبعده عنها ..
مازن ..استهدي بالله يابوتركي اشرحلي الموضوع
ينادي على سمية بنته تاخذ هلا ..
سمية دخلت من الخوف شافت هلا انرعبت زيادة وهي تشوف بنت ماتعرفها لانها انقطعت عن اهل ابوها من يوم طلاق امها من ابوها وهي صغيرة
سمية..يبه من ذي
مازن ..دخليها داخل ولاتسالين.
دخلوا المجلس.
عبدالرحمن قعد يشرح المشكلة اللي بينه وبين الامير..وبنته كسرت ظهره في زواجها بدون علمه.
مازن بصدمه ..
اخذت الامير من اللي زوجها .
عبدالرحمن ..خالها غانم لابارك الله فيه .
مازن ..وتحسب انه مو ساكتلك هي زوجته وشايلة ضناه يحذف راسك متى مابغى .
عبدالرحمن ..والله مايشوفها ولايشوف ضناه لين يرجعلي حقي اللي اخذه وبعدين ترى محد يدري انه متزوجها .
مازن ..يعني بتخليها هنا .
عبدالرحمن ..محد داري مكانها عندك انتبه يوصل لحد شي امنع احد يحاكيها لين تخلص هالسالفة .

بعد مرور اشهر ..
الامير فيصل جن جنونه البنت اللي عشقها زوجته مالها اثر ولا قادر يقول للناس انها زوجته .
حبس ابوها واخوانها يدور عليها ولا اثر** .

بيت الامير محمد ..
له صلة وطيده بالامير فيصل رجل كبير في السن اخلاقه عاليه زينة رجال امراء الزمن القديم له وقار وهيبة تخافه حتى الملوك ..
له من الابناء 13 والبنات 10 ومن زوجات متعددة
جاب له ولد يصلي به كان اجنبي .
الامير محمد يحبه ويثق فيه ويعزه ويغليه غلا عياله ومن محبته خلاه يستلم جنسية عيشه تحت جناحه .

قصر الشفا ..
النور اللي يشرق يضرب اسوار القصر اول الصبح وتتعالى ضحكات اهل القصر فرح وسرور وضيافه
مابين زوار وجمعه طيبين بدأت قصة آلمت قلب صغير ينبض بالحياة ..

عسى الصبح في مبسمك شهد بالثغرغادي
****************** وعسى المودة دايمه فوصلك يادنية افراحي
نشأة وغيرقلوب مالوثها الزمان شالهافؤادي
******************** الريح تصك الباب معاذالله مانساهم وريدي

فهد الرجل الطيب اللي يصلي بالاميرومحل ثقته وسره في ليله ظلمة ...

طق على بابه رجل مجهول ....
فهد ..اعوذ بالله الليل متأخر من هاللي جايني هالوقت .
فاديه..روح شوف مين اخاف الامير يبغاك ..
لبس ثيابه طلع على عجاله
فهد...ميييييين
المجهول ..انا افتح ياخوك بغيتك بكلمة راس .
فتحله الباب ..
المجهول يمسك يديه ..الامير فهد يبغاك ضروري قال ماتصبح الى عنده (زوج هلا ).
فهد.. وش يبغى مني على اخر الليل .
المجهول ..قال يبغاك واذا رحت له بتعرف .
فهد..طيب ابدل ملابسي والحقك ..
المجهول ..لاتتأخر .
دخل فهد يبدل ثيابه على مضض وطلع ركب سيارة خالد وطلعوا برى القصر.

بيت ابو مازن ..
الليل هلا تحس بآلام المخاض ينازعها..
في هالاثناء .
بنتول ابنة عمها اللي ماتعرف ان هلا بنت عمها رق حالها عليها وبلحظة ..
قررت تدخل في لحظة غفلة الجميع وتجهيزات احتفال زواج ولدهم احمد ..
بتول بحنية..يوجعك شي .
هلا بتأوه..احس اني بولد .
بتول..انتي ليه عندنا..
هلا ودموع عينها تتقاطر.. ظلموني فرقوني عن رجلي ..
بتول بصدمه.. متزوجه.
هلابأسى ..ايه.
بتول ..ليش يبغونك تموتين .
هلاتبكي بحسرة..
بتول تضمها ..اهدي تبغين ترجعين لرجلك انا اساعدك .
هلا اللي انصدمت لها 7 شهورمحد قابلها ولا كلمها ولا فكر حتى في حالتها ..صمتت بفجعه..تساعديني.
بتول..اذا تعرفين احد ياخذك من هنا اخليك تكلمينه وانحشك بعد ما ابغى اؤثم فيك ..
هلا..الله لايوريك حزن في غالي والله ما انسى معروفك عمري كله ..
بتول ..عندك احد يطلعك من هنا .
هلا..اخوي بكلمه .
بتول ..بجيبلك تلفون البيت استني .
هلاودموعها تغرق نحرها الضعيف..ياربي لك الحمد اخيرا فرجت تكمل جميلك علي يالله.
بتول ترجعلها ..هاك كلميه بسرعه قبل يدرون هلي .هلا تاخذ التلفون برجفه وتدق على تركي..
تركي ..من معي .
هلا..ياخوك انا هلا.
تركي بغصة..وينك ياقلبي من وين تكلميني فيه.
هلا.. ما اعرف ابوي وداني عند ابو مازن ..
تركي..بيت عمي .
هلا..هويطلع عمي حسبي الله عليه .
تركي ..سوالك شي
هلا..حبسني وبتول بتساعدتني اطلع معك.
تركي ..اناجايك تجهزي بجيك..
هلا تبكي ..وش اجهز ماعندي غير عباتي .
تركي..هانت يا اختي هانت .
هلا..تركي تكفى انا بولد تعال بسرعه خايفه على ولدي يذبحه ابوي.
تركي.. بعون الله بيحيى وبتفرحين فيه.
تركي..عطيني بتول.
هلا تناولها السماعه ..
بتول ..هلا
تركي..العشم فيك يابنت العم .
بتول ..تركي والله ماكنت اعرف انها اختك .
تركي ..اسمعيني ابكلم زيد ولد خالتي هو قريب منكم ياخذ هلا واذا وصلت اخذتها معي خابره السفر يبيله 3 ايام وانا بتبوك .
بتول ..صار.
تركي..الله يكثر من امثالك .
بتول..افا ماقمنا الى بالواجب .
تركي ..عطيني هلا .
شرحلها بان زيد بياخذها بتكون بأمان اليوم عقبه بتروح معه.


__________________________________________________ __________

يتبع..


__________________________________________________ __________

زيد اللي خلا حرمته تنسق خروج هلا عن طريق بتول ..
خرجت هلا بعد ضيم شافت المر فيه ..
في هالاثناء وصلها خبر مرض زوجها معشوقها الازلي الحبيب اللي باعت الدنيا عشانه ينازع حياته ..
تركي اللي وصل لبيت زيد..
زيد يفتحله الباب..يحضنه ويحب خشمه..
تركي ..زيد ماقصرت يا اخوي.
زيد..ادخل شوفها ولدت ماشالله بنتها جميلة .
تركي وعيون الفرحة ماتوسعه .
هلا اللي متسدحه بغرفة الضيافه..رفعت راسها الى وشريك الصعاب والسند والعضد اخوها يتأملها..
هلا..ترررركي.
تركي يقرب منها يضمها تنحدر دموعه على دموعها.

تركي..على البركه يقولون بنت.
هلا..ايه شوفها كيف حلوة.
تركي يمسح شعر الطفله بحنان .
هلا..تركي فيصل فيه شي .
تركي..انتي لازم تشوفينه فيصل تعبان وينازع.
هلا..حسبي الله ونعم الوكيل وديني له تكفى.
تركي.. تقدرين تقومين بنروح اخاف يلقاك ابوي.
هلا..ايه اقدر.
تركي ..لازم نرجع بوصلك قصرك هناك الحرس موجودين بتشوفين فيصل مارح يأذيك احد.
هلاتلمس ذراع تركي بحنان ..الله لايخليني منك يا اخوي ..
تركي ..ولا اشوف الدمع بعينك وانا حي
زهبت اغراض بنتها وشكرت زيد وحرمته وطلعوا ..

في غضون ايام وصلوا الطايف ..
تركي لانه كان متعلم فضل يسجل البنت بمواليد الطايف بأسمها الجازي فيصل...اللي صار اسمها بعد التبني عنود.
وبعد ماتطمنوا على صحة البنت وامها اقترحت هلا تجلس بقصرفيصل بالطايف لين يوصله خبر تالي تنتقل عنده ..
في هالاثناء..كلمت هلا زوجها وخبرته بتللي واجهته من ابوها وانه ناوي يذبح الطفلة ..
ماكان من فيصل غير انه يطلب بنته يأمن عليها ببيت امين يثق فيه ويخبي سرها لين تكبر ويصير حقها بين خوالها واخوانها وخواتها ..
صار وانتقلت الجازي الطفلة البريءة وشافها ابوها
وهاذا سبب طلب الرجل المجهول لفهد امام الامير محمد.

بيت الامير فيصل ..
طعن في السن وهد حيله المرض .
دخل عليه فهد مع رسوله..
فيصل..هلا هلا اقرب.
فهد..مساك الله بالخير ياطويل العمر .
فيصل..الله يمسيك بالخير والسرور.
فهد..سم طال عمرك بغيتني في شي .
فيصل يأشر للرجل يجيب البنت .
فهد مستغرب..
فيصل ..يناوله البنت هذي البنت ابغاك ترعاها لين تكبر تشيل اسمك وايش ما تحتاج تجيني قصري .
فهدمصدوم اللي مايعرف عن البنت شي ..ان شاء الله طال عمرك.
فيصل ..البنت هذي امانه عندك يافهد لين تكبر بياخذوها اهلها.
فهد..لاتوصي طال عمرك برقبتي ان شاء الله .
اتفقوا على كل شي وبدأت انفاس الحسرة والالم والحرمان ..

**بـــكــيـتُ لـمـا الــكــون ابـتـسـم ....

ضِعتُ في ســراديب الظـلام لما الكــون انسـجـم ....

فخط الحـزنُ خطه العـميـق على ملامحي وارتـسـم ....

سـرق اليـتـم من ضحـكـتي ... براءتي ... سعـادتي ....

مــسـحـتُ بـظـهـر كـفـي الـنحـيـل دمـوع الـشـجــن ....

أجــلـتُ بــطـرفـي الــكـسـيـر أرجـاء الــمـــكــان ....

نااااديــتُ بـأعـلـى صـوتي الـمـبحـوح الـحـزيــن ....

أيــن أبــــي يـمـسـح عـــنـي الـدمـــع الــســكــب ....

أيـن أمـــي تحضن الجسد الذي عليه الحزن مُنكب

....
آآآآآآهٍ كـيـف ســــأعـيـش وحـيـداً فـي عُـزلـةٍ ونـكــد ....

فـيـاإلـهـي إرحـم يـتـيـمـاً جـاءك يـشـكـو البعد والكمد ....

وإلا فـخـذنـي إلـى قـربـهـم تـحـت الـتـراب ووسـط اللحـد ....

مــلـلــتٌ ... شـــقــيـتُ ... هــلــكــتُ ... مـن جـــورهــم ....

كــأنــي دخــيـلٌ ... غــريـبٌ ... رغــم قــرب الــنـسـب ....

الأنــي يـتـيــمٌ صـرتُ مـنـبـوذ الـــروح والــجـســد ؟! ....

مـعـانـاة الـيتامى دائـرةٌ مع إمتـداد الأمـــد .... ولكـن لم يُـرمى كـرمـيـي أحـد ....

لـكـنـي رغــم ذلـك أنـا فــريـدٌ مـن بـيـن جـنـسـي ....

أنـا فـقـيـد الــوالــديـن فـمـع ذلـك حـيٌ ضـمـيـري ....

أحـمـلُ بـيـن جـنبـاتـي نـظـرةٌ واثـقـة ... ونـفـس متـوثـبـة ... لاتـعيـقـني نـظرةٌ مـشـفـقـة أو كـلمـةٌ جـارحـة ....

سـأبـني من الـحـجـارة التي أتـعثـرُ فيـها سـلماً للـوصـول إلى مـُرادي وهـدفـي ....

سـأدوسُ عـلى الـفـشـل ... واجـعـلُ أمـام نـاظـريْ الأمــل ....

أنـا أتـطـلـعُ لـلـقـمـة ... لـلـعـُلا ... لـلـضـيـاء ...

فـأنـا وبـحـق رااااااائــع ....

لأنـي ابـتـسـم لـلـدنـيـا ابـتـسـامـة الـواثـق الـمـؤمـل ... رغـم تكـشيـر أنـيـابـها لـي ...

لأنـي أسـتـقـبلُ آمــالاً تـنـزعـنـي مـن وحـدتـي ...

أنـا احـمـلُ رايـــةً تـبـعـدنـي عـن غـريـمـي ...

وتـجـمـعـنـي بـأهـلـي ونـاسـي الا وهـي رايــة الإســـــلام ..

بيت فهد..
دخل على زوجته يشرحلها اللي صار وناولها مبلغ مادي كبير ..
ام عماد ..بنت
فهد..ايوة ومانبغى احد يدري لا اهلي ولا اهلك ولا احد .
ام عماد..طيب ليش امنك عليها..وانت ماتعرف عنها شي.
فهد..لا ما اعرف غير انها امانه لين تكبر .
ام عماد اللي توفت عندها مولوده سجلوا البنت بالبطاقه بميلاد البنت اللي ماتت ولا سجلولها شهادة وفاة وكان فرق الميلاد3 سنين و6 اشهر.


__________________________________________________ __________

بهالاثناء بلغ فهد الامير محمد انه رزق ببنت واللي كان عنده 3 اولاد مسبقا اكبر منها .

بيت الامير محمد..
بقصر ام سعد اصغر زوجات الامير..واللي تزوج اربع .
ام سعد ..ماشاء الله ياام عماد البنت حلوة..من تشبه
ام عماد..ما ادري لسه صغيرة ..
ام سعد ..تتربى بعزك .
الجوهره بنت ام سعد..هاتيها ماشاء الله تهبل تدور فيها زي المجنونه** .
ام سعد.. رجعي البنت لامها لاتطيح.
الجوهرة..ام عماد بلعب فيها وارجعها لبيتك تراكم ساكنين بقصرنا يعني خطوتين وهي عندك..
وهكذا ترعرعت البنت بقصر امير..
كبرت الطفلة بين قصر الامير محمد يخالط خدودها محبة الجميع الفطريه.
الامير محمد وكان الله مطلعه على السر كان يحب البنت بشكل جنوني ويخفي حبه لها في محبة عيال فهد الكبار معها.
كان مايمسي ولا يصبح الى يشوفها ويطمن عليها اخذت منه حنانه رغم انها ماعرفته غير 7 سنوات وتوفى رحمه الله الى انه منحها الكثير الفرح الامان الراحه والاهم الابوه اللي ماعرفتها غير مكناة..

الاميرمحمد..فهد روح جيب عيالك ..
فهد ..ان شاء الله طال عمرك ..
دقايق دخلهم عنده ..
سلم عليهم واحد وسولف معاهم يوم جا يسلم على البنت ..وشلونك بابا طيبه انتي ..
عنود ببراءة ..تهز راسها بنعم.
تبغين حلاوة..اخذت منه
ماكان يتركها بدون مايرفع جسدها الضعيف ويقبل جبينها ويضمها ويمسح خدها.
طلعهم فهد للبيت وهذا روتين يومي لابد منه ..
قصر الامير محمد فتنه في المناظر والتصميم ..
حياض الورد النوافير اقفاص الحيوانات الضخمه مابين البريه والاليفة النعام الارانب الطيور كانت شاغله ومزينه نص القصر والاهم روعة اهل القصر.

**يقول منيع الصبر مني حسايف

على دهر معهم قليل التعايس

فقلت ضحى لا حيلةٍ استحيلها

وقد هب من ريح الفراق النسانس

أقلا خليلي اعتذالي وربما

بنا فكرتي في لاهقات القراطس

وقفت على حزم العذيب وخاطري

بعرق الانوى والجما فيه جالس

احايل نفسٍ ضاق ميدان صبرها

بلى عاد في الحسا لها العام خامس

يثير عليها الهم ريا ضعاين

إلى زجرت منها لحداة الحوانس

قمن الدجا داياتهن مخافه

يضيق عليهن نهار التنايس

قبل ظهور الشمس لم يبق حاجه

لهن غير بظهور الجمال القناعس

سارن من الحزم الذي يحجر الصوا

شمالٍ ويممن الدروب الدوارس

لكن تمايلهن الى ميل النيا

هواهن ميل المهويات العرايس

يتالين في زوماتهن معود

هزبر الوغا زاكي جدود المفارس

ضعاين مالي في لقاهن حاجه

ولا صاد قلبي من هواهن وساوس

ولكن من يتلين لي منه مطلب

جزيلٍ وظني فوق ما كنت هاجس

ويمنعني عنه الحيا حين اشوفه

وصرع الحيا لاولاد الاجواد حابس

لنا منه مأمول على طلب ديره

لنارٍ هواها في حجا الروح قابس

لها هاجسٍ من طارق الهم كلما

فجا القلب يوقظني ولو كنت ناعس

يناط ضميري من اذاياه مثل ما

تنوط نياب الضاريات الفرايس

اقمنا بها يا طال ما يرتجا بنا

لنيل وكم ننجي ارقاب الجوارس

وكم في رباها من صديقٍ نسره

ومن بطل في ملتقى الروع قابس

وذا اليوم لا مستالفينٍ ظليمه

ولا يرتجي منا يد الفضل بايس

رهين القضا واه القوى كلما نوى

مرام العلا عاقه من القل حابس

ولا من جدا الا من الله او يكن

جداً منه لا اضحى به الظن آيس.


بعد مرور سنوات ..
هلا انتقلت بعد وفاة زوجها لبيت ابنة خالتها مباشرة ام نمر .
نمر اللي ابنها في العشرين تأثر كثير بسالفة هلا وبنتها الجازي اللي تجمعهم الاقدار بعد سنوات من رحيل امها هلا تاركة ابنتها تصارع مرارة اليتم ..


__________________________________________________ __________

انتهى ..انتظروني بالبارت الرابع قريبا ..