عنوان الموضوع : نظرات قذرة رواية جميلة
مقدم من طرف منتديات نساء الجزائر

نظرات قذرة






نظـــــــــــــــرات قــــــــــــــذره
نظـــرات قـــذره

صراحة هالرواية اعجبتني وحبيت انقلها لكم وان شالله تنال اعجابكم والاقي منكم حماس عشان اكملها واتمم نقلها

للكاتبه /صمتــي سبب وحــدتـــي


هذا انا ارجع لكم بروايه جديده بـ اسلوب مختلف عن رواياتي طال سكوتي وماساة رجل
في كل روايه حب حزن موت فراق انتصار انتقام تجدوني اختكم صمتي
اتمنى انها تعجبكم وان شاء الله ما اتاخر عليكم في تنزيل الاجزاء مثل ما عاهدتوني

حكايتنا هالمره عن اشخاص خسـرو باسم الحب


صــدمــه :عنــــــدما يشــــاء القـــدر إن يكــــون من فئـــه الفقـــراء ويكــون على عـــلاقه مع اشخـــاص اغنيـــاء ولهم في قلبه من الحب الكثيـــر وتكـــون نظـــراتهم لــه قـــذره؟

صــدمــه :عنــــدمــا يحـــب شخـــص ويقدم له تنــازلات بأســـم الحــب وتكـــون نظـــراته له إنه شخــص قـــذر
صــدمــه :عنــــدمــا يخـــالف إحســـاســه ويعمـــل المستحيـــل ليكســـب رضـــاء ومحبـــه شخــص وتكـــون نظـــراته إنه شخــص قـــذر

عنـــدما وعنـــدما وعنـــدما تتعدد الصور المأســاويه

ولكـــن إذا ذهب كل شي جميــــل من ذاكرته وبقيت الرغبـــه في الانتقـــام ماذا سيحــدث ؟؟!!!

تـــابعـــوني في نــزف قلمـــي الثـــالــث

نظـــــــــــــــرات قــــــــــــــذره

>>>>> ردود الأعضـــــــــــــــــــاء على الموضوع <<<<<
==================================


الجـــزء الاول

وقفت قدام المرايه للمره العاشره تتأكد من شكلها وتنهدت بألم وهي تتذكر إن كل شي هي لابسته من عند الناس صدقه يتصدقون فيها عليها أو شفقه لحالهم قلت وهي تمرر يدها بشعرها البني المدرجات وتقول بقلبها الدنيا حظوظ وانا ليه حاسدتهم التفت لجميع أنحاء غرفتها الصغيره وفي اثاثها البسيط في جهاز الكمبيوتر اللي اعطاها ابوها أو بمعنى اصح تصدق صاحب نعمتهم عليهم فيه لهم وقال بصريح العباره عندك احسن من حنا نرميه بالزباله برقت عيونها العسليه بحقد وهي تقول بكبرياء إذا ماخلي فهد واشكاله تمشي على طوعي ماكون أنا ميناء بنت حارس فله ال.... أكبر رجال الا عمال بالنجد او بالمملكه بمعنى أوفى وقفت قدام المرايه وهي تحط آخر لمسات مكياجها الصارخ اللحين بروح لبيتك يال.... وتشوف من هي اللي قلت عنها لما جاءك ابوها عشان تدخلها كليه الطب بواسطتك المعروفه:بنتك يابوجود تبيها تصير دكتوره بدري عليها موظفة استقبال واجد عليها
قالت بألم وهي تمسح دموع يمكن تسحب معها جيش من الدموع:الايام بينا يال.... إذا ماخلي عاليك واطيك ماكون ميناء اللي مهو عاجبك حتى أسمها


....بعيد عن غرفة ميناء بخطوات كانت هناك من تستمع الي ميناء بحزن شديد وتعرف مدى الاحساس اللي حسته بخيبة آخر أمل لها في العيش مثل هالناس وإنها تكون دكتورة أطفال لحبها للاطفال عشتي وحيده ياميناء وكبرتي وحيده صديقتك المرايه أم ميناء وهي تمسح دموع فرت من عيونها اللي ترك كبر السن والزمن أثره عليها
وشافت عيون ام ميناء حزينه عيون شخص آخر لأ وجود للحقد والحسد أبداً في قلبه قام ابو ميناء وهو يقول:خير يام ميناء وش فيه
أم ميناء وهي تأشر له يسكت وتمسكه بيده لين جلس في الصاله الصغيره اللي الجلوس على أي كنبه فيه تعطي صوت وكنها بتكسر من الجلسه عليها :اسكت بعد لاتسمعك مثل ماسمتعك وانت تقول لي وش قالك فهد العاصي عن وساطته لها في كلية الطب
أبو ميناء بخيبة أمل:فيه واحد كلمته عنها وقال إن شاء الله انها بتكون من طلاباتها
ام ميناء بأمل:الله يوفق بنيتي
دخلت عليهم ميناء وهي تمشي بكبرياء وماسكه الشنطه بدلع وهي تعدل نظارتها الشمسيه:يالله يانور عيوني سواق جود برى
ابو ميناء بحساس بالنقص:ميناء حبيبتي معي 100 ريال تبينها
ميناء بحب واضح من عيونها وهي تجلس بجنب ابوها وتحط راسها على كتفه:لا خلى ولاعدم وقالت وهي ترفع راسها وتحط عيونها بعيون ابوها اللي تشابه عيونها اذا ماخليك تعطي القريب والبعيد صدقات أموالك ماكون انا ميناء
ام ميناء قالت بسبب خوفها على بنتها من تفكيرها:احلمي وخلينا نحلم حيلة الفقير الاحلام
ميناء وهي توقف وتقول بثقه تامه:الامنيات تبقى امنيات مالم نسعى لتحقيقها
أبو ميناء بعد ماسمع صوت بوري السياره:انتبهي لنفسك يابوي
ميناء وهي تأشر بيديها :تشااااااو اشوفكم اذا جيت وقالت وهي توقف:بس تصدقون بشتاق لكم
ابوها وامها اكتفو بأبتسامه تعبر عن مدى اهميتها بحياتهم
ركبت السياره اللي ناظرها السواق بتأفف :انتي تأخر واجد
ناظرت من النافذه وهي تقول في قلبها:حتى أنت يا ماينر مستكثر علي دقايق تنتظرني فيها
شغل إغنية هنديه أبحرت معها ميناء حتى لو هي ماتعرف أي كلمه في اللغه الهنديه يمكن هي بحاجه تكون في جو هادئ جو يكون فيه إنسان تشكي له مشت بها السياره لأحدد الاحياء الفخمه بالرياض


__________________________________________________ __________

في فله ال......
في غرفة الجلوس كانت جود ترمي المجله على جنب بطفش وهي تكلم اخوها فهد اللي كان يتابع شغله على الاب توب قال بدون مايناظرها:مدري وش شايفه في بنت الحارس تحبينها
جود ببراءه أطفال:لأنها بنت محترمه ونفسها عزيزه
فهد بكبرياء رجل ثري:لو نفسها عزيزه مهي تلبس من ملابسك وحتى اثاث بيتهم
انتي اللي مأثثته وأبوها انتي اللي توسطتي له عشان اوظفه حارس للفله واعطيه راتب
جود بدلع:فهدددد
فهد بحب لاخته اللي يعتبرها بنته اكثر من اخته:حبيبة فهد
جود وهي تجلس بجنبه وتمسك ايده بيدها الناعمه:إذا قلت لك شي ماتعصب
فهد بأبتسامه جميله:وانا اقدر اقول لجود لأ
جود بفرحه:بروح مع ميناء للسوق بشتري لي ولها تكفى فهود لاتقول لأ
فهد بعد ما عقد حواجبه:والمناسبه
جود وهي تمد شفايفها: بدون مناسبه
فهد وهو يظرب بصبعه وبخفه خشم جود:إذا قلت لك أنا اللي بوديك للسوق وش بتقولين
جود بفرحه بس رجعت تتضايق:لأ ماراح تروح معنا ميناء وانا ابيها
فهد بعدم مبالاه:عمرها ماراحت هي الخسرانه
دخلت الشغاله وهي تمد البوم لجود:هذا يجي ظهر مع ماينر
جود بفرحه سحبته من ايديها:وناسه طلعت صور حفلة تخرجي
فهد وهو يناظر الالبوم:عادي تفرجين اخوك معك
جود وهي تعقد حواجبها:لأمابي فيه صور بنات اخاف تشوفهم احلى مني
فهد بخبث شباب:اصلا ابي اشوف وشلون اختي احلى منهم
جود وهي تفتح الالبوم وكانت عيون فهد تناظر البنات الموجودين بعدم إهتمام لحد ماوصل لصوره هي بنظره ملاك بصورة إنسان كانت لابسه عكس الموجودين الكل لابس فستاين من مجرد النظر لها تعطيها أغلى الاسعار بعكس هالبنت اللي كانت لابسه فستان جنز ازرق يميل للاخظر للركبه سواريه شعرها بني مجعد حواجبها مقوسه شفايقها ورديه وكانت مسويه حركه بيدها وحاطه اصبعها بجنب راسها وكانها تقول أحلاهن كيفي......!!
فهد جلس يتأمل هالجمال وهو فاتح عينه على الاخر جود ببراءه ومهي فاهمه ليه اخوها ركز على هالصوره بالذات:هذي ميناء كانت تقول بسوي هالحركه عشان اقول انا اكثر وحده تحبك كيفي
فهد بقلبه قصدها احلى البنات كيفي
فهد وهو يطفى الاب توب:خلاص وعازمكم على العشاء وش تقولين بعد
جود ووجها علامة إستفهام:بس ماتوقع ميناء بتوافق
فهد بغرور وهو يوقف:وهو يحصل لها تحصل عزيمه من فهد وتقول لأ
جود بطيبه:يارب توافق
فهد وهو تمرر يده بشعره الاسود اللي يوصل الى اذنه:بتروش وبنزل أبي الاقاك جاهزه
نزلت ميناء من السياره وهي تدخل مع باب الفله اللي بانت وش قد هي قصيره قدامه قالت وهي تناظر بحديقة بيتهم اللي عباره عن بيتهم عشرات المرات ناظرت ملعب التنس وعلى اليمين حمام سباحه متوسط قالت وهي تشوف اللكزس المركونه بجنب البوابه الخارجيه:الله يعينك تحضنين دايم شخص متعالي متكبر ماشوفه اكثر من حشره وإذا مادست هالحشره قالت وهي تنحنح الكلاب التي تنبح لاتعض بسكت ولايام بينا يافهد
رنت الجرس بإصبعها الناعمه اللي مافيه وجود الا لظافر حالتها النفسيه قضت عليها رنتين طلعت الشغاله وهي تفتح لميناء قالت الشغاله بإدب وإحترام لميناء:اهلاً أنسه ميناء
أكتفت ميناء بالابتسامه ودارات عيونها على الفله وهي تناظر الثريات الذهبيه الستاير الكنبات الارضيه كل شي يدل على إنها داخله هالمكان بالغلط جت جود وهي تركض بنعومه وتحضن ميناء بحب واضح :يااااحبيبتي ياميناء وحشتيني
ميناء وهي تبتسم وتحضن ايد جود:وحشتيني موووت تعالي أقولك وش صار وهي تغمز بعيونها الناعسه ونظراتها الحاده
جود وهي تمسك ايد ميناء وتمشي فيها لفوق :تعالي معي لغرفتي براويك صورنا اللي طلعت
ميناء وشبح إبتسامه:أكيد أنا أحلاهم
جود بحب:اكيد


__________________________________________________ __________

في أحد أحياء الدمام كانت عنود تناظر بالصوره بحب وهي تتنهد:إذا ماتصلت فيه ماراح يتصل فيني رفعت جوالها من احدث أجهزه النوكيا ظربت بأصبعها رقمه اللي حافظته عن ظهر قلب حافظته اكثر من أسمها قالت وهي تأفف:يعني ماراح يتصل فيني ولا يسأل إلا لين أسال رنه بعد رنه بعد رنه لاحد ماطلعت لها التنبيه لايوجد رد
الريم وهي تناظرها بحنان:مدري وش شايفه فيه
عنود وهي تحضن صورته:ياربي أحبه
الريم ببتسإمه: أذا قلت لك بشاره تحبينها وش لي
عنودوهي توقف وتقابل النافذه وتناظر لبعيد:مافيه شي بيفرحني الا يرد علي فهد
الريم :أبوي يقول بكرى بنروح للرياض وبنجلس اسبوع
عنود بفرحه راحت تركض لريم وحضنتها:قولي والله
الريم وهي تغمز:من قدك يافهد عنود مشتاقه لك
عنود وهي تلف شعرها على اصبعها:بيفرح إذا عرف
الريم بنظرة شك:متاكده
عنود:أكيد بيفرح ترى هو يحبني
الريم:ماتوقع على اللي يسويه فيك يحبك
عنود :لأ ياحبيبتي فهد رجل اعمال مهو فاضي اول مايفضى يرد علي
الريم:ليه مسالتي نفسك ليه هو مايتصل دايم انتي اللي تتصلين واذا تصلي اعتذر لك بشغله
عنود :هو قال لي أحبك
الريم بضحكة سخريا:ليه كل من قال أحبك معناها ان يحب صدق وقفت وهي تقول بصوتها اللي تحاول تخليه خشن مدري وش شايفه في الشباب وقالت وهي تتذكر الحلوه مثل ماسمتها هي ياااعيوني ياميناء والله هي جميله بشكل
عنود وهي تأفف وتوقف:لو بقعد معك اكثر بتلاقيني حابه الشغاله
الريم ونورت شاشه جوالها بإسم نبضات قلبي ردت بصوت زلزل غرفه عنود:هلا حبي دقايق ياعيوني بس اروح لغرفتي واتصل فيك
عنود وهي تقول بصوت عشان تسمعه الريم:الحمد الله انا ماخالفت خلقتي
الريم ناظرتها بنظرات حاده وطلعت برى الغرفه الريم رجعت تتصل في فهد اللي كان جواله مرمي بالصاله يرن بلاإجابه
في غرفة جود كانت جالسه على السرير وميناء مقابلتها قالت ميناء وهي تأشر على الريم:ماحبيت نظراتها لي في عيد ميلادك أبد
جود وهي تضحك:هذي وحده تمام تعجبك مسترجله واذا سولفتي معها تتخيلين نفسك تكلمين ولد مافيها نعومه وانوثه بالمره
ميناء :مارتحت في الحفله بس عشانك جلست فيها
جود وهي تتنهد:ميناء ليه منتي عارفه قيمتك عندي أنا مستعده استغني عنهم وحده وحده الا أنتي لأنك نظيفه وغير عنهم كلهم
ميناء بحزن:والنظيف ماله حظ دايم
جود وهي تعقد حواجبها:أنا محظوظه وطيوبه وقالت وهي تطلع لسانها واثقه
ميناء بضحكه طالعه من قلبها:أكيد محظوظه انا صديقتك
جود وهي تحضن ايدها:بالضبط هذا اللي كنت بقوله
ميناء :انا ممنونه لك ياجود بأفضال كثيره
جود وهي ترمي الالبوم على السرير وتقول لميناء:طيب وش رايك تسهرين معنا اخوي عازمنا على العشاء
اهتزت ميناء من فوق لتحت خفقات قلبها تتزايد صراع قوي بين اللي هي تربت عليه وبين طلب جود قالت بعد دقايق من الصمت:لأ آسفه مقدر اروح
جود بترجي:تكفين منوي ابيك تروحين معي
ميناء وهي تحط ايدها على كتف جود:مقدر والله أبوي لو درى بيزعل
جود وهي تستعطف ميناء:انا مابي اروح إلا أنتي معي
ميناء:خلاص قولي لخوك اني ابي اروح انا وميناء عند ميناء موضوع ماتبيك تسمعه
جود بخيبة أمل :بس ماتوقع يرضى ان حنا نروح
ميناء:خلاص اجل اشوفك وقت ثاني روحي وانبسطي وقلبي معك
جود بحزن :اجلسي بروح له اقوله ابي ميناء تروح معي وبرجع اقولك رده
جود وهي توقف قدام المرايه مثل عادتها وهي تناظر بملامحها اللي حفظتها ولو عندها موهبه الرسم كان رسمتها وهي مغمضه من كثر ماهي تناظر في نفسها قالت وهي ترفع خشمها بغروروتأشرعلى شفايفها:اذا صرت غنيه بتفخ شفايفي


__________________________________________________ __________

صوت رجولي كان واقف يتألمها بإعجاب شديد أهتزت بسماعه جود من راسها لرجولها قال: ليش ياحلوه مايحتاج؟؟!! شفايفك فراوله
ناظرته ميناء بحده بعد نظرات خاليه من الانسانيه قالت وهي تتغطى بالشيله وبصوت مرتجف:جووود
.....:جود بغرفتي تنتظرني اطلع من دورة المياه متوقعه إني اتروش ماتدري إني اتأمل أجمل بنات الكون
ميناء وهي تتلثم وتناظر فيه بحده:فهد
فهد بغرور:لاتغلطين العم فهد
ميناء وهي تضحك بسخريا:العم فهد على غيري سمعت يافهووود
طلعت من غرفة جود وهي تصفق بالباب تاركه فهد بصدمه بعد مارتفع معه ظغط دمه وهو يقول لنفسه ماقد قلت لبنت تعالي إلا وجت لي ممنونه وهي تقول يافهوود
طلع برى الغرفه وهو يركض نازل الدرج طلع من البيت وكانت تمشي بهدوء متجهه لباب الخارجي للفله مسكها من ذراعها وهو يقربها وانفاسه المتسارعه يمكن تخترق جسمها وقال بنظرات قذره:على وشو شايفه نفسك وقال بصوت عالي شوي بنت حشره من الحشرات الخادمه لي
ميناء وهي تعاند الدموع اللي تجمعت في عيونها:الحشره هذا عنده قلب انظف من قلبك وقالت وهي تعرف حجم الخطر اللي فيه اللي يشوف الناس حشره يشوفه التراب اللي تمشي عليه الحشرات ؟!
قال فهد وهو يرفع صوووته وهي يزيد من مسكته ليديها:أختي ماتتشرف بصداقتك وابوك من بكرى مابي اشوف وجه وقال بصوت اعلي مفصوووول فاااااهمه
ميناء وهي تدفه بعيد عنها:اللي خلقنا ماينسانا
راحت بخطوات شامخه برغم نفسها المنكسره وهي تمسح دموع مثل السيول على خدودها الورديه طلعت من فتحه صغيره في البوابه الخارجيه قدرت جسمها النحيل انها تطلع مشت بجنب سور بيت فهد وهي تناظر القصور اللي بالحي وقالت وهي تقول ماتمنيت في يوم اني املك هالقصور او اكون بنت مليونير كل طموحي اعيش واكل بدون ماقول مشكور ابي احمد ربي اكثر من إني اشكر قالت وهي تكتم شهقه دموعها كل طموحي اصير دكتوره واعز اهلي وارجع لهم كرامتهم المهدوره
ناظرت شنطتها ببتسأمة وهي تقول بقلبها ألم اكشخ فيك وانتي مافيك حتى حساب اللموزين يرجعني للبيت ارفعت اكتافها وهي تقول عادي بمشي شوي وبرتاح لحد ماوصل البيت مابي احمل ابوي اكثر من طاقته ومن بكرى بدور لي وظيفه لحد ماربي يفرجها

في غرفة جود كانت واقفه تظرب فهد على صدره وهي تبكي :ليش ليش
فهد بحنان وهو يمسك ايدينها الصغيره:بدون ليش مابيها تدخل بيتنا وانا طردتها
جود وهي تحط ايدها على فمها ودموعها على خدها:صديقتي الوحيده اللي احبها تحرميني منها
فهد وهو يطلع من غرفتها:ماتستاهل دموعك
جود وهي تاخذ عبايتها وتنزل من غرفتها وقفت برى الفله وهي تصارخ بأسم مااااااااااااينر
ماينر وهو يوقف السياره عند الباب الداخلي ركبت وهي تقول بسرعه امشي ميناء حتى جوالها ماترد عليه مشى بالاتجاه اللي شافها تمشي وكانت ميناء تمشي متجه للشارع العام نزلت جود وهي تحضن ميناء اللي واقفه مثل النخيل اللي تموت واقفه
جود وهي تمشح دموعها:اركبي ابيك
ميناء بكبرياء أنثى مجروحه:لأعادي بروح مشي
جود وهي تسحبها تكفين جود أركبي بس بوصلك بيتكم وبعدها خلاص لاتكلميني
ركبت ميناء بنطواعيه جود وهي تناظر عيون ميناء اللي تناظر من النافذه بسرحان حطت ايدها على ايد ميناء اللي التفت لها وقالت:اسفه ميناء معرف كيف أتاسف لك
ميناء وهي تقاوي العبره ابتسمت إبتسامه باهته
ورجعت تناظر من النافذه جود وهي تكلم ماينر:شغل المسجل
جات الاغنيه المفضله لميناء دخلت الكزس للحي اللي تعيش فيه وقفت السياره عند بيت شعبي قدديم ميناء والتفت لجود وقالت:عشه تعزني ولا فله تذلني
ونزلت من السياره
وهي تفتح الباب اللي بمجرد هزه ينفتح دخلت وهي تسكر الباب ودخلت الصاله وكانت امها تناظر برنامجها المفضل سيرة الحب
ميناء بحب وهي تناظر امها:سلاااااام
ام ميناء بفرحه:تو مانور البيت
ميناء ببتسامه:فددديتك يمه ابوي وين
ام ميناء بغرفته نايم
ميناء اسكت وراحت لغرفتها وهي ترمي عبايتها وتلبس بجاما رماديه وهي تمسح مكياجها بعنف وخذت الروج وهي تكتب على مراتيها

** أنـــــا قـــويــــه**


__________________________________________________ __________

راحت لغرفة أبوها وكان نايم ومستغرق في النوم رفعت طرف اللحاف وهي تنام على يده وتخبي راسها في حضنه وتحضنه بكل قوه وتقول :ياليت يابوي الدنيا كلها حنانها علي مثل هالحضن
أنين وشهقات دموعها اللي تفزع من يسمعها مع بكاءها نامت في حضن ابوها متجه لعالم الاحلام اللي لاحدود له
للمسه لاتقل من حنان ابو ميناء على ميناء ام ميناء وهي تناظر في بنتها االلي نامت:الله ينولك ماتتمنين يابنتي

جود وهي تفتح الماسنجر لعل وعسى تلاقي ميناء متصله جتها رساله من عنود
ابشرررررك بنجيكم بكرى وبنفلها
جود قرت الرساله بعدم إهتمام رمت الجوال على السرير راحت لغرفة فهد طقت الباب ودخلت وكان فهد متمدد على السرير وجواله بيده
فهد يكلم الطرف الثاني:اللحين مشغول بس دقايق بعدين انا راح اتصل
فهد وهو يجلس:سمي ياجود آمري
جود وهي تجلس على طرف السرير بجنب فهد وتحط راسها على صدره وبدت بنوبة بكاء فهد وهو يمسح على شعرها بحنان:خلاص حبيبتي اللي تبينه بيصير
جود رفعت راسها وهي تمسح دموعها:بس أنا اعرف ميناء لايمكن تسامحك
فهد وهو يغمز لها: خلاص ولايهمك فهود يعرف يراضيها
جود بفرحه:يعني بتأسف لها
فهد وهو يمسح دموع جود:عشان خاطر هالدموع فهد يروح للفضاء
جود وهي تحط ايدها على ايد فهد اللي على خدها:الله يخليك لي يارب وكملت بحزن بس هي ماترد علي وحتى الماسنجر مادخلت
فهد برقت عينه بنيه :طيب وش رايك تخليني اتكلم معها وبعدين اقولها إني فهد عشان تسامحني
جود قبل توقف تذكرت شي مهم:عمي ابو مساعد بيجينا بكرى
فهد وتغيرت ملامحه للجديه:وعنود
جود وهي تمشي للباب:عنود هي اللي مرسله لي
فهد تنهد وهو يفكر بعنود وقال من بين تفكيره:اللحين عنود بتشتغل علي دور الزوجه وين رحت ليه تاخرت ليه وليه وليه
جود وهي تدخل وبيدها الاب توب وتجلس بجنب فهد:هي اكثر شي تتصل اذا نامو ابوها وامها يعني على الساعه 10
فهد وهو يسند ظهره على السرير ويقول بجود:خلاص ولا يهمك اذا رضت بنسوي لها حفله
جود ببتسامه:تستاهل احلى الحفلات


.........
في غرفه تخلو من المسه الانثويه كانت الريم جالسه على السرير وهي تعدل الكاب وتقول بصوت هي تخشنه:خلاص حبيبتي ما اتحمل دموعك
الطرف الثاني:بتروحين للرياض اسبوع وانا بنتسيني هناك
الريم بفرحه من غيره دلال عليها:مدام معاي القمر مالي ومال النجوم
دلال بدموع مزيفه:إهئ إهئ مابي ابيك أنت
الريم وهي تمرر يدها بشعرها البوي:خلاص بروح بس اوعدك بهديه تحلمين فيها
دلال بسرعه:إذا كذا روحي بس لاتتاخرين
الريم: كم دلوله عندي
دلال:فديت قااااااااايد الريم
الريم وهي تناظر الجوال اللي دخلت سوسن خط ثاني:اوكي حبيبتي دلال بكلمك بعد شوي
دلال بضحكه :اوكي حبي
الريم وهي ترد :هلا هلا هلا وغلا
سوسن بضحكه:هلا حبيبي
الريم وهي ترمي سجاره بفمها:عيون حبيبك اشتقت لك
سوسن بخجل مصطنع:وحتى أنا
*