رواية ولد الفقر وبنت الهوامير رواية جميلة
عنوان الموضوع : رواية ولد الفقر وبنت الهوامير رواية جميلة
مقدم من طرف منتديات نساء الجزائر
رواية ولد الفقر وبنت الهوامير
قصة منقولة
نايف +نوره
عائلة نايف
يتيم ابوه وامه واخته توفوا بحادث وعايش مع جده وجدته
جده ابو محمد
وجدته
عائلة نوره
ابوها ابو فهد وامها ام فهودي ^_^ وعندها اخوان وخوات وجودهم زى عدمهم بالقصه ماغير
كومبارس ^_^
نوره دلوعه حيل وعائلتها هوامير وعايشين عيشة امراء بعكس عائلة نايف
بدايه
نايف رايح على سيارة جده المزرعه يشوف الهندى يبغى شي من السوق
يبربر مع راجو <<الهندى
وهو طالع من المزرعه تشوفه نوره من البلكونه
نوره تكلم بنت عمها : هذاك نايف
بنت عمها: مين نايف
نوره: هذا ولد العجوز الى جاتنى امس
بنت عمها: اهااا مستحيل هذيك امه
نوره :ايه هذي مو امه الحقيقيه بس امه توفت بحادث
ويرحون بسوالف طويله تعرفون البنات ياحبهم للحش
بعد يومين جاء السواق لبيت نايف يقول بابا يقول اجى بيت
نايف فهم وش يقول وقال يالله بجيك اسبقنى وبجي وراك
ويشغل سيارته ويروح لجده ويعلمه انه رايح لجيرانهم
اول ماوقف عند القصر
متحمس الرجال يحسب العالم تبي منه فزعه ولا شي اول ماوقف
يسلم على ابو نوره
كيف الحال ومدري كيف متحمس الولد اول مره يكلم جيرانهم الهوامير
قال له ابو نوره بعد ماسلم عليه
وقف عند الباب الثانى وخذ الاغراض الى عند الباب
نايف: ابشر
يحسب ان الاغراض عاديه او يعطيها احد
راح نايف يشوف الاغراض ولا الاغراض ملابس وفراش وكلها عفش قديم وكان فيه بزران يناظرون فيه وهو يشيلها مع السواق بعد ماخلص
جلس يفكر وين اوديها مسجد ولا البلديه ابتلش فيها
رجع لابو نوره ماقلت لي اعطيها مين
ابو نوره: خذها لبيتكم عطها ابوك وامك
نايف: ليش بكل براءه
ابو نوره: انت ودها لابوك وهو يعلمك
نايف : ولايهمك تامر على شى ثانى
ابو نوره: لا سلامتك
نايف طاير للبيت بالسياره بالاغراض ويفكر وش الاغراض ولمن وش سالفتها
جد نايف: وش هالاغراض يانايف
نايف: يعلمه بالسالفه كامله
جد نايف: اجل دخلها البيت الله يعطيهم العافيه
نايف: مستغرب وش السالفه قال هذولى الله رازقهم وعندهم خير واذا استغنوا عن شي يرسلونه لنا
نايف : طيب هذي اول مره اشوفهم
الجد: لاهم دائما كل سنه بس انت ماكنت تسوق اول السياره وماكنا نعلمك
نايف: عصب مره وتذكر البنات الصغار والبزران كيف نظراتهم له وهو يحمل الاغراض مع السواق
قال لجده برجعها مانبغاها
جده: وش ترجع صاحى انت
نايف: ايه برجعها والله ماتدخل البيت
وبعد شد وجذب ومعركه طويله باللسان انتصر نايف واستسلم الجد لانه شاف نايف مقهور والاغراض ماتسوى
راح نايف ووقف عند القصر ودق الباب
وطلع السواق وقال له يالله نزل يالهيس معى السواق قفلة معه توه محملها والحين ينزل هههههه
راح وعلم ابو نوره
ابو نوره: ليش تنزل الاغراض وش فيك
نايف: معليش طال عمرك مانبغى هالاغراض والله يعطيك العافيه
ابو نوره: اجل لاتنزلها خلها بالسياره وارمها بالبلديه مره وحده
نايف : يعنى ان اذا مانبغاها نرميها بالبلديه يقولها بطريقة استهزاء
ابو نوره: ايه وخل السواق يروح معك
نايف: لا بنزلها هنا واذا تبي ترميها في البلديه ارمها خل السواق يرميها
ابو نوره : ياولد وش فيك لاتنزلها
نايف: ثانى مره اذا تبي تعطى لاحد شي وصلها لبيته مو تخليه ياخذها من بيتك واذا رفضها ما تقول اجل خذها للبلديه
وينزل الاغراض ويروح معصب <<لا ويفحط بعد مسوى عصبي
نوره كانت تسمع هالكلام لانها كانت تبي السوق ومنصدمه من هالشاب ومن كلامه واسلوبه مع ابوها
>>>>> ردود الأعضـــــــــــــــــــاء على الموضوع <<<<<
==================================
طلعت نوره مع السواق واول ماركبت السياره تسأل السواق عن المشكله
السواق / هذا ولد خربان يشيل اغراض بعدين رجع
نوره/ دقيقة صمت معصبه وتفكر ليش تكلم هالولد على ابوها وفي نفس الوقت حست بنايف وقالت معاه حق
راحت ورجعت من السوق وجلست تشتري اغراض ثانيه
واول مارجعت قالت للسواق ود هذه الاغراض لبيت نايف وخذ هذي الورقه عطها نايف
كاتبه بالورقه
(لو سمحت على شانى خذ الاغراض هذي واعتبرها هديه على الاقل منى ومن ابوي>> تبغى تصلح غلطة ابوها
وجاء السواق وقبل مايعطيه الاغراض اعطاه الورقه
نايف/ يضحك وماعرف وش يقول اوكى نزل الاغراض
جلس يفكر هالعالم ليش نظرتهم للناس الفقيره نظرة اهانه مو نظرة رحمه ومساعده بطريقه محترمه
طلع بالليل مع خويه محمد وجلس يقول له السالفه كامله
محمد / تبي الصراحه انت شايف نفسك ياولد هذولي هوامير مايدرون عنك قال ايش قال عزة نفس
نايف/ طيب واذا هوامير حنا مو محتاجين لهم بيت وسياره ومزرعه والحمد لله
محمد /ههههه ولاتنسى الهندى الى بالمزرعه يبغى راتبه
نايف / ههههههههههههههه زود المسجل لااسطرك ^_^
لا تشتكـي مـن جـور الايـام للنـاس
وادفن همومك في ثرى الصمت كله
رجع نايف للبيت وجلس عند امه ((جدته ))
الجده / وش الاغراض الجديده من وين لك فلوس
نايف/ هذي هديه من واحد من الشباب
الجده / اهاا الله يعطيه العافيه بس منهو ؟ وليش كل هالاغراض؟
نايف / صديقي محمد وماادرى ماسألته بس انشاء الله نردها له
الجده /انشاء الله وتغير الموضوع
الحين دامك مخلص الدراسه ورى ماتدور لك وظيفه مع العالم
نايف/ وانا كل يوم وين اروح ماخليت عسكريه ولا خليت شركه مالقيت يمه وش اسوى
الجده / لاتخاف رزقك جايك جايك بس انت لاتجلس واللى الله كاتبه لك بصير
نايف / انشاء الله ودعواتك يمه
جلس نايف على هالوضع تقريبا اشهر وهو نوم المزرعه طلعه مع الشباب وتقديم على وظايف عن طريق اخوياه يعطيهم ملفه الى تغير لونه من كثر مايشيله معه
ماعنده حظ مره وكل ماتجى معاه مقابله ينجح فيها ويقولون بنتصل عليك ولافيه فايده
بعد فتره جاء يوم من الايام وكان فيه عزيمه عند ابو نوره بمناسبة تخرج ولدهم فهد من جامعه امريكيه
حضر نايف وجده مع انه ماكان يبي يحضر بس جده ظغط عليه وقال لزوم تحضر وتعذر جده بالنظر لان النظر عنده ضعيف
المهم حضر نايف وجده وكانت اشكالهم غلط من ناحية الملابس بين الهوامير لدرجه ان نايف تمنى انه ماحضر والمشكله نظرات العالم له
وجلس يقول بخاطره كلها من جدي بس توووووبه
وجات السواليف وكل واحد يسال الثانى وش وظيفتك وكم راتبك وكل هالسواليف ونايف ساكت
وشوى ويسمع انواع السفريات للخارج
وشوى ويسمع سواليف من شباب على قده ويقول بقلبه سبحان الله رزق الاهبل دبل المشكله ماحد عطاه وجهه ^_^
مرت 3 ساعات كانها سنه ماصدق على الله يطلع من عندهم لان جده طيب وعلى نياته ونايف حساس مرررررره
وجالس يقارن بين وضعه وبين وضع هالعالم الى حضر عندهم
وصل جده البيت وكلم خويه احمد ومحمد
وراح وقابلهم ماصدق على الله يشوفهم يطلع الى بقلبه
احمد / ياخوى انت وابوك (جدك) ماعندكم غير هالعايله
نايف/ وش عرفنى اسال جدي الله يسامحه ههههههههه
محمد / تصدق لو تتعرف على واحد منهم صدقنى ان تتغير حياتك 180 درجه
نايف / والله انت مسكين يابوي هذولي ناس غير عالم متحضره طبعهم غير غير عنا بكل شي
محمد / طيب انت جرب احتك فيهم
نايف / لا والله لو ماباقي الا هم مارحت لهم تدري وش نظرتهم لنا
محمد / ؟؟
نايف / نظرة استحقار صفر على الشمال
محمد / لا مستحيل كلهم نظرتهم بهذي الطريقه
نايف / ليتك سمعت سواليفهم ياخوى متكبرين
محمد / ايه بس مستحيل كلهم بنفس التفكير
احمد / بطريقة لكاعه ,ويغير الموضوع طيب ياولد ماعندهم بنات العاده بنات الهوامير ملكعات ورايحين فيها
نايف / دقيقة صمت وتذكر نوره ورسالتها
لا وين بنات وش عرفنى عنهم
محمد /يغير السالفه وش رايكم نطلع الثمامه
ويشتغل المسجل وتجى اغنيه رومنسيه خلت نايف يفكر بكلام احمد ؟؟
__________________________________________________ __________
راحوا الشباب الثمامه وجلسه وسوالف وضحك
محمد /اقول شباب من الى يفكر بالزواج منكم
احمد ونايف /هههههههههههههههه
نايف / وش هالشطحه وش عندك
احمد/ اكيد شاف شي
محمد / يضحك ايه والله شوف قدامك يالبى الرومنسيه
نايف/ يابوى هذولاء فاهمين الرومنسيه غلط
احمد / احلف هههههههههههه
نايف / اسكت انت وجهك انت اخر واحد يتكلم في الرومنسيه
احمد / هههههههههه ارحمنا يارومنس زمانك انا صح وجهى مايحمس بس رومنسي ^_^
نايف/ انا غاسل يدي منك من يوم شفت سيارتك كانها سيارة فلبينى مافيه لصقه الا ومجمعها في سيارتك
محمد/ههههههههههههههههه لا والله يانايف احمد رومنسي اسالنى انا
((راحوا في سواليف مالها نهايه ))
المهم ان نايف بدا يفكر بالزواج واشياء ثانيه لانه من اول كان مطنش شي اسمه انثى ومايفكر مجرد تفكير فيهم هذا غير انه حياوي مره
رجع نايف البيت وجلس يفكر في المستقبل المجهول ونام بعد تفكير عميق
مرة سنه وكم شهر وهو باقي على وضعه يعنى وصل عمره 22 سنه وزياده وهو باقي شغل بالمزرعه ويسال
و يدور وظيفه
الى ان جاء يوم ووقف معه الحظ ودق عليه مندوب شركه مصري
مندوب الشركه/ سلام عليكم
نايف/هلا وعليكم السلام
المندوب/الاخ نايف الفلانى
نايف/ايه امر
المندوب/ معاك شركة .......... ولقينا لك وظيفة براتب 3500 وش رايك
نايف/ موافق يلعن ابو الهم وين مكانكم بالضبط لي فتره من يوم قدمت عليكم
(((انتهت المكالمه بالوصف والتحديد وتوضيح متى الدوام ))
نايف من الفرحه ماخلى احد الا وعلمه
راح وعلم جده وجدته
الجده /الف مبروك وعقبال انشاء الله مانشوف لك بنت الحلال
نايف/ ههههههههههه اصبري يرحم والديك تونى مابعد شفت الشركه
الجد/ الف مبروك وتكفى ياوليدى اقضبها بيدك وسنونك
نايف/ ولايهمك ودعواتكم
دق نايف على محمد يبي يقابله بالسياره
محمد / لا انا بمرك انت وسيارتك الى مافيها مكيف
نايف/ اوكى بنتظرك ياابو رنج مسوى معك رنج الحين
محمد/ اوكى بس ليش ماتطلع من المزرعه وتوقف السياره برى
نايف/ ياليل اوكى بوقف قدام عند الدخله حقت البيت
محمد/ اوكى مع السلامه
نايف طلع ووقف بالسياره عند المكان الى قاله لمحمد وهذا المكان قريب من فلة نوره
جاء محمد وطلع مع نايف وراحوا السوق ياخذون اغراض ويوم جات الساعه 10 بالليل رجعو البيت
محمد/ يعنى بكره عندك دوام
نايف/ ايه
محمد/ يالله بالتوفيق
نايف / مع السلامه
نزل بعد ماراح محمد شاف ورقه على باب السياره في الممسك (المقبض) حق الباب ورقم جوال وبالورقه كلام ((ممكن نتعرف ))
نايف / وقف وجلس يناظر يمين يسار مالقى احد استغرب وجلس يفكر
يناظر يمين فلة ابو نوره الهامور وقال مستحيل
يناظر يسار يشوف بيوت فخامه بس يقول مو معقوله
وبالاخير قال لايكون مقلب ولا شي ماعلينا رمى الرقم بالدرج السياره ماعنده اصلن رصيد ^_^
وراح البيت ونام ماعنده وقت للتفكير عنده دوام
وجاء من بكره ورجع التفكير الرقم
وشوى يقول انا وش لي بهالطريق وكان يبغى يقطع الورقه بس قال
انا ليش تفكيري كله اكس يمكن احد يبغانى بشي
واخيرا دق الرقم
نايف/الو
نوره/ اهلين من معاي
نايف / لحضه خليك معى ويناظر بالرقم ويتاكد
ماادري شفت رقمك بالسياره
نوره / بالسياره!!!!!!!!! اي سياره <<يعننها ماتدرى
نايف/ اسف الظاهر غلطان
نوره / ايه غلطان ولاعاد تدق ناس ماتستحى من جد
نايف / اوكى اسف يابنت الحلال وقفل
نايف اعوذ بالله الظاهر ان الى حاط الرقم قليل ادب ويبغانى استهبل على العالم وراح تفكيره لمحمد معقوله مقلب
وتذكر ان محمد مانزل من السياره وقطع الورقه ونسى السالفه
المهم نوره متعمده بكلامها على شان تبعد تفكيره عنها وتخليه يفكر بكل شي ويتوقع اي شي
بعد اسبوعين ارسلت رساله على جوال نايف يعننها غلطانه من رقم ثانى
الرساله//الله يسامحك ياساره دنيا واخره يعنى عشانى يتيمه واعتبرك مثل اختى تزعلينى على شان وحده ماتستاهل
نايف/ قرى الرساله مره ومرتين وثلاث وجلس يفكر الحمد لله ان فيه عالم مثلي وبنفس الوقت رحمها لانه ولد وهى بنت بس ماعرف وش يسوى
رد عليها برساله
الظاهر انك غلطانه هذا مو جوال ساره والله يكون بعونك
__________________________________________________ __________
نوره / حست انه تعاطف معها
وارسلت رساله ثانيه
الرساله// مشكوره الله لايرده اليوم الى عرفته فيك من جد مشكوره
نايف /ههههههه ياليل وش السالفه دق عليها ماردت
رجع يدق ماردت وكرر ماردت
رجع يرسل رساله
الرساله/ يابنت والله انك غلطانه هذا جوالى ولا عندى خووات ولا اعرف احد اسمها ساره
نوره/ ترسل/ اسفه ولا تدق ثانى مره وسامحنى
نايف/ الفضول عنده 100% ويبي يعرف السالفه وفي نفس الوقت يبغى يساعدها <<<مصدق المفهي
ارسل رساله// ممكن اعرف السالفه يمكن اقدر اساعدك
ارسل نايف رساله / ممكن اعرف السالفه يمكن اقدر اساعدك
نوره بهذا اللحضه ارتاحت وعرفت ان الولد تعاطف معها
ردت عليه
الرساله// اوكى بعلمك بكل شي بس بشرط توعدنى ماتدق على جوالي ولاترسل الا اذا ارسلت لك
نايف قرى الرساله وع طول رد
الرساله/ اوكي ولايهمك تفضلي ووعد رجال اكون قد كلمتي
نوره ترد
الرساله// اوكى وانشاء الله تكون قد الثقه بس اول قبل اقول لك ممكن اعرف انت منو ومن وين وكم عمرك
((هى تعرف شكله وعمره وكل شي عنه بس تبغى تشتت تفكيره وتبغى تشوف هو صادق ولا نصاب))
نايف// قرى الرساله ورد بسرعه
اسمى نايف وعمري 22 وساكن بالرياض واذا تبي شي ثانى بعلمك بس اهم شي اعرف السالفه)
نايف شال التفكير على انها من بنات جيرانهم ونسى من سالفة الرقم مرره
نوره: تقرا الرساله وتضحك وتقول والله شكله طيب حتى الكذب مايعرفه
الحين ارتاحت نوره
وردت
برساله // هلا فيك اخوى نايف والعمر كله انا اسمي ندى وعمري 18 ساكنه بتبوك
انا بعلمك بقصتى باختصار بس بذمتك من وين لك رقمي ؟؟؟
انا ساكنه عند جدتى وامى الله يرحمها وابوى متزوج وساكن بمدينه ثانيه وادرس بثالث ثنوى
وكانت عندى صديقه اغليها واحبها وصداقتى فيها من المتوسط وتعرفت على وحده اسمها العنود مااحبها ودائما تمشي معها لدرجه انى كرهت المدرسه ليش تسوى كذا ساره
تدري انى غايبه من المدرسه يومين .
نايف: قرا الرساله مره ومرتين وثلاث وتاثر وحس في البنت
رد عليها// اهاا عاشت الاسامي والعمر كله يارب بالنسبه لسؤالك عن الرقم هذا له سالفه وكتب السالفه وبالنهايه ماادري والله الظاهر الى كتب الرقم غلط برقم بس ماعلينا
طيب يعنى ساره صديقتك تدري انك ماتحبين العنود ولا كيف ؟؟
وبعدين ليش ماتقولى لساره انا مااحب العنود واختاري انا ولاهي؟؟
نوره :تقرا الرساله وتضحك تقول الحين كيف اغير الموضوع ياليل ابو لمبه
ترد
(يسلمو وكلك ذوق يانايف افهمنى انا علمتها عن العنود اكثر من مره ومافيه فايده دائما تحرجني لما تمشي معها
استغفر الله مادرى ليش مااحبها )
وترجع ترسل رساله ثانيه
(اوكى نايف انسى الموضوع تكفى طفشانه نكمل بعدين انت تدرس ولا موضف) <<هى تبغى تعرف وش مسوى من زمان
نايف : قرى الرساله ونسى سالفة ساره <<على نياته ^_^
رد
(ايه موظف تونى توظفت في شركه لي فتره وانا مقدم على اغلب الدوائر الحكوميه والشركات وتونى توظفت )
ارسلها وجلس شوى وجاء في باله بيت شعر
ارسل لها رساله ثانيه
الرساله// نصيحه خليك عزيزة نفس ومصيرها ترجع لك ساره اذا كانت اصيله وكتب
نفسي عزيزه ومن جفانى جفيته*** حتى ولو يصعب على القلب فرقاه
نوره : تقرا انه توظف وارتاحت مره ولما جات الرساله الثانيه وجلست تقرا تاكدت انه عزيز نفس وتذكرة سالفة نايف مع ابوها
ارسلت رساله//
ليس الاعجاز ان تصنع الف صديق في السنة ولكن الاعجاز ان تصنع صديق لالف سنة
قراها نايف
ورد
من فاز بحب صادق ملك كنوز الدنيا ومن فاز بصديق مثلك ملك كنوز الجنة
بعدها ارسل نايف رساله ثانيه
(يالله عن اذنك وراي دوام والله يحفظك)
نوره:
ترد ( تصبح على الف خير وانتبه على نفسك باي)
نايف راح يبي يرقد يتقلب يمين يسار وجالس يفكر ويقول
يالبيه الحين تعرفت على وحده استانس معها وافضفض لها وشوى ويقول
مسكينه شكلها طيبه مره الله يكون بعونها عند جدتها كيف بيكون مستقبلها ومين اللي يصرف عليهم
وراح فيها ولا شاف الا الساعه 4 واخيرا نام
وصحى الصباح وشاف رساله من نوره
((تصدق وربي ارتحت لك بس تكفى خلك على الوعد الى قلت لك))
رد نايف
(ولايهمك يالله انا رايح الدوام)
وصارت العلاقه بينهم كلها رسايل برسايل فقط
رسائل سواليف ونكت واستهبال ويخشون بموضوع ويطلعون بموضوع
الى ان دامت علاقتهم 6 اشهر وهم على الرسايل
الى ان جاءت المفاجئه !!!!!
__________________________________________________ __________
نوره: الو
نايف : مرحبا
نوره: كيفك عاش من سمع صوتك
نايف : دقيقة صمت
تمام كيفك عاشت ايامك >>غصب قالها
نوره : اوكى نايف حبيت اسمع صوتك نكمل السواليف بالرسايل
نايف: خليك معى شوى <<اول مره يسمع صوت بنت
نوره : اوكى
راحت السواليف بسرعه كلها سواليف عاديه بس كانت روعه والاجمل من السواليف ان كل طرف ينظر للطرف الثانى بنظرف شفقه واخوه وهذا اللى كان مخلى كل طرف يهتم بالثاني
جاء الليل
وارسل نايف رساله
نوره سبق وكلمتى شباب او احد كلمك ؟؟
سؤاله كان عفوي وكان مستغرب من اسلوبها
نوره ترد
والله العظيم انك اول واحد اكلمه ولعلمك انا الوحيده في العائله وبين صديقاتى كلهم اللى تراسل وتكلم ومعك بس وربي
نايف: ارتاح وفي نفس الوقت يأنبه ضميره
ارسل رساله
طيب يانوره ماابي اخربك واحمل نفسي ذنوب واحمل ذنب حنا في غنى عنها ايش رايك نقطع بعض
نوره : ترد برساله
ادرى والله انه طريق حرام واوعدك نتوب بس خلك معى هالفتره بس تكفى
نايف محتار يخليها لانه يخاف من الله وفي نفس الوقت لقى انسانه يستانس معها ويعاملها كانها اخته فجلس يضبط لنفسه ^_^ ويقول دامنا مانتكلم بالحرام ولانسوى شي غلط عادى
نايف:اوكى ولايهمك
استمرت علاقتهم سنه زياده اجمل مافي علاقتهم ان مافيه احد يدرى عن علاقته بنوره حتى اقرب الناس له محمد واحمد ونوره نفس الكلام
فكانت علاقتهم خااصه جدا معا انها كانت يوميا رسائل وفي الاسبوع مكالمه فقط
وسواليفهم دائما لاتتعدى الخطوط الحمراء مثل سواليف الاخ مع اخته
اخيرا قرر نايف يدخل مع اكبر باب للخطوط الحمراء وارسل رساله لنوره
الرساله: مساء الورد نوره ابي اخطبك وايش رايك
نوره : دقيقة صمت واستغراب وتحولت العلاقه من دلع الى جد علما انها كانت تحبه جدا
ترد عليه : اهلين يانايف بكلمك
نايف : اوكى
ويدق عليها نايف بسرعه
نايف : سلام
نوره وعليكم السلام
نايف: وشفيك ليش سؤالي فيه شي
نوره : تسكت شوى وترد يانايف وربي انى اموت فيك واعزك واقدرك واتمناك اليوم قبل بكره بس ماتوقع اهلى يوافقون مستحيل مره
نايف: وانا بعد شعور متبادل وربي طيب بجرب واشوف ماتقولين اول انك يتيمه وماعندك احد
نوره: مستحيل يعنى مستحيل وتقفل الجوال
نايف: الو الو استغرب وجلس يفكر يعنى الشغله ماغير طقطقه يانوره
نوره قفلت الجوال وجلست تبكي فتحت على نفسها الف باب هى في غنى عنها وجالسه تفكر اولا اسوى شي حرام ثانيا حبيت واحد مو من مستوانا ثالثا علقته فينى وهو مو ناقص هموم يكفيه انه يتيم
جلست الليل كله تبكي الين وصلتها رساله من نايف
الرساله : الله يسامحك يانوره وانسي اللى صار واللى بينى وبينك انتهى
نوره : ترد بسرعه برساله
يانايف لاتخلينى تكفى ووعد اعلمك بكل شي
نايف رجع يدق ولاترد يبي يعرف وش كل شي الفضول عنده شغال وبعد محاولات فاشله
نام وكانت اخس نومه عرفها في حياته
المشكله ان الحب نساه هم وضعه ونساه حياته كلها واصبح الحب اكبر هم ومصدر السعاده والحزن له
اغليه واظن قلبه حيل يغلينى ==ومن حب باقول كان الله في عونه
انقطع من نوره تقريبا اسبوع كانت كانها سنه كان متعمد مايرسل ولايدق وهى نفس الوضع مادقت ولا ارسلت
بعد اسبوع ارسلت رساله طويله تعلمه بكل شي اسمها وعنوانها وانها اللى حطت الرقم بالسياره يعنى من طقطق الى السلام عليكم وفي نهاية الرساله تقول عرفت الحين ليش قلت مستحيل ؟
__________________________________________________ __________
قرى الرساله نايف مره ومرتين وثلاث
وارسل لها رساله : اوكى عرفتك وعرفتينى اوكى تحبينى ولا لا ولو وافق ابوك توفقي ولا لا
تقرا الرساله نوره وتقولى بقلبها مستحيل يوافق ابوي
وارسلت رساله: وربي احبك واتمناك زوجى يانايف ولي الشرف وانا موافقه بس ابوى مستحيل يوافق واخوانى والاهل كلهم
عرف نايف السبب واهم سبب الوضع المادى مافيه 1% مقارنه بينهم اما من ناحية النسب فكان نسبهم يشرف
ارسل رساله لنوره: اوكى انسي الموضوع انا طالع الحين
طلع نايف وجلس يفكر وش الحل وش يسوى يقطع العلاقه مستحيل يخطب البنت مستحيل يكمل معها زيادة الطين بله والمشكله مايقدر يشكى لاحد
اخيرا قرر يرسل جدته تشوف نوره وتجس النبض وعلم جدته قال لها يمه ابي اخطب بنتهم نوره
الجده : ياوليدي ماتنفع لك عاداتهم وتقاليدهم غير عنا وش تبي فيهم
نايف : يمه انتى شوفيها واجلسي معهم وماعليك
الجده : تونى عندهم قبل اسبوع اعرفهم زين وبنتهم دلوعه حيل بلبسها وكلامها ماتنفع لك مره
نايف : استغرب كيف تعامل نوره معه وبين طبعها مع اهلها واللى يعرفها وقال لامه اوكى تكفين روحى لهم بكره وشوفيها ثانى مره يمكن تغيرت
الجده : ههههههه تغيرت في اسبوع ولايهمك انا رايحه لهم هاليومين وارد لك خبر
نايف: عسانى مانحرم منك يمه ويبوسها على راسها ويطلع
ويشوف جده برى ويلمح له ونفس الكلام يقول جده هذولا ناس لهم عادات وطبايع وتقاليد ماشين عليها غير عنا وتلقى الصغار والكبار نفس بعض ابعد عنهم والواحد يناظر على قده
نايف : يبوس راس جده ويطلع المزرعه
واخذ عهد على نفسه يسوى المستحيل ومايفقد الامل مهما كانت الصعوبات
وتجيه رساله من نوره
وينك يانايف اخبارك وعلومك
نايف يقرى الرساله ويضحك
ويرد : اهلين يانوره انا تمام الله يسلمك وربي انك على البال وين مااروح
نوره: ياليت يانايف نرجع مثل اول وتبعد فكرة الزواج تكفى عشانى
نايف: من عيونى بس انا اخذت على نفسي عهد اسوى اللى اقدر عليه
نوره : اوكى بس خلنا نسولف وابعد فكرة الزواج
نايف : اوكى
ورجع الوضع طبيعي نفس اول ومر اسبوع شهر شهرين وفي الاخير
وبالاخير قرر نايف يخطبها
وكلم ابوه (جده) جده كان غاسل يده منهم بس مايبي يخليها بخاطر نايف وقال ولايهمك اليوم نروح لهم ونشوف
راحوا بعد صلاة العشاء وكانت النتيجه متوقعه بالرفض جمله وتفصيل حتى مافيه كلمة نفكر ونرد لكم خبر او مجرد تفكير بنفس الوقت
خرج نايف وهو مكسور الخاطر وجده يقول انا قايلك بس ماسمعت كلامى احرجت نفسك على الفاضي
نايف تذكر المثل اللى يقول من اجل تكرم مدينه ومافقد الامل
كلم نوره وعلمها واستغرب ان ابوها حتى ماعلمهم ولا قال لهم شي قال بحاول ثانى مره وثالث مره
نوره كانت تدرى ان ابوها ماكان وافق وفي نفس الوقت ماتبي نايف يتركها لانها تحبه
دارت الايام وراح نايف لابو نوره القصر ودار بينهم هالكلام كان خايف ومرتبك في البدايه
نايف: كيف حالك يبو فهد (ابو نوره)
ابو نوره: تمام اخبارك واخبار ابوك
نايف : الله يسلمك حنا بخير والامور تمام <<مسوى اخلاق
ابو نوره : وش مسوى عساك مرتاح ماشوفك تجى مع ابوك
نايف : ابشرك طيب و متوظف بشركه وبالنسبه للجيات مع ابوى ماعندى فرصه وتعرف شغل الشركات
ودارت بينهم سواليف ابو نوره شاف اسلوب نايف وشاف الرزانه وعقليته مو مثل الشباب اللى بعمره واعجب فيه
وبعدها فتح الموضوع نايف
وقال انا جيتك اول مره ومعاي ابوى وخطبنا بنتك ورفضت والحين جيتك وابي اخطب بنتك
اذا كان فيه سبب غير الفلوس معاك حق واذا مافيه .. ابو نوره قطع كلامه وقال : يانايف افهم الزواج عندنا له تقاليد وشروط وله عواقب كثيره ماتعرفها وبنتى ماراح تتحمل عيشتكم وبكسب فيها ذنب
روح واخطب اي بنت وانا اتكفل بزواجك كامل
قال نايف: يبو نوره الفلوس تروح وتجى والفلوس ماتغير الا اللئام وانت كريم وانشاء الله ماغيرتك الفلوس <<يسلك له
ابو نوره : انت وش تبي بنسبنا لاتعرفنا ولا تعرف عاداتنا وطبايعنا وعيشتنا
نايف: وانا وش ابي فيها اللى ابيه بنتكم تعيش معنا معززه مكرمه وانت خذ رايها لاتقطع نصيبها على شان عادات وتقاليد ماامر فيها الاسلام
ابو نوره :انشاء الله خير برد لك خبر خلال اسبوع
وطلع نايف من عنده مستانس على الاقل فيه تجاوب معه وهو طالع من الباب سمع صوت يناديه ومو متاكد من الصوت بس مالتفت لايمين ولايسار
بعدها جاته رساله من نوره :ليش ماوقفت كنت ابي اشوفك
نايف : يقرها ويضحك ::ويرد عليها:: انتى فاضيه من جد
نوره : طيب وش صار معك
نايف: الامور تمام وابوك تجاوب معى وقال بيرد لي خبر تكفين يانوره حاولى تكونى قريبه من ابوك لاتخليه يفكر ويقرر لحاله
نوره: من عيونى والله يكتب اللى فيه خير انتبه على نفسك
نوره استانست مره وماتدرى وش تسوى وتدعى ان الله يتمم على خير
في العصر كانت عائلة نوره جالسين كلهم فتح الموضوع ابو نوره وقال لهم السالفه وش رايكم
الام قالت : وين نودى وجيهنا من الناس وش بيقولون الناس
فهد: يبه اقصر الموضوع وخل الولد يشوف له ناس على قدهم
نوره تسمع كلام اهلها وتبكي بدون شعور وتروح غرفتها
ابوها يناديها نوره تعالي
رد مع اقتباس
