عنوان الموضوع : لا ما ينتهي الحب فينا رواية جميلة
مقدم من طرف منتديات نساء الجزائر

لا ما ينتهي الحب فينا






(لا لا ماينتهي الحب فينا)


اعزائي القراء كتبت هذه الروايه التي احببتها كثيرا وهذه قصتي الاولى وبدايتي في الكتابه


وكلي امل ان تحبونها وتنال إعجابكم واستحسانكم ...

وابطال هذه القصه ستتعرفون عليهم في احداث هذه الروايه..

اتمنى لكم قراءه ماتعه...


اختكم: كاتبة نجد


اعزائي القراء كتبت هذه الروايه التي احببتها كثيرا وهذه قصتي الاولى وبدايتي في الكتابه ***69***


وكلي امل ان تحبونها وتنال إعجابكم واستحسانكم ...

وابطال هذه القصه ستتعرفون عليهم في احداث هذه الروايه..

اتمنى لكم قراءه ممتعه...***68***


لالا مايــنــتهــي الحـــب فـــينــا

الجزء الاول

*الفصل الاول

صحت رنا من النوم على على صوت اخوها فارس اللي يخبط على الباب له فتره ........
وقفت على الباب وميته من النوم..

رنا: زين زين روح انا صحيت ......وفتحت له الباب
فارس: يالله تاخرتي على الجامعه خمس دقايق اذا ماطلعتي روحي مع السواق......
رنا تتثاوب : خلاص روح مايمديني اخلص بسرعه .....
فارس : طيب بروح اجهز اوراقي على ماتخلصين
رنا: تسلم لي يا احلى اخو بالدنيا ....راحت بسرعه لبست واخذت عبايتها ونزلت للصاله ..كان اخوها وليد جالس مع امها يفطرون حبت راس امها وجلست ..
الام: هاه وش اخبار المذاكره ؟؟
رنا: زينه الحمدلله بس يارب تكون الاسئله سهله
الام: الله يوفقك يابنيتي وجعلك تجيبين الدرجه الكامله ..
رنا : امين ويخليك لي يارب
وليد: اشوف الدعوات لبعض الناس وحنا لا
ام وليد: الله يوفقك ياوليدي ويرزقك الزوجه اللي تسعدك
وليد: خليني اخلص الدكتوراه بعدين الزواج..
ام وليد: ياولدي اللي فعمرك عيالهم يدرسون وانت الى اللحين مأجل وش فيها لا تزوجت واخذت زوجتك معك وكملت دراستك براحه .
وليد: لا مابي اتحمل مسؤليه ودراسه يكفي هم الدراسه
(وليد الاخ الكبير لعائلة عبدالله الله يرحمه ويدرس في امريكا وجاي اسبوعين عشان يشوف امه وباقي له سنتين على مايخلص)
فارس: يالله رنا تاخرنا
رنا: يالله ادعولي .....
الام: الله يوفقك يابنيتي
(رنا البنت الوحيده في العائله تدرس في الجامعه في السنه الثالثه وفارس الابن الثاني عمره 26 يشتغل في شركة ابوهم اللي متوفي له سنتين)
دخلت رنا للجامعه وشافت صديقتها عهود..
عهود: اهلين رنا وش اخبار المذاكره..
رنا: كويسه بس بسالك الفصل السادس محذوف والا لا
عهود: لا مومحذوف بس الدكتوره تقول مو مهم يعني قراءه لزيادة المعلومات بس
رنا: اشوى حسبتني غلطانه...... اما اقرى شي محذوف كثري منها ان شاء الله اذا خلص الامتحان قريته بالاحلام
عهود:هههههههههههههههههههههيالكسلانه
رنا: انتي قريتيه؟؟
عهود:لا
رنا: اجل انت بعد كسلانه...
عهود:هههههههههههههه يالله امشي معي نروح الكافتريا نفطر ونصحصح للامتحان ..
جلسوا البنات يفطرون وجت معهم منى ورجتهم بهبالها وراح عنهم رهاب الامتحان النهائي وكان اخر امتحان لهم..

>>>>> ردود الأعضـــــــــــــــــــاء على الموضوع <<<<<
==================================


الساعه2 الظهررفي بيت رنا
........رنا جالسه قدام التلفزيون وعيونها طالعه من التعب اللي فيها
وليد:رنا روحي نامي شوفي شكللك وشلوووون
رنا: من زود الفرحه بالاجازه ماودي انام... مشتاقه حق التلفزيون حق السوق والحدايق وكل شي
فارس: بالمناسبه راح اخذك نتمشى في أي منتزه
تبينه......
رنا: يــــــــــــاي ياسلام هذا الاخو والابلاش مو مثل هذا (تناظرفي وليد)ماغير يتسدح عالفاضي
وليد: يمه منك اللحين امداك تخلصين دراسه ..تطبين علينا طلعوني ومشوني ؟؟ وبعدين انا كلها يومين وراجع للغربه انتي دلعيني..
رنا بغرور: اذا مادلعتوني من تدلعون اجل ..اختكم الوحيده واستاهل ..
فارس: ابوك يالغرور...وعلى فكره طلعتي اليوم بشرط
رنا:بدينا بالشروط
فارس: انتي اعرفي وش الشرط
رنا تتصنع الانتباه: اشرط
فارس: روحي نامي لاني ماعندي استعداد تنامين في السياره وابتلش فيك
رنا: اذا هذا الشرط انت تامر امر
....وركضت رنا بخفه لغرفتها تنام
ام وليد جلست معهم .....
ام وليد: وش فيها رنا تركض
وليد: بيوديها الاخ للمنتزه
الام: ايه كفو ياوليدي خلوها تستانس لها شهر ماطلعت من البيت ماغير الجامعه...وامتحاناتها
فارس: عاد الطلعه ماتحلى الا بك..
الام: والله ياوليدي مافيني شده على المشي.
فارس: وانا اقول لازم تطلعين معنا وتشوفين العالم
الام:خلاص مادامك ملزم اروح معكم وامري لله..
بعد صلاة العشاء تجهزت رنا واخذت عبايتها ونزلت من الدرج وشافت امها واقفه على الباب تنتظرها
ام وليد:فارس في السياره
رنا: يالله
وتموا يسولفون في الطريق وكانت رنا مروقه بعد النومه اللي نامتها وتضحك من قلبها على سوالف فارس اللي ماتنمل...
وصلوا الحديقه وهم يمشون بالممر صادفوا صديق فارس عمّار وكان معه امه وخواته شادن ونورا شادن في عمر رنا ونورا اصغر بسنه
وكانت ام وليد تعرف ام عمّار من زمان سلمت عليها والبنات سلموا على بعض مع انهم ماكانوا يعرفون بعض ..
ام وليد: وينكم ماتشافون وبناتك كبروا ولا قد شفتهم ..
ام عمّار: ايه والله ياام وليد عاد تعرفين بنات هالزمن ماينعرفلهم دايما امهم بصوب وهم بصوب
..


__________________________________________________ __________

فارس: بتمون واقفين فالطريق ..؟؟
ام وليد: تعالوا معنا نشوفكم ويتعرفون البنات على بعض.. راحوا اخذوا لهم طاولتين بجنب بعض وحده فيها فارس وعمّار اللي فالينها طبعا هم اصدقاء الروح بالروح والثانيه فيها الحريم..والبنات..
شادن: ياي من زمان عنك يارنا كبرتي ولاقد شفناك
رنا:انتم ليش ماتجون مع امكم لمن تجي عندنا
شادن:انتي اللي ماتجين مع امك
نورا:عاد اخر مره شفناك فيها لمن رحنا لمزرعتكم لمن ضربك اخوي عمّار بالعصا
رنا: ياحرام لاتذكريني احس الى الان توجعني الضربه
شادن ا:هههههههههه عاد هذي ذكرى تذكرينها
نورا: بس ماكان يدري كان يبي يرميه برى وطاح على راسها..
رنا:هههههههههههههههههههه ذكريات بس فرقتنا الدنيا بدون ماندري ..وياليت ترجع ذيك الايام
نورا: ياليت انواع الوناسه..
شادن: وش رايكم نروح عند البحيره
نورا: يالله
وراحوا عند البحيره وانواع السوالف والضحك وقالت نورا ابروح لدورات المياه
وراحوا كلهم معها ..
اول مادخلت رنا خلعت طرحتها ونقابها وشهقوا شادن ونورا بقلوبهم من الجمال اللي يشوفونه صحيح حلوه لمن كانت صغيره بس لما كبرت زاد جمالها ..
كان شعرها بني ناعم جدا لنص ظهرها وعيونها ناعسه بنيه مايله للعسلي وكبار ورسمتهم حلوه وبشرتها بيضاء صافيه وشفيفها ورديه وحلوه وناعمه لاخر حد..
نورا وشادن انجنوا عليها ماتوقعوها بهالجمال..
رنا عدلت طرحتها ونقابها من جديد وطلعوا ولما رجعوا للحريم كان فارس جالس بلحاله وهم جايين من وراه قامت رنا بتلعب عليه جت من وراه وهزت كرسيه بقوه..
رنا: بوووووووووووو
عمّارالتف عليها وصار وجهها بوجهه مافيه مسافه كبيره بينهم: بسم الله الرحمن الرحيم
انتبهت انه مو اخوها ودها لوالارض تنشق وتبلعها من الاحراج ...وركضت بسرعه لطاولتهم وجلست وهي ميته من الفشيله وكانوا شادن ونورا شاهدين على الموقف وتموا يضحكون عليها وعلموا اخوهم انها تحسبه فارس اخوها وضحك عليها بقلبه ..


__________________________________________________ __________

نورا: اجل بوووو هاه
شادن : حركات والله
رنا: اسكتوا لا اطب في بطونكم مانيب ناقصتكم.. وبعدين من قاله يشيل شماغه زي فارس
شادن: مات من الحر قال ابشيله..
نورا: هههههههههههههههههههههههههههه عادي خلك فري
رنا:لو انتي اللي حصلك الموقف ماقلتي كذا
نورا: الله لايقوله
رنا:حرام عليك لاتحسسيني بالاحراج فوق ماني منحرجه
شادن ونورا:ههههههههههههههههههههههههه
ام عمّار: وشفيكم على البنت؟؟
شادن: بلاك ماشفتي وش سوت..
ام وليد: وش سوت؟؟
رنا اشرت لها تسكت وفهمتها
شادن ترقع السالفه: اعني المره اللي هناك سوت هوشه معتبره..
نورا: ايه فاتكم المشهد انواع الرعب..
ام عمّار: ماتدرون ليش المره تهاوش؟؟
شادن : لا ماندري بس شفناها تهاوش وحده ومتجمعين عليهم الناس..
( رنا ماتت من الضحك على كذبتهم اللي كانهم متفقين من زمان عليها)

رنا تضحك بصوت عالي :ههههههههههههه
شادن: عساها دوم هالضحكه.
رنا بهمس: تسلمي لي ....
نورا نطت فيهم: وش تقولون من وراي
رنا: كنت اقولها ياحبي لنورا ماشاء الله عليها مؤدبه
شادن: اشوفك تعلمتي الكذب
رنا:هههههههه
نورا: يعني كنتوا تحشون فيني ..اوريكم!
رنا: لاوالله ماجبنا سيرتك..
نورا: اجل وش كنتوا تقولون؟؟
شادن: ياربي الله بلاني باخت نشبه..
رنا: احلى نشبه بعد
شادن: لاوش احلى نشبه..الا اشين نشبه
رنا: السالفه ومافيها ..وسكتت..تصدقين نسيت
نورا:هههههههه ارحمكم اصلا سامعتكم
شادن قالت عساها دوم هالضحكه..وانتي قلتي تسلمي لي..
رنا: اجل ليش مسويه زحمه من الصبح
نورا : كذا ..
رنا: صدقت شادن يوم قالت نشبه
نورا:هههههههههه

وبعد ساعتين تقريبا كل راح لبيته وكانوا شادن ونورا يلمحون لاخوهم ويضحكون عليه من ورى امهم
وهو ساكت ومايبين اهتمامه باللي شافه ..عيونها قلبت عليه الموازين وحس بشي غريب نحوها بس اكيد عشانه ماقد تعرض لهالموقف...




نهاية الفصل الاول


__________________________________________________ __________

*الفصل الثاني*



في بيت عمّار الساعة 4 العصر

نورا جالسة تلعب بلاي ستيشن مع ولد اختها مريم (ريان 7 سنين)
نورا: يااااااااااي فزت عليك
ريان: اللحين اسجل هدف وتشوفين
نورا: اصلا انت ماتعرف تسجل اهداف انا اقول لو تضف وجهك اصرف لك
ريان صار وجهه احمر من القهر اللي فيه وشوي ويبكي
عمّار:حرام عليك يانورا شفتينا بعدنا عنك قلتي استفرد به
ريان بعيون مليانه دموع:خالو عمّار شفها ما تخليني اسجل شي
عمّار:ماحبها عطني افوز عليها الحماره
ريان استانس وعطاة اليد وبدا عمّار يلعب وطبعا هورحريف في اللعبه ومايخلي احد يفوز عليه
نورا: عاد مالقيت تعطي الا عمّار اجل من اللحين فشلنا
عمّار: تستاهلين
ودخلت عليهم شادن ومعها صينية مكسرات وشاهي وحطتهم على الطاوله وبدت تشجع وريان مستانس على الاهداف اللي غلب فيها نورا..
وخلص الشوط وقام عمّار ياكل من المكسرات
نورا:على شوي شوي لا تغص
عمّار:ماعليك مني خليك بالكوره تعلمي لك كم حركه تفيدك بالمباريات الجايه..
نورا باستهزاء: تفيدك بالمباريات الجايه..من قالك اني ابلعب معك
عمّار:يكون احسن
وجت مريم وامها وجلسوا معهم
مريم: وش فيكم تتناقرون..؟؟؟
عمّار: فزت عليها كالعاده والى الان نفسيتها متاثره
شادن:ههههههههههههههه شوفوا شكلها مقهوره بجد
نورا: ماعليك منه بس خلك تطلب مني شي !!
عمّار:عاد ماطلبت الا منك
نورا: ماتدري عن الدنيا..يمكن تعتازني بشي
ريان:نورا حماره ماحبها
مريم::عيب عليك تقول كذا عن خالتك
ريان:ليش تقول انت ماتفوز ابد
عمّار:هو صادق ليش تقول انت ماتفوز ابد
ام عمّار:خلكم من النقره اللي مامنها فايده...وترى ياوليدي ام وليد عازمتنا على مزرعتهم الاسبوع الجاي ابيك تكون فاضي وتودينا...
عمّار:بس مزرعتهم يمه بعيده حوالي 300 كيلو ايه هي قالتلي انها بعيده وتقول تعالوا يوم الاربعاء ونمشي الجمعه ..
شادن:فشله يمه مانعرفهم ونجي نطب عليهم مره وحده
ام عمّار:انتي اللي ماتعرفينهم والا دايم انا وام وليد مع بعض بس انتم يالبنات ماتبون بعض..
شادن: ومن قال مانبي بعض..
ام عمّار: كل عمرها ام وليد تزورني وازورها وانتم ماتجون معنا..
نورا:صادقه يمه بس لمن شفنا بنتهم رنا امس صراحه البنت فله وطيبه وتعاملنا كاننا نعرفهم من زمان...
شادن:ايه والله حبوبه بالمره..
ام عمّار: الله يوفقها ان شاء الله..طيبه هالبنت والله احيانا احسها وحده من بناتي
مريم: اذكر يوم اني صغيره نروح لهم لما كان ابوهم حي الله يرحمه
ام عمّار: الله يرحمه ويغفر له ..وتراها عازمتك انتي يامريم
مريم: لا ماقدر ابسافر ما اقدر اروح معكم ..اعنذري لها
ام عمّار: الله يساعدكم
مريم: امين


__________________________________________________ __________

وتموا يسولفون عن عائلة فارس ورنا وعمّار ساكت مايشاركهم الكلام يخاف من كلام خواته اللي مايرحم والايمكنه يحس بشي تجاهها ويحسبه بيطلع لو تكلم.......؟؟ يقولون اللي على راسه بطحى.....ههههههههه

مر الاسبوع بسرعه وفيه مكالمات بين شادن نورا مع رنا يتفقون على الرحله اللي البنات متشوقين لها مره
....................
رن الجرس حق الفيلا اللي بالمزرعه معلنا وصول عمّار واهله واستقبلتهم ام وليد ورنا استقبال رائع والبنات منبهرين من فخامة هالمزرعه والقصر والخدم والحشم اللي فيه(طبعا عائله عمّار عائله على قد حالهم توفى ابوهم وهم صغاروالان عايشين على مرتب عمّار اللي يشتغل مدرس وراتبه يالله يكفيهم وبيتهم ملك بس بقد فخامة بيت ابو وليد)
شادن :ماشاء الله مزرعتكم حلوه مره
رنا:ان شاء الله بكرا من الصباح نروح ندور فيها ..واوريكم الاماكن اللي احبها .
نورا :ان شاء الله
رنا: ياي احس اني في حلم ما اصدق انكم معي بهالمكان
شادن :الله يسلمك هذا من طيبك
رنا:تخيلوا دايما اهلي يطلبون مني اجي معهم وارفض
نورا:احد عنده هالمزرعه ويرفض يجي لها
رنا:بلاك ماجربتي تصيرين بلحالك لا اخت ولاصديقات بس اجي ارز وجهي مع الحريم...وشوله؟؟
شادن:يعني ماعندك بنات خالات وخوال واعمام..؟
رنا:لا بنات خالاتي وخوالي كبار ومتزوجات وعماني ماعندهم بنات بسني..الله جابكم لي..يالله بنات تعلوا اوريكم غرفتنا..
نورا:خلاص صارت غرفتنا اللحين؟؟
شادن:انواع الاحتلال
رنا:هههههههههه حلالكم وتراها غرفتنا كلنا من اللحين
ورقوا لفوق وكان فيه غرف كثيره
رنا:امي تقول ليش تحجرينهم بغرفه وحده ؟ بس رفضت نفترق كلها يومين منب متضايقين من بعض
شادن: أي والله حلاتها مع بعض
وكانت الغرفه كبيره نوعا ما وفيه ثلاث سرر مخصوص لهم الثلاثه وكانت مرتبه وفيها بلكونه كبيره فيها كراسي وطاوله وتطل على حديقه ونافوره وممر طويل يودي لاخر المزرعه ....
طلعوا البنات في ابلكونه وجلسوا يسولفون وراحت السوالف لحد ما اذن العشاء قموا البنات وصلوا ونزلو لامهاتهم اللي فالينها وفارشين لهم بساط في الحديقه وقهووه وشاي وحلويات..
ام وليد:حيالله بنياتي
شادن:الله يحييك خالتي
ام وليد: عسى جازتلكم الغرفه
شادن:أي والله ياخالتي تجنن
ام عمّار: كلفنا عليكم بهالجيه
رنا:لاياخالتي لاتقولين كذا جيتكم عندنا بالدنيا كلها
ام عمّار :الله يسلمك يابنيتي ..
وجلسوا في الحديقه يسولفون ويضحكون لحد وقت العشاء
طلعوا البنات من الحديقه وراحوا لغرفة لطعام فيها كانت السفره تحمل انواع الاكل واصنافه وكان الطبق الرئيسي كبسه باللحم..