عنوان الموضوع : رحلة دمعة -روايات رائعة
مقدم من طرف منتديات نساء الجزائر

رحلة دمعة






السـلام عليـكم

بسـم الله الرحمـن الرحيم

اللهم صل على محمد وال محمد


الحياه التجارب فيـها الحلوة و فيهـا المرة

و لكل رحلة في الحياة نهاية سواء كانت نهاية حزينة او سعيدة

فنهاية الحزن فرح و نهاية الدمعة ضحكة

اقدم لكم اول مشاركاتي في هذا المنتدى

وهي عبارة عن قصة الفتها و كتبتها

ارجو ان تنال اعجباكم


رحلة دمعة


جمانة فتاة تتميـز بـ سحر جمالها و رُفعة اخلاقها اللتي تجعلها محبوبه من قبل الجميع ،، عُمرها 17 سنة و تملك اسره مترابطه و رائعه ،، متعلقه بهم كثيراً ... سنتعرف إليهم من خلال احداث القصــه ...

الشخصيات :

عائلة جمانة :
عبدالله (ابو محمد)
منى (ام محمد )
جمانة ( 17 سنة )
سارة ( 15 سنة )
دانة ( 10 سنة )
محمد ( 9 سنوات )
زيد ( 8 سنوات )

صديقات جمانة :
هدى ( اقرب صديقة لها )
سهام
رغد
ريم

والباقي نعرفهم من خلال القصة ....

القصة :

في الليل الساعة 10 pm

جمانة : افففف
سارة : شفيج ؟!
جمانة : مب قادرة انام
سارة : هههه تعودنا على السهر شكلنا بنروح المدرسة مواصلين
جمانة : هههه بنام في السكول ، اه يا ريت باجر مب مدرسة
سارة : هذا اول يوم و تتحلطمين ، الله يعينا بعدين
جمانة : اللاااااااي اخر سنة وناسة
سارة : يا حظج
جمانة : جوفي دانة في سابع نومة
سارة : احلى شي باجر بجوف صديقتي فيووز
(فايزة اقرب صديقة لسارة وتقول لها عن كل شي يضايقها او يفرحها )
جمانة: اقول خلينا نرقد احسن ياتني النودة
( و ناموا البنات و جاء اليوم المشئوم )
الساعة 3:30 Am
الله اكبر .. الله اكبر
ام محمد تطق الباب
ام محمد : يالله يا بنات قوموا صلاه
جمانة و اهيا تتمغط : انزين يمه ، سارووه قومي
سارة : وجع لا تصارخين
جمانة : قومي
سارة : انزين
دانة : انتوا شفيكم ؟
جمانة : ما يخصج على ما اعتقد
دانة : وي مالت عليج اقول
ام محمد : بلا هواش و قوموا صلوا
البنات : حاظر
وقاموا يصلون ..
ابو محمد : ها يا ام محمد قعدوا البنات
ام محمد : ايوه، اوكي بروح اجهز الفطور
الساعة 6 Am
جمانة : تسلمين يمه على الفطور
سارة : الحمدلله ، خلصت الفطور بقوم اتجهز للمدرسة
ام محمد : ايه يلا حبايبي قوموا اتجهزوا

في المدرسة :
راحت جمانة صفها وجافت هدى وربعها هناك..
هدى صرخت : جمووون
وحضنوا بعض وكل وحده تقول لثانية اشتقت لج
يات سهام صوبهم تقول : وي عشتوا اللي يقول ما جافوا بعضهم سنة واهم في العطلة على طول مع بعض
ريم : خليهم العاشقات ههههه
هدى : اصلا جموون لو تغيب عني ثلاث ثواني بس اشتاق لها
واحنا ما جفنا بعضنا ثلاثة ايام قبل المدرسة
رغد : انزين واحنا يا جمون ما لنا سلام
جمانة : افا عليج بس لج حضنة و بوسة بعد
الكل : ههههه
شيماء : ها ياخماسي المرح
رغد : اففف يات هذي ثقيلة الدم
سهام : ايييييييييه كلش ما تنبلع
جمانة : اقول سكتوا احسن
شيماء : شفيكم ؟ تتساسروون لا يكون عني
هدى : لا حاشج مستحيل نحش فيج
شيماء : اوكي الحين اخليكم بروح بشوف سناء
رغد : و اخيرا بعدت
ريم : اصلا اهيا وقفت معاكم شي شافتكم تتساسرون و مشت
رغد : احسن
تررررررررن تررررررررررررن تررررررررررررررن
هدى : لا طق الجرس
جمانة : ما لي خلق ادرس
رغد: هذا اول يوم و ما لج خلق عيل اخر يوم شلون بيكون
جمانة : ههههه الله يعين
ريم : اوكي يالله خلونا نقعد قبل لا تيي المعلمة
( جمانة و هدى يقعدون يم بعض و وراهم ريم و رغد يم بعض اما سهـام تقعد يم وحده اسمها شذى )
رغد : جوفي من اللي دخل جوفي اي معلمة
ريم : لا معلمة هنادي اففف
رغد : امبيه ما نفهم لشرحها
المعلمة : هدوء يا بنات ، السلام عليكم
بنات الصف : وعليكم السلام
المعلمة : تفضلوا قعدوا
بنات الصف : شكرا
المعلمة : انه اسمي المعلمة هنادي و على مااعتقد تعرفوني لاني درستكم العام اللي طاف رياضيات
وحده من بنات الصف(سناء ) : المعلمة الله يخليج لا تدرسنا اليوم
شذى : ايه معلمة هذي اول حصة لنا لا درسينا
المعلمة : اوكي بس كله وحده تسوي اللي تبيه بهدوء
( وكل بنت لفت على صديقتها تسولف)
سهام : الحقووا بنات مدام معلمة هنادي بدرسنا رياضيات فلحنا هههههه
هدى :ههه قصدج العكس لازم نسجل في المعهد اليوم
ريم : ههههه ايه
وبعد 45 دقيقة طق جرس الحصة ليعلن عن ابتداء الحصة الثانية
رغد : يعني متى بيعطونا الجدول؟!
جمانة : بسيطة اذا يات مربية الفصل اهيا بتعطينا الجدول ههههه
رغد: وييي مسوية روحها مسوية انجاز
( جمانة لفت على نفسها ومشت عن رغد )
رغد: اعصابج اختي اقول ههههه
دخلت المعلمة الصف
المعلمة : السلام عليكم
بنات الصف : وعليكم السلام
المعلمة : اتفضلوا
بنات الصف: شكرا
ريم لرغد: منو هذي المعلمة ؟! اول مرة اجوفها
رغد : شدراني !!
ريم : تتوقعين شنو تدرس ؟
رغد واهيا تلف عن ريم : مادري
المعلمة : انه اسمي معلمة فاطمة حسن ان شاء الله
بدرسكم فيز
ريم : اها معلمة فيز
جمانة: ان شاء الله يكون شرحها مفهوم
هدى : ايه ان شاء الله مانبي نسجل حق الفيز بعد في المعهد
جمانة : بس تصدقين شكلها المعلمة كيوت آنه ارتحت لها
هدى : ما يبين عليها شي من كلامها
المعلمة : اوكي بنات اخذوا راحتكم سوو اللي تبونه بس بهدوء
ومر الوقت في المدرسة لين صارت الساعة 1:50 pm

يـــتــبع ...

دمتم سالمين
نبي نشوف تعليقاتكم
مع السلاامهـ

>>>>> ردود الأعضـــــــــــــــــــاء على الموضوع <<<<<
==================================


جمانة : واخييييييييييرا طق الجرس و بنروح البيت
هدى : شفيج كان معطينج هدية اوجائزة ههه
سهام : خليها ما عليج منها هذي مخبولة
جمانة : ما في غيرج مخبول اهني فهمتي
سهام : لا ما فهمت فهميني
هدى: هيه انتوا بلا هواش ، يلا جمونة خلينا نروح قبل لا يهرب عنا الباص
جمانة : اوكي
هدى : مع السلامه بناات
البنات : مع السلامه ، سي يوو
وراحت كل بنت على بيتها دخلت جمانة و سارة البيت
جمانة و سارة : السلام عليكم
ام محمد: و عليكم السلام
جمانة : شخبارج يمه ؟
ام محمد : الحمدلله ، يالله يا بنات روحوا بدلوا ملابسكم عشان الغذى
جمانة وسارة : اوكي
جمانة وسارة في غرفتهم
سارة : اليوم جفت فيوز من زمان ما اجوفها
جمانة : يو لكم معلمات اليوم ؟
سارة : ايه وانتوا ؟
جمانة : يو ونفخوا راسنا
سارة : هههههه عيل احنا شنقول اول يوم لنا بالمدرسة هذي ما ظل شي ما قالوه
جمانة : الله يعين
سارة : تخيلي من جفت في المدرسة ؟
جمانة : من ؟
سارة : بشاير بنت جارتنا المغرورة
جمانة : وي على بالي بتقول شي يديد
سارة : ليش تدرين انها معانا بالمدرسة
جمانة : ايه في ثاني ثانوي اهيا
سارة : اها
( بشاير تصير بنت جارتهم ام جاسم بنت مغرورة وحقودة ما تحب الخير لاحد بس عليها جمال روعة )
سارة : انتوا جم وحده في الصف ؟
جمانة : 25
سارة: احنا 35 والصف صغير و خنقة
محمد : ماما وينهم هذولا تاخروا
ام محمد : مادري يمه راحوا يبدلون ملابسهم
زيد : ماما بروح اناديهم
ام محمد : اوكي
محمد : زيد لا تروح وتنام انت بعد اوكي
زيد : ما تضحك
طق طق (زيد يطق الباب )
جمانة : منو ؟
زيد : يلا نزلوا نبي نتغذى
جمانة : انزين ، يلا سارة خلينا ننزل لا يسوون لنا هنا فضيحة بالبيت
سارة : هههه اذا الحين محمد وزيد صرخوا حتى بيت الجيران بيسمعون
نزلت سارة و جمانة حق الغذى
ام محمد : وينكم يمه تاخرتوا ؟
سارة : هههه طقينها سوالف ونسينا سالفة الغذى
ام محمد : ههه اوكي يلا قعدوا تغذوا
( وطقوها سوالف على الغذاء و كل واحد يقول شنو صار له في المدرسة )
محمد : ههههه راشد كان يمشي على الدرج عاد كان يهددني يقول ارويك شلون يكون الشغل ، لين ما وريتك ما اكون ولد ابوي و انجان يطيح على ويه ههههه
الكل : هههههههههه
سارة : صدق المثل لين قالوا من حفر حفرة لاخيه وقع فيها
الكل : ههههه
جمانة : مسوية روحها كلش تقول امثال بعد هههه
سارة : حبيبتي هذا من الحرة تقولين جذي
جمانة : ويي على شنو ؟
زيد : ماما قالت لنا المعلمة نودي اغراض معانا باجر المدرسة
ام محمد : كتبتهم لك في ورقة
زيد : ايه
ام محمد : اوكي ابقول لابوك بعدين ييبهم
جمانة : يالله آنه استاذن بروح ارتب اغراضي
سارة : آنه بعد
كانت جمانة وسارة فوق في غرفتهم يعدلون اغراضهم حق المدرسة . فجاءة تدخل دانة الغرفة
جمانة : شفيج احد يفتح الباب جذي ؟
دانة : يبونج؟
جمانة : من ؟
دانة : هدى
جمانة : صج ؟ هدى تحت !!
دانة : ايه
نزلت جمانة تحت لهدى
جمانة : هلا وغلا هدوي ، تعالي نصعد فوق نقعد في الغرفة
هدى : اوكي
و تموا البنات ضحك و سوالف
هدى : مر الوقت و لا حسيت به
جمانة : الحين قريب بيأذن المغرب
هدى : اوكي خلينا نقوم نتجهز حق الصلاة عشان بعدين امشي اروح البيت
جمانة : انزين تعشي معانا الليلة
هدى : لا انه قلت لامي ما بنتاخر بس الحين قريب بيأذن عشان جذي بصلي و بمشي
جمانة : اوكي
( اذن الاذان و صلوا جمانة وهدى وبعدها راحت هدى البيت )
وفي المدرسة اليوم الثاني
الحصة الاولى :
رغد : يالله عاد هالمدرسة ولا يعرفون ينسقون جدول
عيل من صباح الله يخلون لنا كيم
جمانة : انزين بس خلاص سكتي دخلت المعلمة
رغد : الله يعينا
هدى : ليش المعلمة حلوة و تمشي الحصة بدون ملل
رغد : تكلمي عن نفسج
جمانة : سكتوا دخلت المعلمة ما تفهمون
رغد : انزين عاد
معلمة الكيم : صباح الخير
بنات الصف : صباح النور
معلمة الكيم : شخباركم بنات ؟
بنات الصف: الحمدلله
معلمة الكيم : اتفضلوا
بنات الصف : شكرا
هدى : انه معلمة صفية تعجبني بصراحة
جمانة : فهمنا انزين
هدى : شفيج ؟
جمانة : مللتينا وانتي تكررين هالكلام
هدى : اوكي خلاص
معلمة الكيم : اليوم درسنا عن الروابط الكيميائية
و مر الوقت و طق جرس الفسحة
رغد : واخيييييييرا نقدر نتنفس
ريم : يوعانه حدي
سهام : يالله نروح الكفتريا
رغد : اوكي من تبي نشتري لها ؟
ريم : انه اشتري لي
رغد : شنو تبين ؟
ريم : طعمية و عصير مانجو
رغد : اوكي ، هدى وجمانة ما تبون شي ؟
جمانة : انه لا
هدى : لا ما ابي شي
سهام : اوكي وين بتقعدون ؟
جمانة : عند الصف
سهام : اوكي ، يلا رغد
( قعدت جمانة و هدى و معهم ريم عند الصف اما سهام و رغد راحوا الكفتيريا )
جمانة : هدى
هدى: هلا
جمانة : احس بضيق
هدى : من شنو ؟
جمانة : مادري
هدى : لا تفكرين انزين في الاشياء اللي تضايق
ابتسمت جمانة لهدى
ريم : هيه انتوا بعدكم صغار على الهم
جمانة : ههههه صغار
هدى: ما في احد ما عنده هم صغير او كبير


__________________________________________________ __________

ريم بنبرة حزن : صدقتي
هدى : شفيج ريم ؟
ريم : لا ما فيني شي
( ريم امها وابوها منفصلين صار لهم اسبوع بس ريم ما خبرت رفيجاتها )
هدى : حلفي ما فيج شي
ريم : قلت لج ما فيني شي خلاص
جمانة : هدوي انزين خليها يمكن ما تبي تقول
سهام و رغد : هااااي
جمانة : هايات
سهام : ريم اكلج
ريم : شكرا
سهام : عفوا حبيبتي
و مرت الايام
في حصة الفنون
معلمة الفنون : يالله أبيكم ترسمون لي أي شي يخطر في بالكم
كل بنت بدت في رسمها اما ريم انعزلت في مكان بروحها و رسمت اشياء حزينة
رغد : شفيها ريوم ؟
هدى : مادري
جمانة : ما تلاحظون ان ريم وايد متغيره
رغد : ايه ، محد يدري شفيها ؟
هدى : سهام
سهام تلخبطت و تغيرت الوان ويهها: نعم
( سهام كانت اقرب وحده حق ريم و جارتها بعد )
هدى : ما تدرين شفيها ريم ؟
سهام و اهيا مرتبكة : لا
هدى : متاكده ؟
سهام : اي
جمانة : ويهج يقول غير جذي
سهام : شفيكم هذا سر بيني وبينها و ما يصير اقول لكم
رغد : قولي نوعدج ما نقول حق احد
سهام : لا
جمانة : قولي يمكن نقدر نساعدها
هدى : ايه يالله
سهام : بس توعدوني ما تقولون حق ريم
البنات : اوكي
سهام تتذكر شنو صار ونزلت دموعها غصبا عنها لان ريم روحها ورفيجتها
جمانة : يالله سهام اتكلمي
سهام : اوكي ، ريم
هدى: شفيها ؟
سهام : ابوها طلق امها
البنات شهقوا : شنو ؟!
سهام : خفضوا حسكم لاتسمعكم
جمانة : يا قلبي يا ريم ولا حد حاس فيج
هدى : ليش ما قالت لنا ؟
سهام : قالت اللي فيهم مكفيهم و قالت لي لا تقولين للبنات
ريم في عالم ثاني في عالم حزنها ترسم و ترسم
معلمة الفنون : ريم
ريم : نعم
معلمة الفنون : كل هذا حزن شفيج ؟
ريم : ما فيني شي بس احب ارسم اشياء حزينة
معلمة الفنون : بس عيونج تقول انج حزينة
ريم : لا ما فيني شي
معلمة الفنون : اوكي على راحتج اذا ما تبين تقولين
ريم تتذكر الموقف كانه يصير الحين جدامها
( صوت صراخ
ريم : شنو هالصراخ ؟
نغم اخت ريم : مادري اكيد امي وابوي
نزلت ريم تجوف شصاير
ام ريم : انه خلاص ماقدر اعيش وياك اكثر من جذي
اب ريم : ومن قال اني اقدر استحملج اكثر ، انتي طالق
وقفت ام ريم مصدومة بهذي سهولة طلقها
ريم و اهيا تصيح : لالالا ليش ؟ واحنا ما حسبتون لنا حساب
اب ريم : على غرفتج يالله
ريم صعدت لغرفتها واهيا تصيح خافت من صراخ ابوها
نغم : شفيج ريم شصاير ؟
ريم واهيا بتموت من الصياح : نغم ابوي طلق امي
( اب ريم عصبي وايد واذا عصب ما يدري شنو قاعد اهوا يسوي )
وبدات معاناة ريم واختها كان ابوهم وايد يضربهم خاصة بعد
ما طلق امهم
نرجع للصف الفنون
جمانة : اه كسرت خاطري ريم
هدى : مسكينة ما تستاهل
رغد : ريوم طيبة و رقيقة ما تستاهل اللي يصير فيها
سهام : سكتوا ريم يايه
ريم : هاااي ، شفيكم ؟
رغد: ما فينا شي ، ليش ؟
ريم : انتوا طالعوا ويوهكم و بتعرفون
جمانة : اقول قعدي ريوم بلا كلام فاضي
ريم مستغربة : صج شفيكم ؟
رغد : قلنا لج ما فينا شي
هدى : شفيج ريم ما فينا شي
جمانة : اسمعوا شرايكم اليوم تيون بيتنا ؟
ريم : انه ما اقدر
جمانة و تسوي روحها ماتعرف شصاير : ليش.؟
ريم : بس ما اقدر
سهام: انزين جمون لا تضغطين عليها
جمانة : انزين انتوا بتيون او لا ؟
رغد : انه بيي
سهام : انه بعد
هدى : انه ما يبي لها كلام اكيد بيي
جمانة : اوكي ، انتظركم
العصر
في بيت جمانة
جمانة: هلا وغلا بالبنات
رغد : هههه هلا فيج
جمانة بحزن : خسارة ريم مب معانا الحين
سهام : أي والله
هدى : انزين بس لا تقلبون لنا المواجع يايين عشان نستانس
جمانة : اوكي يالله تعالوا نصعد لغرفتي
البنات : اوكي
في بيت ابو ريم :
ريم : يبه
ابو ريم : نعم
ريم : يصير اروح بيت جمانة رفيجتي
ابو ريم : لا
ريم : عاد يبه بس اليوم رفيجاتي كلهم بيتيمعون هناك
ابو ريم : نغممممممممم
نغم : نعم يبه
ريم : وصلي اختج بيت رفيجتها و قعدي معاها هناك واذا خلصوا يبيها وياج
نغم : اوكي
ريم مستغربة و فرحانة : مشكور يبه
ابو ريم : لا تتاخرون
ريم ونغم : حاظر
الجرس يرن
جمانة : شووي بروح اجوف من عند الباب
البنات : اوكي
جمانة فتحت الباب
جمانة : ريم
ريم بابتسامه : هلا
حضنت جمانة ريم : نورتي خيو
ريم : النور نورج
جمانة : هلا نفم
نغم : هلا فيج
جمانة : اتفضلوا
وصلوا عند باب الغرفة
جمانة : لحظه لا تدخلون
دخلت جمانة الغرفة
رغد : شفيج تاخرتي ؟
جمانة :ما فيني شي
سهام : من كان عند الباب ؟
جمانة : ناس
سهام : من هذولا الناس؟
جمانة : وي لازم تعرفين ، ضيووف
سهام : اها
جمانة : بنات عندي مفاجاة لكم
سهام : شنو ؟
هدى : شنو ؟
رغد : اكيد مب حلوة المفاجاة مدام منج
جمانة : متاكده انها مب حلوة
رغد : هههه لا
جمانة : دخلي
البنات يطالعون الباب
البنات شاقين الحلج :ريم
سهام : هلا ريوم
رغد : ريوم نورتينا
هدى : هلا فيج ريوم
ريم : هلا فيكم ، النور نوركم ، توني ادري هالدرجة تحبوني هههه
سهام : واكثر
و ابتسمت ريم لسهام
وتموا البنات ضحك والسوالف
نفم : يلا ريم خلينا نرد البيت قبل لا يعصب ابوي
ريم : اوكي ، يلا بنات مع السلامه
جمانة : وين تو الناس
ريم : لازم امشي الحين
جمانة : اوكي
البنات : نشوفج على خير
ريم : ان شاء الله
يوم ثاني في المدرسة
ريم تصيح
تيمعوا عليها البنات
يات جمانة و هدى و رغد وسهام
سهام : ريوم شفيج ؟
ريم تواصل صيااح
جمانة : ريم حبيبتي شفيج تصيحين ؟
ريم واهيا تشهق بالبكي: خلوني بروحي
سهام : بنات شووي ابعدوا عنها ، ريم قومي معاي
قامت ريم مع سهام و راحوا يتمشون
سهام: شفيج ؟
ريم واهيا تشهق : امس يات امي البيت تبي تشوفنا
طقت الجرس ودخلت شافها ابوي و قال لها اطلعي برى
ما رضت امي تطلع برى اخذها وضربها ورماها على الجدار بقوة
سهام : انزين
ريم : صادها رضوض و كسور لان الضربة كانت وايد قوية وطاحت عليها تحفة ثقيلة كانت معلقة على الجدار
سهام : الحين اهيا وينها؟
ريم : في المستشفى
سهام : رحتي لها ؟
ريم : لا قلت انه واختي بنروح لها بس ابوي ما رضى
سهام : اها ، اوكي ريوم ما صار الا الخير ان شاء الله تصير زينه امج بس انتي لا تخافين
ريم : ان شاء الله
يات جمانة و هدى و رغد حق سهام و ريم
جمانة :ها ريومة صرتي احسن؟
ريم : الحمدلله
رغد : ما تبين تقولين لنا شفيج ؟
ريم : بقول لكم
استغربت سهام
رغد : نسمعج
و قالت الريم قصتها كامل حق صديقاتها لان حستهم وايد مهتمين لها
جمانة : هوني عليج ريوم
رغد : ما صار الا الخير
هدى : ان شاء الله تصير امج زينه و احنا بنزورها اليوم العصر
ريم : صج ؟
هدى : ايوه وبنقول لها انج تسلمين عليها
ريم بابتسامه و عيونها فيها الدموع : مشكوورة
هدى : ما في شكر بين رفيجات
ريم : احلى ما يكون عند الانسان رفيجات نفسكم
( وضموا البنات ريم و تعاهدوا اهم الخمسة انهم يساعدون بعضهم في كل شدة و ضيق )
ومــر شـهرين من فتحت المدرسة ابـوابهـا
كانت جمانة تمشي مع هدى بروحهم
جمانة :هدى
هدى: هلا
جمانة : هالايام احس كله بضيق
هدى :من شنو ؟!
جمانة : مادري بس في البيت حركة مب عاجبتني
هدى : شلون يعني ؟
جمانة : احس انهم مخبين عني شي
هدى : شنو تتوقعين ؟
جمانة : مادري بس اهم طــبعا ما بقولون لي
هدى : ليش ؟
جمانة : لان الحين امتحانات منتصف واكيد ما بقولون لي عشان ما ينزل مستواي
هدى : اها
وبـعد مرور يومين كانت جمانة طايفة صوب غرفة امها وابوها
وسمعت كل الكلام
ام محمد : ابوي وايد تعبان
ابو محمد : هوني عليج يا منى
ام محمد : انت ما شفت هالاسلاك والبلاوي المحطوطة عليه
ابو محمد : ------------------------
ام محمد : اسمع اهم شي ما يدرون اليهال عن يدهم خاصة جمانة لانها وايد حساسه واخاف تطيح علينا
ابو محمد : ايه عليها امتحانات الحين واخاف بعد ينزل مستواها
صعقت جمانة بالخبر بالغصب وصلت لغرفتها و رمت نفسها على السرير و بكت وبكت
سارة : جماااااانة جماااااانوه وينج ؟
صادفت امها في طريج
سارة : يمه شفيج؟
ام محمد : ما فيني شي بس تعبانة شوي
سارة : انزين يمه روحي ارتاحي
ام محمد :اوكي
سارة : يمه شفتي جمانة في وين ؟
ام محمد : لا يمه بس يكمن بغرفتها
سارة : اوكي
راحت سارة الغرفة
سارة : جمانة شفيج تصيحين ؟
وقفت جمانة وريلها مب شايلتنها
جمانة : سارة
و طاحت ( اغمى عليها )
سارة : جمانة جمانة قومي
ركضت سارة لامها
سارة واهيا مغرقة عيونها : يمه
ام محمد : نعم
سارة : جمانة
ام محمد : شفيها؟
سارة : اغمى عليها
ام محمد : شنو ؟!
ام محمد : ابو محمد تعال
و نقلت جمانة للمستشفى
ام محمد واهيا تصيح : اه يا جمانة احنا في مصيبتج لو مصيبة يدج
في يوم ثاني
في المدرسة الحصة الاولى دخلت معلمة الفيز
رغد : تاخرت جمانة وايد
هدى: ايه
ريم : هدى ما قالت لج انها اليوم بتغيب او بتتاخر
هدى : لا ، افف مادري شفيها !!
ريم : المشكلة اليوم علينا امتحان الحصة الثالثة
سهام : ان شاء الله خير
هدى : ان شاء الله
المعلمة : السلام عليكم
بنات الصف : وعليكم السلام
المعلمة : اتفضلوا
بنات الصف: شكرا
المعلمة : شنو الغياب اليوم ؟
هدى : جمانة يمكن متاخرة
سناء : شيماء بعد غايبة
رغد: اشوف الصف حلو الا شيوم غايبة ههه
ريم : ايه ، بس مخوفتنا جمانة
رغد : ايه والله
في الفسحة
هدى: اسمعوا بروح لسارة اخت جمانة بسأل عنها
سهام: اوكي بيي معاج
رغد : احنا بنروح كفتيريا شتبون ؟
سهام : ييبي لي عصير و كاكاو
رغد : اوكي وانتي هدوي ؟
هدى : انه ما لي خلق آكل
رغد: ريوم يالله تعالي معاي
ريم : اوكي
ريم ورغد رايحين الكفتيريا
رغد : شخبار امج الحين ؟
ريم : الحمدلله صارت زينه
رغد: الحمدلله
هدى وسهام في الطريج لصف سارة
هدى : ان شاء الله جمون ما فيها شي
سهام : اقول هدوي لا تخوفين روحج وتخوفينا معاج ان شاء الله ما صار الا الخير
وصلوا الصف
هدى : سارة موجودة ؟
وحده من صف سارة : لا غايبة
هدى : امبييه حتى سارة غايبة لا يكون فيهم شي
سهام : اقول هدي وخلينا نسأل رفيجة سارة
هدى: ايه فايزة
نادت هدى فايزة
هدى : فايزة تدرين سارة و جمانة ليش غايبين ؟
فايزة: ايه ، جمانة طايحة عليهم و سارة رقدت معاها في المستشفى
هدى مصـدومة : اهـا
ومشوا عن فايزة
وهدى تصيح دموعها اربع اربع
وسهـام تحاول تخفف عنها و قلبـها يتقطع عليها و على رفيجتها جمانة
وقعدوا يم الصف يات رغد و ريم
رغد و ريم : هااااي
ريم : شفيكم ؟! ليش تصيحون ؟
رغد: شفيكم !! شفيها جمانة؟
هدى تصيح و سهام تصيج
رغد : جاوبيني هدى !!
هدى بصوت متقطع : جـ مـ ا ن ة فـ ـي ا ل م س تـشفى
ريم بخوف : ليش ؟
هدى : طايحة البارحة و ودوها المستشفى
حزنوا البنات على رفيجتهم المريضة
رغد: انزين ما سألتوا عن سبب طيحتها ؟
سهام : لا
العصر الساعة 4 pm
هدى : يمه يالله بنتاخر
ام هدى: انزين صبري شوي
هدى : ابي اشوف جمانة بسرعة
ام هدى : انزين توه مبتدي وقت الزيارة
هدى: ايه لكن علينا نمر على البنات بعد
ام هدى : اوكي يالله اكاني جهزت
هدى : مشينا
المهم مرت ام هدى على سهام و رغد اما ريم تعذرت ما تقدر تروح المستشفى
وصلوا المستشفى
عند غرفة جمانة
طقوا الباب
دخلوا
هدى: جموووون حبيبتي سلامات
جمانة : الله يسلمج حبيبتي
هدى : شنو صرتي احسن الحين ؟
جمانة : ايه توني من شوي صحيت
رغد: اقول هدى اعطينا مجال نسلم على جمون
هدى : انزين عاد
رغد: هلا جموون عمري شلونج ؟
جمانة : بخير الله يسلمج
رغد: الحمدلله وابتسمت لجمانة
سهام : سلامات جمونة ما تشوفين الشر
جمانة :الشر ما ييج
ام هدى : بنات شوي شوي على البنت
جمانة : ههههه
ام هدى : شخبار ج بنتي ؟
جمانة : الحمدلله ، الا وين ريومة ؟
هدى: ما يات ابوها ما خلاها تيي
جمانة : اها
سارة : وانه محد عبرني
الكل : ههههههههههه
هدى : افا عليج سارونة توني بسلم عليج
سارة : ايه قصي علي بهالكلام
هدى : هههههه انزين شخبارج ؟
سارة : كلش مب زينة
هدى : ليش ؟!
سارة : من ذي وتأشر على جمانة
رغد : ليش من جمانة ؟
سارة : يعني انتي ما تشوفين شفيها الحين
رغد : انزين فهمنا ، جموون
جمانة : هلا
رغد : اختج لسانها وايد طويل
جمانة : هههه طالعة على رفيجة اختها
رغد: ستقصدين ؟! و رفعت حاجبها و تطالع جمانة بنظرات
جمانة : تعرفين قصدي زين
رغد: صبري لي بس تطلعين من المستشفى اوريج
الكل : هههههه
هدى : اقول جمونة
جمانة : قولي
هدى: شمنه طايحة ؟
نزلت راسها جمانة
جمانة : يدي فيصل
هدى: شفيه !!
جمانة : مرقد في المستشفى مريض
هدى : ما تدرين شفيه شمرضه ؟
جمانة : لا
بـعد مـرور سـاعة
هدى : يالله جمون احنا نستأذن
جمانة : وين ؟!
سهام : علينا واجبات وامتحان بكرة لازم نروح ندرس
رغد : نشوفج على خير حبيبتي
ام هدى : تحملي بروحج
جمانة: اوكي
البنات و ام هدى : مع السلامه
جمانةو سارة : مع السلامه
كانت ام محمد يم الباب و سمعت كل الكلام و عرفت ان بنتها عرفت عن يدهـا
ام هدى: هلا ام محمد شخبارج ؟
ام محمد : هلا بخير الله يسلمج شخبارج انتي ؟
ام هدى : الحمدلله


__________________________________________________ __________

البنات : شخبارج خـالتي ؟
ام محمد : تمام بناتي شخباركم انتوا ؟
البنات : الحمدلله
ام محمد : استأذن الحين بشوف بنتي
ام هدى: اذنج معاج مع السلامه
ام محمد : مع السلامه
دخلت ام محمد عند بنتها
سارة : هلا يمه
طالعتها جمانة بنظرة عتاب
نزلت ام محمد راسها تناظر الارض
جمانة : يمه ليش ما قلتوا لنا ؟
ام محمد : يمه احنا
قاطعت امها : تخافوا ينزل مستواي مهما كان هذا يدي
البنات في الطريج للبيت
في السيارة
سهام : اقول هدى
هدى : قولي
سهام : صج انه جمانة هذا يدها و تحبه بس مو الى درجة انها تطيح
هدى : شقاعدة تقولين ؟! شفيج ؟!
سكتوا
هدى : هذا اغلى ما عندها هذا رباها من يوم كانت اهيا صغيرة لان امها كانت في رحلة علاج خارج البلد لمدة 5 سنوات و اهو اللي رباها
سهام : شـنو مرضها ؟
هدى : بصراحة مادري ما مرة سألتها
تنهدت هدى
يوم ثاني
في المدرسة
حضروا كل الطالبات جتى جمانة
في الصف
دخلت جمانة الصف
جمانة : السلام عليكم
البنات : وعليكم السلام
تيمعوا البنات على جمانة
سناء : هلا جمون شخبار ؟
جمانة مبتسمة : الحمدلله
فاطمة عبدالله : تصدقين جمون لج وحشة
جمانة : مشكوورة حبيبتي
رشا و رنا ( توأم ) : الصف صراحة ما يسوى من دونج كانه ميت
جمانة: تسلموون
قعدت جمانة على كرسيها
هدى : نورتي الصف
رغد و ريم داخلين الصف
رغد : انه اقول في نور زايد في الصف الا انتي اهني
جمانة : ههههه تسلمين
ريم : شخبارج ؟
جمانة : الحمدلله
سهام : انه اقول من هذي البنوتة الحلوة الا طلعتي انتي
جمانة : ما توقعت انه مهمة جذي
هدى: اكيد انتي مهمة في انسان يعيش بدون ماي و هوى
جمانة : ههههههههه لا تبالغين
طق الجرس
رغد : اففففف طابور بعد
جمانة : انه ما فيني شدة انزل طابور
هدى : انه بقول للمشرفة عنج
رغد: اللي يقول المشرفة تفهم ما تعذر احد
جمانة :عندي عذر طبي
هدى: اوكي يبي العذر
جمانة : اوكي
راحت هدى حق مشرقة القسم
طقت باب الغرفة
هدى : السلام عليكم
المعلمات : وعليكم السلام
هدى : اهني معلمة سلمى ؟
معلمة سلمى : نعم
هدى : معلمة هذا عذر طبي حق جمانة ما تقدر تنزل الطابور
معلمة سلمى : اشوفه ، اها اوكي
طلعت هدى من غرفة المعلمات و حاطه يدها على صدرها
هدى : اوووووف كنت خايفة تزفني
ركضت هدى لجمانة
هدى : جموون قالت عادي
جمانة : وي صج ؟
هدى: ايه هههه بدون ما تزفني بعد
جمانة : ههههه يالله نزلي بسرعة قبل لا ييون بنات النظام
هدى : اف بنات النظام يلوعون الجبد و يخوفون بعد هههه
جمانة : هههه
هدى: سي يو بعد الطابور
جمانة : سي يو تو
جمانة في نفسها : تعبانة حدي و خايفة مادري شفيه يدي ما قالوا لي شنو نوع مرضه اه احبك يا يدي اذا رحت اروح وراك
بعـد الطابور
هدى : هاي جمونة
جمانة : هلا
هدى : شفيج ؟
جمانة : افكر في يدي
هدى : بس لا تخوفين روحج ان شاء الله ما يصير الا الخير
جمانة : اتمنى
نطت رغد
رغد : شفيها ذي ؟!
هدى: منو ؟!
رغد : اكيد ضايعة
هدى : عاد منو هذي ؟!
رغد: المعلمة منو بعد
طالعت هدى المعلمة
هدى : يووه شفيها معلمة الريض اكيد مضيعة
شيماء : معلمة معلمة الحين علينا فيز مب ريض
معلمة الريض: ادري مبدلين الحصص
رغد : اف على الاقل الفيز اهون من ريض
جمانة : هههه راحت علينا نوم من اول حصة
وبـعد اسـبوع
كانت جمانة مارة صوب غرفة امها وابوها وكان باب الغرفة مفتوح شوي و الصوت عالي
ام محمد تصيح : يقول الدكتور ان السرطان انتشر في جسمه ما في امل يعيش
ابو محمد : خلي ايمانج بالله قوي
ام محمد : والنعم بالله ، الحمدلله على كل حال
جمانة انصدمت بالخبر
ركضت غرفتها تصيح
جافتها سارة : شفيج جمانة ؟
جمانة : يدي فيه السرطان
سارة مصدومة : شنو؟!
دخلت جمانة الحمام و غسلت ويها
و توضأت و لبست جلباب الصلاة
وصلت لله ركعتين و دعت حق يدها
جمانة : ربي أقسم عليكـ بأحب الخلق اليك محمد وآله شافي يدي من مرضه يارب يا كريم
ترن ترن ( تلفوون البيت يرن )
دانة : آلو
نوال : هلا دانة
دانة : هلا خالتي
نوال : دنون وين امج ؟
دانة : لحظة
جمانة : من في تلفون ؟
دانة : خالتي نوال
جمانة: شتبي ؟
دانة : مادري تبي امي
جمانة : اهـا ، آلو
نوال: هلا جمون
جمانة : هـلا خالتي ، شصاير ؟
نوال : ما في شي
جمانة : يدي فيه شي ؟
نوال ارتبكت على بالها جمانة ماتدري : لا ما فيه شي
جمانة : متأكده ؟
ام محمد تاخذ التلفون من يد جمانة
ام محمد : هلا نوال
نوال: هلا منى
ام محمد : شنو ؟
نوال : اسمعي ابوي زادت حالته و الدكتور يقول تعالوا ودعوه
ام محمد نزلت دموعها
ام محمد : اوكي
نوال : مع السلامه
ام محمد : الله يسلمج
ام محمد : عبدالله عبدالله
ابو محمد : هلا
ام محمد : مشينا
ابو محمد : اوكي
جمانة : وين ؟؟
ام محمد : المستشفى
جمانة : بيي معاكم
ام محمد : قعدي اهني وجابلي دروسج
جمانة : لكن ...
ابو محمد :جمانة حبيبتي طيعي امج و قعدي مع اخوانج و جابلي دروسج باجر عليج امتحان
جمانة : بس ..
ابو محمد : لا بس ولا شي اوكي يالله مع السلامه
نزلت جمانة راسها للارض و اهيا تصيح
ركبوا ام محمد وابو محمد السيارة
ام محمد : لو احنا ماخذينها معانا احسن
ابو محمد : شله ؟
ام محمد : مادري اهو كل مرة يقول انه يبي بشوف جمانة
ابو محمد : انزين انتي ما قلتي لي شنو قالت لج اختج في تلفون ؟
ام محمد : تقول انه الدكتور يقول خلاص ما في أي امل تعالوا ودعوه
ابو محمد بحزن و خوف : صج ؟
ام محمد : ايه و نزلت دموعها
ابو محمد : عيل تدرين خلينا ناخذ جمانة معانا
ام محمد : لا مابي بنتي تشوف يدها و اهو بهذي الحاله
ابو محمد : اوكي بس خلاص
تلفون البيت يرن
جمانة : آلو
قاسم ( خال جمانة ) : هلا جمووني
جمانة بابتسامة خفيفة : هلا خالي
قاسم : شخبارج ؟
جمانة : الحمدلله
قاسم : وين امج ؟
جمانة : امي ؟
قاسم : ايوه
جمانة : راحت المستشفى حق يدي
قاسم : اها
جمانة : خالي
قاسم : هلا
جمانة : بتروح حق يدي
قاسم : ايه
جمانة : في الطريق لو وصلت ؟
قاسم : في الطريق
جمانة : تقدر تمرني؟
قاسم : بتيين معاي المستشفى ؟
جمانة في نفسها : امي قالت لي لا اطلع لكن يدي ابي اشوفه لكن ...
جمانة : ايوه اذا تقدر
قاسم : اجهزي ربع ساعة وانا عندج اوكي؟
جمانة : اوكي
نزلت السماعة
جمانة : سارة سااااااااارة
سارة : نعم شفيج تصارخين ؟
جمانة : اسمعي انه بطلع مع خالي قاسم وانتي قعدي اهني مع يهال
سارة واهيا متخصرة : لا والله و ان شاء الله وين بتروحين ؟
جمانة : بروح المستشفى
سارة عدلت وقفتها : ليش ؟ لـ يدي ؟
جمانة : ايه يالله بروح اجهز حالي
سارة : اوكي
في المستشفى
وصلت ام محمد
و كانوا خالات جمانه متجمعين نوال و آمال و سكينه و ريلها حسين
ام محمد : السلام عليكم
الجميع : وعليكم السلام
ابو محمد يسلم على حسين : اهلا ابو علي شخبارك ؟
حسين : الحمدلله
ابو محمد : الحين شحال عمي فيصل ؟
حسين : مادري الدكتور عنده الحين
الدكتور طلع من غرفة العلاج


__________________________________________________ __________

الدكتور ( مصري ) : الحاج عايز يشوفكم
ام محمد بلهفة تدخل الغرفة
والكل وراها يدخلون الغرفة
عند باب البيت
قاسم يدق على جمانة
جمانة تطق على الدريشة السيارة
فتح الدريشة
جمانة : انه جاهزة ما يحتاي تدق علي
قاسم : وي واقفة عند الباب لهذي درجة مستعيلة
جمانة بابتسامه خفيفة : واكثر بعد
قاسم : اوكي يالله اركبي
جمانة : اوكي
قاسم : انطلقنا
جمانة : يالله
في المستشفى
ام محمد : يبه
فيصل :منى وين جمانة ؟
ام محمد : لا تحاتيها اهم شي الحين انت
فصيل: جمانة وين جمانة ابي اشوفها قبل لا اموت
ام محمد :بعد عمر طويل يبه
فيصل : أي عمر و السرطان قضى علي خلاص
امتلئ المكان صوت بكاء و صراخ
نوال واهيا تشهق من الصياح : يبه لا تقول جذي
امال واهيا بتموت من الصياح : يبه احنا محتاجين لك لا تخلينا
سكينة و دموعها على خدها : يبه لا تروح و تخلينا
حسين مسك يد زوجته : بس لا تزيدونه
ابو محمد منزل راسه
فيصل : عبدالله عبدالله
ابو محمد: نعم عمي
فيصل : ما اوصيك في منى وعيالها امانه برقبتك
ابو محمد : عمي هذي ما يبي لها وصية في عيوني منى و والعيال عيالي اكيد بحطهم في عيوني
فجاة انفتح باب الغرفة
دخلت جمانة
الكل : جمــانة
جمانة و دموعها تسيل على خدودها : يدي يدي
ركضت حق يدها
فيصل: جمانةبنتي تعالي تعالي بضمج ابي اشبع منج قبل لا اروح
دخل قاسم
قاسم : السلام عليكم
الكل : وعليكم السلام
ناظرته ام محمد : انت اللي يايب جمانة
قاسم : ايه ليش؟
ام محمد : اسال و لفت عنه
جمانة : يدي لا تقول هالكلام ان شاء الله تشفى و تصير زين و تلعب معانا مثل الاول
ضحك فيصل و غمض عينه بعدها ما فتحها الى الابد
جمانة : يمه شفيه يدي سكت ، يدي يدي رد علي واهيا تهز فيه
ام محمد واهيا تهز راسها يعني لا : جمانة
جمانة : نعم ، شتقصدين
سكت الكل مرة وحده مصدومين
جمانة صرخت : شيعني يدي مات لالالالا
ابو محمد يهدأ بنته : جمانة قومي اهدأي ادعي له برحمه
جمانة و دموعها مغرقتنها : يدي لا تروح يدي لا تخليني خذني وياك و اغمى عليها

يمه وينه اللي كان يسليني
يمه وينه اللي كان يضحكني
راح وخلاني بدنيتي وحيدة
اه
ابو محمد : شنو حالتها الحين ؟
الدكتور : حالتها مستقرة بس بتعيش شوي تحت الصدمه
جمانة لامه جسمها و ريولها في صدرها و حاطه راسها وسط
ريولها .
ابو محمد : جمون حبيبتي شخبارج ؟
جمانة : ............
ابو محمد : جمانة
جمانة :وين يدي ابي يدي و صاحت
ابو محمد: يبه جمانة هذا قدره وكل واحد يروح بيومه
جمانة : لالا ابي يدي لا تحاول
ابو محمد طلع من الغرفة
يات ام محمد : شلونها بنتي ؟
ابو محمد : تحت تاثير الصدمة
نزلت راسها و دموعها تسيل
في البيت
سارة : وايد تاخروا
رايحة يايه رايحة يايه في البيت تدور
سارة : بدق على جمانة
تلفون جمانة يرن
سارة : شفيها ما ترد ، بدق على ابوي
ابو محمد : الو
سارة : هلا يبه ، شفيكم وايد تاخرتوا
ابو محمد : ما عليه الحين بنيي
سارة : شحال يدي ؟
ابو محمد بنبرة حزينة : يدج عطاج عمره
سارة مصدومة : شنو ؟ لا لا تقول هالكلام اهو وعدني يعلمني
تجويد القران ، يبه قول غير هالكلام قول ان يدي ما مات
ابو محمد : لا يدرون اخوانج الصغار احنا يايين في الطريج
سارة بدموعها : و جمانة ؟
ابو محمد : جمانة طاحت علينا و بترقد في المستشفى جم يوم
يوم ثاني في المــدرسة
هدى: اتصلت امس في جمانة ما ردت علي
سهام : شله ما ردت عليج زعلانه ؟
هدى عصبت : قلت لج مادري
ريم : تاخرت وايد لا يكون بتغيب
بعـد المدرسة
هدى : انه اليوم بروح بيت جمانة من بتيي معاي ؟
سهام : انه بيي
رغد: انه بعد
ريم : سلموا عليها انتوا عارفين الظروف
هدى :اوكي
عند بيت جمانة
طقت هدى الجرس
فتحت ام محمد الباب


__________________________________________________ __________

ام محمد : هلا بناتي ادخلوا
البنات : هلا فيج
هدى : خالتي شخبارج ليش ويهج جذي لونه اصفر وشاحب
ام محمد نزلت دموعها
خافت هدى
هدى : خالتي شفيج عسى ما شر؟
ام محمد : ابوي مات
انصدموا البنات
هدى بدموعها : شنو و جمانة وين ؟
ام محمد : في المستشفى من الصدمة طاحت علينا
في المستشفى
جمانة في نفسها : ما اصدق يدي مات ، احس اني في كابوس اتمنى لكن شفته بعيني و اهو يموت
فجاءة انفتح باب الغرفة
هدى بدموعها حضنت جمانة: جمووون حبيبتي سلامات ما تشوفين شر
جمانة : .............
هدى : ردي علي

سهام و رغد مندهشين يناظرون جمانة : ..............
رغد : شكلها ما تسمعنا
بـعد فترة من السكوت
فجاءة
انفجرت جمانة تصيح
هدى: جمانة !! شفيج ؟
جمانة يودت يد هدى : هدى مات يدي مات
و واصلت الصياح
بعد مرور شهرين تجاوزت جمانة صدمة موت يدها بصعوبة
في المدرسة
جمانة : اسمعووا قبل لا تيي رغد
البنات : شعندج ؟
جمانة شاقه حلجها : نسيتوا ان عيد ميلاد رغد بعد باجر يوم الخميس
هدى : يووه صج نسيت يوم الخميس عيد ميلاد رغد
سهام : خلنا نسوي لها حفلة
ريم : ايه في الصف
جمانة : لا في المدرسة بتكون صعبة
هدى : خلنا نسوي الحفلة في بيت سهام في غرفتها لانها اكبر غرفة فينا
سهام : اوكي انه موافقة بس بخبر الماما اول
جمانة : اوكي اتفقنا ، انزين بنوزع الاشغال
ريم تلوح بيدها : بس سكتوا اكا رغد يايه مع شذى
رغد و شذى يضحكون
رغد وشذى : هااي
البنات : هايات
طق الجرس
الحـصة الرابعة
رغد : شعلينا الحين ؟
سهام : ريض
رغد:اوووف
العصر
تيمعوا البنات في بيت هدى
هدى : ها يبتوا الاغراض ؟
البنات : ايوه
يسلوا البنات في صالة
يات ام هدى
ام هدى : السلام عليكم
البنات : وعليكم السلام
ام هدى : شكلكم ناوين على شي تسونه
سهام : خالتي شلون عرفتي ؟
ام هدى : من ويوهكم
البنات : هههههه
جمانة : ايه خالتي قاعدين نفكر حق عيد ميلاد رفيجتنا رغد
ام هدى : اهاا تسمحون لي اساعدكم
سهام : ايه تفضلي خالتي
في وسط تفكير البنات و ام هدى
دق الجرس
هدى : من هالحزة ياينا ؟
ام هدى : قومي يمه شوفي من عند الباب
هدى : ان شاء الله
فتحت هدى الباب
هدى : هلا خالتي
غادة : هلا فيج هدويه ، شخبارج ؟
هدى : تمام الا يايبه معاج الجيش كله
غادة :ههههههههههههههه
وليد : احم احم
هدى : عيش ولحم ، الناس يسلمون
وليد : ههههههههه السلام عليكم
هدى : وعليكم السلام
ام هدى : هدى من عند الباب ؟
هدى : يمه هذي خالتي غادة و يهالها
وليد : يهالها ؟! الياهل اهني انتي
هدى : الزم حدودك
غادة : لا تتهاوشون
دخلت غادة مع اولادها
وليد : هلا خالتي شخبارج ؟
ام هدى: هلا وليدي ، الحمدلله
تفاجاة وليد بيمعة بنات قاعدين في صالة
وليد ناظر البنات ومن بين البنات وقع نظره على جمانة
قال في نفسه :شحـلاتها هالبنت و صد بسرعة
هدى انتبهت لوليد وحبت تقهره: اقول ولد خالتي شفيك سرحان ؟
وليد : هاا شتقولين ؟
هدى : ههههههههه
جمانة اندهشت من جمال وليد و دخلت في عالم افكارها
ما تنلام لان وليد كان وايد حلو
العيون وساع عسلية والشعر البني الكاكاوي الناعم يتطاير
والجسم متناسق مع بعضه << باختصار كله على بعضه حلو
سهام تقطع افكار جمانة : جمون ها الحين شقلتي ؟
جمانة متلخبطة : هاا على شنو ؟
سهام : شفيج؟!! على شنو بعد على الهدية
جمانة :ايه خلنا نروح باجر سيتي سنتر نشوف شناخذ لها
البنات : اوكي
تلفون سهام يرن
سهام : الو هلا ماماي
ام سهام : يالله يمه تعالي البيت تاخرتي
سهام : ان شاء الله
سهام : يالله عن اذنكم بمشي
هدى : وين ؟
سهام : الماما تبيني ارجع البيت
هدى : اوكي
جمانة : اوكي انه بعد استاذن
هدى :لا قعدي معانا اتعشي
جمانة : لا مرة ثانية ان شاء الله
وقفت و رفعت راسها وصارت عيونها بعيون وليد حمرت خدودها
جمانة : يالله هدى انه ماشية
غادة : جمانة وين تعالي بنوصلج
جمانة : لا البيت مب بعيد ، مع السلامة
غادة : شفيها رفيجتج كانها منحرجة
هدى : مادري
غادة و اولادها تعشوا مع ام هدى
بعد العشى
هدى في غرفتها كانت تسولف مع رفيجاتها على المسنجر
وليد يطق الباب
هدى : منو ؟
وليد : انه وليد
هدى : شتبي؟
وليد : انت فتحي الباب أول
فتحت هدى الباب
هدى من غير نفس : خير
وليد : ابي اسالج سؤال ؟
هدى : تفضل
وليد : منو هذي اللي كانت معاكم ؟
هدى: من تقصد ؟
وليد: ذيج اللي عيونها خضر وكانت لابسة عباية فيها لون زهري
هدى : اها تقصد جمانة وحطت يدها على بوزها
وليد : اها يعني اسمها جمانة شحلاتها هالبنت
هدى: ايه وبعدين ، شبغيت الحين ؟
وليد : بصراحة انه عجبتني هالبنت
هدى : ................
هدى : شي ثاني ؟
وليد بابتسامه : لا شكرا ، شقاعدة تسوين ؟