عنوان الموضوع : رواية .. قلوب مغلقة -رواية
مقدم من طرف منتديات نساء الجزائر

رواية .. قلوب مغلقة






قلوب مغلقة




كانت سرحانه تفكر ..يدها على خدها ورجلها وكأنه تتحرك مع ثواني الساعه من التوتر ظلت مزون دقايق على هالحال وبعدها التفتت على اختها نجود
مزون..تتذكرين نجود لما كنت اقول لك اتمنى اعيش ببيت شعبي نفسي اعيش احساسهم وحياتهم امنيتي اعرف خلف بيوت الطين شو كان ضحكه او دمعه
نجود وتحاول تبتسم..لا وكنت تحلمين تعيشين حياة البدو بخيام الله يستر
تتنهد مزون..شوفي الدنيا كيف عشت ببيت طين بيت شعبي لكن غصب عني مو برضاي آه عليك يادنيا بسرعه حققتي امنيتي لكن خارجها بس مو داخلها والمعنى الحقيقي لها
نجود وتقاوم دموعها ..مزون شفيك اليوم مو عادتك
مزون وترفع الخصل عن وجهها ..وحشتني غرفتي المنتجع مثل ماتقولين وحشني بيتنا كل ركن فيه اشتقت له ابي ارجع اجلس بالصاله الظهر انتظر ابوي يرجع والعصر ادخل بالمطبخ عند امي وهي تعمل الشاهي لابوي والمغرب اتفرج انا وانتي عالتلفزيون بالمكتب وبالليل بمنتجعي احلم وابتسم واضحك تعبت
سكتت مزون وهي تمسح دموعها
نجود وتقاوم دموعها..الله يرحمه ويسكنه الجنه آه ومليون آه يامزون انا الي امووت وانا احس بالاهانه كل يوم اموت وانا احسب مصروفي اخاف يزيد ريال وتختل الميزانيه مزون انا اتعذب اتعذب لكن مهما تعذبت وبكيت اسكت واقول خلاص بكرا تفرج ومليت ولاجاء بكرا ...كتمت باقي الكلام نجود بعد ماحست انها ذبحت مزون بكلامها وحاولت تبتسم وقالت خلاص مزون انتي دوم قويه يالله ندخل عند امي اكيد طفشت لحالها
مزون وتمسح دموعها ..دقايق واجي وراءك
دخلت نجود على امها ..
ام مزون بصوت تعبان من جسم هده قوة الزمن وقسوة المرض ..هلا يمه وينكم
نجود..ابد كنا ندرس بالغرفه
ام مزون وبتعب واضح..ضاق صدري من الجلسه بالحالي
مزون تدخل ويضحكه ولا كأنها الي تصيح تو..سامحينا الغاليه جبت لك احلى قهوه يالله تفضلي
ام مزون تبتسم..الله لايحرمني منكم
نجود..ولامنك يالغاليه يمه تحسين بشئ
ام مزون..الوجع مو جديد علي يابنتي
مزون..الله يشفيك يارب اقول يمه بروح بعد شوي لعمي واطلب منه فلوس
ام مزون..لاتروحين مابيعطيك
نجود..خلاص مزون بكرا المكافأت بتنزل ماله داعي
مزون..طيب مابنخسر نجرب انا بروح انام تعبانه
طلعت مزون تنام وظلت نجود مع امها وهي حاسه وندمانه على كلامها الي قالته لمزون
المغرب صحت مزون وطلعت بهدوء وراحت لللمحل عند عمها ..ولما ماحصلتها نجود توقعت وظلت على اعصابها تنتظرها لانها تعرف عمها مابيرحمها ولابيعطيها الا الكلام الي مثل السم ..دخلت نجود لغرفتها ترتاح شوي ولا حست الا بصوت الباب وقفت عالشباك تشوف وحصلت مزون دخلت
وقفت وراء الباب واخذت نفس حاولت تتمالك الغضب بداخلها ..حاولت تكتم الصرخه من أعماقها ..حاولت تمنع الدمعه وتسجنها داخل عيونها ..لكن ماقدرت ومن يقدر يتحمل الذل ..الأهانه..الظلم ..العذاب
مزون ..حرام تعبت تعبت ياربي ارحمني يارب رحمتك
فتحت نجود الباب وحضنت اختها وهي تقول..مليون مره قلت لك لاتروحين له انتي عارفه انه انسان معدوم المشاعر والأحاسيس
مزون وهي تصيح..ماقدرت لما شفتك امس تتألمين تعانين قدامي حسيت بنار بداخلي حسيت أني انطعن مع كل حرف تنطقينه ماقدرت اتحمل شكل امي وهي تعاني بصمت
نجود وتمسح دموعها..مزون تعرفين اني افضفض لك بس اريح نفسي والا هالكلام ماكنت اعنيه
مزون..تعنيه او لا المهم انه حقيقي نجود لو الظلم ينطق كان قال بس ياناصر ظلمتني عمي تعدا حدود الظلم قولي لي كيف اتحمل واحنا الي اذا دخلنا المجلس فز كل من فيه واولهم زوجة عمك يطلبون رضانا والحين بعد وفاة ابوي رمانا ببيت قديم ولو تمر مليون سنه مابيسأل قولي لي شو اعمل وامي تموت قدام عيني وكل مااطلع ارجع بكلام يسم البدن اختار بيت وراء المحل الي ساكنه ولا مااكتفا بكذا اخذ منه غرفتين مستودعات نجود تعبت من عمي تعبت انهارت مزون وهي تصيح اما
نجود وتحاول تبتسم..خلاص يالله ومكافأة الجامعه تكفي ان شاء الله
مزون وتبتسم..لولا المكأفاه والا كان حرمنا من التعليم على باله 800 تشتري دواء ام عندها ضغط وسكر وروماتيزم مااقول الا حسبي الله ونعم الوكيل
نجود..يالله اغسلي وجهك وتعالي
مر اليوم حزين على نجود ومزون الي يحاولون يخفون دموعهم عن امهم المريضه الي تحس بدموعهم قبل مايذرفونها لكن مابيدها شئ تعمله الا انها تدعي الله يفرجها عليهم ..
الصباح كالعاده طلعت مزون ونجود بدري قبل الساعه ست ونص مع الباص متوجهين للجامعه الي تحتاج منهم وقت لبعد المسافه غير زحمة الرياض بالصبح ..
وصلوا البنات الجامعه وكانوا يتفقون على موعد يلتقون فيه وقطع عليهم كلامهم صوت
هلا..السلام عليكم
مزون ونجود..وعليكم السلام
نجود..وينك امس ماحضرتي
هلا باابتسامه..خالد كان عندنا وسهرت معه وطنشت
مزون..خلاص انا عن اذنكم باي
راحت مزون وجلست هلا ونجود يفطرون
هلا..شفيها مزون تغيرت كثير
نجود..لا بس تعرفين هالمستوى عندها ضغط
هلا ..الله يعينها ماقلتي لي شلون خالتي
نجود بحزن..ان شاء الله بخير
هلا وحبت تغير الموضوع..تخيلي من شفت
نجود..مين
هلا..اختي غاده ولو تشوفين الغرور وربي رفعت ضغطي
نجود بصوت واطي ..من امها وابوها المهم خلينا منهالسيره وقولي لي على شو سهرتوا امس
هلا..ولاشئ خالد وسوالفه طبعا ماتخلى الجلسه من مواعظ صقر لكن كانت حلوه خصوصا ان عندنا خالتي امل
نجود..شو اخبارها
هلا..ماعليها مسكينه طفشانه من جلست البيت لكن الله يعينها
نجود..يالله ماباقي شئ عالمحاضره
بالمحاضرات
جواهر..مزون شفيك
مزون..كالعاده كلمات معتبره من عمي
جواهر..مزون انسي عمك وعيشي حياتك
مزون..امنيات تعرفين ان مزون ماتهمني الي يهمني نجود لو شفتيها كيف تصيح وتتكلم تكسر الخاطروامي الي تعاني قدامي وتتعذب
جواهر..نجود مو صغيره وعارفه كل شئ وامك برحمة ربي هو الي عالم بحالها وحالكم
مزون..المهم انا مابحظر اخر محاظره بطلع امي تعبانه
جواهر..طيب وديها المستشفى
مزون..بحاول اطلع اليوم الظهر وان شاء الله مايصير عمي موجود
جواهر..مزون شرايك هالمره استأذني منه ويمكن يرضى
سكتت مزون ..اوكي انا بطلع الحين مستأذنه من الدكتوره قبل ابي الحق عالباص وانتي بلغي نجود برساله طبعا على جوال هلا يالله باي
جواهر..باي
ركبت مزون الباص ورجعت للبيت وكل تفكيرها عن امها الي خلاص ماعادت قادره تميز او تعرف شئ من الي يدور حولها وصلت ومرت للمحل
مزون..السلام عليكم عمي
العم ناصر بنظره حاده..وعليكم السلام شتبين
مزون بصوت كله خوف..عمي بودي امي المستشفى
العم وبنظره قاسيه..ارجعي للبيت لاتخليني ارفع صوتي
مزون وبدت تصيح..بس امي تعبانه
العم بصوت عالي..مزون
طلعت مزون ورجعت البيت وخاطرها مكسور وغطاها كله مبلول بدموعها الي ماقدرت تمنعها بلحظة احساسها بالذل قدام عمها
ظلت مزون جنب امها الي ساعه تكون طيبه ولافيها شئ وساعه ماتعرف شئ من الي يدور حولها حاولت مزون تتحمل وتسكت ..حاولت تكبت الالم داخلها وتدعي ربها بصمت..حاولت تكتم ضرحه متمرده بداخلها ماقدرت طلعت من الغرفه ودخلت على نجود بهدوء الي كانت متوقعتها نايمه لانها حست انها رجعت من فتره ولادخلت على غرفة امها لكنها انصدمت لما شافتها تصيح
مزون..شفيك نجود..؟؟
نجود.... تعبت يامزون تعبت لاترفعين صوتك ولاتقولين لي القناعه خلاص كل هالكلام يتبخر بلحظه ارجوك خليني اقول الي احسه خلي هالاحساس المسجون بداخلي يتنفس ينطق تعبت
ارتمت نجود عالسرير ودخلت بحالة بكاء شديده ..حاله من البكاء امدت مزون بقوه لكن قوه دافعها الغضب القهر الظلم ..ظلت واقفه واختها تبكي وبحالة ألم وطلعت من الغرفه ..رجعت تصيح نجود لاحساسها انه اختها تجاهلت احساسها الحقيقي ..لكن بالحقيقه احساسها أثر بشكل كبير بقلب وعقل الاخت الاكبر بسنتين بالعمر والأكبر بسنين من الهم والألم ..طلعت مزون واخذت عباتها لبستها وفتحت الباب وطلعت كان الغضب مسيطر عليها زال الخوف ..ابتعد اوهرب بلحظة الألم مايميز الشخص ولايعرف عواقب الامور ظلت تمشي وتكلم نفسها التعبانه المحتاجه الراحه والسعاده الي افتقدتها دقايق وكانت خارج الحاره القديمه والبيوت الأقدم الى المحلات ثواني وهي امام المحل دخلت وبصوت يرتجف غضب وخوف ..
مزون...محمد وين عمي
محمد العامل..مافيه بابا ناصر
مزون..متى يجي ..؟؟
محمد ويأشر وراءها..هذا بابا صقر يجي
التفت مزون وشافت ولد عمها صقر نازل من سيارته و داخل ومستغرب من هالانسانه الي تنتظره والهندي تركه وراح ناظرته مزون نظره قيمته فيها من فوق لتحت واستغرب من نظرتها
صقر..خير اختي فيه شئ
مزون..كنت ابي عمي ولاحصلت
صقر..عمك انتي من
مزون وتضحك بسخريه..أنا مزون بنت عمك عبدالله عموما انت وعمي واحد قوله كفايه ظلم وخليه يرجع لنا حلالنا الى متى
صقر يقاطعها ..اولا انتي مين جايبك
مزون..بيتنا قريب وراء المحل بيت طين تصدق عمي فيه علينا ويعني الي جابني رجولي
صقر..امشي للبيت اشوف وقبل ماتطلعين غطي عيونك تسمعين
مزون وتضحك بشكل استفز ولد عمها..هذي غيره على المحارم او تسلط او شو اسميها قبل ماتخاف علي او اقول تخاف على الاسم الي يجمعنا خاف من ربك
صقر ...اقسم بالله لو ماطلعتي لاتشوفين شئ مايرضيك
مزون..بتضربني عادي يااخي حرام عطونا حلالنا امي كل يوم تموت وانا اشوفها اختي تتعذب وانا اتفرج مو حرام
صقر ويتعوذ من الشيطان..مزون ارجعي للبيت الناس تشوفنا وابوي بقوله يمرك اليوم
طلعت مزون وهي عند الباب التفتت وقال..مااستغرب برودك الي هذي سيارتك وهذا غرورك مااستغرب انك تشوفني من فوق وهالنظره المتعاليه لكن من هو ابوك
طلعت مزون وضرب صقر عالطاوله ونادى الهندي يسأله
صقر..هذا مزون كل يوم يجي هنا
العامل..لا بس يجي فيه مشكل مع بابا ناصر
صقر ويعطي العامل مبلغ ويقوله يوصله لهم ويقول لهم انه من العم ناصر ويطلع للبيت وهو تفكيره مع هالانسانه المتمرده على كل الاخلاق
دخلت مزون البيت ومرت على امها وتنهدت على حالتها الي تكسر الخاطر ودخلت لاختها الي مازالت بحالة يأس
مزون..هلا نجود للحين زعلانه
نجود..وعلى ايه ماتفرق
مزون..نجود رحت لعمي
نجود بخوف ..ليه الحين يجي ويعمل مشكله معنا
مزون..ماحصلته
نجود ..احسن
مزون وتبتسم..حصلت ولده الله لايوريك كل الي فيني طلعته عليه
نجود ومتحمسه..اي واحد
مزون..اسمع الهندي يقول صقر
نجود..خساره ليته بدر يستاهل صقر كلنا نعرف علاقته مع عمي مو لهناك
مزون..تصدقين خفت يعطيني كف
نجود بحماس ..قولي لي شو صار
ببيت العم ناصر كان التكيف عالي والجو هادي والخدم بكل البيت
بدر..يمه غاده وينكم
ام بدر..هلا والله بالغالي
بدر..مامتي ارجوك بنام ولاتصحوني خلوني متى ماشبعت صحيت
ام بدر..نوم العافيه
بدر..غاده وينها
ام بدر..ماادري عنها كانها رجعت اكيد بغرفتها
بدر..اوكي بااي مامي
اما هلا كانت تسولف مع خالتها
هلا..خالتي نجود كسرت خاطري اليوم
الخاله..اقول هلو خلينا من نجود الحين تعبت وتعبت اعصابي ليه تحرقين اعصابي واذا قلت شئ عن ابوك قلتي لاتقولين شئ اجل اسكتي احسن
هلا..طيب هو ابوي
الخاله..طيب حلوه ابوي من العيد للعيد تشوفينه
هلا..تعالي خالد وينه
الخاله..نايم بعد ماطلعتي جلست انا وياه هههههههههههههه نزل صقر دخل سلم ناظرنا وناظر الساعه وقال لاحول ولاقوة الا بالله للحين صاحين
هلا..ههههههههههه بالله شقال خالد
الخاله..طبعا كالعاده قال باقي ساعه وننهبل
هلا..ههههههههههههه وصقر اكيد قال رايق عالصبح وطلع
الخاله..بالضبط هذا الحوار الدائم
في بيت ام صقر دخل صقر وسلم على امه واخته
صقر..السلام عليكم
الكل..وعليكم السلام
ام صقر..لاتكون تخانقت مع ابوك
صقر ..لا ماحصلته بس تخانقت مع بنت عمي
هلا..من بنت عمك وين شفتها
قال لهم صقر الي صار
هلا..غريبه لو نجود اقول يطلع منها هالكلام لانها متهوره مع انه قلبها طيب بس مزون لا تحسب لكل شئ قبل ماتعمله
صقر..مااعرف الحين يهمني اعرف ليه حالتهم كذا
ام صقر..وابوك يخلينا نشوف احد او نعرف اخبار احد
صقر..يمه انت مو زوجته خلاص طلقك من سنين ماله حكم عليك
ام صقر ..صح بس له حكم عليهم ولو شافني عندهم بيذبحهم
صقر..عموما البنت مو هينه وتأخذ حقها
هلا..غريبه تصدق انا اشوفهم بالجامعه صح علاقتي مع مزون سطحيه بس نجود لا بالعكس وعمرها ماتكلمت عن ابوي او جابت طاريه
صقر..بسلامتهم انا بطلع الحين
ام صقر..ومتى بتكلم ابوك
صقر..يمه بحاول ادبر اموري اذا ماقدرت على نهاية الشهر رجعت اشوفه واكلمه
طلع صقر وظلت امه وبنتها يتكلمون بحال بنات عمهم الي عاشوا بعد العز في بيت طين ايجار
مزون واقفه عند الشباك وسرحانه واختها جالسه عالأرض بحالة صمت
مزون..الله عليك يادنيا الي يشوفنا قبل مايشوف حالنا الحين كنت اتمنى واحصل الشئ قبل ماانطقه خساره على ذيك الأيام أيام العز والكرامه آه عليك يالكرامه انداست من اقرب الناس من عمي الي ماقصر ابوي الله يرجمه معه اعطاه واكرمه وبالنهايه قال ماعند ابوكم شئ كان مديون وتكرم علينا ببيت طين بحاره من اقدم حارات الرياض ..والي يقهر ان امي تتعذب وأنا مو عارفه مكافأة الجامعه يالله تمشي حالنا لكن مااقول الا حسبي الله ونعم الوكيل
نجود وتحاول تبتسم..خلاص مزن انسي صح انا اذا جلست مع البنات وشفت هذي تحكي عن ساعه والثانيه عن سفرهم والاخيره عن سيارتهم يضيق صدري لكن بداخلي قناعه أن الي يضيع بالدنيا مايضيع بالاخره
مزون..تعرفين نجود على حياة ابوي الله يرحمه كان مكأفاة الجامع شئ ثانوي بحياتي احيانا اتركها ثلاث او اربع شهور مااستلمها وبصراحه وقتها اذا وحده من البنات قالت بفرح المكأفاه نزلت استغرب 800 ريال تفرحها توني احس بقيمتها توني اعرف ليه ملايين اعترضوا على قطعها توني اعرف ان هالمبلغ البسيط فاتح بيوت الحين صرت مثلهم اتلهف للمكأفاه وانتظرها واحسب الايام لها توني ادرك ان القليل يعني الكثير وان الكثير يفقدان حلاوة الشئ
نجود..الا صدق متى تنزل المكأفاه
مزون..ههههههههههه اقول نجود عندي اقتراح بس يمكن مايعجبك
نجود..تفضلي
مزون بحذر..انتي خطك حلو ليه ماتعملين لوحات للأطفال وبسعر قليل
نجود وبصدمه..لا مزون ارجوك مااقدر
مزون..اسمعي انا اتفقت مع امنيات كل شئ عن طريقها
نجود..حرام ومشاعري
مزون بصوت عالي ..ادفنيها اذبحيها خلاص انتي يتيمه تحت رعاية ظالم مشاعرك اخر شئ بتفكيره
نجود..اوكي خلاص الي تبين يصير
مزون بحزن..ماهو بخاطري اعمل هالشئ وانتي تعرفين
نجود وتحاول تبتسم ..اوكي لازم نتغلب على الظلم
مزون..بالصبر
ليله انتهت بدموع بللت وسادة كل من مزون ونجود ..وانتهت بااغنيه بغرفة غاده وبدر ..وبسعاده وراحه ببيت ام صقر ..وبأطمأنان ببيت الاخ الاكبر لام صقر ابراهيم وعياله واخوانه..

>>>>> ردود الأعضـــــــــــــــــــاء على الموضوع <<<<<
==================================


يوم الخميس صحت مزون بدري وجهزت فطور بسيط لكن حست باامها تعبانه مره مو مثل كل يوم والتفتت على نجود الي كانت حاسه بنفس احساسها
مزون..نجود خلينا نطلع نودي امي للمستشفى حالة تعبان اليوم مرره
نجود..واذا شافنا عمي
مزون..ماعلي منه والي عنده يعمله
نجود وبعد تفكير..اوكي يالله انا بجهز امي وانتي شوفي لنا لموزين
مزون..بسرعه
طلعت مزون وهي خايفه وقدرت تحصل لموزين لكن جبروت عمها كان اسرع
مسك يدها وجرها بقوه..امشي اشوف طالعه قبالي بعد تأخذين لموزين وين بتسرحين
مزون وهي تصيح..عمي امي تعبانه بوديها المستشفى
العم..ان شاء الله تموت ادخلي اشوف
دفها داخل البيت وسكر الباب وجلست مزون تصيح بحرقة قلب وقهر وحست اختها ودخلت غرفتها تصيح من قهرها من حالهم ظلت مزون ساعه بمكانها مو قادره تسيطر على احساسها بالذل والمهانه والضعف بعدها حست على صرخت نجود وراحت تركض لها فتحت غرفت امها وحصلت نجود حاضنتها وتصيح
نجود وهي تصيح..مااااااات امي ذبحها عمي
بدموع متدفقه طلعت مزون وفتحت الباب وتغطت وطلعت تركض للمحل دخلت وباعلى صوتها قالت
مزون بصوت مبحوح ودموع منهمره ..ذبحتها مااتت امي مااتت
بدر..قص اسكتي فضحتينا
العم ساكت من الصدمه وصقر مستغرب من رد فعل ابوه
مزون...يارب جعلك مثل ماحرقت قلبي على امي الله يحرق قلبك يارب على اغلى ماعندك
العم وبصرخه..طلعوها
مزون..حرام عليك يالظالم ذبحتها وذبحتني معها
بدر..مزون اقصري الشر واطلعي
صقر..خلاص مزون امشي اشوف يالله
مزون..طلعت وهي مو قادره تمشي ظلت عين صقر عليها
العم..روح شوف امها اذا ماتت خلصوا الموضوع وانت يابدر لاتنسى الي قلت لك
بدر ..ان شاء الله
العم التفت على صقر..اي خدمه ماعجبك كلامي
طلع صقر مع بدر الي رفض يروح لبيت بنات عمه لكن صقر طلب من العامل يدله البيت وراح لهم
كانت حالة مزون غريبه حاله غضب كان ممكن يدمر اي شئ دخلت البيت وصرخت بااعلى صوتها...ماتت امي يبه ماتت وين اروح وين من اشكي له من يضمني من يدعي لي يممممه ارجعي خلاص انا ماقدر اعيش بدونك العام ابوي والحين انتي ليه رميتيني بيد ظالم بيذبحني بكل ثانيه
فتح الباب ودخل صقر بعد ماانصدم من كلام مزون ..مزون مايصير كذا
تغطت نجود وطلعت حضنت اختها وهي منهاره
التفتت مزون وصرخت عليه..تعال شوف ابوك تعال شوف الانسان الي اعطاه ابوي واكرمه تعال شوف كيف عيشنا
وقفت فتحت اول باب بقوه وهي تصرخ ..هذا مستودع كل يوم والثاني جاي لنا العامل وهذا مستودع ثاني هذا مكن بنات عبدالله
تعال اوريك المكان الي ماتت فيه امي امي الي عاشت حياىة الكرامه امي الي عزته ولاعمرها قالت كله شينه عنه صح هو عمي الكبير لكن كبير بظلمه وبطشه كبير بااحتياله كبير بسرقته ذبحني وحرق قلبي الله يحرق قلبه يارب الله لايسامحه لادنيا ولااخره يارب اشوف فيه يوم قريب يارب انتقم منه عاجلا غير اجل يارب دمره عذبه خذ حقي منه ياارب
نجود وتسحب اختها وتدخلها الغرفه وهي منهاره تحضن امها وتصيح
اما صقر ماقدر يرد بكلمه حصل عذر لها ان امها ميته وكل الي تقوله ماتحس فيه
صقر..عظم الله اجركم والله يرحمها
نجود وهي تصيح..مابزيد على كلام اختي شئ بس عزاكم ياعيال ناصر ماقبلناه
صقر ولاعرف كيف يواسيهم او شو يقول طلع من عندهم بسرعه وراح لابوه
صقر..يبه البنات حالتهم صعبه ولاعرفت اتعامل معهم المهم انا بجيب امي وهلا عندهم
ابو صقر..الي تبي اعمله المهم خلصني وبعد ماينتهي العزا تجيب البنات للبيت عندي
صقر مستغرب..بيسكنون عندك
ابو صقر..اجل تبي رجال السوق يأكلون وجهي بنات لحالهم ببيت
صقر ضحك بسخريه على كلام ابوه
ابو صقر..الظاهر كلامي ماعجبك
صقر..مع السلامه
طلع صقر وجاب امه واخته وخالته الي بمجرد مادخلوا البيت ارتموا البنات بحضنهم وكأنهم حصلوا احد يشاركهم احزتنهم
ام صقر..بس مزون اذكري الله انتي الكبيره
مزون وهي منهاره ..ولاني الكبيره ماقدرت اعمل شئ ماقدرت اوديها المستشفى
ام صقر..مزون هذا يومها اذكري الله وادعي لها بالمغفره
امل..يالله مزون تعالي معي داخل
دخلت مزون وتوضت وصلت بالليل بعد ماهدو شوي كان الخبر الصاعقه لهم خبر انتقالهم لبيت عمهم
مزون..عمي خلنا هنا
ابوصقر..لاتجادلين وامشي قدامي
نجود..بس ياعمي زوجتك ماتحبنا
ابوصقر..حبتك القراده وهو فيه احد يحبكم امشي لايجيك كف انتي وياها
طلعت مزون ونجود غصب عنهم الدموع على وجههم ولاهم قادرين ينطقون بحرف واحد وصلوا للبيت واستقبلتهم ام بدر الي حتى ماسلمت عليهم
ام بدر..عندي غرفه وحده فاضيه اجلسي فيها انتي واختك سالي تعلمكم وينها يالله روحزا مهعا
وبمجرد مادخلوا الغرفه جلسوا عالارض ودخلوا بحالة بكاء هستيريه بعدها انتبهت مزون ووقفت
مزون..نجود اسمعيني امي وماتت الله يرحمها واحنا مثل المسجونات بقصر لكن لازم نعمل لنا نظام نتجنب فيه زوجت عمك
نجود..حتى ماعزتنا حرام عليها
مزون وتمسح دموعها..مو مهم الحين احنا نرجع من الجامعه ماكلين اوكي على طول عالغرفه مانطلع منها الا وقت العشاء ولو يحصل نجيب معنا اكل من الجامعه ونظل بالغرفه
نجود..لامزون حرام كذا الله مايرضى هذا مو يوم ولااثنين
مزون..مؤقت لحد مانشوف حل المشكله زوجة خالي لو شو ماعملنا مابترضى نسكن عندها وخالاتي صعبه ومستحيل
نجود..اوكي الحين لازم نتقبل الوضع وبكرا بعلم الله
فعلا مرت ثلاث اسابيع ونجود ومزون منعزلين بغرفتهم وهالشئ ضايق ام بدر الي تتمنى تخانقهم وترمي عليهم بالحكي راحت لهم فتحت الباب من غير ماتستأذن
ام بدر..على الاقل ساهموا بثمن جلستكم معنا نظفوا شئ اطبخوا شئ
مزون..بس هنا الخدم يعملون كل شئ
ناظرت من فوق لتحت وكأنها تقول وانتم شو فرقكم عنهم وطلعت
التفتت مزون واشرت لاختها..لاتهتمين بكلامها كملي السالفه
بالجامعه جلست نجود مع هلا تسولف لكن بلحظه نزلت دموعها
هلا..ليه نجود شو فيك
نجود..ولاشئ بس ام بدر زاد ظلمها ومزون متحمله
هلا ..شلون
نجود..تخيلي اذا رجعت تخليها تطبخ على اساس ان طبخها حلو وبعدين تقول اعملي حلا وبعدين قهوه ومايجي الليل الا مزون خلاص مو قادره
هلا..وانتي
نجود..انا اصلا مااعرف اطبخ
هلا..طيب نجود ليه ماقالت لها اعرف
نجود..مزون تعمل كل شئ لخاطري حتى تبعدها عني وانا مو قادره اعمل صدقيني اني انظف البيت ابي اشيل شوي عن مزون
هلا..حسبي الله عليها
نجود..المهم هلا بطلبك طلب ممكن
هلا..امري
نجود..انا قلت لمزون بكتب لها بحث وبصراحه ماقدرت ابيك تطلعين لي موضوع من النت وتطبعينه
هلا ..من عيوني اقول لخالتي امل او صقر اليوم وبكرا يكون عندك
نجود..تسلمين يارب
هلا..ولو احنا بالخدمه يالله اوصلك للبيت
نجود..لا مع الباص
هلا مستغربه..ليه مو غاده معها سواق
نجود..لامايصلح احنا نركب مع بنتهم ماعلينا تعودت يالله نروح اكيد مزون الحين بالبيت ياحياتي
هلا ..يالله الله يعينكم
ببيت ام صقر الكل كانوا مجتمعين عالغداء وقالت لهم هلا عن حال بنات عمها
ام صقر..لاحول ولاقوة الا بالله
خالد..بالله كيف متحملين بنات عمي عبدالله الي عاشوا حياتهم كلها دلع كيف
هلا..المشكله مو بنجود لانها ماتسكت تقول الي بخاطرها صح تتهزء بعدها بس ترتاح يعني ترد على مرت ابوي المشكله بمزون الي تسكت وتعمل كل شئ
امل..طيب ليه تسكت
هلا..راح تستغربون اذا عرفتوا السبب
خالد..شو السبب
هلا..لخاطر نجود اختها ماتبي مرت ابوي تضايقها تقول نجود انها تطبخ وتنظف وكل شئ تعمله والبيت ملينان خدم
صقر..والله مسخره الشرهه مو عليها الشرهه على العم وتبيني اروح له يمه وين ارجي الخير منه
ام صقر..صقر انت محتاج مبلغ كبير ولا لك بعد الله الا ابوك جرب
خالد..يمه مستحيل ابوي يرضى
ام صقر..ليه هعذا ولده ضناه والكبير مابيرده
صقر ويبتسم..يمه مو كل القلوب قلبك
خالد..والله قلب امي مافيه مثله الا صدق يمه كيف تحملتي ابوي
ام صقر وتناظره..خالد هذا ابوك عيب
خالد..طيب عيب ومو عيب انه مايسأل عن عياله مو عيب اني ادخل المستشفى واعمل عمليه ولايسأل عني حتى بالتليفون
امصقر..حتى يظل ابوك
امل وتغير الموضوع..الا صدق ياعيال اختي مابتتزوجون عندي لكم عروس
صقر..عندك الشيخ خالد يتزوج وياخذها تونسه لابها
خالد..ههههههههههههه تخيل انا مالي خلق على تحمل المسؤليه
ام صقر..الله يهديكم انا بروح ارتاح وانت ياصقر روح العصر لابوك يمكن الله يحنن قلبه عليك
صقر وبعد لحظة صمت..محاوله خسرانه لكن بعملها
العصر راح صقر لابوه وقاله عالموضوع وطبعا اعطاه مليون عذر وقال بيشوف وضعه ويرد عليه طلع صقر فاقد الامل باابوه واتصل بخاله سعود
صقر..هلا سعود
سعود..اهلين افا الصوت معصب خير
صقر..خلاص تعبت لازم اتصرف المبلف بعد عشر ايام لازم يكون معي
سعود..قلت اكثر من مره المشروع اكبر من امكانياتك
صقر..سعود انت عارف اني لازم اعمل مشروع كبير حتى اوقف على رجولي لكن المبلغ الباقي مستحيل ابوي يعطيني
سعود..طيب والحل
صقر..سيارتي ببيعها
سعود..لو جابت بتجيب لك ثلث المبلغ والباقي
صقر..مااعرف المهم ابوي قال بيرد علي بعد يومين وانا فاقد الامل وعمي عبدالعزيز ماودي اطلب منه بصراحه
سعود..اسمع انت انتظر ابوك واذا ااعطاك انا ابيع سيارتي
صقر ومنصدم..انت
سعود..لاتجادل كثير ايه انا خلاص انا بروح امل ازعجتني تبي امرها وبينا تيلفون باي
ابتسم صقر على قررات خاله السريعه دائما..باي
رجع صقر وحصل هلا الي طلبت منه بحث مزون
صقر..طيب بحدود كم صفحه
هلا..مااعرف
صقر..اتصلي اسأليها
هلا..بيت ابوي عشان تذبحني زوجته
صقر يبتسم..مامعهم جوال..
هلا..لا
صقر..اوكي انا برتاح والصباح تحصلين موضوعين واحد مختصر وواحد لا اوكي
هلا..تسلم اخوي
صقر..تعالي بسألك الحين امل ليه راحت
هلا باابتسامه..تقول بتروح تشتاق لنا وترجع
صقر يبتسم ..ايه المهم يالله انا بطلع ارتاح
طلع صقر وظلت امل تتفرج عالتلفزيزن لحد ماوصل خالد وجلس معها
ببيت ابو صقر دخلت مزون على غاده
مزون..هلا غاده
غاده بنظرات بارده..هلا
مزون..بعد اذنك ممكن استخدم التيلفون
غغاده..طبعا تفضلي
اتصلت مزون بجواهر الي استغربت الرقم بعدين ردت
مزون..هلا جواهر
جواهر..مزون وينك
مزون..اسمعي بكرا مااتوقع احضر
جواهر..لامزون بينزل لك حرمان تعالي ارجوك
مزون..اسمعي اذا ماحضرت قدمي لي اعتذار
شهقت جواهر..مجنونه حلفتك بالله تجين بكرا ونتفاهم لخاطر امك وابوك تعالي
دمعت عين مزون ووافقت شكرت غاده وطلعت للغرفه
بالغرفه قالت مزون لاختها قرارها
نجود..خبله انتي تبين تصيرين خدامه لها
مزون..مااقدر انتي تشوفين مافيه وقت
نجود..مزون اذا اعتذرتي اعتذرت معم واقسم بالله اعملها وكيفك
مزون وتبتسم..خلا ص كله ولاانتي المهم شصار عالبحث
نجود..ولايهمك هلا بتجيبه لك
مزون ولاعجبها..ولاحصلتي غير هلا
نجود..ليه تكرهينها
مزون..عمري ماكرهتها بس مااقدر اتكلم معها ولااغلط على ابوها
نجود..هلا غير صدقيني غير
مزون..المهم شو اخبار مها اختها
نجود..ماعليها تقول انها بتجي قريب لهم وحتى خالد اخوها تقول بيستقر قريب بالرياض يعني بينتقل
مزون..امهم طيبه مرره
نجود..كلهم طيبين حتى امل خالتهم
مزون..صح الا تعالي صقر ماتزوج
نجود..ولااعتقد تقول انه داخل على مشروع كبير ولاهو فاضي
مزون..الله يوفقهم يالله ننام احسن
نجود..على قولك على الاقل يجي بكرا بسرعه نروح للجامعه
مزون..تصبحين على خير
نجود..تلاقي الخير
في بيت ابو صقر وتحديد بغرفته كان مع زوجته يقول اها عن طلب ولده صقر والي اتبعه برفضه حتى ماتزعل عليه
ام بدر..زين انك رفضت
ابو صقر..من وين اجيب له
ام بدر وسكتت شوي وبعدها التفتت على زوجها..الا عندي لك حل
ابو صقر..قولي
ام بدر..وافق تعطيه المبلغ
ابو صقر منصدم..اعطيه
ام بدر وتبتسم..بس بشرط
ابو صقر ومتحمس معها..شو الشرط
ام بدر..انه يتزوج مزون ويأخذ اختها معها خلاص مااتحمل اشوفهم عندي بالبيت نقيدين حريتي وحرية بدر نظر عيني مايطلع من غرفته ابدا
ابو صقر ويفكر..شور زين بس تتوقعين يوافق
ام بدر بحماس..وليه مايوافق زواج ببلاش
ابو صقر..بتصل ه بكرا واقول له
ام بدر..اذا وافق خلاص الزواج بعده بااسبوع تسمعني
ابو صقر..ان شاء الله خوش حل على الاقل ارتاح من مسؤليتهم
ام بدر..وارتاح من شوفة وجيهم
من بكرا وصلت نجود ومزون وحصلوا هلا الي سلمت عليهم واعطت مزون الملفات
هلا..تفضلي مزون بصراحه احرجني صقر قال بحث مطول او مختصر ماعرفت وطلع لك اثنين اختاري الي يناسبك وان شاء الله يعجبونك
ابتسمت مزون..ماقصرتي هلا شكرا سامحينا تعبناك
هلا..ولو احنا بالخدمه
مزون..عن اذنكم
راحت مزون والتفتت هلا على نجود..حتى عيونها صارت حزينه ابتسامته تغيرت كثير وين ذاك الوجه والجسم الحلو والابتسامه الي ترد الروح
نجود..والي يشوف مرت ابوك يبقى فيه حيل يبتسم
هلا..ههههههههه يالله نروح
نجود..جوالك يدق
هلا ..هلا بااخوي وحبيبي
خالد..هلو انا عند امل وسعود موجود وناسه تجين عندنا
هلا معصبه..حرام عليك ليه تتصل ترفع ضغطي
خالد..ههههههههههه اقول انتبهي لمحاظرتك
هلا ..بايخه..باي الدكتوره وصلت
قفلت وعصبت على اخوها
نجود..الا كم عمره خالد
هلا وتفكر..هو اصغر من صقر بثلاث سنوات واكبر مني بااربع سنوات يعني كم
نجود..يعني صقر 28 وخالد 25 وانتي 21 صح ياحلوه
هلا..ههههههههه صح ياقمر يالله ندخل
اما صقر اتصل فيه ابوه وطلب منه يمر عليه وفعلا راح له وبعد السلام قال له ابوه
ابو صقر..انت عارف اني الحين مأخذ محل جديد غير هالمحل لان الحين اهم شئ الموقع
صقر..بس هنا الفرع الاساسي يبه
ابو صقر..لامابقفل هذا بس بفتح محل ثاني وعندي ديون بس اقدر اوفر لك الي طلبت
استغرب صقر وابتسم..مشكور يبه ماقصرت وانا مابطول كلها ست اشهر وارده لك
ابو صقر..وقف اسمع باقي الكلا م انا بعطيك المبلغ بشرط
استغرب صقر..شرط شو ..؟؟
ابو صقر..تتزوج مزون واختها تاخذها تسكن عندك
وقف صقر وقال .......
هنا ينتهي النزف الاول والجزء الاول فاالى لقاء مع دموع اخرى واحزان قد تمسحها لحظات سعاده
__________________


__________________________________________________ __________

[SIZE=4][COLOR=#800080] لجزء الثاني ..


وقف صقر وهو معصب وقال..يبه بنت عمي مو قطعة اثاث تدخلها معي بمساومه
يقاطعه ابوه..اسمع وصلك الكلام يالله رح شف شغلك وافقت تعال نملك الخميس ماوافقت دبر نفسك
طلع صقر وهو معصب واتصل بسعود خاله وقال له يجي البيت واجتمع معه وامه
صقر بقمة توتره ..شفتي يمه ماقلت لك ابوي مابيعطيني
سعود..الحين وحده بيزوجك اياها الثانيه مجانا
صقر وعصب..سعود لاتتريق ارجوك مو وقته
سعود معصب..وانا صادق ابوك شلون يفكر يااخي بنات اخوه يرخصهم كذا
ام صقر..خلصت كلام انت وياه
استحى سعود وصقر انه يرفعون اصواتهم قدام ام صقر
سعود..تفضلي اختي
ام صقر..اسمعني لين اخلص كلامي وبعدها رد

صقر..تفضلي يمه
ام صقر..انت طال الزمان او قصر بتتزوج هذا اول شئ وبعدين ماانت صغير سنك مناسب وكبير بعد وغير كذا هذي بنت عمك ويتيمه اما اختها مابنعجز على سكنها معنا وعمك عبدالله وزوجته يستاهلون من يحشم بناتهم
صقر..يمه انا ماابي اتزوج ولاانا متهيئ الحين ولاتناسبني
ام صقر..كيفك انا قلت الي عندي ومزون من احسن البنات
صقر ويدور حجج ..يمه لسانها طويل
سعود ويضحك..هههههههههه هذا الي مضيق صدرك اصلا اذا تزوجتك مابتنطق ابدا خصوصا انك ماتحكي مع اي احد
صقر..احترت
ام صقر..صقر بنت عمك يتيمه لاتأخذها عشان تزيد عذابها
طلعت ام صقر وتركت صقر وسعود ودخل خالد وعرف بالموضوع
خالد..طيب ليه ماتوافق عمي عبدالله الله يرحمه كلنا نعرف تربيته لبناته يعني البنت ماعليها قصور
صقر..مو المشكله بالبنت المشكله اني انا مو متقبل الزواج بهالوقت وبصراحه البنت صار لي معها كم موقف ولااعرف مااحس انها تناسبني بعدين بين يوم وليله اتزوج هذا سلق بيض مو زواج
سعود..انت فكر الى بكرا واستخير والله يوفقك
خالد..بس تعال البنت تدري وموافقه
سعود..ههههههه طموح خالد تتوقع ابوك بيعطيها خبر
صقر..يصير خير احترت المشكله حتى لو بعت سيارتي وسيارتك مابيوفي المبلغ
خالد..عشان مره ثانيه تحسبها صح مو تدخل بمشروع وكل يوم طالع لنا بتكاليف زياده طيب اعطيك المبلغ الي عندي مايمشي امورك
صقر..يااخي قدر الله وماشاء فعل مايكفي يالله انا بطلع ارتاح
سعود..وانا بروح للبيت اكيد امل الحين طفشانه عالعاده
خالد..على فكره انا بعد يومين بسافر تعالوا اسهروا عندنا اليوم
سعود..اشوف يالله فمان الله
خالد..الله معك



مر الليل طويل على صقر الي كان نادر جدا مايجلس مع نفسه جلسة مصارحه يحاول يفسر مواقفه ويقيم تفعاله ..ظل يسأل نفسه هل زواجه من مزون بنت عمه عبدالله الي الكل يعمل له الف حساب حل صحيح او انانيه منه انه يضيع حياة بنت عمه لسبب ومصلحه تعود له بالاول والاخير ..احتار صقر ساعه يتوصل لقرار واحد مافيه غيره وهو الرفض وساعه يقول بنت عمه وزواجه منها مافيه اي اساءه لها احتار وظل يقول ويعيد بالاخير اجل كل شئ وحط راسه ونام ..


اما ام بدر كانت على اعصابها تنتظر موافقة صقر لانها على حسب كلامها راح ترتاح من هم كبير على قلبها وجود البنت رغم انهم منعزلين لكن كان يسبب لها حالة قلق شديده ..


الصباح عالفطور الكل كان موجود فتكلم خالد
خالد..هاصقر اتخذت قرار مامعك وقت وابوك تعرفه
هل بحماس ا..اي قرار
خالد..اللقافه ذابحه ناس
هلا وتلتفت على صقر..اي قرار صقر
ام صقر..بس اتركوا اخوكم والله يكتب له الي فيه الخير
صقر..امين يارب انا طالع الحين واتوقع اني اوافق لان ماعندي حل ثاني
ام صقر ..الله يوفقك
طلع صقر وجلست هلا تحن عليهم لحد ماعرفت الموضوع
هلا..هههههههههه الله صقر ومزون يعني بنكسر الروتين بيصير فيه مشاكل عندنا
ضربتها امها..شو هالكلام
خالد..ليه بنت عمك ماهي سهله
ام صقر..مزون مافيه مثلها بس ظروفها
هلا..يمكن لكن مااقدر اقول انها سهله يعني هي وصقر راح يحدث انفجارات
خالد..هههههههه كويس اني مو معكم
ام صقر..قم انت واختك عن وجهي اشوف
طلع خالد وهلا وتركوا امهم تفكر بحياة ولدها الجديده الي انفرضت عليه هل بيكون سعيد او لا ولما ماقدرت رفعت يدها لربها تدعيه انه يسعد ولدها ويوفقه بحياته ويرزقه الذريه الصالحه


بالسياره كان خالد وهلا يسولفون بطريقهم للجامعه لان خالد تبرع يوصلها اليوم
هلا ..طيب تتوقع مزون توافق
خالد ومبتسم..والله انك على نياتك على قولة سعود وعلى بالك ابوي بيشاورها بيزوجها وبس
هلا..الله يستر
خالد..تعالي احنا مو ناقصين مشاكل البنت كيف اخلاقها
هلا بااستغراب..خالد شفيك مزون ونجود بنات عمي عبدالله وتسأل عن اخلاقهم
خالد..عمي عبدالله الله يرحمه صح مااحد يقول بتربيته شئ بس اخاف تغيروا بعد ماتوفى
هلا..لا تطمن ماتغيروا بس الحزن والألم دخل حياتهم لكن نظرة الكبرياء مازالت بعيونهم رغم كل شئ
خالد مبتسم..قلتيها بنات عبدالله ماتهزهم ريح الله يوفقهم
هلا ..بس هنا خلاص بترجع تأخذني
خالد..كأني اعطيتك وجه زياده يالله مع السلامه
هلا وتضحك..مع السلامه


دخلت هلا للجامعه وراحت للقاعه والتفت كل البنات لكن ماحصلت نجود واستغربت لان نجود مستحيل تغيب عن الجامعه مو شطاره لكن لانها تهرب من البيت للجامعه ومثل ماتقول هي المتنفس الوحيد لها


مزون كانت مطنشه محاظرتها وجالسه تسولف مع اعز واغلى صديقاتها جواهر
مزون..المهم انتي قولي لي شو اخبارك
جواهر مبتسمه..تقدم لي واحد غني وبيحط لي سواق وسياره تحت امري وقصر بأسمي وخدامات من كل الجنسيات ومبلغ وقدره
مزون تقاطعها..الله من وين جاك هذا
جواهر..من وين من عمتي لا المهم هي تقول لامي عنده وعنده وامي تقول اهم شئ اخلاقه والا الفلوس ماتهم بالاخير طلع العلم الاكيد الرجال متزوج وعنده عيال ويبي يتزوجني بالسر
شهقت مزون وبعدين ضحكت بصوت عالي بالوقت الي وصلت لهم هلا واستغربت من زمان ماشافت مزون تضحك
هلا ..ان شاء الله دوم اولا السلام عليكم
مزون وجواهر..وعليكم السلام
هلا..وين نجود ليه ماحضرت
مزون..والله نجود مالها خلق ونامت قلت اتركها براحتها وتقول عندها رصيد غياب
هلا..لو قالت لي ماحضرت بس اوريك فيها
مزون..اجلسي هلا
هلا..لا بطلع مليت بطنش المحاظره الاخيره
مزون..معك بطاقة خروج
هلا..لا بس كلمت خالد وترجيته يجي يأخذني وبطلوع الروح وافق
جواهر..طيب طنشي واجلسي معنا
هلا وتفكر ..هي مو شينه بتصل
جلست هلا واتصلت بخالد اخوها
هلا..حيا الله هالصوت هلا خالي شلونك
سعود..بخير انتي شلونك وليه الشيخه مابتحضرين
هلا..هههههههه مااقدر مامعي احد اسولف معه
سعود..وين ربعك
هلا ..كلهم يجلسون بالاول الا نجود بنت عمي ولاحظرت اقول خالي وين خالد
سعود..معي احنا عندك
هلا..خساره كنت بهون واجلس مع البنات
سعود..اقول اطلعي لاانزل عليك مخليتنا نضرب مشوار بهالشمس وبعدين تقولين هونت
هلا..خلاص بطلع باي
سعود.مع السلامه


هلا..سوري بنات مثل ماسمعتوا يالله سلمي على نجود مزون
نجود..يبلغ سلمي على خالتي الله معك
راحت هلا والتفتت جواهر على مزون..طيبه كثير هلا
مزون..اعرف بس مشكلتي احيانا اني مااقدر اتكلم طبيعي معها اخاف اغلط على عمي وهو ابوها مهما كان
جواهر..ماعلينا الحين كم اخوانها
مزون وبتكشيره..اثنين صقر الي كلمتك عنه قبل وخالد ساكن باابها عشان شغله على حد علمي ضابط
جواهر..اها وخالها ساكن معهم
مزون..ماادري انا اعرف ان عندهم خالتهم امل وخالهم سعود ماتزوجوا دائما تحكي لي نجود عنهم مااعتقد انهم ساكنين معهم الا صح امل مطلقه على حد علمي
جواهر..المهم تعالي ندخل للمبنى احسن من هالشمس
مزون..يالله

عالغداء اجتمعوا وكانت عندهم خالتهم امل وسعود رجع مع خالد وهلا واجتمعوا كلهم
وقال لهم صقر قراره
صقر..كلمت ابوي وبلغته بموافقتي
الكل سكت والتفت له سعود..فكرت زين صقر
صقر ويتنهد..شوف سعود الموضوع له ايجابيات وله سلبيات خالينا نبدأ بالايجابيات اولها حل مشكلتي ثاني شئ بنت عمي وبكون ارحم عليها من ابوي وزوجته الشئ الثالث مااعتقد اني بحصل بنت احسن من بنات عمي عبدالله اوكي
سعود..حلو والسلبيات
صقر..الى الان وحده الي هي انا ماكنت مستعد ابدا لزواج بهالوقت ولااشوفها تناسبني لكن ممكن تكون ثنتين اذا بنت عمي كانت مجبوره علي
خالد..لاتتوقع صقر ابوي بيسألها حتى يعني بكلا الحالتين رأئيها مابيقدم او يأخر وكونك تشوفها ماتناسبك انت جبت العيد هذي مو سلبيه هذي فشل قبل البدايه
صقر..المهم اني وافقت والزواج ايجابياته اكثر لي ولها والمصلحه لنا احنا الاثنين بهالزواج
امل..كلامك حلو بس قبل مااقول مبروك بقول شئ واحد لاتحط ببالك انك تزوجتها غصب عنك حتى مايكون هذا مبرر وعذر لاي تقصير منك
ابتسم صقر لها..تعرفين ياامل يعجبني فيك فهمك للامور
هلا..احم والي بتتزوجها ماتقل عن امل بالفهم يعني مبدأها اقنعي او اقنعك
خالد ويضحك..مو بنت عمي عبدالله دائما بكلامه معنا يقول اقنعني وانا اتنازل عن قراري
صقر..اذا هي مثل عمي عبدالله الله يستر
سعود..المهم انا بروح امول بتجين معي
هلا..لا بسلامتك خلها عندنا
ام صقر وبعد صمت طويل ..وانت ياسعود مابتتزوج
تغير وجه سعود وقال..اذا الله كتب بتزوج عن اذنكم
التفت صقر على امه وكأنه يعاتبها بصمت..لكنها ردت عليه
ام صقر..الي راح مايرجع متى بيفهم
الكل سكت لانهم حسوا ان ام صقر معصبه حبت تغير هلا الجو
هلا..يمه ماسمعتك باركتي لصقر
صقر ويبتسم..لا ام صقر عرفت قبلكم وباركت لي وصاحت بعد
هلا..خساره ماشفتها
ام صقر..قومي اشوف شيلي الغداء
هلا..ياسلام والخدامات
ام صقر..وانتي شو شغلتك حركي رجولك
هلا وبحماس..انتي لو تعرفين المسافه من مبنى اربع الى مبى 24 كان قلت ارتاحي ولاتتحركين
خالد..هههههههه ايه جامعتكم حاره مو جامعه
امل..لا وبعد وشوارع كملت
خالد..هههههههههههه مافيه اشارات
هلا..تتمصخرون يالله بروح ارتاح
امل ..بروح معك واخلي ناس بعالمهم
ابتسم صقر وطلعوا البنات وام صقر راحت ترتاح شوي


اتصل صقر باابوه الصباح وقال له انه موافق وهالشئ اسعد ابوه وزوجته الا حددت موعد الملكه حتى تتخلص من هم على قبلها..وبسرعة البرق ازعجت زوجها حتى راح للبنات وبلغهم بالخبر وطلعت وتركهم


بغرفة مزون واختها كان السكون يعم الغرفه حالة الالم الجامد مسيطره..حالة الصراخ المكتوم تملئ الغرفه..حالة الدموع المنهمره تبكي القلوب ..
نجود بدموع..مزون ليه وافقتي حرام تضيعين حياتك تكلمي قولي لا
مزون وهي تحاول تمسح دموعها ..اقول لا وهو يقول ملكتك بعد يومين شوفي الااجراءات مع زوجته تبيني اقول لا وزوجته تقول خلاص مااقدر اتحملكم اكثر ارجوك نجود انا الحين مااملك الا اني ادعي الله يرحمني برحمته
نجود..وحلمك تتنازلين عنه بسهوله
مزون وتمسح دموعها وتوقف قبال اختها..من مات ابوي ضاعت احلامي احترقت بالاهانه المهم الحين خلينا نفكر بالعقل عيشتنا هنا والا عند ام صقر صح مااتمنى ولاواحد بس ام صقر تخاف الله ولابتظلمنا
نجود بدموع ..انتي زوجة صقر وانا طيب
مزون وبحده..انتي نجود بنت عبدالله خليك واثقه ان اسم ابوك يكفي عشان الناس تحطك على راسها لكن عمي غير ناكر وظالم وجاحد
نجود..ماقالت لي هلا شئ
مزون..ياشيخه طنشي احنا بنطلع من سجن لسجن اوسع شوي يعني كله محصل بعضه
نجود..ليه مو متضايقه
مزون ..زمان سمعت كلمه لشيخ نسيت اسمه قال فيه بعض الامور مالها حل الا الصبر يعني مهما عملت مابتغير شئ الا شئ واحد راح تتعب نفسك وهالكلام ينطبق علي مهما عملت مابغير شئ خليني اسكت وارضى احسن واكرم لي
نجود..طيب ماانتي زعلانه من كلام ام بدر عن صقر وانه اخذك لانه محتاج مبلغ من ابوه
مزون وتبتسم..عاادي وانا وافقت واقتنعت الحين لاني محتاجه اطلع من هنا يعني المصلحه له ولي المهم خلينا ننام وبكرا يصير خير
نجود..والجامعه
مزون..ملبروح بطنش
نجود..وانا بعد تصبحين على خير
مزون..تلاقي الخير
ماقدرت مزون تنام ليلتها مهما انكرت وادعت موت حلمها ماتقدر حلمها من اول ايام مراهقتها حلمها بالشاب الي ترتبط فيه شكله اخلاقه تعليمه حياتها معه تفاصيل كثيره تحطمت بقرار من عمها الظالم..عمها الي بسهوله غير مسار حياتها من حياة العز الى الضيم والاهانه والحين رماها لمصير مجهول ماتعرف هل الصوره الوحيده الي تحملها لصقر كفيلها باانها ترسم لها مستقبل يعوضها عن حلمها.. صرخه مكبوته قالت لا والف لا..لا اسلوب صقر وتعامله معها بالمحل اعطاها اشاره ان حياتها بتكون معه حلوه بالعكس بتكون جحيم ولازم تبدأ بالاستعداد له بكل قوتها وعلمها ومنطقها وتنحي عاطفتها بفترة زواجها وتعطيها اجازه طويله مالها نهايه كان هذا قرار مزون قبل ماتنام ..


استغربت هلا من غياب بنات عمه وتوقعت انهم زعلانين على الي صار والمشكله انها ماتقدر تتصل تخاف ترد عليها زوجة ابوها ..


انتهت الاجراءت وتمت الملكه سافر خالد لابها حتى يباشر شغله لان اجازته انتهت ورجع صقر للبيت وحصل امه وخالته امل جالسين جلس معهم
ام صقر..الله يسعدك ياولدي ان شاء الله
امل..مبروك صقر الف مبروك
صقر باابتسامه باهته ..الله يبارك بحياتكم
ام صقر..قال ابوك شئ عن الزواج
صقر ويفكر..لا قال لي وهو طالع متى ماتحب تعال خذ زوجتك
امل..يعني مابيعمل لها زواج
صقر..مادخلت معه بالتفاصيل لانه كان مستعجل
ام صقر..كلمه وشوف شو يقول
صقر..طيب الحين ابي ارتاح بطلع للملحق وابي شاهي لان عندي موعد مهم بعد ساعه
امل..من عيوني اعمله لك
صقر وهو طالع..تسلمين امووله
طلع صقر وراحت امل تعمل له الشاهي وشوي الا الخدامه عند ام صقر
سالي..ماما فيه حرمه يبي انتي
ام صقر..حرمه بهالظهر من
سالي..مايعرف
ام صقر..لايكون وحده مسكينه
امل وهي طالعه..شفيك سالي
ام صقر..اطلعي شوفي من عند الباب تقول حرمه تبيني
امل ..اخاف بقول لصقر يطلع معي
ام صقر..بتفضحينا اطلعي شوفي الحريم لااقوم انا
امل ومعصبه ..طيب خلاص بطلع
طلعت امل وراحت للحريم
مزون..هلا امل
امل مستغربه..اهلين هلا مزون تفضلوا
مزون وهي تتمنى الارض تنشق وتبلعها ..خالتي فيه لان بصراحه
سكتت مزون واحتارت امل..تفضلوا
نجود وتحاول تكون قويه بدل مزون ..ماعليك امر نبي خالتي شوي
استغربت امل وراحت تنادي ام صقر الا على طلعت صقر واستغرب
صقر..عندكم احد
امل..هذي زوجتك ونجود مااعرف شكلها تصيح
راح صقر بااتجاه البنات واستحت مزون اكثر
صقر..حيا الله بنات العم تفضلوا
سكتوا البنات وفتح الباب صقر لانه شاف شئ عنده حصله شنطتين
صقر ورافع حاجب..من جابكم هنا
مزون وتحاول تكون قويه رفعت عيونه بااتجاه صقر وعينها بعينه ..مرت عمي قالت خلاص اطلعي انتي واختك انتهت مدة اقامتك وتكرمت علينا بسواقها يوصلنا لاننا مانعرف البيت
صقر وعصب من الخاطر على مرت ابوه..زين تفضلوا البيت بيتكم
دخلت نجود ومزون للبيت وشالت مزون بكل قوه الغطاء عن وجهها وسلمت على ام صقر الي حضنها
ام صقر..هلا والله ببنتي الف مبروك
مزون ونزلت دموعها..الله يبارك فيك
صقر كان واقف عند الباب معصب مصدوم متفاجئ من تصرف زوجة ابوه مو عارف يرحم مزون لانها بهالموقف او يحاول يستوعب انه صار مسؤل وزوجته بالبيت معه رغم انها معطيته ظهرها وللان ماشافر وجهها ..

بكل قوه مسحت دموعها ووقفت مزون والتفتت بجهة صقر الي رغم كل شئ كان لازم يرفع عينه يشوف الانسانه الي بنظره كانت متمرده على كل الاخلاق وتهاجم بقوه لخاطر امها واختها..لازم يشوف الانسانه الضعيفه الي انهارت وصاحت لفقدان امها مصدر حمايتها بعد الله..لازم يشوف الانسان الي دخل مع ابوه بمساومه عليها..لازم يشوف زوجته ..هالكلمه اجبرته يرفع عينه تجاهها ..شافها..


بنت مستحيل احد يقدر يقول انها حلوه او لا ..لسبب بسيط ان الدموع بوجهها كانت بمثابة مثير لقوه كامنه بداخله تجاه ابوه ..بلحظه شاف صورة عمه عبدالله الانسان الطيب المحترم الي مافيه احد تخيل ان بنته الي كان يفتخر فيها بكل مكان تكون بيوم زواجه بدموع اهانه وذل قطع عليه تفكيره كلام امه لخالته امل
ام صقر..امل خذي نجود بغرفة هلا لانها بتكون معها ومزون وديها جناح صقر
ترددت مزون ونجود لكن امل شجعتهم ووصلت نجود ودخلت مع مزون غرفة صقر الي كانت مقلوبه فوق تحت
وقفت مزون عند باب الغرفه وهي تتفحص مكانها سجنها الجديد ..الفوضى كانت ماليه الغرفه الثياب بكل مكان والكتب عالارض والمفارش مو مرتبه وغير كذا لفت انتباها طفاية زقاير راحت عندها ورفعتها وابتسمت بسخريه ورجعتها
امل ..شفيك مزون
مزون..ولاشئ
امل..مزون خلاص هنا حياتك الجديده لازم تتقبلين الوضع وصدقيني صقر طيب
مزون..ماتفرق معي امل عاادي لكن ماحبيت ادخل بهالشكل ماتوقعت ولا واحد بالميه عمي يعمل لي زواج بس ماتوقعت اني ..
سكت مزون وجلست على طرف السرير ونزلت دموعها راحت لها امل وحاولت تهديها
مزون..سامحيني امل بداخلي بركان من غضب بداخلي نار تحرقني خليني اتكلم اقول اني انهنت اقول اني انظلمت حاولت اسكت ولااوضح عند نجود بس خلاص كل شئ له حد وانا صبري وصل حده ..دخلت مزون بحالة بكاء شديده اربكت امل الي حاولت تهديها
امل..مزون صدقيني صقر طيب
مزون بدموع..آه ياامل لو تعرفين شلون بديت احرق احلامي امنياتي كلها لحظة خطبتي وزواجي سنوات حلمت فيها مثل اي بنت بس عمي تجاوزها همشها مايعرف انه باع احساسي
امل..ان شاء الله صقر بيعوضك
مزون..صقر يعوضني عن شو عن اهانة كرامتي عن مساومته مع ابوه علي يعوضني عن شو عن حلم سنوات تنافي كل صفات صقر امل صقر مو هو الشخص الي تمنيت ارتبط فيه رغم اني اجهله لكن صفه وحده تخليني اقول الي الدخاان شرط اساسي على حياة ابوي مستحيل كنت بتنازل عنه امل انا تعبانه
انهارت مزون وسكتت امل وعطتها فرصه تهدئ وفعلا شوي وسكتت مزون ومسحت دموعها
مزون..اسفه امل على كلامي لكن لحظة انفعال سامحيني
امل باابتسامه..ولايهمك صقر ولد اختي وانتي مثل اختي
مزون..اتمنى كلامي مايوصل
قاطعتها امل..افا عليك تطمني
اما ام صقر كانت تكلم ولدها الي كان بيطلع
ام صقر..الحين زوجتك توها واصله وتطلع تبي تفشلنا
صقر وماسك اعصابه..يمه عندي موعد لازم اطلع بعدين خليها ترتاح
امصقر..خلاص اطلع مع السلامه
صقر..يمه لاتزعلين بس انا ماعملت حسابي انها بتجي اليوم عندي شغل صعب ااجله
ام صقر..خلاص يصير خير لاتتأخر
صقر..ان شاء الله فمان الله
ام صقر ..الله معك

طلع صقر على دخلت هلا الي دخلت سلمت على امها وجلست
هلا..شفيك يمه ليه تبتسمين
ام صقر..بنات عمك وصلوا قبلك بشوي
هلا مستغربه..اي بنات عمي
ام صقر..اي بنات عم زوجة اخوك مزون ونجود
هلا وتتلفت ..شلون وصلوا توهم
ام صقر..الشكوى لله الظالمه طردتهم
شهقت هلا..يمه بروح اشوفهم فوق هم
ام صقر..نجود بغرفتك ومزون بغرفة صقر
هلا بصوت عالي..بغرفة صقر يمه ماشفتيها الصبح كانت ملاهي
ام صقر..انقلعي اشوف بدلي وخذي الخدامه وامل فوق نظفوها يالله فضحتونا
طلعت هلا وهي تضحك مرت على جناح صقر وحصلت الباب مفتوح
هلا..كلوووووووش ياهلا ويامرحبا بزوجة اخوي نور البيت
ابتسمت زون وسلمت عليها بعدها استأذنوا البنات وعند الباب قالت هلا
هلا..مزون عاادي غرفة اخوي تفشل بس ثواني ببدل واجي مع الخدامه
مزون..لاتعبين نفسك انا بنظفها
هلا..لا ياكبرها عند الله عروس وتنظفين يالله شوي وراجعه

طلع صقر معصب من البيت لكن ماراح للموعد لاتوجه بسرعه جنونه عند ابوه بالمحل وقف سيارته ودخل

صقر..السلام عليكم
ابو صقر..وعليكم السلام خير شعندك
صقر معصب..يبه لو بنات اخوك خدم ماعملتهم كذا ليه بيخسرك تيلفون حتى اجي انا اخذ البنت ليه كسرت بنات اخوك تطلعها مع سواق لبيت زوجها تطردها وهي ماتم على زواجها غير ساعات
ابو صقر عصب..احمد ربك اني عطيتك فلوس واطلع اشوف
صقر..مشكور يبه ماقصرت بس تأكد انه عطيني المبلغ بمقابل مو هديه او عطيه من اب يحب ولده
ابو صقر ووقف..اطلع اشوف اذا انا ساومت واطيتك مقابل انت رضيت فيه يعني انت مثلي
صقر حس بالخجل ورد بسرعه..عالاقل انا مابكون مثلك
طلع صقر وهو معصب وابوه عصب منه ..ماعرف شو يعمل مستحيل يرجع توجه لبيت خاله ابراهيم عند سعود حتى يفرغ الغضب بداخله
عند خاله سعود الي كان منتظره

سعود بقلق ..شفيك وجهك متغير
صقر..ماوصلك خبر
سعود..خير
قال صقر لسعود كل الي صار
سعود..يااخي ابوك هذا انسان غريب كيف يقدر يرخص بنات اخوه بهالشكل
صقر وقف ..ماتحملت بصراحه موقف لعدوي مااتمناه شكل البنات ماكان سهل مهما ادعوا القوه واضح ان فيه احساس مكسور بداخلهم
سعود ويحاول يهديه..المهم انت لاتحسس البنت انها مهانه كفايه الي صار
صقر ويتنهد..سعود موقف مو سهل حتى انا يااخي حياتي انقلبت بيومين كيف بتكيف مااعرف
سعود..حاول وبتظبط ان شاء الله
صقر وعينه عاللوحه..الى الان ترسم فيها
سعود وعينه عاللوحه..هذي هي قلب سعود وعقل سعود هالوحه بتخلصني من اشياء كثيره وبتريحني من احساس معذبني
صقر..انت معذب نفسك
سعود وبحزن..عذاب فعلا كل احساس صادق بهالدنيا عذاب
صقر..وين خالي ابراهيم
سعود..بالشغل تو عبدالله كان عندي وطلع
صقر..والله اشتقت له انسان قلبه صافي مثل ابوه
سعود..الله يوفقه
صقر..هههههههههه ماودي ارجع للبيت
سعود..خلاص حرام احساس البنت ارجع وعيش حياتك قول لنفسك حياتي حلوه وبتشوفها حلوه
صقر..حياتي حلوه هههههههههههه اقول خلك مع احساسك وعذابك فماان الله
سعود باابتسامه..الله معك
مرت ساعتين راحت فيها امل للبيت ونظفت هلا ومع الخدامه غرفة صقر وتركت مزون بالغرفه حتى تأخذ راحتها ..الكل بغرفته يرتاح مافيه غير مزون محتاره ياترى وجودها هنا بهالمكان بالتحديد صح او تعدي على حقوق الغير هل من حقها تجلس بغرفته وهي ماشافتها الا سلام عابر لكنها بالاخير فضلت تنتظر وبكل برود قدرت تتصنعه جلست عالكنب بغرفة الجلوس بجناح صقر تنتظره عشر دقايق وحست بصقر فتح الباب تعدلت ودخل
صقر وواضح انه متوتر..السلام عليكم
مزون بصوت حاولت يكون عادي..وعليكم السلام
جلس صقر..كيفك مزون
مزون..الحمد لله


__________________________________________________ __________

اما ام صقر كانت تكلم ولدها الي كان بيطلع
ام صقر..الحين زوجتك توها واصله وتطلع تبي تفشلنا
صقر وماسك اعصابه..يمه عندي موعد لازم اطلع بعدين خليها ترتاح
امصقر..خلاص اطلع مع السلامه
صقر..يمه لاتزعلين بس انا ماعملت حسابي انها بتجي اليوم عندي شغل صعب ااجله
ام صقر..خلاص يصير خير لاتتأخر
صقر..ان شاء الله فمان الله
ام صقر ..الله معك

طلع صقر على دخلت هلا الي دخلت سلمت على امها وجلست
هلا..شفيك يمه ليه تبتسمين
ام صقر..بنات عمك وصلوا قبلك بشوي
هلا مستغربه..اي بنات عمي
ام صقر..اي بنات عم زوجة اخوك مزون ونجود
هلا وتتلفت ..شلون وصلوا توهم
ام صقر..الشكوى لله الظالمه طردتهم
شهقت هلا..يمه بروح اشوفهم فوق هم
ام صقر..نجود بغرفتك ومزون بغرفة صقر
هلا بصوت عالي..بغرفة صقر يمه ماشفتيها الصبح كانت ملاهي
ام صقر..انقلعي اشوف بدلي وخذي الخدامه وامل فوق نظفوها يالله فضحتونا
طلعت هلا وهي تضحك مرت على جناح صقر وحصلت الباب مفتوح
هلا..كلوووووووش ياهلا ويامرحبا بزوجة اخوي نور البيت
ابتسمت زون وسلمت عليها بعدها استأذنوا البنات وعند الباب قالت هلا
هلا..مزون عاادي غرفة اخوي تفشل بس ثواني ببدل واجي مع الخدامه
مزون..لاتعبين نفسك انا بنظفها
هلا..لا ياكبرها عند الله عروس وتنظفين يالله شوي وراجعه

طلع صقر معصب من البيت لكن ماراح للموعد لاتوجه بسرعه جنونه عند ابوه بالمحل وقف سيارته ودخل

صقر..السلام عليكم
ابو صقر..وعليكم السلام خير شعندك
صقر معصب..يبه لو بنات اخوك خدم ماعملتهم كذا ليه بيخسرك تيلفون حتى اجي انا اخذ البنت ليه كسرت بنات اخوك تطلعها مع سواق لبيت زوجها تطردها وهي ماتم على زواجها غير ساعات
ابو صقر عصب..احمد ربك اني عطيتك فلوس واطلع اشوف
صقر..مشكور يبه ماقصرت بس تأكد انه عطيني المبلغ بمقابل مو هديه او عطيه من اب يحب ولده
ابو صقر ووقف..اطلع اشوف اذا انا ساومت واطيتك مقابل انت رضيت فيه يعني انت مثلي
صقر حس بالخجل ورد بسرعه..عالاقل انا مابكون مثلك
طلع صقر وهو معصب وابوه عصب منه ..ماعرف شو يعمل مستحيل يرجع توجه لبيت خاله ابراهيم عند سعود حتى يفرغ الغضب بداخله
عند خاله سعود الي كان منتظره

سعود بقلق ..شفيك وجهك متغير
صقر..ماوصلك خبر
سعود..خير
قال صقر لسعود كل الي صار
سعود..يااخي ابوك هذا انسان غريب كيف يقدر يرخص بنات اخوه بهالشكل
صقر وقف ..ماتحملت بصراحه موقف لعدوي مااتمناه شكل البنات ماكان سهل مهما ادعوا القوه واضح ان فيه احساس مكسور بداخلهم
سعود ويحاول يهديه..المهم انت لاتحسس البنت انها مهانه كفايه الي صار
صقر ويتنهد..سعود موقف مو سهل حتى انا يااخي حياتي انقلبت بيومين كيف بتكيف مااعرف
سعود..حاول وبتظبط ان شاء الله
صقر وعينه عاللوحه..الى الان ترسم فيها
سعود وعينه عاللوحه..هذي هي قلب سعود وعقل سعود هالوحه بتخلصني من اشياء كثيره وبتريحني من احساس معذبني
صقر..انت معذب نفسك
سعود وبحزن..عذاب فعلا كل احساس صادق بهالدنيا عذاب
صقر..وين خالي ابراهيم
سعود..بالشغل تو عبدالله كان عندي وطلع
صقر..والله اشتقت له انسان قلبه صافي مثل ابوه
سعود..الله يوفقه
صقر..هههههههههه ماودي ارجع للبيت
سعود..خلاص حرام احساس البنت ارجع وعيش حياتك قول لنفسك حياتي حلوه وبتشوفها حلوه
صقر..حياتي حلوه هههههههههههه اقول خلك مع احساسك وعذابك فماان الله
سعود باابتسامه..الله معك
مرت ساعتين راحت فيها امل للبيت ونظفت هلا ومع الخدامه غرفة صقر وتركت مزون بالغرفه حتى تأخذ راحتها ..الكل بغرفته يرتاح مافيه غير مزون محتاره ياترى وجودها هنا بهالمكان بالتحديد صح او تعدي على حقوق الغير هل من حقها تجلس بغرفته وهي ماشافتها الا سلام عابر لكنها بالاخير فضلت تنتظر وبكل برود قدرت تتصنعه جلست عالكنب بغرفة الجلوس بجناح صقر تنتظره عشر دقايق وحست بصقر فتح الباب تعدلت ودخل
صقر وواضح انه متوتر..السلام عليكم
مزون بصوت حاولت يكون عادي..وعليكم السلام
جلس صقر..كيفك مزون
مزون..الحمد لله
لحظة صمت قطعتها مزون..اسفه صقر بس ماكان عندي خيار ثاني ماحبيت احرجك
قاطعها صقر..انسي خلاص انتي ببيتك الحين وابوي اعرفه ولايهمك
سكتت مزون ولاقدرت ترفع عينها وخصوصا لما جاء ببالها موقفها من صقر بيوم وفاة امها وقبل كا بالمحل مد يده صقر بظرف لمزون
صقر..تفضلي مزون هذا حساب فتحته بأسمك البطاقه بعد يومين بتكون عندك ودخلت فيه مهرك
مزون ورفعت عينها مصدومه..مهري
صقر..ايوه ماحبيت اعطيه ابوي
مزون..بس انا مااحتاج شئ
صقر ..لا تحتاجين اممم او حتى لو ماتحتاجين هذا حقك المهم هالموضوع منتهين منه انتي شايفه الغرفه مو مهيئه ههههه كانت غرفة عزوبي لكن لمدة اسبوع بننتقل لغرفة امي
مزون مستغربه..وخالتي
صقر ..امي لها تقريبا سنه تنام تحت يعني غرفتها انتقلت تحت لانها ماتقدر تطلع
مزون..الي يريحك
صقر..اوكي يالله ننزل الغداء
وقف صقر بيطلع
مزون..صقر
وقف صقر والتفت لها ..ايوه
مزون..فيه احد يعني اخذ معي شالي اتغطى
صقر بابتسامه ..لا مافيه الا انا اذا حابه تجلسين بشالك حتى عني مثل الحين هذا شئ ثاني
نزلت عينها مزون على جسمها وانتبهت انها حاطه الشال على اكتافها ابتسمت وطلع صقر وتبعته تحت

تغداء صقر وامه ومزون اما نجود وهلا اكلوا لهم شئ خفيف وناموا ..

ام صقر..مزون تعالي ابيك شوي
صقر باابتسامه..يعني ماينفع تقولين قدامي
ام صقر..لا ماينفع الا تعال سعود وينه ماشفته من يومين
صقر..الله يسلمك سعود يرسم لوحه ومشغول
ام صقر..الله يرحم حاله من هالخرابيط
ابتسم صقر وطلعت مزون مع ام صقر لغرفتها جلست عالارض وجلست جنبها مزون
ام صقر..ان شاء الله ارتحتي معنا مزون
مزون..الحمد لله خالتي
ام صقر..شوفي يمه انتي بنت عبدالله الي الله يشهد انه ماقصر معي ولامع عيالي كلهم وامك غاليه علي حيل وانتي من غلاة بناتي والحين زوجة الغالي نور عيوني صقر شوفي يمه عدني بمكانة امك واذا احتجتي شئ قولي لي اما طلعتك لسوق خلاص انا بكلم امل اطلعي معها اشتري جهازك انا عارفه عمك ماعطاك فرصه
مزون..تسلمين خالتي الله يطول عمرك بس انا ماحبيت اضيق عليك انا واختي ونجي عندكم فجأه
ام صقر..ماعلينا من هالكلام نجود مثل هلا عندي يالله يمه روحي عند صقر ترى مايحب ينام الظهر
مزون باابتسامه ..ان شاء الله

طلعت مزون وحصلت صقر يقرأ جريده بالصاله جلست عالكنب حس فيها صقر
صقر..انتهى الاجتماع
ابتسمت مزون..انتهى صقر ممكن اسالك سؤال
صقر..تفضلي
مزون..ليه وافقت تتزوجني ..؟؟


__________________________________________________ __________

الجزء الثالث ......

استغرب صقر من سؤالها ونزل الجريده
صقربهدوء ..اول شئ اقربي مابأكلك ثاني شئ بجاوبك بس مو انا بااول الصاله وانتي بااخرها كذا حتى الخدامه بتسمع كلامنا
استحت مزون وقامت وجلست قريبه نوعا ما منه
صقر..اوكي ليه هالسؤال
مزون وهي منزله رأسها ..ابي اعرف
صقر..وليه تعرفين شو الفايده
مزون وعينها بالارض..بعرف شو الثمن الي باعني عمي فيه
صقر وعصب من كلمة باعني..حلوو صراحتك حلوه انتي تشوفين ان زواجك مني
قاطعته مزن..لا افهمني انت او غيرك مو المشكله بالشخص الي ارتبطت فيه المشكله بعمي ليه وافق مو معقوله لله كذا
صقر وفهم وجهة نظرها..هالمره يابنت عمي انا الي اخذت الثمن مو ابوي
مزون وتحاول توضح له انها مو عارفه بالموضوع ..كيف..؟؟
صقر..انا صريح وبقول لك الصدق شوفي مزون انا بصراحه امر بأزمه ماليه حاولت اني اتصرف ماضبط معي الموضوع المبلغ محتاجه خلال ايام ولاعندي وقت وغير كذا راح يساهم خالد وسعود لكن اخذت بنصيحة امي ورحت لابوي قلت ياعل وعسى يعطيني جزء من المبلغ ومثل ماتوقعت اعطاني مؤشر انه مايقدر وتفاجأت فيه باليوم الثاني موافق لكن بشرط اني اتزوجك طبعا هذا كان صدمه لي من ناحيتين الاول انتي ماتوقعت ابوي يعمل ببنت اخوه كذا الشئ ثاني اني ولده الكبير توقغت يساعدني ولما رفض حصلت له مبرات حاولت اقنع نفسي فيها بس لما وافق بشرط عرفت انه قادر بس ماييبي يساعدني ماكان امامي الا خيارين الاول اتزوجك واثبت نفسي من خلال مشروعي او ارفض واخسر طبعا فكرت بعقل وحصلت ان مزون هي بنت عمي ومو اي عم عمي عبدالله الي الكل يشهد بتربيته لبناته وزواجي منها حل لي ولها لكذا شفت الزواج منطقي
قال لها صقر الموضوع بصدق ولارفعت عينها طول ماهي تسمع كلامه الي كمله ..
صقر..مزون انا مستفيد صح لكن زواجي منك مو بهدف طلاق او شئ اخر فكرت بعقلي ووافقت
رفعت مزون عينها وكان واضح انها تقاوم دموعها وهالشئ ضايق صقر الي قال ..طيب ممكن اعرف انتي ليه وافقتي
مزون باابتسامه كلها سخريه..وتتوقع كنت اقدر اقول لا لكن فكرت مثلك بالعقل وشفت ناركم ولاجنة عمي
عقد صقر حواجبه..ان شاء الله مع الايام بنعرف هل هي نار او جنه سواء لي او لك
قطع عليهم صوت جوال صقر الي ابتسم ورد وظلت مزون تراقبه
صقر شاب هيئته حلوه ماهو وسيم بقدر ماهو جذاب ..وغير كذا فيه بحضوره قوه تحسس اي احد انه ممكن يحتمي فيه بعد الله ..صقر فيه شئ واحد يميزه عن جميع اهله ضحكته الي انصدمت مزون لما سمعتها وابتسمت غصب عنها ..لما ضحك وهو يكلم مااهتمت هو من يكلم او ليه يضحك الشئ الي اهتميت فيه احساس الفرح الي ساد الغرفه بمجرد ماضحك حست ان صقر انتبه لها وهي مركزه عليه غيرت عينها وظلت تسمعه
صقر..سعود حلفتك بالله اعطيني هالوحه
صقر..اوكي اقبل بها هدية زواجي
صقر...ههههههههههههاي لا سعود مستغني نبي فرح مو سواد
صقر ..اوكي اشوفك بالليل
صقر..سلم على اموول الله معك
سكر صقر والتفت على مزون..هذا خالي سعود يسلم عليك ويقول لك مبروك
مزون..الله يبارك فيه متزوج هو
صقر..لا سعود رافض الزواج بالبيت هو وامل وخالي ابراهيم وعياله
مزون..امل حبيتها رغم ان لي فتره ماشفتها
صقر..مع الايام بتعرفيها اكثر
سكتت مزون وصقر احتار شو يقول لها لكنها قطعت عليه صمته
مزون بتوتر ..صقر ماعليه اكمل دراستي
صقر وبسرعه..طبعا ماتحتاج سؤال انتي اي مستوى
مزون..سابع
صقر..يعني باقي مستوى واحد لازم تكملين اي تخصص
مزون..تربيه خاصه
صقر..بالتوفيق مزون تعالي نطلع للغرفه طلعي اغراضك على جنب والخدامات ينقلوها واذا تحبين خلي هلا تساعدك وانا بطلع اتفق معهم وراجه اذا احتجتي شئ اتصلي فيني
مزون..ان شاء الله
طلع صقر وظلت مزون بمكانها تحاول تستوعب كل الي صار لها



بعالم ثاني كان سعود منسجم مع لوحته والوانه كان بعالم سيطر عليه الحزن والألم بعالم مافيه مكان للبياض عالم كله سحاب اسود ..عالم سماه سعود "عالم دموعي" قطعت عليه انسجامه امل
امل باابتسامه ..اقدر ادخل سعود
ابتسم سعود.."عالم دموعي" عمره مايرفض احد
امل ..هههههه رغم انه عالم حزين لكنه حلو
سعود ويتأمل لوحته ..ليه حلو هل لانك اخترتي الحزن لحياتك
تغير وجه امل وسكتت
سعود..ليه الهروب يامل واجهي نفسك واعترفي حتى ماتتعبي رغم عذابي مرسمي سميته بااسم هالعذاب حتى يظل هالاعتراف بوجهي وين مااروح
امل وتغير الموضوع..ماقلت لي خالد مااتصل فيك
ابتسم سعو لانه فهم قصدها..اتصل ويقول الاسبوع الجاي بيجي
امل..مارحت لام صقر تبرك لها
سعود..الا صدق كيف زوجة صقر بيمشي موضوعهم او تتوقعين لا
امل وتضحك..يحتاجون وقت طويل حتى يتكيفون على بعض
سعود وقصد هالكلمه التفت لامل ورفع حاجبه وقال ..بس انتي مااحتجتي وقت طويل
عصبت امل وطلعت من عند سعود الي يتعمد انه ينغزها بالكلام ..راحت غرفتها وارتمت عالسرير وصاحت ..صاحت حياتها الي دمرتها بسبب جهلها ..بسبب مراهقتها ..بسببب غرورها ..بسبب غبائها ..ضيعت ست سنوات من حياتها توها تتذكر تبكيها ..

اما مزون بعد ماانتهت من كل شئ اتصلت بصديقتها جواهر
مزون..هلا والله جوجو
جواهر..اهلين وينك
مزون..ههههههههه مااعرف شو اقول لك عموما امنيات بكرا بطنش اول محاضره محتاجه اكلمك اوكي
جواهر ..امنيات دائما بالخدمه اوكي عيوني بطلع احط العشاء لاهلي اوكي
مزون..الله معك
سكرت مزون على دخلت نجود وهلا الي جلسوا معها
نجود..من تكلمين
مزون..امنيات
هلا بااستغراب..امنيات سعوديه هذي
نجود..هههههههه هذي جواهر
هلا بحماس تسأل ..ليه تناوها امنيات
مزون وبحزن واضح ..لان كل شئ بحياتها امنيه ماتتحقق لكذا من عرفتها وهي تقول انا امنيات
هلا..غريبه شكلها مرره مرتاحه
مزون..الراحه بالقلب مو بالشكل ياهلا
هلا..امممممم صح بس تعالي مزون ان شاء الله ارتحتي عندنا
مزون باابتسامه..الحمد لله
هلا ..ان شاء الله دوم يارب
مزون..ان شاء الله الجميع يارب
نجود..بتروحين للجامعه مزون
مزون بااستغراب..اكيد بروح
هلا..بتروحين وانتي عروس
نجود..صح مزون شلون
مزون يلا مبالاة ..عاادي
هلا..ليه ماتأخذين اجازتك لانك متزوجه تعطيك الجامعه اسبوعين
نجود..والله معها حق
مزون..يصير خير بس بكرا انا بروح
نجود بتردد ..مزون بطلع رقم جوال
مزون وتفكر..براحتك
نجود..شفيك ..؟؟
هلا..بطلع اجيب لنا شئ من المطبخ
طلعت هلا وكملت نجود كلامها..تكلمي مزون
مزون..مافيني شئ بس سبحان الله من ايام كنا نجمع المكأفاه والحين شوفي شلون
نجود وبدموع ..مزون كنا نجمعها ولاتكفي لعلاج امي وخلاص امي راحت وربي عوضنا خير والا انتي مو مرتاحه مع صقر
مزون وتبتسم..ماامداني ارتاح او لا لكن مبدئيا كل شئ تمام على فكره اعطاني بطاقة ودخل فيها مهري
نجود ..احلفي
مزون..والله
نجود..فيه الخير والله
مزون..مع انه حقي لكن مثل ماقلتي لو واحد غيره ماعملها
نجود..اسمعي انا بطلع الحين احس اني تعبانه بنام واخاف بعد يجي صقر بكرا لنا كلام ثاني يالله تصبحين على خير
مزون..تلاقي الخير

طلعت نجود لهلا بالمطبخ وراحوا غرفتهم اما ام صقر دخلت تنام لانها متعوده تنام بدري بعد ماتأكل شئ خفيف مابقى غير مزون الي احتارت شو تعمل بالاخير شغلت التلفزيون وجلست تتفرج

صقر كان مع سعود بالرسم وكان ناسي الوقت ولاانتبه الا لما قاله سعود
سعود..صقر خلاص ايام زمان راحت زوجتك بالبيت
ارتفعت عين صقر عالساعه الي كانت حول 12 ..الله تأخرت
سعود باابتسامه..مسكينه بتقول هذا اولها
صقر..ايه والله الله يستر
سعود..شكلك مايطمن
صقر ويتنهد..خليها على الله فمان الله
سعود..الله معك

وصل صقر للبيت ودخل بهدوء توقع الكل نايم لكنه اتفاجئ بنور الصاله وكانت مزون غافيه عينها وهي تتفرج حست بصوت الباب وبسرعه صحت
صقر..السلام عليكم
مزون بصوت تعبان..وعليكم السلام
صقر..اسف تأخرت بس غصب عني
سكتت مزون ماردت لانها ماعرفت شو تقوله
صقر..تفضلي نطلع ننام الا اذا ماودك
سكتت مزون وطلعت مع صقر لغرفتهم تنام ..

دخلت مزون بهدوء قبل صقر للغرفه تلقائياً جلست عالكنبه من غير احساس حاولت تضم نفسها بيدينها ..دخل صقر قفل الباب التفتت ووقف مكانه..منظر جمده مكانه للمره الثانيه يشوف الدموع بوجهها للمره الثانيه يحاول يشوفها كمرأه كزوجه للمره الثانيه يرفع عينه حتى يشوف زوجته ملامحها شكلها لكنه ينصدم بدموعها لكن هالمره غير ..هالمره الدموع كانت غزيره الالم يحاول ينطق ظل دقيقه واقف مو عارف شو يعمل حاول يتقدم يقرب عندها وبصعوبه جلس قريب منها نوعا ما..
صقر..سامحيني مزون تأخري كان
تقاطعه مزون وتوقف..انا مااصيح لانك تأخرت
دموعي صرخه تعبير عن الم وجروح بداخلي ياولد عمي دموع تعاني من ايام وشهور ودها تتحرر من عيوني ..التفتت مزون له وكملت..ياولد عمي لكل شخص نقطه تحول مهمه بحياته لكن انا غير انا عندي نقاط عندي جروح ماات ابوي وتغيرت نظرتي للحياة ظلمنا عمي واكل حقنا وتغير المفهوم الى ان القوه الي المنتصره سواء عادله او ظالمه ماتت امي وعرفت ان كل شئ صح بحياتي كان خطأ لان الاخلاق والاحترام ماهي مع الظالم اهاني عمي وزوجته وكنت خدامه وعرفت ان الموت من اجل الحياة احيانا له معنى لكن لما ساوم حتى على الموت خلاص ماات احساسي تدمر
صقر ومصدوم من كلامها..ساوم على الموت
مزون..ايه انا كنت ميته ببيته لاانت ولا غيرك ممكن يتخيل الاهانه الي كنت اعيشها واداريها عن نجود
ببيت عمي اخو ابوي كنت خدامه كنت مهانه كانت زوجته ترميني بأبشع الكلام وابشع التهم كانت تذبح كل يوم احساسي لحد مامات وكنت راضيه اموت بس نجود ماتحس ماكنت ابي اموت انا وهي كنت اتمنى وحده من بنات عبدالله الرجل الطيب تعيش وتشوف جمال الحياة بالرضى والعدل والامان ..ياولد عمي عمي حتى وانا ميته ساوم علي باعني خسااره على ايام شفته فيها قدوه شفت فيه صورة الاب خساره على الايام الي افتخرت فيه لكن مااقول الا حسبي الله ونعم الوكيل سامحني ياولد عمي لكن صبر له حد ولاعدت اتحمل بداخلي نار تحرقني
سكتت مزون وسكت صقر وبعد فترة صمت تكلم صقر بصوت هادي ومتزنصقر..اسمعيني يابنت العم انا ماالومك على كل كلمه قلتيها لكن بقول لك شئ واسمعيني بمنطق وعقل بنت عبدالله ..زواجي منك طريقته خطأ بنظرك
قاطعته مزون..وبنظرك كلنا انجبرنا
صقر..اوكي نقول خطأ بنظرنا لكن هل يعني اني ارفضه بعد ماحصل ..هل انكر انك زوجتي بعد مااخذت المبلغ ..وهل ممكن ترجعين لبيت ابوي ..يامزون انا نفسي بعد الي سمعته مابرضى احنا تزوجنا وزوجنا كان نتيجه مرضيه لي ولك واحتمال يكون زواج ناجح او على اقل تقدير تقليدي مزون عن نفسي احول اتكيف مع وضعي ونعم احتاج وقت وانتي حاولي وحطي ببالك نجود بالنسبه لي مثل هلا وامنى انك ماتنسين نفسك عيشي حياتك اختك بينا ومعنا ولاراح يصير لها شئ صدقيني اتمنى ترضين بواقعك وتقبلينه حتى لو كنت مو الشخص الي تتمنين ترتبطين فيه
سكتت مزون وسكت صقر وهذا يدل على قبول الموضوع من الطرفين بهالشكل والطريقه ..


__________________________________________________ __________

عالساعه سبعه صحت مزون ماعرفت شو تعمل تصحي صقر او لا لكنها قررت تسأل هلا طلعت لها ..بعد مادخلت الغرفه
مزون..صباح الخير
هلا ونجود..صباح النور
مزون..هلا بسألك صقر كيف دوامه يعني اصحيه او لا
هلا باابتسامه..دوامه يطلع عالساعه تسع يعني اتوقع بدري
مزون..من بالعاده يصحيه
هلا..الساعه واذا تأخر اكيد امي ترسل له الخدامه
مزون بااستغراب ..الخدامه
نجود..بس اكيد ماتدخل لاتخافين
ابتسمت مزون وطلعت لغرفتها وشافت جوال صقر مضبوط عالساعه ثمان كملت لبسها وطلعت للجامعه ..

بالجامعه التقت مزون جواهر وبدت تحكي لها كل شئ صار لها
جواهر..يعني انتي الحين عروس
مزون باابتسامه..شفتي الدنيا
جواهر بصوت واطي..اسكتي لااحد يسمعك فضحتينا عروس ومداومه اسمعي مزون انا امنيات صح لكن خليني احقق بعض امنيات فيك بكرا اوراقك توصاني واقدم لك اجازة زواج وعيشي حياتك على كلامك ولد عمك محترم وشكله طيب ليه تبدين حياتك كذا
مزون..ياشيخه هو تزوجني عشان الفلوس
جواهر..حتى تقدرين تخلينه يعرف انه من الصفقه ماكسب الا مزون
مزون..ههههههههه تعبت من احلامك تصدقين تذكريني بالروايات الي كنت احلم وانا اقراها واتخيل ان بالدنيا شئ اسمه حب
جواهر وتقاطعها..صار مافيه الا وهم الحب حفظتها مزون ارحمي نفسك وقلبك عذبتيه حرام

مزون..وليه اعيش بكذبه
جواهر..الحب ماهو كذبه مزون
مزون..بحياتي مافيه الا عاطفه وحده حقيقه الي عاطفة الاب والام اما غيرها ماشفت واستحاله اصدق انه وجود كل الي يستخدمون الحب كذابين يأخذونه وسليه للوصول لغايه كذابه حقيره صدقيني الحب كذبه
جواهر..تعرفين امنيتي تحبين صقر ويعشقك حتى يتبدل مفهوم الحب عندك
مزون..هههههههههههه كل كلامك امنيات وهذا يدل ان الحب مابيتحقق المهم تعالي قولي لي كيف وضعك بالبيت
جواهر..عاادي اليوم مثل بكرا وبكرا مثل اليوم
مزون..الله يسعدك
جواهر..آمين

بالبيت صحى صقر ماحصل مزون عرف انها طلعت للجامعه لكنه سأل نفسه سؤال ماحصل له اجابه قال يسأل هلا اتصل عليها وكانت بالمحاظره وبصوت واطي ردت
هلا..نعم
صقر..ههههههههه ليه تردين بالمحاظره المهم مزون كم رقم جوالها
هلا..مامعها
انصدم صقر..مامعها هو فيه احد بوقتنا الردي مامعه
هلا..ايه
صقر..بااي اذا شفتيها خليها تتصل فيني
هلا ..طيب
سكرت هلا وبسرعه قالت لنجود وارسلوا مسج على جوال جواهر وكان مقلب حلوو منهم
فتحت جواهر المسج وقرته " مزون اتصلي بصقر ضروري معصب عليك مررره لانك طلعتي ماقلتي له "
مزون..بدينا شفتي الحب
جواهر..طيب حجه يمكن اشتاق لك المهم كلميه واعتذري منه
مزون ومعصبه..على ايش اعتذر
جواهر..اعتذري وبس
مزون ..هاتي اشوف
جواهر..طيب بروح اشتري لنا شئ نأكله

اتصلت مزون واستغرب صقر الرقم ورد ..
صقر..الو نعم
مزون بخوف..هلا صقر
صقر باابتسامه..هلا مزون
مزون..اسفه صقر بس توقعت انك عارف اني بروح الجامعه ماكان قصدي اطلع من غير مااقول لك
صقر مستغرب..شفيك مزون انا ماقلت شئ على روحتك للجامعه
مزون بعفويه..البنات يقولون انك معصب لاني رحت ماقلت لك
صقر...اي بناات
مزون..نجود وهلا
صقر..هههههههههههههها ي لايهمونك كذابات
مزون وغصب عنها ابتسمت ..طيب تبي مني شئ صقر
صقر..الظاهر مستعجله
مزون..لا مو قصدي بس
صقر يقاطعها..عموما مزون وانا راجع بطلع لك رقم اوكي
مزون وبعد تردد..ياليت يكون لنجود رقم
صقر..ولايهمك المهم متى راجعين
مزون..احتمال انا بعد ساعه البنات عندهم تاخير
صقر..اوكي خير ان شاء الله فمان الله
مزون ..الله معك

امل صحت عالساعه عشر وظلت تطلع من مكان لثاني ومن غرفه لغرفه ماهي عارفه شو تعمل دخلت مرسم سعود وظلت تتفرج على لوحات واحزانها حاولت تشوف لوحة امل او فرح ماشافت الا السواد والاحزان طلعت ونزلت وحصلت نوره زوجة اخوها ابراهيم
امل..السلام عليكم
نوره بالابتسامه المعهود..وعليكم السلام ورحمة الله وبركاته
امل..شلونك نوره
نوره..الحمد لله انتي شفيك
امل..ماعندي شئ اسويه مليت
نوره..الله يرزقك بوظيفه
امل..ان شاء الله
لحظة صمت حاولت نوره تكلم امل لكنها شافتها سرحانه وتركتها لحد ماامل قررت تقطع الصمت
امل..شلون عمي والبنات وخالتي
نوره..كلهم بخير ونعمه شرايك تروحين معي الاربعاء
امل..بشوف الا اخوانك شلونهم
نوره باابتسامه..بخير لكن اذا تحبين تسالين عن احد معين
امل ماقدرت ترفع راسها لكن نوره طيبه وكملت ..بخير تطمني امي تقول مكلمهم من ثلاث ايام تطمني وطمني قلبك
طلعت نوره وتركت امل بحيرتها والمها واحزانها ..

بالبيت رجعت مزون وجلست مع خالتها اما البنات كان عندهم تأخير ..

ام صقر..شوفي مزون ماابي تحسين انك غريبه هذا بيتك من اليوم فاهمه
مزون..الله يخليك ياخالتي
ام صقر ..والله خالد معورني قلبي عليه اتصلي عليه يمه وعطيني اكلمه شوفي الرقم عندك
مزون ..ان شاء الله
اتصلت مزون لخالتها وطلعت لغرفتها بوقت وصول صقر..
صقر..السلام عليكم يمه
ام صقر..وعليكم السلام وراك تأخرت جوعتنا
صقر..ههههههههههه ماتأخرت انتي الي جايعه اليوم لايكون مافطرتي
ام صقر..لا فطرت على الوجيه الزينه
صقر يبتسم..من وجيهه
ام صقر..وجه زوجتك
صثؤ ويلتفت..الا صدق ماصلت
ام صقر..الا وصلت توها طلعت من عندي يمكن راحت تبدل ملابسها
صقر..طيب سعود بيمر عليك اليوم
ام صقر..الله يحيه البيت بيته
صقر..يالله وين الغداء
ام صقر..اصبر لين تنزل زوجتك
صقر..ان شاء الله
مزون..السلام عليكم
صقر..وعليكم السلام جوعتينا على قولة امي ههههههه
مزون..ثواني ويكون الاكل جاهز
ام صقر..اجلسي الخدامه تجيبه
مزون..لاخالتي انا بجيبه ماعليه
طلعت مزون والتفتت ام صقر..مشاء الله عليها من جت عندنا كل شئ هي الي تعمله شكله ماتحب شغل الخدامات
صقر مبسوط..والله عندك دقة ملاحظه يمه معلومه خطيره
ام صقر..شتقول انت
صثر..سلامتك

بالقصر المليان بالخدم ..المليان بالفرغ العاطفي ..القصر ..الفارغ من الاحساس الاسري..القصر الي من كبره تحس كل شخص ساكن ببيت لحاله..بيت ابو صقر الي كان هالبيت من اخر اهتماماته ..
اما ام صقر ماكانت تعرف شو يعني مملكتي بيتي عيالي ..كانت تعرف تلبس عبايتها وتطلع من بيت لبيت ومن زواج لثاني من سوق لمجمع وهذي حياتها ..انسانه استغنت عن الاجمل والاهم والاولى ..وذهبت خلف المظاهر الزايفه هذي ام بدر ..الي ماتعرف ان ولدها هايم على وجهه شايف الحياة بالمقلوب كل القيم عنده عقد وكل المبدي خرافات ..مايعرف شو يعني احترام ولا يعرف يعني شو حقوق وواجبات ..انسان تخلى عن واجباته تجاه ربه بالتالي من الطبيعي يتخلى عن كل الواجبات الاخرى..اما غاده البنت الجامعيه الي ماتعرف من الجامعه الي تجمع البنا ت والانخراط مع صديقات الفساد او مايسمون بالشلل المميزه وكان حلمها ان تكون شله تكون هي الاساس بها وبدت تسعى لهالشئ وحققته وماكانت تعرف ان التقليد الاعمى هو اقصر الطرق للوقوع بالاخطاء ..

بغرفه مغطاه بالدخان فتحت الشباك غاده وهي تكح من كثرت الدخان الي توها مبتدءه فيه ..
غاده..كح كح يالله ..بس لازن اكون اقوى واقوى حتى اكون رئيسة الشله بجداره ههههههههه
طلعت من الغرفه بعد مالبست عبايتها الي تحتاج عبايه وراحت للمقهى تقابل شلتها ..والام والاب في عالم اخر ..



مر اسبوع على زواج صقر ومزون انتهى جناح صقر والنتيجه كانت مرضيه تدل على ذوق صاحبها ..اما علاقة مزون بصراحه عاديه جدا..نجود بااسبوع تكيفت على البيت واهله ولاحست انها غريبه بينهم ..وامل تقريبا كل يوم عندهم علاقتها بمزون صارت اقوى من اول ..وهالشئ اسعد مزون لانها حصلت انسانه تحكي لها عن صقر بحريه ومن غير قيود..