الله يسامحهم هم سبب تذللي لهم قصة حقيقية
عنوان الموضوع : الله يسامحهم هم سبب تذللي لهم قصة حقيقية
مقدم من طرف منتديات نساء الجزائر
الله يسامحهم هم سبب تذللي لهم
الله يسامحهم هم سبب تذللي لناس موقف حزين
السلام عليكم ي بنات اليــوم جبــت لكم موقف شاهدته شخصياً من زمان وانا اتمنى انزله لاكن والله انسى وان شالله اني مأشوف مثله موقف جداً احزنني واغضبني**
الموقف يأخــواتــي **يوم مـن الايام **ذهبت انا والوالد وكل اهلي لسوبر ماركت لنشتري بعض مستلزمات البيت ودخلت السوبر فقلت لابوي ابي اشتري لي عصير قال طيب **لاتتأخري تلقينا عند المعلبات وجيبي لي معك عصير قلت (ان شالله ابشر) وانا رايحه اجيب لي عصير لفت انتباهي حرمه كبيره في السن يعني احس عمرها في اخر الخمسينات المهم معها بيدها عصير برتقال والثانيه مانجو وكانت جنبي بنت يعني اتوقع عمرها في العشرينات كانت تفتح ثلاجة العصير فجأه جت الحرمه الكبيره وقالت للبنت يابنيتي هذا عصير ايش وكم سعره عرفت هنا انها ماتعرف تقرا قالت البنت عصير برتقال ومانجو المهم الحرمه جت مره ثانيه قالت بكم يابنيتي هاذي وايش هو قالت لها البنت اووف ماتفهمي انتي قلت لك عصير ماننننجو تراي ماني فايقه لك على الصبح صراحه انا توقعت ان الحرمه ام البنت وراحت الحرمه من عندنا وهي تقول لاحول ولاقوه الابالله طبعاً انا كنت واقفه ومتفاجئه من الموقف رحت للبنت قلت والله حرام عليك تسوين في امك كذا قالت اعوذبالله مستحيل هاذي امي هاذي حرمه جننتني من الصبح وهي تقول ايش العصير هاذا وانا ماني فايقه لها احسهاخربت برستيجي قلت ياسلام اي برستيج عبايه مخصره وشوية مكياج على الصبح ومناكير هذا برستيج وقلت عاملي الناس مثل ماتحبي يعاملونك ورحت من عندها ولاادري ايش صار معها لاكن الله يصلحها ويهدي بنات المسلمين صراحه مو عشان لبسها عشان تعاملها مع الحرمه المسكينه اما **لبسها هي كبيره وتميز الصح من الغلط **المهم بسرعه رحت للحرمه وقلت ياخاله هذا عصير مانجو والثاني **برتقال وسعره كل واحد بريال قالت الله يسعدك يابنتي طيب كيف اسويه انا صراحه استغربت قلت ياخاله بس **افتحي العلبه واشربيه قالت لا في رمضان كيف احطه بالسكر فاعرفت انها تقصد عصير البودره تانج قلت لاياخاله شكلك ملخبطه هذا عصير طازج العصير اللي تبيه غير قالت الله يرضى عليك يابنتي ابيك تقضين معي الاغراض قلت طيب ياخاله بس خليني استأذن من اهلي وارد عليك انتضريني هنا رحت لأبوي واحس اني كثير مقهوره على الموقف اللي صار قدامي قال ابوي ليش كل هالتأخير فقلت لابوي كل السالفه الوالد تأثر ويوم قلت له طلب الحرمه اول شي رفض وقال يمكن تكون من الحريم اللي يخطفو البنات يستعطفوهم وبعدين يروحوا معاهم ويخطفوهم
قلت لا اعوذبالله مأتوقع يبه وحاولت فيه ووافق وقال لاتتأخري ولاكن خلي اخوك يمشي وراكم ولاكن مايبين للحرمه انه وراها تعرفي يابنتي مانضمن الزمن هذا زمن يخوف قلت ابشر يبه ولايهمك **لاني **عارفه انهم كلهم خايفين علي من الخطف لاسمح الله المهم رحت للحرمه وقلت لها خلاص ياخاله اقضي لك الأغراض لاكن ايش **هي هنا انا بغيت ابكي طلعت من شنطتها ورقه وكان مكتوب فيها الاغراض سألتها مين كتب هذا انتي ؟قالت لا هاذي بنتي كتبت الاغراض واعطوني ياها وصارت تسرد قصتها ومعناتها لي واحنا نشتري الاغراض فأبتدأت بكلامها الله يسامحهم هم السبب في تذللي لناس عيالي كبار وبناتي كبيرات ولأحد معبرني اقول لهم روحو قضو الاغراض حقت البيت يقولوا روحي انتي احنا موفاضيين لخرابيطك هاذي ورموا الورقه علي ومشو من عندي اروح لبنتي الثانيه تقول يمه تراني نعسانه انتي عارفه الاغراض روحي قضيها بنفسك وفجأه دمعت عيون الخاله ام احمد نعم ولدها الكبير اسمـه احمد لاكن لم يحمد الله ان اعطاه ام تسامحهم على كل غلطه وعقوق يعملوه فيها يعقل ياناس يعقل نرى عقوق ابناء مثل هذا ياناس ياعالم بروا ابائكم تبركم ابنائكم اكملنا مشتريات واغراض الخاله ام احمد وهي لم تزل تحكي وتعاني لي الضغوط النفسيه حولها وبعد ان اتممنا الاغراض **قلت لها خاله ام احمد خلنا نحاسب وانتي انتضريني هنا**
قالت طيب خذي الفلوس اول شي رفضت اخذ منها لاكنها قالت اذا مأخذتي الفلوس عشان تحاسبي راح اخلي الاغراض واروح اعجبتني عزة نفسها قلت اوكي ياخاله وخلصت لها مشترياتها وحطيناهن بالعربيه وقفت تطالع برا تنتضر ابو احمد زوجها مالقت احد قلت خلك جوا الين لما يجي وكنت جالسه معها مأبي افوّت ولالا لحضه معها ابيها تفضفض كل اللي بخاطرها قالت ام احمد انحرج يوم اسئل الناس ايش مكتوب بالورقه السنه اللي فاتت اللي اشترى لنا الاغراض ولد اختي لاكن الحين سافر وابعد عنا وصرت اذل نفسي لناس وكنت الاقي اللي يحترمني والاقي اللي يهاوشني وانتي شفتي البنت اللي هاوشتني قبل شوي والله ربي مايضيع حقي معها **قلت لها ام احمد الناس مو مثل بعض وكل يعامل الناس بأسلوبه الطيب يلقى الطيبين والقاسي يلقى القاسيين والبنت ادعي لها بالصلاح والهدايه قالت ام احمد انتي ثاني وحده تتعامل معي بأسلوب محترم ليتك بنتي ليتك بنتي كان هذا اخر ماقالته ام احمد لم ارد عليهافذهبت الخاله ام احمد بسرعه لزوجها المسن وودعتني وداع والله كأني اعرفها من سنوات ودعتني وكانت تدعوا لي بالرزق والغفران هذا مااتمناه انسان يدعوا لي قالت لاتنسيني من دعواتك يابنتي والله يرزقك على قد نيتك ويوفقك دنيا واخره اخذت الاغراض ورحلت يالله يأم احمد كل هالمعامله السيئه من اولادهاوتدعي لهم بالصلاح فعلاً هاذي الام اللي تحب وتخاف على اولادها يارب وفق ام احمــد وحنن قلــوب ابنــائــها عليها وانتــم يابنات وكل من قرأ قصــة ام احــمد نــصيحه **من المــبدعه فــوفو لكل من مديــره مشــرفااات عضــوات واخريات غير مسجلات بالمنتدى **نصيحه يابنات هذا موقف انا شاهدته شخصياً يابنات الام الام الام هي سبب دخولنا الجنــه بعد رضى الله علينا كلهم الام والاب عاملوهم بأحسن معامله لانك مثل ماتعاملي ابوك وامك عيالك راح يعاملوك مثل معاملتك لهم **وحتى الامهات مفروض يعودو اطفالهم من هم صغار على البر والاحسان يعني عاملي امك **قدام اطفالك بأحسان اطفالك راح يعاملوك **بأحسان ونقطه ثانيه مهمه الحريم اللي بالأسـواق او اي مكان عام محتاجه او طلبت منك مساعده لاتفوتي الفرصه ساعديها باللي تبي ترى بتاخذون اجر ومحبه من حيث لاتحتسبو **ام احــمد ابقت اثر في قلبي وبذات يوم اروح المكان اللي قابلتها فيه اني اتذكر كل شي حصل الله يوفقك يأم احمد وين ماكنتي ويرزقك من حيث لاتحتسبي اما بنات او ابناء ام احــمد نصيحتي لهم لأعلم يمكن وحده منهم تكون عضوه في المنتدى او راح يجي يوم وتقرأه امكم امكم عاملوها واحسنوا لها قبل يأخذها الأجل وتخسروا كل لحضه مرت معها واخـر كلامي اشكر كل من قرأت كلامي واستفادته منه واتمنى انكن فهمتو اسلوبي**
ولاتنسوني من خالــص دعواتكم المبــدعه فوفو
>>>>> ردود الأعضـــــــــــــــــــاء على الموضوع <<<<<
==================================
حسبي الله ونعم الوكيل .....
لا حول ولا قوة الا بالله هذا حالنا نحن المسلمون ......
هذه اخلاقنا وطباعنا ومعاملتنا لامنا ماذا اقول غير حسبي الله ونعم الوكيل .........
جزاك الله الف خير الله يكثر من امثالك ويجعلك قدوة لكل فتيات الاسلام امين يالله................
__________________________________________________ __________
امين واياك يالغلا
والله يكثر من امالك
__________________________________________________ __________
يالله القصه مره مؤثره الله يوفقك على تعاملك الحلو
الله يرزق ام احمد ويهديلها اولادها
لا حول ولا قوه الا بالله
__________________________________________________ __________
موقف مؤلم وحزيــن عشتيهـ غاليتي
لكن بفضل الله تم تصرفــك الطيب إستطعتِ أن تعيــد البسمةة لوجة أم أحمد ولـو للحظات
وتيقنت بأن الدنيــا لآزال بهــا الكثير من الطيبين والطيبات أمثالك
أسال الله أن يهدي أولآدهـا وأن يبروهـا ويحسنوا إليهــا
يعطيك ألف عافيهـ على طرحــك يالغلآ ولعيونــك 5 نجوم + تقييم
بأنتظــآر جديــدك..
__________________________________________________ __________
جزاك الله خيرا أختي فوفو علي حسن تعاملك مع أم أحمد.وأسأل الله لأبنائها الهداية.
رد مع اقتباس
