عنوان الموضوع : حكايتى بدار المسنين قصص
مقدم من طرف منتديات نساء الجزائر

حكايتى بدار المسنين






جلست فى البيت وقلت مش هاروح تانى دار المسنين رغم ارتباطى الشديد بالمسنات والحمد الله ارتباطهم بى اتصلوا بى واعتذرت .. ولكنى فؤجئت باتصال من سيده بالدار رجلها مبتوره وكنت اعزها جدا وقالت لى لو كنت امك كما تنادينى .. انا الان اللى اناديكى با بنتى يالله .. وكذلك من السيده الكفيفه التى تملا الدار بهجه وسرور..وليس العمى عمى البصر ولكن عمى البصيرة.. قالت لى شعرت الايام الماضية بانى كفيفه .. يالله قلت لها لا الا انتى.. فانتى من اعطتنى الحنان كله بضمه واحده منها .. وشعرت بالمسؤلية ..واستعنت بالله.. شعرت انى لازم انزل تانى .. نبنتدى بالدار مكان ممتاز مفروش كويس ستائر وفرش .. لكن على رأى معلمتى تدخلى تشعرى فى المكان بقبضه فى صدرك سجن يعنى .. سيدات كبار فى السن يرعاهم مجموعه من العاملات اللى ربنا لم يمن عليهم بالتعليم او الثقافه وده مش عيب .. بس انهم يتركوا بدون وعى لالا .. التلفزيون فى الرسبشن على المسلسلات والاغانى وما الى ذلك.. بيفرجوا عنهم ..الكل ينام حتى الظهيره وكسل ما بعده كسل .. المكان يكسلك انتى كمان .نوعية الاكل.. الاكل كله صنف للكل دون مرعاة من عندها سكر .. من عندها ضغط عالى بلاش ملح .. العاملات بتطبخ زى ما بتطبخ عندها فى البيت اكل الصلصه كتير السمنه والزيت كتير .. طيب ابتدى من اين .. الكسل حتى ابتدى اعرف المكان اكثر وابلغ الاداره .. لان الاداره فى مكان والدار فى مكان تانى.. انا كنت اذهب مبكرا والقى الكل نايم بما فيهم المشرفه الليلية .. تانى يوم من تولى المكان وانا بالمكتب افحص ملفات المسنين عشان اعرف حالة كل منهم واذا اسمع صريخ وصوت عالى طلعت مسرعه فى ايه بيغيروا لسيدة مسنه اكبر المسنات عمرا بالدار واقدمهم .. هى مكسوره من الركبه والحوض جبيره كبيره على الركبه وطبعا شداد على السرير عشان الحوض تغير الحفاض مؤلم اكيد بالنسبه ليها جريت اساعدهم واذا بظهرها وبالذات عند المقعده قرحه كبيره لدرجة انها كل المقعده تقريبا وكمان عليها هاله من اللون الاخضر بكتريا قلت اد ايه ازى ما فى دكتور شافها قالوا شافها وكتب دواء رش وطبعا بتديناوكى جميل بس ايه اللى بيحصل غير حفاضه مليئة بالبولتيجى على الجرح كمان هى نائمة فى وضع واحد على الظهر المفروض تقلب كل ساعتين الحفاض يغير باستمرار ده طبعا حتى لو كان قاله الدكتور فين الوسيله لتنفيذه مع العاملات اللى هم يغيروا على الجرح بيديهم اللى مكان المسح وكمان دون مسئولية انهم ينتقل اليهم اى مكروبات .. ايه ميعرفوش ان فى حاجه اسمها مرتبه هوائية لم يسمعوا عنها اللى لما طلبتها انا من الادارة وطلبت صديقه لى رئيسة ممرضات اوصف لها الحالة واقول لها قالت نركب لها استره وتظوعت تحضر تركبها وابتديت اقول لاصدقائى عاوزين نخرج الناس دى من الحالة اللهم فيها ليس بالتبرع بالمال ولكن التبرع ببعض الوقت .. وابتديت معهم موضوع عدم الكسل وده كان فيه مجهود كبير منهم عشان يغيروا هذا بس عاوزه اقول حاجه انهم حاسوا انى بعمل معاهم كده مش بدافع انى مجرد انسانه تعمل بالمكان ولكن بالحب شعروا فعلن بذلك وانا كمان حسيت بحبهم ليه وكانوا بيعملوا اللى انا بطلبوا منهم بحب .. صلاة الفجر ويبتظرونى حتى احضر عشان رياضة الصباح كنت اهرج واضحك معهم مش واحد اثنين لالا كنت والله لا يكلفنى بعض الجنيهات حاجات بسيطه جدا لكن فرحتهم بيها اكثر وفى يوم حضرت صديقه لى وكانت معها ابنتها الصغيرة وطفت بها المكان اعرفها عليهم ودخلت عند اكبرهم سنا وطبعا لا تستطيع ان تشارك معنا وكذلك كان عندها حالة اكتئاب اكيد من الالم وكانت الطفله خائفه منها ولكن لحظت انها تنظر الى ما فى يد الطفله .. 2 عصا وبكرة تريكو قلت لها وسالتها كنتى تعرفى تعملى كروشيه ياه قالت اه تقولوا مد اربع اوسته قلت لها احنا فى الشتاء واريد طقية صغيره .. وكان هنا مفتاح علاجها سبحان الله واسرعت فى رجوعى الى البيت احضر لها الاشياء واتعملت الطقيه فى يومين واصبحت معنا قلت لها طب علمى الكسالى دول ونعمل حاجات حلوه الكل رحب وكانوا عاوزين كل منهم يعملوا حاجه ليه انا الله على السعاده اللى بحسها وابتدت رحلتى فى تغير المكان

>>>>> ردود الأعضـــــــــــــــــــاء على الموضوع <<<<<
==================================


مشكوووووووووووووووووووووووووووووووووووووووووووووره


__________________________________________________ __________

الله يوفقك في طريق الخير
والى الامام دائما


__________________________________________________ __________

اللهم ارزقني حلاوة الإيمان اللهم ابعد عن قلبي الشيطان اللهم ارزقني أنا ومَن أمن على دعوتي الستر وراحة البال وحقق لكل اللي يمر على توقيعي اللي يتمناه اللهم آمين


__________________________________________________ __________


__________________________________________________ __________