قصـــه حزيـــنه لـ لمى وحبيبها الاماراتي || -قصة جميلة
عنوان الموضوع : قصـــه حزيـــنه لـ لمى وحبيبها الاماراتي || -قصة جميلة
مقدم من طرف منتديات نساء الجزائر
قصـــه حزيـــنه لـ لمى وحبيبها الاماراتي ||
قصـــه حزيـــنه لـ ساره وحبيبها الاماراتي ||
بسم الله الرحمن الرحيم ..
هاذي قصه واقعيه حززززينه
اخليكم مع القصه ..
قصة (لمى السعوديه وحبيبها الإماراتي) القصه هذي قصه واقعيه وليست من نسج الخيال حصلت في الإمارات عام ١٤٢٥ ١٤٢٦...
كانت لمى بثالث ثانوي حريصه على دراستها ومستقبلها تتمنى انها تجيب نسبه عاليه عشان تنقبل بجامعة الملك سعود كان حلمها تدخل هالجامعه قسم علم نفس او تربيه خاصه طبعا هي ادبي المهم ان اهلها مواعدينها لو جابت نسبه عاليه راح يسافرون دبي وبعد موت وهلاك جابت نسبه%97
بغت تنجن من الفرحه تعبها ماراح بلاش
قالوا اهلها بعد تقديمك للجامعه راح نسافر راحت تقدم وانقبلت تربيه خاصه .
ومن بكره سافروا دبي بسيارتهم الجمس سوبر بان وكانت هي واهلها مبسوطين الأبو عايش جوه مع الأم سوالف عن وين بيروحون وين بيجون بدبي واخوها عبدالله اللي رايح لثاني ابتدائي يناقز بين المراتب واختها غلا اللي بالتمهيدي نايمه اغلب الوقت وشغالتهم سيسا حاطه الوك مان وماغير تسمع ذا الأغاني وتبكي ولمى واختها ريم اللي رايحه لثاني ثانوي سوالف وجايبين حلويات وشبسات ومجلات وفالينها ريم ولمى علاقتهم ببعض قويه كل شي يقولونه لبعض مستحيل يخبون شي عن بعض المهم وصلوا الإحساء وناموا ليله فيها ومشوا عالإمارات ووصلوا دبي وكلهم اول ماوصلوا قاموا فرحانين كل واحد كشرته اكبر من الثاني والأبو والأم يحمدون _الله على نعمة الوصول بالسلامه بعد ماوصلوا سكنوا بشقق بالشارقه وكل يوم ينزلون على دبي المهم جاء يوم وانزلوا على حديقه بدبي اسمها حديقة الخور وكان عبود وغلا يبون يلعبون بملاهي الصغار
قال ابوهم للمى وريم : انا وامكم بنروح نلعب الصغار وانتوا اجلسوا عند اغراضنا ,,
جلسوا لمى وريم سوالف وضحك ثم قالت لمى لأختها : ياويلي ماصليت المغرب الله لا يعاقبني .
قالت : ريم روحي صلي وانا مشتهيه اشتري ايسكريم صلي على فرشتنا وانا ابروح .
قالت لمى : اوكي
التفتت لمى يمين شمال مالقت احد صلت وخلصت صلاة
شالت طرحتها تبي تسوي طرحتها و نقابها الا مروا قدامها شلة شباب امارتيين هي تبي تسوي طرحتها بسرعه لكن مع الرجه كانت داعسه على طرف منها تبي تسحب ولا هي قادره وهي مع الإحراج نست انها داعسه على طرف طرحتها التفتوا كلهم الا لفت نظرهم نعومتها بس كانوا محترمين راحوا عنها وكان في واحد من هالشله اسمه حمدان اول ماشافها انجن وشهق
قال :شباب شفتوا البنيه اللي قبل شوي
قالوا : ايه شو فيها
قال : بحياتي ماشفت مثل نعومتها
قالو : والله انك صاج شحليلها ثم مشوا الشله يكملون سوالفهم
حمدان نسى سوالفهم قاعد يفكر بلمى وبنعومتها وبياض بشرتها وشعرها الأسود الحرير وملامحها اللي كلها نعومه خشمها الدقيق وعيونها السوداء الوساع وشفايفها اللي كأنها حبة فراوله وجسمها اللي كنه غصن بان وهو بنص تفكيره
قالوا له شلته : حمدان مارد ياحمدان برضوه مارد
قالوا : حمدان بصوت عالي عند اذنه
قال : شو فيه
قالو : وين سرحان
قال : لا ماسرحت ولا شي بس عن اذنكم ابروح دورة المياه وراجع لكم انتوا روحو وانا ياي وراكم اوكي .
قالوا الشله وهم مستغربين : اوكي
طبعا هو ماراح لدورة المياه ولا شي راح قريب من الفرشه بس تحطم مالقى غير الأم والأبو وبزران رجع لشلته
قالوا : له متى رحت وجيت لدوره المياه بهالسرعه
ضحك هو قال : لا مارحت لأنها بعيده
كانوا ريم ولمى يتمشون في الحديقه ولمى كانت خانقتها العبره من الفشيله وريم بس تسولف _ولمى ماطلعت ولا حرف
ريم وهي معصبه :لمى عمى اكلم جدار
قالت : لمى والله نفسي ابكي
قالت ريم : خير وش صاير
قالت لمى السالفه لريم ضحكت ريم
قالت : بس عشانهم شافوك
قالت : لمى هذي المصيبه شافوني تتوقعين صوروني ضحكت ريم بقوه
قالت : وش قالوا لك عن شباب الإمارات تراهم مو مثل شباب السعوديه لو شافوا عجوز صوروها وانشروها ضحكت لمى
قالت : حرام عليك لاتقولين كيذا عن عيال ديرتك اصابعك مو سوا والله ان بعضهم عسل المهم ريم الله يخليك حسي بفشلتي قالت ريم امحق فشله احمدي ربك انهم محترمين خلينا نستانس ترى باقي يومين ونرجع الرياض
حمدان لمح لمى طبعا عرف لمى بشنطتها اللي لونها بيج وهي طبعا متنقبه حمدان لاشعوريا
قال : لقيتها هم ارتاعوا
شو لقيت قال : النعومه هم ضحكوا قالوا ا: ترك عنك بنات الناس
قال : عن اذنكم راح ورا لمى وريم والتفتت لمى وشافت حمدان وقامت ترجف سألت ريم اختها لمى :خير ان شاء الله وش فيك
قالت : في واحد كأني لامحته مع الشله اللي شافوني قاعد يلاحقنا اخاف انه مصورني التفتت ريم
قالت : الله ياخذك يجنن كأنه المغني عبدالقادر الهدهود بس الله يستر لمى كانت ماسكه جوالها وكان الباندا هو ارسل رسالة بلوتوث كاتب فيها :
لو سمحتي اختي لفت نظري نعومتتش ووالله يشهد ان نيتي زينه وهذا رقم جوالي واسمي حمدان ومشى ولمى علمت ريم
قالت ريم : امسحيه قبل لايشوفه ابوي وبدل مانرجع الرياض نرجع لمقبره النسيم
لمى حفظت رقم حمدان بجوالها وسمته حصه عشان ماحد يشك ومسحت الملاحظه بعد ماوصلوا الرياض بالسلامه ولمى بس تفكر بحمدان هو صادق ولانصاب قالت ماعندي غير اني اسأل سارا بنت خالتي هي اللي راح تفهمني_ طبعا ريم ماعطت لمى وجه بهالسالفه اتصلت لمى على سارا
وقالت : اليوم راح اروح بيت خوالي تكفين تعالي
قالت سارا : اوكي واجتمعوا في بيت خوالهم
قالت لمى السالفه لسارا وانجنت سارا سارا:ياحظك اماراتي مره وحده اه ياليتني انا انتي
لمى:طيب وش اسوي الحين
سارا:خلينا نتصل عليه
لمى:الله يخليك ابعديني عن المشاكل مو ناقصه اتصلت سارا على حمدان
سارا:الو
حمدان:الو منو اكيد انتي هذيك النعومه اللي بالخور صح
سارا:وش دراك يالجني
حمدان:لأني اذكرلوحة سيارتكم سعوديه والحين انتي متصله علي من جوال سعودي وانا متأكد انكم من الرياض او الجنوب
سارا:وش معنى ؟
حمدان:معروف بالسعوديه ان الجمال يانجدي او جنوبي
سارا:انا من نجد الرياض وكل بنات ديرتي حلوات
حمدان :المهم انه والله بس كنت حاب اقول ان نعومتج بحياتي ماشفت مثلها
سارا:انا مو لمى انابنت خالتها
حمدان : اسمها لمى اسمها ناعم مثلها
سارا:بس كنت متصله من الطفش باي
حمدان :طيب الله يخليج عطيني لمى والله ابي اكلمها
سارا:على فكره انا احلى منها
حمدان :مستحيل احد بنعومتها
سارا:اسمع لمى ماتحب هذي الحركات انها تكلم او مثل كيذا وانا مرجوجه واحب استهبل عشان كيذا اتصلت عليك واصلا هي زعلانه عشاني كلمت عليك ومو راضيه مسويتلي عقل وثقل
حمدان :حرام عليج عطينياها ابي اقول لها كلام والله يعلم عن نيتي
سارا قفلت بوجهه
ولمى عصبت: ليه تسوين كيذا كان ماكلمتي والله انك تافهه وسخيفه الشرهه علي اللي اقول لك السالفه ماتستاهلين مين يعلمك
سارا:اسمعي حبيبتي انا اموت عالإستهبال وبعدين اذا انتي مسويتلي رومانسيه اتصلي عليه واعتذري منه ياحساسه انتي المهم انه فجأه رن جوال سارا وكان حمدان اللي متصل
قالت سارا للمى حمدان عالجوال اقفل بوجهه ولا بتعتذرين منه عشاني قفلت بوجهه وقامت لمى واخذت الجوال وقلبها يدق وردت
لمى:الو
حمدان:الو لمى
حمدان انا لمى وكنت ابي اقول لك اسفه عاللي حصل قبل شوي
حمدان :انتي لمى الحمدالله اني سمعت صوتج
لمى:الله يخليك انا ماأحب هذي الحركات وردي عليك بس عشان اعتذر عاللي حصل قبل شوي من سارا
حمدان:سمعيني انا وربي يشهد علي يالمى انه من اول ماشفتج ماأعرف ليه قلبي دق ووالله اني كنت مع اصدقائي وماأعرف شو كانوا يقولوا بسبتج ولو كان نيتي مو زينه كان تعرفت على وحده بدبي ساكنه مو بعيد عني وانا ابقوللج كل شي عني عشان تعرفيني اكثر
لمى :اعرف عنك ايش انا ماابي اعرف اي شي عنك صدقني واسفه على كل حال وباي المهم ان لمى قفلت منه
قالت لسارا حسبي الله عليك انتي وهبالك
سارا تضحك ليه
لمى:والله حبيته
سارا:يقلع ابو المراهقه اللي زي كيذا حبيتيه مره وحده والله انك مخفه ههههههه
لمى اف منك ماأدري ليه احس انه طيب
سارا :اقول ضفي وجهك انا ابروح اشوف مسلسل الحقيقه والسراب جاء وقته
لمى جلست تفكر هو نصاب او لا ياربيه شكله صادق حلف بالله اكيد صادق وفجأه قطع حبل تفكيرها
صراخ سارا وهي تصرخ لمى بسرعه تعالي قبل لايفوتك المسلسل راحت لمى وجلست تبي تشوفه فز قلبها لأنه كان على قناة دبي وقامت تبتسم مع نفسها
سارا:لمى خير ان شاء الله تبتسمين لمين
لمى:لا بس تذكرت سالفه تضحك
سارا :طيب خلاص اسكتي خلينا نسمع ونشوف
رجعت لمى لبيتهم بعد المسلسل ولا قدرت تنام تفكر بحمدان وتبي تعرف هو صادق او لأ المهم انها حاولت تنسي نفسها السالفه وبعد يومين كلمت سارا على لمى
قالت لها : ان حمدان كلمني تصدقين جلس يحلف بالله ويدعي على نفسه انه حابك ومعجبتيه وانا مو ماصدقته وشلون حبك وهو مايعرف شي عنك معجبته يمكن لكن يحبك اشك وش اسويله ازعجني فكيني منه
لمى : يعني وش تبيني اسوي له
سارا: كلميه وهاوشيه
لمى :ماأعرف اهاوش
سارا:المهم فكيني منه
لمى:انتي اللي بديتي بهبالك مو انا وتحطينها فيني
سارا:بصراحه ماتوقعت انه بيزعجني عشانك
لمى:اف اشوف
سارا:تكفين
لمى:يصير خير لمى ترددت تكلمه اولأ بعد مده وافقت تكلمه
لمى:الو
حمدان:الو
لمى:انا لمى
حمدان : اخيرا كلمتي ووالله اني فرحان بهالإتصال
لمى:كنت حابه اقول لك لاتزعج بنت خالتي اتركها
حمدان:لا تلوميني ووالله كنت احاول فيها انها تخبرج اني اتكلم صج مو العب
لمى:انت وش تبي بالضبط
حمدان :والله ابي اعلمج اني احبج واني ابي اتعرف عليج اكثر وانتي تعرفيني اكثر انتي كم عمرك
سكتت لمى دقيقه وبعدين قالت ١٨
حمدان:العمر كله وانا عمري ٢٧ ومتوظف بشركه... وانتي تدرسين
لمى :ايه لسه مخلصه الثانوي ورايحه اول جامعه
المهم انهم دخلوا جو سوالف وتعرفوا على بعض اكثر وكان كل يومين يتصلوا على بعض وعلى هذا الحال لمدة سبع شهور طبعا حمدان كان معلم اهله عن انه يحب لمى لكن لمى طبعا ماعلمت احد غير سارا واختها ريم بس الين جاء بعد عيد الأضحى اتصل حمدان كالعاده على لمى
حمدان:الو لمو
لمى:اهلين حمدان
حمدان:شخبارج
لمى:بخير انت كيفك
حمدان:الحمدالله وعندي مفاجأه حلوه لج
لمى:شوقتني وشي المفاجأه ؟
حمدان :الحين تبين تعرفينها
لمى:حمدان ووالله اذا ماقلتها راح ازعل عليك احرقت اعصابي قل لي تكفى
حمدان:لا عاد الا انج تزعلين علي خلاص ابقولها عندي شغل بالرياض يومين وبعدها ابرجع دبي
لمى صرخت: واو الرياض بتنور
حمدان:بوجودج يالغاليه عاد ابي اشوفج
لمى:كيف اشوفك صعبه والله راح انقتل لو احد شافني معك
حمدان:لمو مين قال اني راح امشي معج
لمى:اجل كيف ؟
حمدان : اشوفج من بعيد
لمى:اشوى طمنتني انت متى راح تجي
حمدان :يوم الثلاثاء وابرجع الخميس بأذن الله
لمى:حلو انا يوم الأربعاء راح اروح مع خوالي منتزه تعال هناك
حمدان :انا ماعرف شي بالرياض
لمى:اسأل اذا وصلت عن منتزه اسمه قرية الثمامه بس مثل ماقلت من بعيد لبعيد -
حمدان :متى يجي يوم الأربعاء بسرعه
المهم جاء يوم الأربعاء وراحت لمى مع خوالها للمنتزه اتصل حمدان بعد صلاة العشاء على لمى
حمدان:الو لمو
لمى :هلا حمدان وصلت للمنتزه
حمدان:وصلت بعد الموت لانهم منعوني ادخل مندون عايله بس قلت اني ياي من الإمارات ابي اشوف هالمنتزه واقتنعوا انتي وين
لمى:رح اسأل عن محل اسمه عجائب وغرائب
حمدان :اوكي باي
وكان حمدان مبسوط وقلبه يدق وهو يسوي نفسه ثقل وسأل عن المحل وراح له
ولمى كانت ترجف وقلبها بس يدق
وقامت تغني ( ياويلي شو بدو يصير هاليله متله ماصار هاليله احلى اليالي البي عانار)
وكانت لمى لابسه نفس شنطتها البيج اللي كانت لابستها بدبي التفتت لمى على وراء
الا حمدان كان مقبل عالمحل وقامت ترجف بقوه لدرجه ان اللي كانوا بالمحل خافوا يحسبون ان البنت صار لها شي
وهو يوم شافها شوي الا يموت من الفرحه وضحك للمى ولمى نزلت راسها وطلعت من المحل هي وسارا بنت خالتها
سارا:الله ياخذك يالمى يجنن
لمى:انتي بوادي وانا بوادي
سارا:هدي اعصابك الكل قاعد يناظر لك بعدين ماصار شي
حمدان كان وراهم ولمى ترجف اكثر الين وصلوا عند السرك
سارا:خليه يمشي شوي معنا حرام جاي عشانك وبس مخليته ورانا
لمى:انتي صاحيه هذي فيها موت ابعدي هبالك عني
سارا:حمدان وش فيك ورانا تعال
لمى:الله ياخذك انتي بتوديني للهلاك
طبعا سارا ماهمها شي مرجه وحمدان جاء ولمى منزله راسها من الخجل بس ترجف المهم
حمدان قال :لمى انتي بردانه لمى ماردت قام فسخ الجاكيت حقه وقال لبسيه
سارا: وشلون تلبسه
حمدان: تلبسه فوق العبايه
سارا: خير ان شاء الله وش قالوا لك عن لمى شغاله تلبس الجاكيت فوق العبايه تبي تضحك الناس علينا
رد حمدان وهو معصب : اهم شي صحة لمى وخلي الناس يقولون اللي يقولونه البسيه يالمى
طبعا لمى مابغت تفشل حمدان ولبست الجاكيت فوق عبايتها دقيقتين بعدها فسخته ولفته على يدها
بدى حمدان يسولف مع لمى ولمى خايفه و سارا طول الوقت تضحك المهم رن جوال لمى وردت طلعوا خوالهم بيرجعون عشان غلا اخت لمى تعبانه
قالت : عن اذنك انا ابروح لأهلي لاننا بنرجع البيت
انقهر حمدان قال : خساره والله بس ان شاء الله قريبا اقدر امشي معك من دون ماحد يقدر يقول عنا شي
لمى: كيف
حمدان: بشهر ٢ راح تعرفين
طبعا لمى كانت مستعجله عشان امها ماقدرت تستفسر اكثر راحت لمى لأمها ونست الجاكيت بيدها حمدان كان عارف ان الجاكيت حقه معها وكان مبسوط المهم ان امها شافت الجاكيت
قالت : منهو جاكيته تلعثمت لمى ثم جت سارا
قالت : وش فيك ياخالتي مها هذا الجاكيت انا شاريته لعمي سلطان
استغربت ام لمى وقالت : كان شريتي له من اسواق زي الناس مو من منتزه بعدين غريبه هنا يبيعون ملابس
قالت سارا : ايه ياحليلك
استغربت ام لمى وماكانت فاضيه لهم كان عقلها مع بنتها غلا قالت امشوا بس
بعد يومين اتصل حمدان على لمى
حمدان:الو لمو
لمى:اهلين حمدان
حمدان كيفك
لمى : بخير انت بشر ان شاءالله وصلت دبي
حمدان:الحمدالله وصلت بالسلامه
لمى :الحمدالله عالسلامه بس تعال ماقلت لي وش كنت تقصد عن شهر ٢
حمدان :بصراحه اناوابوي وامي واختي فاطمه راح نجي الرياض
لمى :وشغلك بالرياض بيطول
حمدان :اي شغل احنا ثم تلعثم وقال جاين نخطبج
شهقت لمى وانحرجت وقالت : حمدان بعدين اكلمك باي ماكانت مصدقه شوي وتطير من الفرحه
اتصلت هي على طول على سارا وعلمتها سارا اول شي ماصدقت بعد ماحلفت لمى لسارا صدقت وقالت
سارا: اسمعي لمى سوي نفسك ثقل
لمى:ادعيلي
لمى وراحت تموه لأمها لمى:يمه عادي لو سعوديه تتزوج واحد مو سعودي
ام لمى:وشلون قصدك سوري اومصري او زي كيذا
لمى:اقصد خليجي مثلا كويتي او قطري او اماراتي
ام لمى:خليجي ايه عادي كل الخليج واحد ياكثر السعوديات اللي متزوجات خليجين ومتوفقين وبعدين عيب تسولفين عن الزواج توك صغيره
لمى طبعا متشققه من الوناسه ان امها مبدئيا متقبله الوضع
في نهاية شهر ١ اتصل حمدان على لمى وطلب رقم ابوها عشان يقول انه يبي يزورهم هو واهله اتصل وصار اتفاق على موعد الخطبه طبعا
الأبو سأل حمدان : كيف عرفتوا عن بنتي وانتم بدوله وهي بدوله
حمدان قال : اننا سامعين عنكم خير
صارت الخطبه وبعدها بشهرين الملكه
كان يوم الملكه اسعد يوم بحياة حمدان ولمى طلع
يوم من الأيام حمدان مع لمى لمطعم اسمه ماريز وتعشوا مع بعض وكانت لمى رافعه شعرها وربطة شعرها نزلت جت لمى تبغى تعدلها قام حمدان وسحب ربطتها وحطها بيده
قال : حبيبتي شعرها احلى من دون الربطه والله قهر كل هالنعومه و تربطينه
ضحكت لمى وخجلت
جلسوا يتغزل حمدان بلمى ولمى خجلانه ثم خلصوا عشاء
قال حمدان : ودي اهضم الأكل ابي امشي وين نروح
قالت : وش رايك نروح لممشى الأمير عبدالله
قال: انتي دليني المهم راحوا يمشون
قالت لمى :حمودي نسيت اقول اننا بشهر ٦ راح نسافر احنا واهلي لمصر
حمدان :زين قلتيلي عشان اجي وراكم انا وراتش وراتش يالمو ابصير عله على قلبج
لمى:حرام عليك ووالله انت حياتي وعمري ليش تقول كيذا عن نفسك بالعكس لو تجي معنا راح احس صدق بالوناسه
رجعت لمى للبيت وهو بعدها بيومين رجع لدبي
جاء شهر ٦ وراحت لمى مع اهلها لشرم الشيخ طبعا حمدان كان بدبي وعنده شغل فما قدر يروح بنفس اليوم اللي بتروح لمى فيه لكن بيروح بعدهم بأسبوع واتصلت لمى على حمدان
قالت : تعال على طول على شرم الشيخ
قال لها : ان شاء الله بعد اسبوع لأن شغلي محتاجيني بس ابجي بعد اسبوع
حمدان كان حاط على الأخبار وفجأه لقى مكتوب خبر عاجل تفجيرات بشرم الشيخ من بينهم قتلى سعوديون و.....الخ
ركض حمدان على طول على جواله كلم على جوال لمى لقاه مقفل ارتاع وخنقته العبره بس قال لازم اتأكد ان شاء الله احساسي غلط ولا قدر ينام
راح من بكره للسفاره السعوديه يستفسر عن اسماء القتلى لقى اسم لمى واهلها مع القتلى
انهار وودوه عالمستشفى وامه كانت مرافق له وتعبت نفسيته وصار معه صدمه نفسيه والكل يحاول يتكلم معه لكن مايرد عليهم
وبعد ٤ شهور راحوا اصدقاءه له وطلبوا منه انه يطلع يغير جو كان رافض لكن بعد محاولات وافق وكان حاط ربطة لمى بيده ويوم ركب معهم بالسياره هم يسولفون عليه وهو مايرد جالس يناظر للربطه وفجأه
جت سياره ثانيه وصدمت بسيارة اصدقاء حمدان ومات حمدان هو و صديقه و اثنين من اصدقاءه نجو
والربطه كانت بيده واهله حزنوا عليه خاصة انه مات وحالته النفسيه كانت مره تعبانه
لقوا اهله بدرج غرفته ورقه مكتوب فيها
( صحيح ان الأرهاب مرخص ارواح البشر لكن حبيبتي لمى انا وراتش وراتش ولو بالموت ان شاء الله وراتش )* * * * *
اخيرا انا سارا بنت خالتها اتمنى انكم تدعون لجميع موتى المسلمين بالرحمه والمغفره وطبعا الى الان انا متواصله مع فاطمه اخت حمدان وكل معلومات حمدان جايبتها من فاطمه ومعلومات لمى مني طبعا **
منقوووول ..
اتمنى اشوف ردودكم الحلوه
>>>>> ردود الأعضـــــــــــــــــــاء على الموضوع <<<<<
==================================
والله قصه حزينه
لاحول ولاقوة الا بالله الله يصبر اهل حمدان ولمى ويعوضهم خير
انا لله وانا اليه راجعون
__________________________________________________ __________
__________________________________________________ __________
__________________________________________________ __________
__________________________________________________ __________
رد مع اقتباس
