عنوان الموضوع : باركولي أفتتاح مدونة المطاريد إف إم -قصة قصيرة
مقدم من طرف منتديات نساء الجزائر

باركولي أفتتاح مدونة المطاريد إف إم






أهلا وسهلا بجميع عضوات منتدى سيدتى

أنا غبت كتير
الاول كنت بدخل من موبيل

لكن دلوقتى رجعت والحمدلله من جهاز

النهاردة جبتلكم حدوتة

أو قصة أنا مألفاها

من المدونة بتاعتى



هنا المطاريد إف إم
يوم عادى جدآ

قرية الرشدانية

منظر للقرية من بعيد

بيوت جنب بعض

منظر للبيوت من فوق والطيور طايرة وابراج الحمام عمالة بتشغى حمام


أبو سليم واخد جاموسته وماشي بيها الغيط

الكاميرا ماشية معاه واحده واحده

وتبيعة مع أول نفرين بيتحدتو مع بعضيهم

برضو الكاميرا متبعاهم

وكالعاده الكاميرا تبيعهم أول ما نانسي بنت شيخ الغفر تفتح شباك بيتهم اللي فالدور التانى

طبعآ ننوسة لابسة جلابية بيتى فلاحى وحاطة علي شعرها منديل ملون شبه بيض شم النسيم

تتمخطر ننوسة بعد ماتفتح الشباك وتروح تفتح الراديو

وهنا يأتى صوت المذيع دمرانى

إصباح الخير يا مستمعينا

أنشالله تكونو النهارده بخير

دمرانى يتحدت من ورا المكرافووووووووووون

من أذاعتكم أذاعت المطاريد أف أم

ونذيع عليكم دلوكيت أهم برامج اليوم

بعد ما أخلص علطول رح يكون معاكم المذيع المحبوب

عبد السميع ولد حسنية داية البلد بنوجهلها تحية ياخوانا علي تعبها فسبوع ولدى تامر

هنلتجى بيه في برنامج أنت تسأل وولد الداية يجيب

فقفاه طوالي برنامج

عتوكلي جوزك النهارده أيه

مع الشيف زناتى أبو عويس بياع الشندوتشات اللي قدام مدرسة الابتدائي

بعده رح نلتجى مع فاصل من أغانى البوب الصعيدى للمطرب الكبير وهدان حماقي زمرتى البلد

وراه مسابقة أنضف عيل فالبلد

مع من تقديم أم الهنا الدادة بتاعة مدرسة الابتدائي

وراه هنقفلو ساعة كده عشان صلاة الضهر والغدا والذى منه


ونرجع بعدها مع برنامج أريد حلة مع المذيع الخيخة السهتان محمدين والدلع ميدو

وبعده رح نذيعلكم الماطش بتاع كورة الفوط بووووووول بين بلدنه وبلد النوايسة شرق

وبعده طواااااااااالي مع زكية العمشة وحكيوة قبل النوم

وبعده راح نقفل ساعة كده عشان صلاة العشا

نرجعلكم بعدها مع السهرة

رح نلتقي فالسهرة مع المسلسل الاذاعى الدرامى الاكشن

سيب الجلبية يامخيمر أحسنلك

ووراها مع برنامج قهوة عالريحة وتنقل مباشرة من قهوة البلد

والأن مع فاصل غنائي للمطربة أم كلثوم في أغنية أنا في إنتظارك

تدخل أم نانسي

طول النهار قدام المدعوج ده لما رح يبوظك ويتلف أملك ياخايبة

يتلف أملي أيه بس يمة أنتى مش قولتيلي أن لازم البلد كلها تسمع أذاعة بلدنا

قولت تسمع يابجرة مش تتسمر قدام الراديو

قومى يلا جاكى خابط .....همى جدامى ورانا مية حاجه عاوزة تنقضي فالبيت يلااااااااااااا

هو مافيش غيري أنى فالبيت

أومال أم السعد مرات الغفير صالح بتيجى كل يوم تهبب ايه

عدنا ليكم مستمعينا الغاليين

وبعد ماسمعنا الست

نلتقي دلوكتى مع المذيع عبد السميع فبرنامج أنت تسأل وولد الداية يجيب

الماكرافون معاك ياعبدووووووووو

تشكر يادمرانى يا أبو الذوق

عوافى عليكم يا أهل الصعيد برا وجوة البلد

ولأبنائنا فالخارج سلام مخصوص علي طول موجاتنا ونهديهم أغنية شنطة سفر للبت الحليوة ألغام

ألاغنية..................

عدنا بعد الفاصل ياحبايبي ومعانا زى كل يوم سبت الخبير ة في أمور الحبل والولاده والسبوع

حسنية أمى داية البلد

ونستقبل إتصالاتكم علي تلافون الواد عمران بتاع كشك الأتصلات

ونرحب بحسنية الداية

كيفك يمة

تسلم ياولدى

والله ليكى وحشة ومنورة المكان النهارده معانا

ومعانا أول أتصال

ونجول إيوة مين معااااااااى

إصباح الخير

إصباح النور

أنا عاوزة أكلم خالتى حسنية

أمى معاكى أتفضلي جولي سؤالك ياولية

أنا عاوزة أسأل

أبنى ياخالة حسنية دلوكيت عنده 4 شهور عاوزاكى تنصحينى بالغذا الكويس اللي يكبرو

أولا يابتى 4 شهور يعنى مش صغير ده فاضله كام يوم والشنب يخط فوشه

ده توكليه معاكم عالطبلية علي طول ونتمنى تلاقي نتيجه تفرحك

بالصلاة عالنبي عليكى يمة خبيرة جامدة طحن

...............................

الدمرانى برا الاستديوهات بيناكف مع بياع الفراخ البيضة

وهااااااااااه عتقول الكيلو بكام ياأبو حسين

عقولك الكيلو دلوكيت وصل 20 يادمرانى

يانهارك أزرق مطرطش طين

أنت خابر يا أبو حسين أنى أنا أقدر أخليك ماتبيعش ولا ريشة من فروجاتك دول

وهاااااااااه كيف عاد أكديه يادمرانى

ولا حاجه

فالنشرة بتاعة الاذاعة خبر صغير أقول فيه أنو أبو حسين بيبيع فروج متصاب بأنفلونزا الطيور

لاااااااااااه أنى فعرضك يادمرانى ياواد عمى

أنا ما أذيتكش فحاجه

عتقول الكيلو ب20 ومأذيتنيش

خلاص يادمرانى فروجتين عيروحو عن أم العيال من غير فلوس منى ليك محبة ياواد عمى

لالالالالالالالالالالالا وأنا مارضاهاش بردكتى

أنا راح أخد الكيلو علي 2 جنيه وكده كده فروجك مرضان ولا نسيت أنه فيه المرض إياااااااه

لالالالالالالالا أنا راضي يادمرانى

خلاص شيعهم للبيت .....أسيبك أنا عشان عندى هوا بعد 5 دقايق

يدخل دمرانى الأستوديو

ناس صح تخاف ماتختشيش

وااااااه مالك يادمرانى عتكلم نفسك ليه

أبن الفرطوس أبو حسين عيقول كيلو الفروج وصل 20 جنيه

وااااااااااااه ليه عاد لحمة عجالي ولا اااااااا

فكك أنت ولد الداية ده خلص لسه فاضله اخر أتصال

عبد السميع...ومعانا إمكالمة تانية ونجولو إيوة مييييييييييين

السلام عليكم

وعليكم السلام الحجة حسنية معاكى

أنا سؤالي ياخالة عن الحبله اللي زى حالاتى

ينفع تاكل كل شئ ولا في وكل ممنوعة منه

والله يابتى اللي نفسها فيه تاكله

وتكتر من عصير القصب

وأرجع أكرر عليكم وعلي عصير القصب يانسوان ياحوامل

وأتمنى أزوركم فالجريب العاجل

وبكده يكون وصل برنامجنا لنهايتة نشكر سوا الحجة حسنية ونلتجى بيها السبت الجاى زى النهارده

ونسيبكم دلوكيت مع الاخ دمرانى المكرافون معاك يادمرانى

تشكر يا عبدو ياخوى

ودلوكيت مستمعينى الغاليين نروح طوالي مع زناتى أبو عويس ووكلة جديدة فبرنامج عتوكلي جوزك أيه النهاردة

المكرافوووون معاك يازناتى

الله يخليك يادمرانى

أهل البلد الحبايب

وكلة جديدة النهاردة نتمنى أنه تعجب التور اللي أنتى طبخاله النهاردة

والنهاردة مع وكلة طاجن المخ بالبيض

يلا النساوين كلها معانا

نص كيلو مخ

2 بصلة كبيرة وأنصحكم ببصل الواد عبد الروحمان وبلاش بصل حسن أبو علي عشان بيجيب البصل الصغير
4 طومطامات طايبين زين

معلقة صغيرة كمون مطحون ومعلقة كسبرة مطحونة

وكد سبع تمن حبيات توم إتفصفصيهم جنبك وانتى جاعدة عتسمعينا

وعدد 8 بيضات

وبلاش بيض المزارع المعفن اللي النسوان بتجيبه الايام دى

مافيش أحسن من بيض الفروج بتاع البيوت

بالاضافة للملح وجرن شطة أخضر وشطة حمرا مطحونة

ونبدأ سوا

نفرم البصل ونحطة عالنارمع شوية ملح وزيت ونقلب لحد مايصفر

بعد مايصفرو إكديه

نروح نجطع التوم صغير بالسكين ونحطو دقيقة مع البصل مع التقليب المستمر

وبعده نطشو بالطماطم

ونقلب لحد مالطماطم تتسبك

وياريت ياجماعة كل واحدة فيكم تبقي لابسة المنديل بتاعها علي راسها عشان أنا عارف نسوان البلد بجر بعيد عن السامعين

ونسيب الطماطم تتسبك وناخد أول إتصال

وزى مانتو عارفين الاتصلات رح تبقي علي خط أتصلات بتاع أم ممدوح بتاعة الخضار

ونجوووووولو ألووووووووووو

ألوووووووووو
مين معانا

أنا فتحية يا شيف زناتى

أتفضلي ياخالة فتحية

عاوزة أعرف طريقة عيش المصبوبة وياريت تعملنا طبق يتاكل مع المصبوبة

ماشي عيونى ليكى ياخالة فتحية ونورتينا فالبرنامج

ونرجعو للطبق بتاعنا بعد مالطماطم إتسبكت

هنولع فيرن البوتاجاز ونهملوها تسخن

نجطعو قرن الفلفل الاخضر بتاعنا ونحطوه يتسبك مع الصلصة

ونطفو النار عا الصلصة اللي عملناها دى

وناخد المخ نغسلوه ونضفوه

ونقطعو حتت صغيرة جد عجلة الصباع

وناخد أتصال تانى

ألووو مين معانه

سلامو عليكم

وعليكم السلام


أنا حسين واد مرزوق ياعم عويس عكلمك من مكتب الناظر

أهلا أهلا كيفك ياواد ياحسين

مش وجت حديت ياعم زناتى دلوكيت أحسن الناظر يطب علينا

أنا كنت متصل أسألك رح تيجى عالفسحة ولا مافيش شندوتشات النهاردة

لالالالالا ياولد أخلص البورنامج وأجيلكم ياعيال الفرطوس ماتشتروش حاجه خلو الفلوس للشندوتشات وجول لصحابك أنى جاى

طيب سلام دلوكيت وأنا رح أجولهم

سلاااااااااام ياولد الغالي

ونرجع للوكلة اللي معانا دلوكيت

وياريت الدمرانى ماتحولناش مكالمات تانى عشان الحج الفسحة

نجيب طاجن ياجماعة ونددهنه بعلقة صغيرة سمن

ونرش الكمون والكسبرة والشطة المطحونين علي الصلصة

وملح

نضرب البيض ونضيفهم للصلصة وعليهم المخ ونجلبوهم

ونروحو نحطهوهم فالطاجن ونحطوهم فالفرن مده عشر دقايق

وبعدها نطلع الطاجن هتلاقو البيض خلي حجم المقادير ذاد نرش عليهم كيبرة خضرة مقطعة

ويقدم مع السلطة الخضرة والعيش البلدى وحتة جبنة جديمة

ودى كانت نهاية حلجتنا النهاردة

أسيبكم مع الدمرانى والحج الفسحة

الكرفون معاك يا دمرانى

هع هع هع هع هع هع هع هع يخربيت ناااااااااسك يازناتى

طول عمرو يموت فشغلة الشندوتشات دى حتى بعد لما نضفناه وقولنا عليه شيييييييييييييف

واه أحنا عالهوا ياموصطفا

يخربيت أبوك مش كنت تقول يافجرى

أحم أحم

مستمعينا ودلوكيت مع فاضل من أغانى البوب الصعيدى مع وهدان حماقي زمرتى البلد

...............................................

>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________