عنوان الموضوع : غلـ ط ــتي ..!! )-- -كلام عذب
مقدم من طرف منتديات نساء الجزائر

غلـ ط ــتي ..!! )--



حبيبتي
حاولت أنا ..
إني اصلّح غلطتي !!
أضحك ..
واسولف ..
وألتفت ..
يمكن تشوفي دمعتي !!
منهو دفعني للندم ؟
يكفي أقول :
منهو غرس فيني قسا ؟
حتى بحروفي ..
وكلمتي !!
وهذا أنا ..
حبيبتي
جيتك هنا .. جيتك هناك ..
أبيك تنسي زلتي !!
هذا الزعل ..
ملح الحياة ..
وهذا (الأسف) ..
حبيبتي
أخاف يصبح لعبتي !!
وأخاف أنا
لو تصفحين
أصبح صغير
وأكبر صغير
في نظرتك ..
أو نظرتي !!
ويمكن بعد
تنسين مني
قسوتي !!
ومن كثر شوقك والبعاد
تنسين حتى
صفعتي !!
ومن كثر صدي ..
والعناد ..
أنسى أنا حبيبتي !!
حبيبتي ..ما قلتلك
حاولت اصلّح غلطتي
بس للأسف ..
ما كان يرضي رغبتي !!
وهذا حنانك هالني
في موقفه
ومن طيبتك
حاولت اكابر
واختزلها .. لهفتي !!
حبيبتي..
ما تذكرين ؟
أجمل هوايه عندنا
إني أولّع جمرتك
من جمرتي !!
واحس نبضك متّـجه
ودّهـ يسابق نبضتي !!
وأحيان ..
ترسم عيونك بسمتي
وأزعل أنا !!
أزعل كثير
واقول هاذي رسمتي !!
ما قلتلك حبيبتي
حاولت أصلّح غلطتي
بس للأسف ..
ما كان يرضي رغبتي !!
حبيبتي ..
ما تذكرين ؟
وشلون يطرب مسمعك
موال يسحب كلمتي !!
وكل الحروف أشيلها
باسمك .. أنا حبيبتي
وألمح عيونك غارقه
وإذا اقتربت ..
تحضن دموعك دمعتي
ومن كثر ماهيه ساخنة
أصرخ بوجهك .. حاسبي !!
ويقتل حنانك صرختي
ما قلتلك حبيبتي
حاولت أصلّح غلطتي
بس للأسف
ماكان يرضي رغبتي !!

>>>>> ردود الأعضـــــــــــــــــــاء على الموضوع <<<<<
==================================


كلمات جميلـــــــــه أخيتي ،،،ومعبــــــــــرة


__________________________________________________ __________

شكراً جزيلاً لمروك


__________________________________________________ __________

كلمات رائعة وجميله ومعبره

تسلمين حبيبتي ام ولايه

يعطيك العافيه ويوفقك يا رب


__________________________________________________ __________


__________________________________________________ __________