عنوان الموضوع : ((حملة عناية بالجسم كامل بتستمر للعيد..منو بتسجل فيها؟؟!!)) تم الإجابة
مقدم من طرف منتديات نساء الجزائر

((حملة عناية بالجسم كامل بتستمر للعيد..منو بتسجل فيها؟؟!!))



مبارك عليكم الشهر بنات كل عام وانتم بخير

ينعاد عليكم كل سنة بالخير والبركة




هلااااااا بنات

شحالكم شخباركم عساكم طيبات

إنا الحين علشان اشجعكم حاطه زيت ع شعري ((خلطة مجربة للشعر من خلطاتي ))

ساعة ونص وبغسله
وأنا بالحمام عزكم الله


بغسل شعري من الزيت وعقبها بحط حمام زيت اللي متوفر عندي بالحمام مو شرط نوع معين وبقعد فيه لين اخلص الخطوات التالية :




بغسل جسمي بالخلطة الصابونية علشان اتنظف عدل واهيئ بشرتي حق الخطوة التالية :

عقبها بتسنفر بسنفرة كاب وبركز اكثر على مناطق الغوامج او المعرضة لانها تكون غامجة بجسمي
( المفاصل، الاندر ارم، بين الفخوذ، الظهر... الخ ) وكل وحدة وعارفة جسمها عدل

بقعد فيها 20 دقيقة بالكمال والتمام
عقبها بيب ليفة بودي شوب القفاز الخشنة وببللها ماي حاار وبقعد تحت الدش وبشيل السنفرة كلها باستخدام



الليفة




يعني جني اتليف لكن بكون قاعدة أشيل السنفرة
لان السنفرة الكاب لازم اشيلها كلها عدل

عقب هذا كله اغسل شعري من حمام الزيت واشطف باقي جسمي عدل واتنشف واطلع

بالغرفة احط اي لوشن مرطب عندي لوشناتي

لوشن من جزجنز

لوشن من فازلين

لوشن من نيفيا لشدة الجسم

لوشن البابايا

المهم لوشن مرطب موجود جدام عيني ماراح أتعطل على نوع معين


من باجر بنبتدي حملة غرة
رمضان أكيد كلنا بنجابل المسلسلات خخخخخخخخخخخ
قبل لايبدي المسلسل عن خاطرج حطي زيت وجابلي التلفزيون
او صلي العصر و حطي سدر مخلوط مع مجموعة أعشاب وزيوت مفيدة وعقب الفطور روحي الصالون غسليها أو غسليها بالبيت




واللي عليها الدورة يفضل أنها تحط حنة من الظهر وعقب الفطور تغسلها

النتيجة بتكون وااااااااااو من لون وحيوية للشعر

سويها مرتين بالأسبوع

مرة سدر ومرة حنة

لأخر الشهر بتكونين اعتنيتي بشعرج عدل





يوميا زيت أو يوم وترك للي مالها خلق ( عن نفسي يوميا وراح اكتب يومياتي بالموضوع أن شاء الله )
يوم بالأسبوع حنة وعقبها أزيت شعري لمدة ساعة بس
ويوم سدر وعقبها أزيت شعري لمدة ساعة بس
هذا بالنسبة للعناية بالشعر







بالنسبة للجسم

اثبتيلج على خلطتين

وحدة تكون صابون للاستخدام اليومي ((واكرر اليومي ((

ووحدة للتبييض
لاتكثرون خلطات وخرابيط وايد بتملون أول شي
ثاني شي بتتعايزون تسوونهم لان بتتلخبطون بينهم
ثالثا ماراح تعرفين شو اللي فادج منهم بالضبط خصوصا لو كانت خلطة يديده ماجربتيها من قبل وخذيتيها على كلام وحدة مدحتها


أثبتي على شغله وحدة وان شاء لله بتحصلين نتيجة


(((عن نفسي)))

الخلطة الصابونية حق سبوحي اليومية والتفرك والنظافة وشايفة منها نتيجة عجيبة الحمد لله
سنفرة الكاب حق التخلص من الجلد الميت والتبييض بنتيجة مشجعة من أول استعمال


الحين برنامجي شو صار؟
عرفتوه؟



كل يوم أزيت شعري ساعتين عقبها ادخل الحمام واغسل شعري
((وأحط حمام زيت أو ما أحط هذا شي مو ضروري بالنسبة لي لان شعري ناعم لكن لمجرد التغير))

عقبها اغسل جسمي بالخلطة الصابونية

عقبها أتفرك بالسنفرة الكاب واقعد 15-20 دقيقة




عقبها اغسل جسمي من السنفرة باستخدام ليفه خشنة مبللة بماي حار

أنشف جسمي واطلع وأحط لوشن مرطب

******


ومرة بالأسبوع أحط حنة وعقبها أعيد نفس برنامج الشاور

ومرة بالأسبوع أحط سدر مع أعشاب وزيوت وأعيد نفس برنامج الشاور


.
.
.



للعيد ألا أنا ألق وابرق نظافة
وشعري ترجع له حيويته ( للي مايدري شعري صبغته اسود مزرق ورجع اخترب مرة ثانية خخخخخ

وأكون خلصت برنامج لمدة شهر كامل بطول وعرض


وفي جائزة للبنات اللي يلتزمون بكتابة يومياتهم بصدق وامانة بدون مايغيبون ولا يوم
وتكون فعلا قاعدة تمشي على برنامجها صح وبانتظام
وربكم فوقهم شاهد عليهم




الجائزة عبارة عن المجموعة المفردة من خلطاتي ((زيت للشعرالحجم الكبير+ سنفرة القهوةالمبيضة + خلطة الرموش+ حنة او سدر مع الاعشاب والزيوت))

3بنات راح يستلمون الجائزة
والاولويةطبعا للمنتظمة اكثر واللي تكتب يومياتها بالتفصيل الممل
واللي تكتب النتايج اول باول وشو صار معاها مع كل خلطة





منو الحلوة اللي بتسجل معاي وتتطوع انها تكتب يومياتها بالضبط شو سوت وشو برنامج الشاور مالها وشو الخلطات اللي بتستخدمها ؟







؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________