عنوان الموضوع : ؛خطواتي بالصور لإستخدام الشمع الرائع لإزالة الشعر؛
مقدم من طرف منتديات نساء الجزائر

♥خطواتي بالصور لإستخدام الشمع الرائع لإزالة الشعر♥






،،، السلام عليكم ورحمه الله وبركاته ’’’

بالبداية انا مافكرت احط الخطوات لان توقعت الكل يعرفها
الا بعد موقف امس كنت اانا وصديقتي طالعين للسوق واشتكت لي انها تعاني مع شيل الشعر في المنطقه الخاصه
ويطلع لها بثور وجروح

وأكتشفت ان طريقتها خطأ في خطأ للاسف

,, ومن هنا حبيت اوضح لكم بالخطوات
طريقة النزع من تجربتي ولي فيها ماشاء الله وخاصه مع الشمع من ثلاث سنوات
اقول الشمع لاني ( طلقت الحلاوه )

وللعلم انا بعد استخدمه لوجهي بعد لان تعبت كل اسبوع اروح المشغل فجبته بالبيت اريح واوفر


نبدأ بسم الله
/// طبعا الصور من عمي قوقل

’’’ جهزي أغراضك ..

آلة الشمع + اقراص الشمع..
ضعي من ثلاث إلى اربع من اقراص الشمع في الآلة او الكميه الي تحتاجينها لما يميع
ثم ضعي الحرارة على الوسط علشان مايجمد الشمع



هذه صورته نوع من انواع الآله الي استخدمها نفس التصميم بس الشكل شوي يختلف
اصلا في اشكال بس انا استخدم الاشكال الدائريه اريح واسهل واخف



هذه صورته اقراص الشمع

نبدآ الخطوات ..

قبل سمي بسم الله الرحمن الرحيم اذا بتشيلي بدورة المياه اكرمكم الله اذكري دعاء قبل الدخول فقط للتذكير

1- عقمي يدينك وهذه من اهم الاسباب للبثور والجروح الاسكنول (الشفاف)
ليش قلت الشفاف افضل.. لاني ماجربت غيره وهو اخف بكثير من النوعيات الثانيه
لان لو قلت ليمون مايصلح لان المكان بيكون متحسس
مهم جدا ذي الخطوة :: لان التعقيم ضروري قبل العمليه وبعد الانتهاء ,,
وإذا الشعر طويل قصيه بمقص نظيف ومعقم ايضا



هذه صورته واتوقع الكل يعرف .. ناخذ بقطنه شوي من الاسكنول ونمسح المنطقه

نقطه مهمه :: لكل جزء قطنه لحال منها منع انتقال البكتريا والاوساخ
المنطقه العلويه لها قطنه لحالها نضفيها وتخلصي منها ثم الوسطى لها قطنه وتخلصي منها ثم السفليه وهكذا

ضروري هذه النقطه لان الجروح والبثور المقززه سببها البكتريا تسربت داخل الجلد لان ماقمتي بعمليه تنظئف قبل وليديك بعد

2- انا ماستخدم مخدر ولله الحمد لان تعودت والشمع اصلا يجنن ماشاء الله سهل وخفيف ومايتعبك مثل الحلاوه ساعه تراضيها تمشي معك
واحلى مافيها ان اذا شفتي شعره طالعه سخني الشمع وعلطول شيليها وبكذا متحتاجين مخدر

انا باول العمليه كنت استخدم مخدر بخاخ موضعي نسبة 10 بالمئه
وهذا صوره لكريم مخدر موضعي كريم إملا (بإمانه انا ماستخدمته لذا ابرئ ذمتي امام الله ) لكن شفت بنات يمدحونه سوي بحث واسالي صيدلي ..



لما تضعين المخدر انتظري من خمسه لي 10 وبقولكم (ماراح يخدر مره راح تحسي لكن افضل من قبل )

3- اعواد الخشب الخاصه للشمع::
افضلها من ان تشيلي باصبعك واسرع وانظف من يديك

نقطه مهمة :: انتبهي لحراره الشمع وانفخيها لتبرد بس مو مره لزم يكون سايل علشان يشيل
ثم شيلي باي منطقه تبدين
من تحت لفوق انتظري ثلاث ثواني ثم بخفه وبسرعه وراح تلاحظي كيف روعه وكيف الشعر ينشال بسرعه ولايتقطع مثل الحلاوه وراح تلاحظي سرعه الوقت اكثر من الحلاوة
ولازم يكون يدك منخفض مو مرتفع او موازي بزاويه حاده ماعرفت اشرح علشان تشيلي بسرعه لازم يكون يدك منخفض على مستوى الشمع علشان لايتقطع وينشال بسرعه


هذه صورته

ونقطه مهمه.. مثل الاسكنول لاتنتقلين من اي جزء من الاجزاء الي ذكرتها الا لما تغيرين الخشبه لوحده جديده لو مثلا وحده بداته من تحت وبنفس الخشبه حول المنطقه الخاصه بتنتقل البكتريا والخ اعزكم الله انتبهوا

4- لما تحفين راح يبقى طبعا اجزاء من الشمع لسهوله التخلص منها
جيبي قطعه حلاوه مثل اللبانه (العلكه ) بحجمها وابدي نظفي تنظيف نهائي وشيلي الشمع وحفي كويس وبسرعه

نظفي بقطنه اسكنول بس اذا تحسسي بلاش منها
والبسي ملابس داخلية قطني وابعدي عن النايلون تسبب حساسيه
ولاتضعي اي خلطات لان الجلد لسه حساس

وبكذا تتمتعين بنظافه وسرعه وراحه
الشمع روعه وانصح فيه للمرة الثانيه للمتزوجات لان اسرع من الحلاوه تنتظري بقيه الشعر يخرج لا بس الشمع سخني الاله ثم بثواني سواء باصبعك او بالخشبه اقلعي الشعر اول باول طارديه وراح تلاحظي مع الايام بيقل وماراح تستخدمي المخدر



بالنسة للاسعار ماتذكربالضبط
آلة الشمع بس موغالي تقريبا حدود الميتين او المائه وشوي
اعواد الخشب ب 7 ريال او 10 ماتذكر تجيك مجموعه كبيره
اقراص الشمع ب 30 او 25

تحصلونه بأماكن بيع مستلزمات المشاغل انا اشريه من سوق الخليج بالرياض
من (دار المشاغل )

ملاحظة
يمكن ماينفع معك وينفع مع ثانيه كالعاده كل واحد وإلي يناسبه وانا ذكرت إلي يناسبني

... وبكذا خلص المووضوع ...

بالتوفيق للجميع ولاتنسوني من الدعوات الطيبه يالوجيه الطيبه

>>>>> ردود الأعضـــــــــــــــــــاء على الموضوع <<<<<
==================================


شكرا يا قمر


__________________________________________________ __________


بآرك الله فـيك خـآلـتو تسلمي والله نفعتيني كثير
وفي نتظـآر مواضيعك الرائعة ب قسم العناية بالبشرة {مهجوووور }
و تقبلي ودي+مروري+تقيمي


__________________________________________________ __________

موضوع رائع تسلمين حبيبتي


__________________________________________________ __________

رررررااائع بس الي تخاف من الالم وش تسوي وانا جربت الشمع مره. بس عذبت نفسي اهي اهي


__________________________________________________ __________

المشاركة الأصلية كتبت بواسطة Lilymoon
شكرا يا قمر

عفوا ياسكر