عنوان الموضوع : لصاحبات البشرة الدهنية وحب الشباب علاجك هنا باذن الله لبشرة صحية
مقدم من طرف منتديات نساء الجزائر

لصاحبات البشرة الدهنية وحب الشباب علاجك هنا باذن الله



السلام عليكم جميعا..والله انا برضو اعاني من البشرة الدهنية ومن حب الشباب بكثرررة واستخدمت وااايد اشياء والحمدلله كلها نفعتني بس انا مشكلتي اني ماادااوم والله لو اني ادااوم ل صارة بشرتي مثل الزجاج وطبعا حب الشباب ده حالة مزمنة يعني لازم نستحمل بالعلاج والا راح تخرب وجوهنا


المهم..الموضوع مررة طويل بس حيعجبكم

اول شيء صابونة الكركم: طبعا الكركم مرررة مفيد لعلاج اشياء كثيرة ومنها السرطان حمانا الله بامكانكم حتى تبحثو عنه في النت..هادي الصابونة تنشف الدهون والحبوب وتشيلها مع المواظبة وطبعا لانها تنشف ف يستحسن استخدامها مرتين في الغسلة الوحدة عشان لا تقشر وهيا رخيصة ب 3 ريال صناعة هندية بس من جد رهيييييييبة جدا وبرضو تفتح الجسم بس تسبب جفاف




مسحوق الحلبة والترمس مع الليمون: الحلبة تقتل الميكروبات لاحتوائها على مادة الكبريت وتعطي للبشرة نضارة بس هيا ممكن في البداية تطلع الحبوب المدفونة لبرة فيصير وجهك كلو حبوب بس مع المداومة راح تختفي باذن الله
الترمس مبيض وينشط الدورة الدموية لاحتوائه على بروتينات
الليمون وهادا اهم شيء وهوا لازم ندخلو في اي شيء لانو مفعول الليمون اكثر من رائع هوا صح يحرق مررررة في البداية بس مفعولو مررة حلو وع قولة المثل مافي حلاوة من غير نار
الليمون معقم ومنظف ومطهر ومفتح للبشرة الدهنية ويقفل المسامات والله لو تستخدميه كل يوم قبل النوم ترى وجهك حينوور مرة..بس الماسكات دي تسويها في نص اليوم عادي لكن الليمون لوحده قبل النوم مررة حلو او ممكن تعطيه ساعة في اليوم او نص ساعة لانه فعاال جدا بس لازم تنتبهي لانو في ناس ماينفع معاهم ويطلعلهم حبوب بس الاغلبية يكون كويس بس هوا يحرررررررق مررة بس بعدين لمن البشرة تتعود حيكون عادي


مسحوق الحبة السوداء(حبة البركة) مع زيت الزيتون والليمون وانا اسميها الخلطة النبوية لانها باذن الله حتشيل الحبوب وفي اقرب وقت وانا جربتها ومن اول مرة لاحظت التغيير وطبعا مع المداومة حتنبهري اكثر

دي من جد كوييييييييييسة لانه الحبة السوداء دواء لكل داء الا السأم وزيت الزيتون الرسول صلى الله عليه وسلم وصى بيه في دهن الجلد والشعر والليمون زي ماذكرت


نجي لمنقوع المر الحجازي: هوا يعتبر مضاد حيوي طبيعي ويستخدم لعلاج الجروح الملتهبة وايضا فعال لحب الشباب واثاره..تجيبي المر الحجازي من العطار وتحطيه في قارورة موية ابو ريال دي وتنقعيه فيه لحد ما اللون يتعكر وتغسلي بيه وجهك يعني ممكن بين صلاة الظهر والعصر لانو يكون في زي 3 ساعات وكده يعني او قبل النوم زماتحبي..بس هوا من جد كويس جدا..ووممكن بعد ماتستخدمي الاشياء الي قلتها فوووق تستخدميه هوا دائما عشان تحافظي على البشرة ولانه سهل ومايتعب يادوب غسلة وجه بس



واخيرا لازالة الاثار..مسحوق الردة(النخالة) مع زيت اللوز المر او منقوع المر الحجازي وايضا ممكن زيت اللوز المر بس هوا في بداية الامر ممكن يسمر بس لانه يشيل الطبقة الميتة وياخد وقت طويييل مع المداومة عليه
وطين البحر الميت او الطمى المغربي فعااال للغاية لانه يشيل الدهون ويطفي الحبوب ومعرووف عنه كتيير ويشيل خلايا البشرة الميتة


هادي الاشياء الطبييعية وياريت تجربوها لاني كلها جربتها والحمدلله نفعت معي وهيا لو مانفعت ماحتضر وممكن تخصصي لكل خلطة اسبوعين وتشوفي النتيجة صدقوني ماراح تندمو ابدا باذن الله


العلاجات الطبية:
كريم اكريتين او كريم ريتين A فعااالة لحالات حب الشباب المستعصي لانه يقشر بس ما تخرجي في الشمس الا وانتي حاطة واقي

وكريم بنزويل بروكسيد برضو كويس جدا ولوشن ريكسول برضو كويس جدا لانه فيه سالسيلك اسيد حمض الفواكه وده مهم جدا لو تلاحظو في تقشير كرستالي يكون فيه حمض الفواكه ده لانه كويس بس لا تداومو عليه كتيير
وفي محلول كليندامايسين ده برضو كويس جدا لانه مضاد حيوي سائل

وابتعدو عن المرطبات لانه اصلا البشرة الدهنية لوحدها مرطبة ماهي محتاجة
وطبعا اكبر عدو للبشرة الدهنية هيا الشمس انا طبعا لاني اتعرض لشمس الظهيرة ودي اسوا وقت بس نعمل ايه الجامعة والتعب انا استخدم واقي من لوريال ب 45 ريال مرة كويس وممكن تعمليه ككريم اساس وطبعا الواقي مايحافظ على اللون بس يحافظ على الجلد..والبشرة محتاجة برضو لشمس الصباح..ومن المشاكل الي ممكن تتطلع حبوب السهر السهر اكبر عدو للبشرة عامة لانه الجلد بتجدد وانتي نايمة بليل
وطبعا في حالات حب الشباب الي تكون مرررة ميئوس منها في دي الحالة تروحي لصيدلي او طبيب جلدية عشان يوصفلك مضاد حيوي تبلعيه وبعدين تبداي بالكريمات


في الاخير في دكتورة كبيرة اسمها ليليان خان في الفيس بوك هيا اخصائية جلدية وعندها شهادات من كندا وكده يعني شيء واو وعيادتها بجدة بامكانكم تتصلو عليها انا لسا ما رحت عليها بس لمن دخلت على صفحتها مررررة فااااهمة وشكلها بتنفعنا ان شاءالله
هادا اسمها عالفيس بوك
Dr. Lillian Khan Dermatologist


معليييييييييش طولت عليكم بس حبيت افيدكم وامانة عليكم تدعولي بالنجاح في الجامعة

>>>>> ردود الأعضـــــــــــــــــــاء على الموضوع <<<<<
==================================


مشكووووووووووووووورة
يعطيك العافية


__________________________________________________ __________

مشكووووووووووووووورة
يعطيك العافية


__________________________________________________ __________

شكرا لك أختي العزيزة


__________________________________________________ __________

سلمت اناملكي عزيزتي


__________________________________________________ __________

سلمت اناملكي عزيزتي