عنوان الموضوع : يازين الدفــــا -همس القوافي
مقدم من طرف منتديات نساء الجزائر

يازين الدفــــا



رسالة لايهم أن تصل إلى الشتاء بقدْر مايهمّني أن تصل إلى قلوبكم
=================================================



لا يالشـتا .. ويش آخـرة هالحاله؟ الله مبـْردك
العـام هـذا كـنّ بـردك زاد .. ويقولـوا: دفا


مـدري أنا اللي صحْ؟ ولاّ هُـم؟ لكـن أوعـدك
إني إذا حـلّ المسـا بغْـفي .. وانا اللي ماغفا


منذ احتلال الحب لاحساسي وانا اللي عـوّدك
أسهر .. ولي مصباح من عشتك ونوره ماطفا


هالحين .. ماعِدني على خُبرك هـذاني برقدك
تصبح على خير.. وتفقّـدني.. وصوّت لي: أفا


يمكن تصحّيني .. ويمكن لأ .. ويمكن أفقـدك
أو يمكن اتشبّـث بذكرى جرح واصرخ لك: كفا


ماعاد لي رغبه أعيش امسك وافكّـر في غـدك
رزنامة ايّـامك عـذاب .. ومابها ساعة صفا


شِفني أقـاوم زمهريرك وارتمـي في موقـدك
النار تحـرق .. بس بعض احيان لسْـعتها شفا


بردان انا .. والشعـر ماعاده على حطّـة يدك
نفس القصايد.. والسبب فـ"المُـلهم" اللي إختفا



ليته خذاني .. كان ماجيت ارتجف واستنـجدك
والاّ خذاك احسن .. ولاَ البرد بضلوعي إحتفا


إشتقت له .. تكفى جِـبَهْ ذا الليل وابشر بسْـعدك
يبقى على مرّ الحنين .. اعزّ واغلى من لفا


وإنْ مارجع ويّـاك فاعذرني .. تراني بنـقدك
واقلبْـك من فصل الرومنسية إلى فصل الجفا


لصار مالي حظ فيك ادفـى .. يجوز استبعـدك
عندي ثلاث فصول تغْـنيني .. وعنْك الله عفا


إرحل .. ولا ترجع مثل ما اليوم جيت بمُـفْردك
إنْ كان لك عوده .. تعال وجِبْ لي احباب ووفا


وبيومها .. لو يشتكون الناس وقالوا: مبْـردك
ضمّيت صدر اللي أحب .. وقلت: يازين الدفا
شموخ الغامدي تتمنى لكم شتاء ممطراًدافء الإحساس

>>>>> ردود الأعضـــــــــــــــــــاء على الموضوع <<<<<
==================================


ولك أحلى من ذلك ’ شموخ ’

صح كلك على الاختيار الدافيْ

وانحناءة غيمة جنوبية شكراً لذاتك ..~

***


__________________________________________________ __________



ابدااااع ماننحرم من جديدك


__________________________________________________ __________

يعطيك العافيه ..يسسلمووو...


__________________________________________________ __________

روعه يعطيك العافيـــــــــــــــــــــــه ،،، تقبلي مروري


__________________________________________________ __________

يعطيك العافيه