في [ بلاد الحلم ].. ممنوع العقال ..،، / رائعه -همس القوافي
عنوان الموضوع : في [ بلاد الحلم ].. ممنوع العقال ..،، / رائعه -همس القوافي
مقدم من طرف منتديات نساء الجزائر
في [ بلاد الحلم ].. ممنوع العقال ..،، / رائعه
.,, ,,
عجبتني حيل ونقلتها لكم ../
جاني واحد قال : بسأل كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حِطَّهَا .. بشطرٍ صغير
قال نبدي : شنهو تعريف المُحال..؟
قلت : خَل هالكلمه فـ البيت الأخيـر ..!
القهــر : إن شفت دمعـات الرجال
و الوطن : ( إنسان ) .. مِتغيِّر كثير
و الطفل : لعبه على شاطـي الرمال
و الأمل : إحساس في عين الضرير
الوفا : [ قلبين ] .. يجمَعهُم حلال
و الرَجُل : اللـي علـى أهلـه يغير
و الرجا : لا قلت : للواطـي تعال
و الفشل : مدري .. ولكنـه مرير
و الشعر : في وقتنا .. بدر و طلال
زين أوَّل : حيـل يعجبنـي جرير ..!
و الغلا : إحساس إلى حَـد الخيال
و العِشِق : لا شفت مَعشُوقِك تطير
و الجفا : إعكس مفاهيم / الوصال
و الوَصِل : يعنـي تأكَّـد فيك خير
و العقل : تِسْفَـه أقاويـل الجهال
و الجهل : إن قلت عن نفسك كبير
و الخطر : لا صار ما عندك مجال
و البلا : إن صرت معدوم الضمير
و العجب : لا صرت تسأل منهو قال
و التعب : إن كنت تِبْحَثْ عن مصير
الغنى : بالنفس ما هو راس مال
و الفقر : من كان .. بـ أعماله فقير
يكفي يكفي .. أسئله إنهي الجدال
ويـ الله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير
جات طعنـه مِن جنوبك والشمال
يعني وضعِك بين مِن حُولك خطير
صاحبـي وإن ضاقت بعينك ليال
لك فرشت القلب مفروش الحرير
في [ بلاد الحلم ].. ممنوع العقال
والمصيبه الشعب ما إختار الأمير
وما ألومك .. كان شدِّيت الرحال
دام بيتك جرح / وفراشك حصير
هذا تعريفي إلى كلمة : مُحَال
شيء ودِّك فيه ولا يمكن يصير .!
مما راق لي ../
>>>>> ردود الأعضـــــــــــــــــــاء على الموضوع <<<<<
==================================
راااااااااااااائع ما نقلتيه
يسلمووووووووووووووو
__________________________________________________ __________
كلمات رااائعة وقوية في الصميم
يعطيك العافية ’ تقبلي تحياتي
__________________________________________________ __________
،، / ،،
يسلمو ع المرور
__________________________________________________ __________
ماننحرم منك.....
__________________________________________________ __________
،، / ،،
الاروع مروركـ ..
كم سعدت به
رد مع اقتباس
