عنوان الموضوع : مواقف طريفه -للتسلية
مقدم من طرف منتديات نساء الجزائر

مواقف طريفه



السلام عليكم هذي اول مشاركه لي هنا واتمنى تعجبكم والله الله في الردود..............


1/ وحده من الحريم ملت من الروتين اليومي في حياتها وحبت انها تسوي مفاجئه لزوجهابسهره رومنسيه ...المهم قامت واطلبت الكيكه من الدبلوماسي والعصيرات وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو لهم ......المهم جاء الزوج من الاستراحه وريحته تفاوح دخاخين واستقبلته ودخلته للمجلس وقصت له من الكيكه وصبت له من العصير...المهم يوم بلع وخلص قالها الحين وراك مجلستنا بالظلام حشى كأننا بقبر..تقول هي انها بلعتها وسكتت منب مخربه السهره...قام وكمل ذا الماصل وقالها الحين وراك طالبه حجم كبير من الكيكه كان طلبتي حجم صغير وشوله الاسراف يالله روحي قومي البزارين ياكلون منها عشان ماتكب...عاد هي حامت كبدها منه وطفسته وزعلت عليه.......تدرون المفروض انها تحط له خبز وفول ويخب عليه هذا مهب وجه تدليع(جعله الضربه ذا البخيل)






2/هذي وحده من البنات توها متزوجه وحابه تسوي حركه لزوجها ...قامت وتزينت وتجهزت وحطت الاضاءه هاديه وشغلت الدخان الصناعي وانتظرته لحد ماشرف...المهم يوم دخل ويشوف الدنيا شبه مظلمه والدخاخين حاجبه الرؤيه قام يركض للصاله وجلس يناديهاوهي ساكته ماترد عليه تتغلى عليه(على بالها حركه ماتدري مسيكينه انها بتروح في خبر كان)عاد هو طار للمطبخ وجاب جيك ماء وكبه عليها يحسبها انه مغمى عليها من الدخان عشان كذا ماترد عليه(جاء بيكحلها عماها)....بالله وش تتخيلون موقفها؟؟؟...المفروض انها صبيت على راسه موية نار..





3 / هذي وحده من البنات تزوجت وراحت للخارج مع زوجها بعثه للدراسه له ولها...المهم شافت ذا الحمران العطران ورمنسيتهم قالت خل اسوي مثلهم ..وخاصة انهم كلهم يدرسون وكل واحد فيهم وقت دراسته تختلف عن الثاني فما فيه وقت للجلسه الهاديه.. فقامت يوم من الايام قبل ماتروح للمعهد قالت خلن افتح نفسه شوي لما يرجع تعبان ويبغى ينام شوي ونثرت على السرير ورود والعطورات الفواحه تفوح في الغرفه ومن ذا الحركات...قالت إذا رجع وشاف الحركات هذي اكيد بيستانس شوي...المهم يوم رجعت من المعهدشافت زوجها نايم في الصاله عاد هي استغربت وراه تارك السرير ما امبطح عليه...ويوم صحى وسألته قال الله يصلحك ناثره لي عشب على السرير وشلون انام عليه(مايميز بين الورود والعشب)....بالله مو المفروض تنثر على السرير تين شوكي عشان يتأدب ذا البايخ.....
.






4/هذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها يعني تغير من جو البيت وروتينه ..وكانوا دائما يسون ذا الحركه وهو وجهه مغسول بمرق كل ماطلعوا يطلب كل مالذ وطاب على حسابها ..عاد هي جتها ام العبيد وقالت انا اوريه عشان يتأدب ويعزمني بدال ما انا أعزمه...قامت وعزمته زي كل مره ويوم خلصوا ماكلين قالت له اكرمك الله ياابو فلان على العشى...عاد هو شرق بالعصير من الروعه , قال لها وشلون يعني؟؟؟قالت له الله يسلمك الفاتوره دفعتها من جيبك اخذت المبلغ من بوكك قبل مانطلع.....تقول عقبها طاح وجهه تأدب وصار يطلعها كل سنه مره(تعب نفسه صراحه)


هههههههههههههههههههههههههههههههههههه:09 8:
اتمنى عجبكم الموضوع بس ترى مو كل التماسيح كذا لا طبعا فيهم الرومنسي الي يذبح من رونسيته

>>>>> ردود الأعضـــــــــــــــــــاء على الموضوع <<<<<
==================================


ههههههههههههههههههههه
يسلموووووووووو


__________________________________________________ __________

كتير حلوين

مشكوره حبيبتي ننتظر جديدك المميز

دمتي بود


__________________________________________________ __________

4/هذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها يعني تغير من جو البيت وروتينه ..وكانوا دائما يسون ذا الحركه وهو وجهه مغسول بمرق كل ماطلعوا يطلب كل مالذ وطاب على حسابها ..عاد هي جتها ام العبيد وقالت انا اوريه عشان يتأدب ويعزمني بدال ما انا أعزمه...قامت وعزمته زي كل مره ويوم خلصوا ماكلين قالت له اكرمك الله ياابو فلان على العشى...عاد هو شرق بالعصير من الروعه , قال لها وشلون يعني؟؟؟قالت له الله يسلمك الفاتوره دفعتها من جيبك اخذت المبلغ من بوكك قبل مانطلع.....تقول عقبها طاح وجهه تأدب وصار يطلعها كل سنه مره(تعب نفسه صراحه)
هههههه



هههههههههههههههههههههههههههههههههههههههههههههههههه ههههالله يسعد قلبك مثل ماسعدتي قلبي


__________________________________________________ __________


__________________________________________________ __________