عنوان الموضوع : شوفو خلف و شفيقة !!! فكاهة
مقدم من طرف منتديات نساء الجزائر

شوفو خلف و شفيقة !!!



خلف فجأة : ولك يا قردة شكلك ناسية إنو مثل هاظ اليوم قبل سنتين كان أول مرة بشوف سنحتك وبنحب بعض ، يعدمني جدوقك شو ناسية؟؟؟!!!


شفيقة: والله جد!! ولك تفو عليك شو بحبك ، بعدك متذكر يا مقلعط؟
(يلعن أبو الرومانسية )


خلف : هووووه ، هو إلي بشوف هالشكل إلي بقطع الرزقة بنساه؟


شفيقة: هاهاههاهاهاهاها يلعن أبوك شو حكياتك حلوين وهاظ إلي معلقني فيك ، تتذكر أول مرة تلاقينا ؟


خلف : هههههههه هو أنا بنسى؟ ،، يوم ما حطيتلك رجل وانتي ماشية مع أمك وقلبتي على بوزك؟


شفيقة: ولك الله يقطعك شو رومانسي ، كيف هيك تجرأت واتخذت هاي الخطوة الجريئة؟ جد أنا بحب الشب المبادر واللي قلبو قوي


خلف: يالله عاد هسه بدك تكبري راسي وتظلك تمدحي فيي؟ انتي كمان بزقتي عليي يومها تتذكري؟ والله ما بنسى بزقتك وهي بتتدلى على وجهي وبتنزل شوي شوي ،، يومها عنجد عرفت إنك بتحبيني ..

شفيقة: آه والله يا خلوفتي أنا ما بزقت عليك إلا لأني بحبك
(يضرب الحب شو بذل )


خلف : يا قلبي انتي ...


شفيقة: حياتي انتا...

خلف: طيب تتذكري يوم ما اقترحت علي إنو نتباطح وإلي ببطح الثاني 3 مرات هو الي بنام عالارض ، والفايز بنام عالتخت ، يالله يومها شو انبسطت بس صحيت ثاني يوم مكسرة عظامي من النومة عالأرض


شفيقة: ما هو يا خلف أنا بطحتك 5 مرات


خلف : لا والله بس بطحتيني عالارض 4 مرات ،، آخر وحدة مش محسوبة.

شفيقة: كيف مش محسوبة بطحتك المرة الخامسة لما دعست على رقبتك ناسي؟


خلف : هو هووو علينا خلص مو مشكلة يا ستي بطحتيني خمس مرات ... هسه ما تظيعي علينا الاحتفال بهاي الليلة إلي ما بتتعوض .


شفيقة: والله معك حق ، خلص شو رأيك أنا اليوم رح أخليها ليلة رومانسية بشكل

خلف : شو رح تعملي؟


شفيقة: انت ما عليك بس حظّر الشمع واشعله وسكر الظواو وهسه باجي .



وما إن اشتعل الشمع ، إلا وخرجت شفيقة من المطبخ حاملة صحن كبييييييير مجدرة ،،

فإنغمرت عيون خلف بالدموع فرحا ، حمد ربه ووعد شفيقة بأن يبقى مخلصا لها ...

فما كان من شفقية إلا أن طلبت منه بوسة ،، فلما لف لها خده عضت أذنه فضحك ،،وضحكت،،

وبقيو على الطاولة يأكلون المجدرة لآخر الليل ،، ويقال أنهم إلى الآن بيوكلوا بالمجدرة


ما تنسوني بالردود

>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________