عنوان الموضوع : تعالو وادمنو شوربتي
مقدم من طرف منتديات نساء الجزائر

تعالو وادمنو شوربتي




السلام عليكم ورحمة الله وبركاته


علمتني امي الغاليه ع طريقة في شوربة الخضار دايمن الكل يسألني عنها ويحبونها حيل وحيل مفيده ولذيذه جربوها ماراح تدمنون حاولت احط صوره لكن مادري ليش موراضي عموما نبدا:


المقادير:

- لحم مفروم حسب الرغبه ويكون لحم غنم سواء طازج او مثلج .
- 2 راس بصل متوسط الحجم مفروم ناعم .
- نص راس ثوم مهروس.
- عدد 4-5 كوسا مقطع مكعبات وسط مو كبيره حفاظ ع الشكل بالنهايه .
- 1 بطاطا كبيره مقطعه مكعبات نفس الطريقة
- 2 طماطم مقطع مكعبات
- 2 جزر مقطع مكعبات
- شدة بقدونس مفرومه
- شوفان الشايب
- 2 كيس شوربة ماجي شعيريه
- لومي اصفر + بهار مشكل لونه فاتح +ملح + 2 عود دارسين + 1 كرتون ماجي الي فيه حبتين



الطريقة :

اولا بقول شغله لاحظت ناس واجد يغسلون اللحم بالماي وهذا اكبر غلط لاحظو يصير لونه ابيض ويروح طعمه ويصير مو حلو

نبدا

- جدر انحط فيه اللحم ونحركه لين ما يتبخر الماي الي فيه ويروح
- انضيف البصل والثوم ونحرك
- انضيف اول شي اعواد الدارسين عشان تشيل زنخة اللحم واذا ماتبين اعواد تقدرين اتحطين دارسين بودره بس ماتكثرين عشان ما تصير الشوربه سودة
- انحط شويه دهن ونحرك
- انضيف اكياس شوربة ماجي شعيريه ونحرك
- وانضيف شوفان الشايب صراحه انا اقدر بأيدي احط مرتين كمشتين من ايدي .
- وبعدين احط كل خضرواتي ما عدا البقدونس واحرك
- بعدها احط لترين ماي بس واحرك واحط اللومي لاتنسونه
- واحط الماجي مكعبات واحرك واخليها لين ما تنضج
- وبالاخير لما تقدمينها حطي البقدونس ع الوجه وبس

وبالعافيه جربوها وقولولي


>>>>> ردود الأعضـــــــــــــــــــاء على الموضوع <<<<<
==================================


يعطيك العافية


__________________________________________________ __________

الله يعافيج ياقلبي


__________________________________________________ __________

روووعه احب شوربه الخضار تسسلمين حبيبتي


بانتظار جديدك


__________________________________________________ __________

مرورج الاروع حبيبتي


__________________________________________________ __________

لازم ينغسل اللحم علشان نتخلص من الدم الي فيه مو صح؟

تسلم ايدك