عنوان الموضوع : الغريبة الناعمة من مطبخ الشيف مونى بالصور -للعيد
مقدم من طرف منتديات نساء الجزائر

الغريبة الناعمة من مطبخ الشيف مونى بالصور



السلام عليكم ورحمة الله
كل سنة وانتو طيبين
المكونات:
3 كوب دقيق
2 كوب سمنة بلدى(استخدمت سمنة الحلوب وبتكون فى حرارة الغرفة ولو طالعة من التلاجة بردو ممكن نشتغل بيها مفيش مشاكل)
كوب سكر بودرة
وللتزيين:
لولى فضى
الطريقة:
فى اناء هنحط السمنة والسكر بودرة

وهنضربهم بالمضرب الكهربائى لمدة 5 دقايق او اكتر لغاية مايدوب السكر فى السمنة والسمنة يبقى لونها ابيض وقوامها كريمى ويتضاعف حجمها

ونضيفلهم الدقيق بالتدريج

ونلم العجينة بايدينا والعجينة لازم تبقى طرية وكتلة واحدة يعنى لو اخدتى قطعة تكوريها ولقتيها اتفرتت منك تبقى العجينة ناشفة وانتى زودتى الدقيق ووقتها لازم تزودلها سمنة عشان تبقى طرية وتتشكل معاكى بسهولة وطبعا الغريبة الصح مفيهاش بيكنج بودر ولا نشا ولا بيض(الطريقة الاورجينال) والاحسن تتعمل بسمنة مش بزبدة عشان تبقى انعم

هنبدأ نشكلها هناخد قطعة نكورها ولازم تفضل فترة فى ايدك ده بيخليها متماسكة لما تدخل الفرن ومتتشققش يعنى تعجنيها فى ايدك
ونرصها فى صينية على ورق خبز ونضغط عليها باللولى الفضى

وندخلها فرن حرارته متوسطة لغاية ماتستوى وهى مش بتقعد كتير فى الفرن لو قعدت كتير هتقرمش ومش هتبقى بالنعومية المطلوبة بس لازم تطلع من الفرن لونها ابيض فهنختبر سواها كل شوية ولما تلاقوا ظهرها بقى لونه وردى زى كده طلعوها من الفرن

وده شكلها بعد ماخرجت من الفرن طعمها احلى من غريبة المحلات ناعمة جدا وبتدوب فى الفم



يارب موضوعى البسيط ده يكون عجبكم

>>>>> ردود الأعضـــــــــــــــــــاء على الموضوع <<<<<
==================================


يسلمو ايديكي


__________________________________________________ __________

ماشاء الله .....يسلمووو الايادي


__________________________________________________ __________


فًـٌـيَ سْمٌإأاءْ الْْـآبـًدإآأعْ حلـًُقتــْْي ❤❤
ولْـآجمل مـًوضـُوعْ طَرحْتــُي ...
ولْـا تحْرُميُنا مــْن تمْــُيًزڪ وإبـُدإآأاعــڪ
ـؤـودًمتًـيْ بًحـْفظُـ منْ الله ورعــآإأيتُهــََـــــ
.
.


__________________________________________________ __________

يعطيكِ العافيه


__________________________________________________ __________

كل الشكر والامتنان على روعهـ بوحـكـ
..