عنوان الموضوع : تورتة بصوص الشيكولاته للمبتدئات من مطبخ الشيف مونى بالصور
مقدم من طرف منتديات نساء الجزائر

تورتة بصوص الشيكولاته للمبتدئات من مطبخ الشيف مونى بالصور



السلام عليكم ورحمة الله
التورته دى طريقته بسيطة جدا وتنفع للمبتدئات ان شاء الله

اول شىء مقادير الكيكة
عملت كيكة الشيكولاته الدسمة
ودى اتعلمتها من صديقة ليا على احد المنتديات
المقادير
2 كوب دقيق ناقصين ملعقتين كبار
2 ملعقة كبيرة كاكاو
كوب زبدة سايحة
نصف كوب لبن
كوب سكر
4 بيضات احمر
فانيليا
ملعقة كبيرة بيكنج بودر

اول حاجة هنضرب الزبدة مع السكر


وبعد كده نضيفلهم البيض واللبن والفانيليا ونضربهم

ونضيفلهم الدقيق والكاكاو والبيكنج بودر ونضربهم

ونحط الخليط فى صينية مدهونة مقاس 24 وممكن مقاس 22


وخبزتها فى فرن البوتاجاز على حرارة هادية لغاية ماستوت

قلبتها على صينية ودخلتها التلاجة لمدة 3 ساعات
وطلعتها حطتها على ورق زبدة
وقسمتها نصفين
وحطيت علامة بالكريم شانتيه عشان لما احشيها اعرف الجزء اللى شلتها منه وتكون متساوية

وبدأت احشيها بالكريم شانتيه

وغطتها كلها بالكريم شانتيه ودخلتها التلاجه عشان تمسك نفسها واقدر ازوقها
وبدأت اعمل صوص الشيكولاته واللى مقاديره

اربع ملاعق كبيرة كاكاو خام
نصف كوب سكر
قطعة زبدة
كوب لبن
ملعقتين صغيرين جيلاتين بودرة
اول حاجة هحط الزبدة والسكر والكاكاو مع بعض

هقلبهم على النار واضيفلهم اللبن واقلبهم كويس عشان لو فيه اى كلاكيع تتفك
واسيبهم يغلو
وادوب الجيلاتين فى حوالى معلقتين ميه مغليه وانزلهم على الصوص واقلبهم واطفى النار

طلعت الكيكة من التلاجة وابتديت ازوقها
حطيت فارمسيل فى الجنب وعملت وردات كريم شانتيه من فوق
وحطيت فى النص صوص الشيكولاته بس طبعا صفيته
بس لازم تكونى مقفلة بوردات الكريم شانتيه كويس عشان الصوص ميعديش منهم وينزل على الفارمسيل
وبالنسبة لطريقة الكريم شانتيه
بجيب كريم شانتيه خام من محل خامات الحلوانى
لكل كوب كريم شانتيه بودرة كوب الا ربع لبن مثلج او ماء مثلج وسكر بودرة حسب الرغبة
وده بقى شكلها




يارب تكون عجبتكم
ولاتنسونى فى دعائكم

>>>>> ردود الأعضـــــــــــــــــــاء على الموضوع <<<<<
==================================


تسلم دياتك ياموني


روعه وحلوة طريقة وفي نفس العائله



ربي يسعدك


__________________________________________________ __________

تسلم يدك يَ عسل *


__________________________________________________ __________

أختى الشيف مونى نتمنى منك ان تكتبى اسم المنتدى على صور
اخر مرة اكتبها لك لانك لم تستجيبى من كل الكلام السابق
و سوف تنقل المواضيع للمنقول
اتمنى منك ان تهتمى دمتى بود


__________________________________________________ __________

ما شاء الله وتبارك الرحمن شو هاالحلاوة ؟

تسلم ايدك حبيبتي


__________________________________________________ __________

تسلم ايديكي ياحق عجبتني كتير