عنوان الموضوع : زوجي والهياط الدائم
مقدم من طرف منتديات نساء الجزائر

زوجي والهياط الدائم






اهل زوجي عندي من 10ايام تقريبا لان اخته طالعه من النفاس وبتغير جو "السالفه ان من اول ماجو وزوجي يهايط يعني يسوي شخصيه وعلى باله عصبي ومايحب اللف والدوران وكل ماشافني لازم يطلب شي بس قدام اهله يطلبه ب سي خصيه قويه مع اني احس ماله داعي وغير كذا مفشلني مايجيب طلبات البيت على طول لازم ازن عليه وليته ينفع واحيانا يطلع ويرجع يقول نسيت الاغراض والزباله مكومه بالمطبخه اقوله نزلها ريحتها فايحه يقول لاطلعت ويطلع وينساها ؟؟؟ازواج خواته يجونا كل يوم يجلسون مع عمي وهو نايم والله يفشلني بهالطريقه وكل ماطلبو شي للعشاء اقولهم مافيه اغراض ولازم ينقص شي لدرجه صارو يطلبون الغداء كبسه والعشاء من برا خفايف واذا خلصت شغلي وغسيل قال لاهله تبون شي تاكلونه مع انهم توهم ماكلين علشان لاجلس يبيني طول اليوم بالمطبخ حتى ملابسهم اغسلها ماعندهم شامبو ولا مناشف كلها ياخذونها من عندي حتى كريمات خاصه فيني نسائيه يتدهنون فيها مع انها مو للجسم ماخذين راحتهم ع الاخر كل شي عندي بشقتي لازم يشاركوني فيه بس ماتزصل انها ختى المنشفه الخاصه يطلبونها يتنشفون فيها وابوه دايم يعلق على شقتنا هذا خربان هذا يبي له تصليح يدور اي شي علشان يتكلم حتى الكنب يدور تحته اي اوساخ علشان يعلق عليها والله جتني كابه ومعد اتكلم معاهم اذا اجتمعو ومره امه تبي خضار من برا وجبنا شي ماتبيه وانا مادري شنو تبي لانها قايله لولدها يوم رجعنا جلسو يضحكون لانه جاب شي شبيه بالي يبونه بس مو هو قالت اهم اصلا انت وزوجتك اغبيا انا طالعتها وماعلقت ولا ضحكت حتى هي حست وسكتتوهو يضحك عادي بس قهرتني الكلمه مافيه اسلوب ****على فكره الولد والام والابو نفس الطينه يحبون الهياط يعني لاجاو يسوون شي يضحك يجلسون يطالعوني يشوفون انا انتبهت ولا لا ويعلقون على هالشي كل شوي يسوونه امشاءالله فهمتو

>>>>> ردود الأعضـــــــــــــــــــاء على الموضوع <<<<<
==================================


ما دامها فترة مؤقتة استحملي وبعينك الله
وبالنسبة لزوجك احكيلوا مثلا خد الزبالة وبلاش تخلي حماتي تتكلم علي انا مش ناقصة
ونفس الكلام احكيله ياه لما ما يجيب طلبات البيت احكيله يعني أحسن الحين امك تصير تحكي علي انا
والله يعينك ويوفقك وينقلعوا على دارهم


__________________________________________________ __________

حبيبتي نفس المشكله انا فيها بس بشكل ثاني انا ام زوجي عايشه في جده مع ولدها الكبير شغله هناك اول زواجي كنت استغرب امه ليش حريم اخوانه ما يحبونها ودايما تتشكى منهم عند زوجي وعندي وكنت اقول لزوجي امك تجنن ما ادري ليش حريم اخوانك ما يحبوها كانت علاقتي فيها بحكم اننا في الرياض وهم في جده مقابلات سريعه وتلفون وانا جدا حنونه عليها جت عندي في الرياض اول ثلاث ايام عدت عادي بعدين بدت تعمل حركات لئيمه مثلا اذا زوجي رجع من الشغل اطلع انا وهو فوق بعد ما نغدى معاها ويقعد معاها ونقعد انا وهو يريح شوي بعدين نتابع لنا موفي ولا شي المهم نطول شوي بعدين ننزل عندها ابو ساعتين ونطلع يقعد شوي وننام وايام زوجي يرجع من الشغل يريح ولما يصحى يطلع وانا اقعد معاها الاقيها ساكته احاكيها ترد على قد الكلام يرجع زوجي تحسسه انها زعلانه واننا تاركينها لحالها طيب انا وزوجي كمان تعودنا على خصوصيه معينه زوجي معد يقعد معاي لحالنا يرجع من الدوام يريح وينزلها غرفتنا للنوم بس مجلسنا حق كل يوم معد نقعد فيه طول اليوم عندها وهي حاطتلنا على الاخبار ماتبي احد يغير ((ساعات اشك اننا قاعده تهيئ نفسها لرئاسة الوزراء) طبعا تحريشها كله من تحت لتحت او ترميلي كلام قدامه تحسسه انها متضايقه مني عشان يحس اني مقصره معاها من جد انصدمت فيها واقتنعت ان الانسان اذا كان بعيد يكون حبيب وكل ما قرب تقرب المشاكل اعملي مثلي انا قررت اعصر على نفسي ليمونه لين تروح عند ولدها الكبير وارتاح وزوجك مثل ماقالت لك الاخت قوليله خذ الاشياء ما ابي اهلك يزعلوا مني انا احبهم وابيهم يفضلوا يحبوني انتبهي تحسسيه انك طفشانه منهم وبالنسبه لموضوع الهياط قلتيلي اهله كذا فهو تعود يكون كذا لازم تغيريله افكاره في مقوله لمارغريت تاتشر رئيسة وزراء بريطانيا السابقه ان الافكار تتحول لافعال والافعال تتحول لعادات والعاداة تتحول لشخصيتنا وشخصيتنا هي مستقبلنا لذلك انتي غيري افكار زوجك عشان يغير افعاله وتتحول عنده لعاده جديده تغير شخصيته ..
قوليله حبيبي اهم صفه في الزواج التقدير والاحترام بين الزوجين انا احترمك وانت تحترمني اذا بغيت مني شي اطلبه مني بحنان وانا من عيوني اعملك اللي تبيه انتي احرجتني كثير قدام اهلي وصدقني الرجل لما يعامل المراه باحترام وحنان هذا الشي يرفع من رجولته ويزيدها ما ينقصها بس انتبهي تكوني مهاجمه او تحكي بعصبيه بكل حنان


__________________________________________________ __________

الله يعينك ويفرج همك ، طولي بالك عليهم فترة وبتعدي ان شاء الله


__________________________________________________ __________

طولي باللك حبيبتي
فترة و تروح
بس انا لا تخلي لهم سبب يخليهم يقولوا عليك شي يقهرك


__________________________________________________ __________

طولي باللك حبيبتي ان شاء الله تفرج