عنوان الموضوع : بجد لو مش حد لحقنى انا ممكن اعمل حاجه فى حياة اسرية
مقدم من طرف منتديات نساء الجزائر

بجد لو مش حد لحقنى انا ممكن اعمل حاجه فى






انا متزوجه من 4سنين وكان عندى مشكله فى الحمل المهم روحت للدكاتره من اول سنه فى الزواج وكنت باخد منشطات المهم ربنا رزقنى فى السنه التالته من الزواج وكنت المد لله حامل فى تئؤام المهم من اول يوم فى الحمل وانا بموت الشهر الاول تعبت قوى وبعد كده اكتشفت انى حامل فى تؤام 5 وانا بطنى صغيره وجسمى قليل المهم الدكتور قرر يعملى عمليه انزل بيها اجنه عشان انا ممكن يحصلى حاجه لقدر الله والاطفال كلهم اخسرهم المهم تانى شهر فى الحمل عملت العمليه وفضل عندى تؤام واحد بس المهم جه الشهر التالت والدكتور قالى لازم نعمل ربط ومابلكوا بالربط موت موت المهم عملتوا والحمدلله كان عندى مشاكل شويه بعدها دم كتير كان بينزل عليا والحمد للله ربنا بيسطر اوكى بعد المشاكل دى كلها وكل اللى حصل ده جوزى كان بيسبى طول اليوم لوحدى وانا كنت بفضل اقعد فى بيتى عشان الواحد مش بيرتاح غير فى بيته المهم كانت بتحصل مشاكل كتيره بينى وبينه بسبب عدم الاهتمام يعنى اول بيبى ومصدقنه ان ربنا رزقنا المفروض انه يوقف جامبى بذات انى تعبت المهم المشاكل ادت انه كان بيمد ايده عليا ويضربنى وانا حامل كل ده عشان كنت بكلمه فى حاجتين ولو انتى شايفن انى غلطانه اساله رودى عليه السهر الكتير وانا قعده لوحده وانى كنت يلاقى معاه سورى حشيش ودى كانت اكبر صدمه فى حياتى واللى عمرى مكنت اتصورها انا لما اخترت جوزى اه كنت عارفه ان هو بتاع بنات ولف كتير وزيه زى اى شاب لف وار بس قولت الجواز اكيد هيديه وانا مش هخليه يبص بره لكن مكنتش اعرف انه كده المهم الحاجه دى خلتنى اموت ازاى عيالى هيجوا على الدنيا كده وابوهم مستهتر ورمى فلوسه فى القرف ده المهم عشان تعرفوا ادايه انا كنت بعانى كان كل مايضربنى ياخد منى التليفون عشان هوجيبهولى هديه واى فلوس معايا وكان بياخد مفاتيح الشقه والاوراق الخاصه بيه زى عقد الشقه العربيه وكده ومش عارفه ليه عدم الثقه الاوفر ده ولا ده مرض واللهى مش عارفه المهم من كتر المشاكل حصلتلى ولاده مبكره واولد 6شهو و13 يوم فى السابع وطبعا قيصرى المهم اولادى قعدوا فى الحضانه فتره كبيره وفى الفتره دى كان هوطبعا اللى بروح يشوفهم هو وماما واخواتى وقريبى بصراحه مش سبونى لانى مكنتش بقدر امشى بس كان يجى بقى وانا لسه نفسه ويضيقنى العيال دى هتموت والفلوس وبصراحه تعبنى كتر منا كنت بموت وانا اتصرقت وبعيتى دهبى عشان اقدر اصرف على الحضانه وبصصراحه لو بعت كل مااملك عشان عيالى يعيشوا واللهى كنت عملت هوانا ليه اغلى منهم المهم ربنا مارادش ان هما يعيشوا والحمدلله على كل الشئ واللهى ربنا كان ماصبرنى وبصراحه كان نفسيتى تعبانه جدا وفى نفس الوقت ابوهم مكنتش بلقيه واقف جامبى بجد تعبت واللهى تعبت المه اول لا لازم اشوف حياتى وبيتى وجوزى وربنا انشاء االله هيعوضنى واللهى فى اللحظه اللى عرفت فيها ان ابنى التانى بيموت واشوفته واللهى شوفتوا بيطلع فى الروح قدامى رجعنا على البيت واقام سبنى ومشى روح على شقتنا المهم قولت مش لازم اضعف ولازم احافط على الياقى اقمت لخدت تاكسى وروحتله على البيت عشان اعمله اكل مااحنا كنا فى رمضان واكيد صيام ومش اسيبه كده روحت البيت واتصدمت من اللى شوفته روحت لقيتى بيشرب حشيش ومولع التليفزيون والحياه عاديه والكلمه اللى سمعتها انتى ايه اللى جابك برغم من انى بمشى بالعافيه وتعبانه ويتقالى كده بردوا قولت اكيد هومصدوم زى من اللى بيحصل بس فى واحد ايمانه قوى وفى واحد ايمانه ضعيف المهم قولت ربنا يهديه وصبرت وقولت فتره وهتعدى المهم طلعلى بحوار انه عاوز يسيب الشغل عشان وظيفه ومستفدش منها ومكنش لاقى منها فلوس لعيالنا والكلام ده المهم قولتله اللى انتى شايفه واللى يريحك ومرضتش اضغط عليه وقولت ربنا يهديه المهم انا على ال40 قررت انزل شغل عشان نفسيتى كانت بدات تتعب وهو كان طول اليوم نايم وبالليل سهران فى الشارع على القهوه وبصراحه كنت بضايق لانى كنت بنزل من الساعه 11 واجى الساعه 9 اروق واعمل الاكل واتذوق عشانه وعشان مايقولش نزلت شغل واقصرت فى حقه وهو كان بيجى 2او4 الفجر المهم بردوا الفتره دى حصلت فيها مشاكل كتره وجات الاوحش والاوحش ان بعدها كان فى فرح اخويا ولبسه ومتذوقه اخوته الوحيده المهم واللهى طول الفرح هو واخوته واقفين جامبى ولا روحت شمال ولا يمين المهم كان فى واحد صاحب اخويا على كلامه ان هو كان عمال يبصلى وانا واللهى مش شوفت حاجه قولتلى انت شوفت منى تصرف غلط يقولى لا يقوم رادد عليا ويقوولى ده سلم على بابى والعيله المههم بدا يسالنى مين فلان وتعرفيه منين والكلام ده قولته فلان ده صاحب اخويا وكان سعات بيروخ يجيب بابا من المطار مع اخويا وده واللهى كل اللى اعرفه المهم مش صدقنى والمشكله دى وصلت لاهلى وطبعا غلطوه وقوليلى معلشى غيره وكده بس المشكله انه بقى بيشك فيا بجد اصحابه هما هما اصحاب اخويا الكبير فبقى يجبلى واحد واحد ويقولى فلان
ده تعرفيه وفلان وبقى مش بيصدقنى لما قولى فعلا معرفش وكان بيمد ايده وانتوا بقى عارفين احساس الواحده لما تتطلم وتتضرب كمان المهم ان دى بقت حياتى مع تشكيك فى اقرب الناس لينا لو جبت سيرت اخوه واكلمت عنه كويس مثلا يقوم يسالنى وانتى بقى تعرفى اخويا منين وكلام فارغ مافيش واحده تستحمله المه اطلقنا وبعد شهر من الطلاق بدا يجى ويعتذرلى ولاهلى وانا بصراحه بحبه وهو ده اللى خلانى رغم اللى حصل ده كله انى استحمله وبصراحه انه رجعتله رغم انه اهلى كانوارفضين انى ارجع المهم قولت العشره بس لسه لغايه دلوقتى بيشكك فيا ويغلط فيا ويضربى ويشرب كمان اودامى وبجد عوزه حد يحللى المشكله وايه رايكوا ومافيش بنا عيال

>>>>> ردود الأعضـــــــــــــــــــاء على الموضوع <<<<<
==================================


يا إلهي الله يرزقك الصبر تعرفي يا أختي مادام تعبت لاصلاحه وما فيش فايدة علاه ترجعلوا فالبيت المبني ع الشك مهما طال الزمن يوقع عوضك الله خيرا في أبناءك ورزقك صبرا لاينفذأكثير ي من الدعاء والاستغفار والصلاة على الحبيب المصطفى عليه افضل الصلاة والتسليم وعلى اله وصحبه أجمعين عسى الله أن يجعل لك مخرجا ويصلح حالكما الله معك


__________________________________________________ __________

ربنا يعينك يا أختي .زوجك لا أمل من إصلاحه وكون مفيش أولاد بينكم لحد دلوقتي دي حكمة ربنا وربك بيختارلك اﻷفضل .أنا شايفة إنك أعطيتيه حقه وزيادة أقعدي معاه قعدة هادية ورايقة وقوليله يا ابن الحلال وضعنا ده مينفعش وأنا بنت ناس وأعرف اﻷصول وأعرف الحلال والحرام وشكك بيجرحك قبل ما يجرحني .وقووا علاقتكم مع ربنا ونضفوا حياتكم وربنا ييسرلكم الخير .بعد كده لو مفيش تحسن وتعديل خلاص إرجعي بيت أهلك أكرم من الشك والإهانة.
بس ليا تعليق بسيط علي حاجة قولتيها ليه يا أختي نرضي بالدنية في نفسنا ودينا يعني لما جه يتقدملك مفيش حاجة إسمها كنت عارفة إنه بتاع بنات وقلت زى كل الشباب لف ودار.لا يا أختي مش كل الشباب لف ودار في شباب طاهر ومحترم وموضوع زى ده يحدده اﻷخلاق والوازع الديني ومقدارهم عند الشخص ودي حاجة تحدد طريقة تعامله معاكي مستقبلا .أنا بقولك الكلام ده علشان اﻷخوات اللي بيقروا مشكلتك ميفتكروش إنها حاجة سهلة إن المتقدم للخطبة يكون بتاع بنات وفي نفس الوقت لو لا قدر الله ربنا قسم ليكي بالإنفصال تختاري بعد كده علي أسس أصلح وأنضف.


__________________________________________________ __________

لاالله الا الله علاه ترجعى حادمري حياتك حا تعيشي مع واحد ليس فيه انسانية حتى تعلمي تهتمي بنفسك بصحتك حتى حدماعوضك عنها انها حياة تجارب مهم نخرج منها سلمين ونبحث لحبنا مش لنحبوا لكي تعيشى وارجورا ربى عوضك خير ان شاء الله مع صبرك وامانك به


__________________________________________________ __________

فعلا حبيبتي ماساة ومعانات خاصة لما لا تجدي نصفك الثاني بجانبك في اعز محنتكي انا من راي إذا هذا طبعه وتفكيره هلا احسن من بعدين يعني بلاش العيشة معه خاصة اذا كانت مبنية على الشك والضرب والشتم اسالك لماذا رجعتيلوا لانك تحبيه وهل الحب يعطيك قيمتك قدام زوجك وعلى اي اساس تصبري وتوسعي خاطرك هل على المعاملة او على العيشة الصعبة اللي انتي فيها .


__________________________________________________ __________

جزاكوا الله خيرا بجد على ردكم عليا وربنا يخليكوا وريحتوا بجد وانا لما قولت انه كان بيكلم بنات وكده انا مش قصدى ان كل الشباب وحشه اكيد فى كل حاجه فيه الوحش والكويس بس انا وجهه نظرى ان حاجه زى دى انا بعد الجواز مقدور عليها انى اصلحه على اساس انى كنت بحبه لكن السهر الشرب الشك الضرب كل دى حاجات اكتشفتها بعد الجواز يعنى مكنتش اعرف انه كدا وانا لو كنت اعرف مكنتش ارتبط بيه اصلا وفعلا الوحده من الاول لازم تختار الشاب على مبادئ وخلق وانه يكون بيصلى وعارف ربنا عشان بتقى الله فى معاملته لزوجته وفعلا ده غلط فى اختيارى بس الحمد لله على كل شئ وانا بجد بشكركوا قوى وبجد ارتحت لكلامكم انا بنت وحيده ومليش اخوات اخد خبرات منهم بس انتوا اقرب اخوات ليا دلوقتى اتكلم معاكوا