الطب الشعبي وما يخص المرأة -لحياة سعيدة

[aksachli]

عنوان الموضوع : الطب الشعبي وما يخص المرأة -لحياة سعيدة
مقدم من طرف منتديات نساء الجزائر

الطب الشعبي وما يخص المرأة






بسم الله الرحمن الرحيم

اخواتي , هذه مواضيع قيمة جدا جدا في الطب الشعبي

للاخت فيافي في منتدى واحة المرأة اتككم معها :



السلام عليكم ورحمة الله وبركاته .. اما بعد
اخواتي ان الذي جعلني اليوم اتطرق لهذا الموضوع لحزني على كثير من النساء
الواتي لا يعلمن عن ادق خصوصياتهن وقد يكون الموضوع حساس ولكنه مهم جداًَوهو كان مميز لنساء العرب الطب النسائي
لقد قرأت في احد المنتديات عن فتاة تسئل طبيب عن خروج هواء وصوت من منطقة المهبل وماهو وما علاجله فلم يعطها اجابه شافية.. ولذلك حزنت لأن عندي الأجابه للأسف انها خربانه..نعم ارحامها خربانه لأسباب صحيه سيئه لم تلتزم بها اثناء فترة الحيض..والحمد لله ان جدتي (الله يرحمها) كانت تعرف بهذه الأمور وقد اخذت عنها الشيء القليل واريد المنفعه للجميع ان شاء الله
ان السيده الخربانه لاتعيش حياة طبيعيه سواء تزوجت او لم تتزوج لأسباب وهي:
علامات الخراب التي تسبب لها الكثير من الإحراج وخاصة في المراحل المتقدمة
ايضا تكون سبب في عدم السعاده الزوجية للمتزوجين وخاصة الأزواج لذلك تجد الزوجه تشعر بنفور الزوج ولا تدري ما السبب
وسوف اضرب لكن امثله : ورد الجوري رائع المنظر والرئحه كريه الطعم ولو اجبرتي على اكله لكرهتيه, الكيوي كريه المنظرلارائحة له ولكن لذيذ الطعم لذلك تحبيه وتنسي شكله ,اما اليوسف افندي حلو المنظر حلو الرائحه حلو المذاق , فالمثال الأول للمرأه النظيفة الجميله ولكن خربانه, الثاني للمرأه القبيحه التي لاتهتم بنفسها لكن (جنان) يعني حلوه من جوا غير خربانه, اما لأخيره فهي الجميلة المظهر والرائحة وممتازه جدا من الداخل
وأن شاء الله الي سوف تتابعني سوف تكون من هذا الصنف

علامات الخراب ماهي:

خروج سوائل بكثرة طوال اليوم تقريبا
بعض الحالات معها رائحة كريهه
بعض الحالات يخرج منها هواء من منطقة المهبل مع صوت محرج
مسببات الخراب كثيرة:
وكلها اثناء فترة الحيض او النفاس او العوار

وان شاء الله تدعون لي ويكون ازواجكن لايفكرون بالزواج ابدا

الآن سوف اصف لكن الرحم السليم والرحم الخربان :
الرحم السليم يكون ناشف متعافي ليس فيه تسلخات او لزوجات ويكونبطانته الداخلية (اي اللحم) متينه وقوية, ومثال عليه خذي قطعة لحم طازجة(غنم او بقر) وانظري اليها وملمسها طبعا قبل غسلها تكون ناشفة وليس فيها لزوجة .
اما الرحم الخربان يكون رخو وبطانته الداخلية مهترئةومثال عليه خذي نفس قطعة اللحم ثم دقيهالترقيقها قليلا ثم ادعكيها بصابون ودعيها لمدة يوم في الثلاجة وانظري ماذا يحل بها؟تكون لزجة ورخوة ومرعبة.
ولذلك نجد ان البنات بعد الزواج يعانين المشاكل ولايدرين ما السبب لان الزوج يكون متضايق من هذا الموضوع ويعتقد انه طبيعي اما اذا كان رجلا عارف فإنها لا تقنعه فيذهب للبديل اما بالزواج او غيره ولذلك نجد ان كثير من النساء العارفات(بالطب النسائي)حتى وإن كانت لاتملك المظهرالحسن والنظافة محبوبه من زوجهالماذا؟؟؟؟؟؟
لأنها تمتعه في الفراش فلا يجد لها بديل حتى انه لايرى عيوبها ولكن ماأجمل ان تهتم المرأةبكل جوانبها وان تسبق كل ذلك الإخلاص لله لأنها تريدان تصون وتعف زوجها وتحافض على صحتها
ولأن نعود للموضوع وسامحوني لأني احب السرد حتى تعم المنفعة

هناك امراض اخرى يصاب بها الرحم اذا لم تهتمي في فترة الحيض والنفاس وهي:

اولا:الفَقرة بكسر الفاء وهي بقاء الدم وتجمده وسده للمبايض ويسبب العقم للأسف وهذا لاتكشفه الأشعة بأنواعها مع تطور العلم ويسبب الآلآم شديدة وقت الحيض, وكثيرا ما سمعنا عن حالات لم تحمل لمدة طويلة وبعد ذلك تكتشف ومن خلال المنظار ان هناك عوار لم يسقط كاملا ثم تيبس في ارحمها, واعرف امرأة لم تحمل لمدة 13 عاموبعد ان اعيها التعب مع رحلات العلاج ذهبت الى امرأة متخصصة بالطب العرب والحمد لله اعطتها دواء فأنزل دم فاسد متجمد بحجم كرة التنس وهذا لايعني ان نهمل المستشفيات بل على العكس نعالج الألتهابات وغيرها ثم نكمل بالعلاج العربي

ثانيا: انقلاب الارحام ويسب العقم والم شديد فترة الحيض وممكن كشفه في بعض الحالات في المستشفى اما المتزوجات فهو يسبب الم شديد عند الجماع

ثالثا: ميلان الارحام اما للخلف اولليسار اولليمين ايضا يسبب عقم اذا ترك ولم يعالج في الوقت المناسب لأن الميلان يلتصق على تلك الوضعية ويسبب الم
عند الجماع مع منطقة الميلان.

ولان لابد انعرف المسببات للخراب والأمراض الأخرى لتجنبها وهي:

اثناء الحيض او النفاس او العوارعليك تجنب الأتي:

الجوع الشديد(يعني رجيم يوقف) او التخمة الزائدة
الأكلات اللزجة مثل المولخية, الباميا,البصل الاخضر,الشمام ,البطيخ
الحوامض خاصه اليمون, لاباس بأكل برتقاله في اليوم ولاكن بعد الشبع
الأيسكريم,الحوامد بشكل عام
تعريض القدمين للماء او المشي حافية على البلاط البارد او الأستحمام بكثرة
او اخذ دش مهبلي وانشاء الله سوف اعطيكن الوسائل البديلة مع المحافظة على النظافة اليومية
المشروبات الغازية
حمل الأشياء الثقيلة او سحبها وهذا لايمنع الحركه والعمل بل على العكس اعملى الأشياء السهله وتحركي لاكن لاتجهدي نفسك فوق طاقتها

الآن العلاج وخطواته بالتفصيل

فترة الحيض

اذا فترة حيضك 6اياماتبعي التالي:الثلاثة الاتام الاولى
اما النفاس فتستخدمها 20 اليوم الاوله
في الصباح سفي مقدار 2ملعقة كبيرة من هذه الخلطة التالية على الريق مع كوب شاهي او حليب وتكون هذهالخلطة مطحونه ( كوب حلب+نص كوب حبة سوداء+فنجان قهوةحبة حلوة+ملعقة كبيره قرنفل)

وان شاء الله سوف اكمل بقية الموضوع مع نظام غذائي كامل يصلح كرجيم ومفيد مع باقي الأدوية الأخري حتي اخر اليوم يعني ماذاتفعلين من الصباح حتي المساء كل فترة الحيض والنفاس
بعد ذلك تتناولين التالي: تمر معبوط(وياليت تكون عجوه) + م.ك. سمن غنم او زبدة يطبخ على النار هادئه لمدة 10 دقائق ثم يضاف إليه حب الرشاد او تستعيضين عنها بعصيدة التمر المحلاة وهي عباره عن( كوب تمر بدون النوى + 4كوب ماء) ثم توضع في الخلاط
وتصفى ويضاف اليها كوب دقيق اسمر ثم توضع على نار هادئة مع التحريك حتى تثخن
مثل الباشميل يستغرق طهيها ساعة تقريباَ ثم تضيفين إليها فلفل اسود ,ممكن تعبينها في علب يلاستيك على كميات وتوضع في الثلاجه وكل ما بغيتي تأكلين تطلعين علبه وتحميها
بعد ذلك بنصف ساعه تقريبا الافطار وهو على رغبتك لكن ابتعدي عن المعلبات
ممكن بعد ساعه اذا جعتي تتقهوين او تشربي شاهي اعشاب وهو مكون من ( ميرميه
+ اعواد شيح+ شوي كمون +شوي حبه سوداء+ شوي حزاة+ سوي قيصوم+ شوي
قشرقهوه+شوي نونخه+شوي دارسين+شوي ينسون)

الغــــــــــداء:
ممكن مطازيز مع لحم +لوبياء
ممكن مقلقل لحم فقط مع خبز بر
ممكن مشاوي مع ايدام لحم بدون خضار او الخضار التالية( حبة كوسة+حبة بطاطس
لوبياء حمراء) خففي من الطماطم لانها حامضه
ولا بأس في الفاكهه بعد الاكل مثل تفاحه او برتقاله
تجنبي الموز لانه لزج
بعد الغداء بربع ساعه عليك بمنقوع التالي: في كوب ماء
( م.ك.عنزروت+م.ص.مره+ شوي محلب) لانها تعمل كمهضم وملين وتنضف الأمعاء ولابأس من اضافة الماء اليها كلما انتهت الكميه واستخدامها لاكثر من يوم طبعا توضع في الثلاجه
وقبل ما تشربيها بنصف ساعه طلعيها من الثلاجة.
فترة العصر وبعد الغداء ب3ساعات اشربي شاهي الاعشاب السابق مع 2.م.ك من السفوف السابق.
اذا جعتي كلي ماتشتهي نفسك إلا الممنوع ممكن شابوره بر

العشــــــــاء:
المجال امامك مفتوح الا الممنوعات اهم شي لاتجوعين
ممكن بعد العشاء تأكلين سلطه + برتقاله
هذا النضام الغذائي يستمر كل فترة الحيض او النفاس اما الأدويه بس لثلاثه الأيام الاولى
من الحيض والعشرين من النفاس
بالنسبه لنظافه ممكن الاستحمام كل اسبوع
اما يوميا فتغسلي من الرقبه الي السرة بماء وصابون عادي وتجنبي وصوله الى المناطق
الأخريلأن اعطيك الغسول التالي لمنطقة المهبل وهو:
( ارطا يكسر+ يطبخ مع ماء + ملح) تلاحضين لونه يتحول الى الاحمر لاتخافي عادي
ثم صفيه وضعيه في جركل وتوضئي منه يومياَ

بالنسبه لتحميلات المهبل: ملاحظه للمتزوجات فقط

اطحني مقدار .م.ك.مره +شوي محلب+ ملح خشن واعجنيه بعسل طبيعي ان وجد
كل ليله ضعي تحميله واحده صغيره كبر نوى التمر ( اصنعي كميه تكفي نفاسك)او
حيضك
وبعدين نكمل الموضوع مع الأيام الأخيرة من النفاس والحيض مع ادويه لعلاج
النساء الي خربوا وقضوا يعني علاج للمريضات الي ماهم بفترة حيض او نفاس

ادوية العشرين يوم الاخيرة من النفاس او الحيض:

طبعا نفس التسلسل الغذائي ولكن الادوية تختلف
خذي الدواء التالي على الريق2 ملعقة كبيرة مع شاهي الاعشاب السابق
اطحني(كوب حبة سمراء+م.ك.قرنفل+ م.ك.دارسين+م.ك.فلفل اسود+ م.ص.محلب فنجان قهوة كمون+ م.ك. نونخة + فنجان قهوة صغير حبة حلوة)
التمر مع الرشاد استمري عليه لانه ينظف الارحام اما البخور وهو مايسمى عندنا( بالكبو) افضل شي تسوينه عند النوم وتتبخرين فيه وتجدينه عند العطار لان الكبو نوعان كبو هواء وكبو شمم . استخدمي كبو الهواء.
بالنسبة لمنقوعة اعنزروت+المرة +شوي المحلب ) زيديها شوي مباركة او ماتسمى بالصبرة واستمري على شربها
وان شاء الله الي تتبع الكلام السابق سوف تدعيلي وقد تكون بعض النساء خربانة وتلاحض خروج الكثير من السوائل من المهبل لاتخاف وتستمر على ذلك كل حيض وسوف تلاحض الفرق بعد الشفاء ان شاء الله
ولاكن ارجع وانبه ان الجوع او الرجيم في تلك الفترة ممنوع .
لابأس با لسمك والروبيان.

بالنسبة لنزيف الارحام وهو يصيب في حالات الحيض فقط نتيجة لحمل شيء ثقيل فيحدث تمزق للارحام عليك بالتالي: مقدار فنجان قهوه حلب+ كبر حبة الحمص شبة سوداء تطحن مع بعض ثم تأخذين مقدار ملعقة صغيرة مع كوب حليب على الريق كل صباح وسوف تلاحظين وقوف النزف.

بالنسبة للتي تعاني من ضعف في المبايض

خذي مطحون الحلب كل صباح قبل الافطار بقليل مع كوب حليب واستمري عليه وان شاء الله يكون الحمل مع شاي الحلب لابأس ان يشاركك الزوج في شرب الشاى اذا كان يعاني من ضعف.
او خذي بار النخيل+ عسل طبيعي اخلطيهم مع بعض مقدار .م.ك كل يوم على الريق ولابأس ان يشاركك الزوج.

نكمل موضوعنا بالنسبة لعلاج النساء الخربانات عليها أن تتبع التالي :
النظام الغذائي السابق عليها أن تتبعه في فترة الحيض أو النفاس أو العوار أما إذا كانت الحالة شديدة يعني تعاني من خروج هواء من المهبل أو خروج سوائل فعليها اتباع النظام السابق لمدة أربعين يوم وكأنها نفاس حتى وإن لم تكن باستثناء أنها تستطيع الاستحمام والوضوء عادي وقد يكون علاجها يحتاج مدة طويلة وتستمر على العلاج كل حيضة ولن تصدقن إذا أخبرتكن أن سيدة اعرفها شخصياَ لم تعتني في نفسها فترة النفاس فأصيبت بالهواء والسوائل معاََ وهو شيء خطير جدا لذلك اتبعت النظام السابق بصرامة + استخدمت عشبة تسمى (جنبة) وشربت مغليها يوميا, وهذه العشبة نوعان النوع الأول
تسمي ( جنبة النفود) ولا انصح بها لانها حارة على الأرحام اما النوع الثاني تسمى( جنبة البر) وهي ممتازة وانصح بها وانا استخدمها في بعض الاحيان , ولكن اتمنى لو اريكن شكلها حتى تعرفنها, واهم شيء للخربانة ان تأكل التمرة مع الرشاد التي سبق واعطيتكن وصفتها , والعلاج يحتاج الى صبر لأنه
قد يستغرق مدة 4 اشهر وإن كانت متزوجة لاتقول شيء لزوجها وتشاهد فقط انطباعته لأنه ماأن يتعدل وضعها الصحي فأنه سوف يصارحها بأنها مختلفة , وأنها افضل ويزول السبب الذي كان يجعله كتوما معها خاصة بالامور الجنـ......
اما انقلاب الارحام والميلان فلا يعالج بالادوية لانه لابد من الذهاب الى امرأة متخصصة ويكون على جلسات ( مخبنة وتمريخ) ولابد أن تسارع المرأة المريضة بالذهاب الى مرأة متخصصة حتى لايكون عقم لاسمح الله .

اختم موضوعي يابنات بعلاج السقط(العوار)

اذا تعرضت السيدة الي السقط او مات الجنين داخل الرحم فعشان ينزل عليها بالتالي :
سبحان الله اذا كان الجنين حي لا يصيبه اي شي مع هذه الادوية
مغلي شجرة العوار وتلقيها عند العطار والافضل سفةكمون مطحون+ مغلي الكمون محلى بعسل لحد ماتنظفين او فقع مسلوق +مويته السلق+ سمن بري



اسئلة الأخوات واجابات الأخت فيافي جزاها الله كل الخير


سؤال: مارائيك بالتبخر بالعفص خلال ايام الحيض وايضا الوضوء من منقوع العفص؟

التبخر بالعفص سمعت عنه لاكن لم اجربه ولكن نصيحهاياك ثم اياك وان تأكلي العفص مع سفوف لأنه يزين اول مرة بعد اكله ثم يدمر المرأة تدمير
ويخربها, اما الغسول فيه مانصح لأن مفعوله مثل الشبه وهي للاسف تخرب
والبخور

سؤال: ياليت تعطيني وصفة كيف اقدر انزل الدم الفاسد من الرحم كمان وصفة عن تاخر الدورة وكيف اجعلها تنزل في الاعشاب بعدين حبيت اسئلك في وحد تستخدم السكر النباتي في منع الحمل بحيث تاخذة مثل التحميلة صراحة انا مرة مستغربة منها لاني احس انها تخرب الوحدة بس حبيت اسئل

الدم الفاسد اذا قصدتي الحيض فعليك بمنقوعة المرة والعنزروت او اطحني التالي(فنجان حبة سمراء+ 2.م.ك مرة) ثم خذي م.ك. الصباح على الريق مع قهوه اليومين الأولات , اما اذا كانت عوار فلها اكثر من دواء حسب الحاله
اختي
اول مره اسمع ان السكر يمنع الحمل عليك بوسائل منع الحمل المضمونه اما تحميلات السكر اثناء الدورة او النفاس لاتساعد على التأم الجروح واحس انها تخرب

سؤال: من بين الوصفات اللي ذكرتيه الحلبة،واسمع البعض يقول انها تخرب وتخرب مرة بعد،وبعضهم يقول السبب في توقيت استخدامها يعني ما تستخدم في الايام الاولى،صدقيني احترت من كثر ما سمعت،،،

هذا السر في التعامل مع الطب العربي
الحلب (الحلب هو حمع الحلبة بالغة العربية يعني الحلب هو نفسه الحلبه) يستخدم العشرين اليوم الاولات من النفاس او الثلاث الايام الاولى من الحيض واذا زدتي عن المده المعطاة سوف ترتخي عضلات الارحام لذلك تتحدد الحلبه بمدة الايام وفي اول الامر وياليت تقرين الموضوع بدقة شوي لاني الى الحين ما خلصته باقي ايام الحيض الاخيرة+ الايام الاخيرة من النفاس لان لها ادوية اخرى ومعلومة الحلب يختلف عن المحلب وكلها نباتات

سؤال: بالنسبة لشاهي الاعشاب انتي ماحدتتي المقادير كلة شوى شوى هل قصدك قبضة اليد ام بالكوب الاني نفسي اعرف المقادير بالضبط
بالنسبة للغسيل ماتعتقدين ان الملح حار لمثل هاذي الاماكن كذالك العسل مرة حار بعدين الارطا يكسر هل كذا اسمة ام لة اسم اخر لازم اقول ارطا ام فقط يكسر ام الجميع ++

( الارطا) نبات صحراوي وهو عبارة عن اغصان تكسريها ثم تطحنيها
اضافة الملح ضرورية واكيد بيكون حار لكن الملح مطهر في حلات الجروح ويمنع تعفنها ايضا يسحب السوائل الضارة من الرحم
العسل الطبيعي مذكور في القرآن وهو شفاء ومعروف انه يساعد في التأم الجروح فما بالك بالارحام بعد الولادة تكون متجرحه بشدة
اما شاهي الاعشاب اخلطي المقادير مع بعض ثم خذي مقدار 3 .م.ك واعملي الشاهي المقادير مرة اخرى( نصف كيلو ميرميه+ نصف كوب كمون + نصف كوب شيح + نصف كوب حبة سوداء+نصف كوب حزاة+ نصف كوب قيصوم +نصف كوب قشر قهوة+ نصف كوب نونخة+نصف كوب من اعواد الدارسين(قرفة) ) وهذة كلها نباتات


سؤال: اختي بغيت اسئل عن العسل اذا له فائدة معينة عند اكله اثناء فتر ة الدورة واذا له او معاه خلطة معينة ياليت تفيديني

العسل ممتاز خاصة الطبيعي ممكن تحلين فيه اكلك وممكن الشاهي وافضل شيء كما قال الرسول صلى الله عليه وسلم في مامعناه كل صباح ملعقة عسل + 7حبات من الحبة السوداء والعسل ممتاز في كل الاوقات ولو قلتلك عنه اشياء لاصابك التعجب من شفائه للامراض.

سؤال: اكليل الجبل ،،هل استخدامه يترتب عليه شي؟؟بالعربي هل له مضار؟

مفيد ومنحف ولكن يمنع من بات في فترة الحيض والنفاس اما النفاس بالعملية فهو قد يكون قاتل لها لانه يسبب الشمم وهو معروف عند الاطباء بالالتهاب العام يصاحبه ارتفاع في درجة الحرارة مع غثيان ,لذلك تجنبيه فترة الحيض وهي فترة بسيطة ثم بعد الانتهاء من الحيض عاودي استخدامه.

سؤال: أنا في الحقيقه أول مرة في حياتي أسمع عن الموضوع ده و في الحقيقه أنا خوفت و قلقت جدا على نفسي أولا في بعض الأعراض من هذا المرض موجوده عند كل النساء مثل وجود السوائل فعلى علمي هذه السوائل يفرزها الرحم لتخليص نفسه من الميكروبات و يكون لونها أبيض و بدون رائحه و قد سمعت طبيب في الأذاعه يقول أنه أمر طبيعي وكذلك آلام الدورة الشهريه و لكن طبعا بعد الزواج أصبحت محتمله أكثر من الأول و في بعض الأحيان يكون هناك آلم أثناء الجماع كذلك هناك بعض النساء
يسافر أزواجهم لشهور وعند عودتهم يكون الجماع مؤلم مثل أول مرة أقصد مثل ليلة الزفاف فأرجوك منك أختي فيافي أن تقولي لي هل هذه الأعراض تعني أني مريضه و في حاجه للعلاج
و قد قرأت في كتاب للعلاج بالأعشاب أنه عمل حمامات مهبليه من مغلي زهرة البابونج يفيدفي القضاء على الألتهابات في الرحم و كذلك حمامات الماء الدافىء بالخل تفيد في التخلص من الفطريات فهل هذه المعلومات صحيحه أرجو أن تطمنيني

حتى تعرفي نفسك اجعلي ملابسك الداخلية من القطن الابيض ولاحظي نفسك اذا كان الافراز اكثر من ثلاث مرات في اليوم فأكثر فأنتي بحاجة للعلاج, اما الالم بعد فترة طويلة فهو طبيعي ولكن للحظات اما اذا استمر فهناك حتما مشكلة.
اما الحمامات التي قلتي عنها فانا لاعرف ماذا تقصدين بها اذا كانت دش مهبلي داخلي فتجنبيها اما اذا كانت للحظات وخارجية وليست في ايام الحيض اوالنفاس فلاباس بها.
سؤال: اختي انا قبل ماتجيني الدورة احس ان جسمي تصيبة مثل النفخة يعني امتن شوى وبعدين ارجع على طول مادري هل هذا شي طبيعي ام لا

اذا كان يكبر حجم بطنك فتذكري يمكن مرة من المرات تبخرتي ووقفت على المدخنة وفيها معمول وانتي حائض اذا كان كذلك فانتي ممكن داخلك هواء وبحاجة لعلاج اما اذا كانت الدورة يصاحبها الم شديد فتعانين من انسداد يعني ممكن دم متحجر ,
اما اذا كان الانتفاخ في كامل جسمك فهذا يعني انحباس الماء وممكن ناتج من شمم يعني شامة رائحة ريحان او مسك لذلك عليك بشاهي الاعشاب السابق
مع كبوا الشمم وهو مخلط من( محلب+مرة+حلتيته رطبة+ خواجوا)

سؤال: عندي مشكلة الألم المصاحبة للدورة، ترى ما اهدأ الأ بالابر والمغذيات و يا ريت لو تشورين علي بشي تذهب بهذا الكابوس اللي ما اصدق يروح حتى استعد لجيته

ابتعدي عن الابر لانك لو لاحظتي في كل مرة يزيد الالم بعد الابر يعني تتعودين عليها وعشان تسكن الالم اولا انتي اذا كانت دورتك ماتنزل جيدا وبعدين يابسة يزي التراب وسوداء فانتي عندك سدد( فقرة) لازم تشربين مغلي الحلب في اليومين الاولات+ كوب حبة سمراءمطحونة+مرة فنجال وتتقهوينها على الريق وان شاء الله ماتشوفين شر
( الحبة السوداء+المرة) خذي منها ملعقة كبيرة مع عسل طبيعي على الريق يومين وفرجها ربي


سؤال: قبل يومين سالت امي عن الافرازات المهبلية عندي صارت كثيرة جداو مزعجة ولكن بدون رائحة لدرجة انها تسيل وقالت شي عادي انا غير متزوجه

اذا عندك سوائل وبهذا الشكل فاكيد عندك مشكلة لأني انا متزوجة ولا اعاني من ذلك ولله الحمد بسبب عنايتي بنفسي خاصة واني قبل الزواج كنت مهملة ولكن عانيت شوي ثم انتظمت على الادوية والنظام السابق واصبحت تمام ولذلك اتبعي النظام السابق واقرائي الردود ولكن بما انك بنت لم يسبق لك الزواج تجنبي التحميلات المهبلية

سؤال: انا مشكلتي الدوره تتاخر عندي شهرين وانا ماعندي اطفال بس سبق وصار عندي عوار وحاسه هذا السبب انه يكون في بقايا للدم مع الدكتوره تقول في عندي ضعف مبايض رغم اني سبق لي الحمل وسوال اخر هل في علاجات لتضيق المرأه؟

اذا عندك ضعف في المبايض ياليت تتبعين الادوية الي قلت عن الضعف وشي طبيعي تتأخر عليك بسبب الضعف ويا اختي ممكن انتي تكتشفي مقدار الضعف الي عندك استلقي على ظهرك وضعي اصبع السبابة والوسطى فوق السرة وتحسسي النبض اذا لم تحسي به جيدا فهناك ضعف اما اذا تحسستيه فالحمدلله وياليت تقرين الردود لان فيها المنفعة ان شاء الله بالنسبة لتضويق اتبعي النظام اثناء الحيض مع التحميلات وراح تشوفين الفرق

بنسبة لضعف الى عندك وعند الزوج اتبعو التالي انتي واياه وان شاءالله يكتبلك الحمل وثباته عليك بالحلب اشربي مغليه + م.ك حلب مطحون يوميا ولمدة شهرين اقل شي واذا صار حمل وقفي الحلب الطحون والمغلي او عسل طبيعي+ بار نخل+سبع حبات من الحبة السوداء لمدة شهر اقل شيء

سؤال: الاعراض هذي تصير بس للمتزوجات ولا حتى البنات اذا تعرضو لها يكونو بعد مصابين؟

الخراب يصيب البنات والمتزوجات ولكن البنات مايعرفون إلا بالافرازات

سؤال: عندي مشكلة تأرقني وهي اني عند الجماع اكون ناشفة بمعنى ان الماء الطبيعي الذي يجب ان ينزل قليل جدا خاصة ذلك الوقت بلرغم ماقد يسبق من المداعبة الى اخررره وبعض الأحيان يلجأ زوجي لإستخدام سا ئل طبي مرطب لمنطقة المهبل علما اني متزوجة حديثا منذ سبعة اشهر فما السبب وما العلاج وهل اعتبر مريضة ام لا

من وصفك لحالتك انتي مافيك شي وكوني على ثقة تامة انشاءالله اما الجفاف الي تعانينه طبيعي مع العرايس الجديدات ليش؟؟
لانك اكيد بتكوني خجلانة بعض الشي وماتتفاعين مع الزوج وهذا طبيعي لانه كل شي عليك اصبح جديد فلا تهتمي ولاتقلقي وريحي نفسك وهيئيها لهذه الامور وحتى زوجك اكيد يتفهم ان هذا طبيعي مع الخجل ولا يستعجل الامور ويتضايق ولكن هذا لا يعني انك تهملي نفسك حافظي عليها بالعناية بنفسك وقت الحيض يعني انتي لا تعانين من خراب ولله الحمد

سؤال: ذكرتى للحمل (عسل طبيعي +بار نخل+سبع حبات من الحبه السودا) كم مقدار العسل ومقدار بار النخل؟

العسل مقدار كيلو وبار النخيل خذي جرم كامل وفتيه فيه ثم تؤخذ ملعقة كبيرة بعد ان تضيفي اليها 7 حبات حبة سوداء كل يوم انتي والزوج

سؤال: فيما ذكرتى في المنقوع محلب او حلب ؟

اقصد منقوع الحلب اما المحلب فهو نوع ثاني

>>>>> ردود الأعضـــــــــــــــــــاء على الموضوع <<<<<
==================================

سوال: هذه التحميله الي كتبتي طريقتها الي فيها حلبه او محلب؟

التحميله عبارة عن( م.ك.مرة+م.ك محلب+فنجان ملح خشناو مايسمى بالملح الفارسي)يعجنن بعسل ويجففن ثم تجعلين حجم الوحدة كبر حبة نوىالتمر وتتلبسين واحده كل ليلة.

سؤال: بغيت رايك انا هالحين في اخر النفاس يعني لي 38يوم باقي يومين واخلص ان شاء الله والحمد لله طهرت لكن معي بعض الافرازات البنيه وانتي بكرامه يعني كدره المهم صديقتي عطتني تحاميل وحده عباره عن ملح والثانيه عن معمول وتقول استخدميهم تمدحهم مره تقول تنشف وتضيق لكن انا الى هالحين مااستخدمتهم وتحسفت سؤالي اقدر استخدمهم هالحين وانا في نهاية الاربعين والا لا؟؟؟؟؟؟؟
وسؤالي الثاني كيف اعرف انب ماني خربانه وخاصه ان زوجي مايحب يجرحني ولا يقول لي شي يمدح وبس
سؤال اخير اذا ممكن ليه اهلنا وجداتنا يحذرونا من انه نروح لازواجنا بعد الاربعين على طول يعني مانسوي شي يقولون اصبري 5 او 10 ايام احسن لك هل هو مضر والا لا؟ وكيف اقنع زوجي ؟؟؟؟؟؟

ماقلتيلي ولادتك طبيعي ام قيصري على كل حال بعض النساء لاتنشف نهائي
الا بعد خروجه من الاربعين بالنسبة لتحميلات صديقتك ضعيهن الفترة هذه واذا نشفتي احفضي الباقيات للحيضةالاخرى واستخدميهم كما وصفت لك صديقتك
اما الخراب واضح اما صدور هواء مع صوت من منطقة المهبل وفي بدايته يكون عند الجماع واذا تطوريصبح في كل وقت هذا نوع منه وان شاء الله مايصيبك ولايصيب من يقراء اما النوع الثاني السوائل الكثيرة شوفي ملابسك الداخلية اذا كمية السوائل الي نازله عليها كثيرة يعني مافيه نشوفة الله يستر اهتمي بنفسك بعدين الدورة الاولى بعد النفاس اهتمي فيهاجدا جدا جدا لانها ممكن تدمرك وممكن تعدلك واتبعي النظام الغذائي والعلاجي الي انا واضعته بالدوره القادمة
وبعدين لاتقلقين نفسك انتي والله بتعرفين نفسك اذا خربانه بعد ماقريتي المقال ولا تنبهين زوجك لهذه الامور خليه غافل وخليه يحس انك احلا وحدة بالدنيا
اما نصح النساء الكبيرات لنا فلخوفهن من الشمم وهو يقتل المرأة الله يكفينا شره وسببه ان المرأه ماتكون طهرت وتذهب مع زوجها وتتعطر ببعض الاطياب التي تسبب الشمم لذلك يجب تجنب المسك والريحان

سؤال: ممكن احط التحاميل في النهار والا لازم في الليل علشان مااتحرك؟؟؟؟؟؟؟؟ والمويه هل شربها مضر في الدوره والاربعين والا لا؟؟ لان امي تنصحني بعدم شربها او على الاقل تقول قللي منها والعصيرات احسن

التحميلات يوضعن باليل افضل واحسن عشان يسحبن كل الاوساخ ويطلعنهن برا
اما شرب الماء مايضر بس لاتكثرين منه على جوع او بارد وهذا الاعتراض ليش؟ لان الماء يكبر البطن ولان كثرته تسبب خراب للارحام اشربي بالمعقول لاتكثرين ولا تقللين

سؤال: أنا متزوجة ولدي أبنان وأعاني من نفس الأعراض المذكوره من نزول السوائل وخروج الهواء من المهبل والرطوبه بالأضافه الى نفخه في البطن كما وأني أحس بأن فتحة المهبل قد توسعت وتغير شكلهاوقد عرضت نفسي على طبيبة وقد قالت لي بأن كل شيء على ما يرام ولكني غير مرتاحةوللعلم فأن الدورة الشهرية منقطعة عني منذ ولادة أصغر أبنائي البالغ من العمر سنة وثلاثة شهور ربما بسبب الرضاعة ماذا ترين في حالتي وهل هناك دواء لشد المهبل وتضييقه واعادته كما كان.

انتي معك خراب مهو هين الله يعينك المهم راح اعطيك خطوات العلاج
شوفي الوصفات السابقة واعتبري نفسك نفاس وسويها لمدة اربعين يوم بحذافيرة واستمري لحد ماتحسين ان الوضع تعدل واذا ماتعدل بعد اربعين يوم ياليت تخبرينن عشان ابدا معك بالنوع الثاني من العلاج واي شيء يوقف او ماتفهمينه بلغيني واي استفسار
بالنسبة لأنقطاع الدورة اذا انتي ترضعين عادي اما اذا لا فيمكن عندك ضعف بالمبايض وتقدرين تعرفينه بالطريقة التالية انسدحي على ظهرك وضعي اصبعك السبابة والوسطى عند السرة اذا سمعتي النبض قوي الحمدلله واذا كان ضعيف فالله يستر واذا ماسمعتيه فعندك ضعف

سؤال: ما أدري اشلون بالنسبة للجماع مع زوجي خلال فترة العلاج لأني مثل ما خبرتك ان العاده الشهرية منقطعة عني وهو يعرف هالشي يعني ما أدري اشلون بقنعة يصبر عني أربعين يوم؟؟؟؟

الجماع عادي بس خففو شوي والتحميلات استخدميهن كل ليله واذا صار جماع بعده تلبسيهن
وياليت تستخدمين كبو الهواء بعد العشرين اليوم الاولات
الكبو حبيبتي هو عبارة عن اعشاب تجدينها عند العطار وتوضع على الفحم ثم تقفين فوقها ويدخل الدخان الى كامل جسمك بس قولي للعطار ابغا كبو الهواء

سؤال: أنا متزوجة منذ خمس سنوات ولدي طفل واحد والحمد الله لم أستعمل أي وسيلة لمنع الحمل ولكنني أعاني من نفس الأعراض ونزل السوائل بكثرة مصاحبة لها الألم في أسفل الظهر مع خروج الصوت من منطقة المهبل مع العلم بان الدورة ليست منتظمة وذهبت إلى إخصائيات نساء وولادة وكلهن قالن لي عندك إلتهاب شديد في منطقة الرحم فاذا كان لديك أي نصيحة أرجو ان تفيدني

الم الظهر اللي معاك من زمان يعني بعد الولادة الى الحين او انه الم يجيك بس اثناء الجماع
اذا كان بعد الولادة فيمكن تعرضتي لدفع شديد من قبل الممرضات ولابد من الذهاب الى طبيب عظام
اما اذا كان مع الجماع فالخوف انه يكون ميلان بالارحام للخلف وهذا يحتاج الي علاج على يد طبيبة عرب عارفهلانه يتكون من المخبنة والتمريخ (التدليك)
بالنسبة للاعراض الاخرى فأنتي معك خراب مهوب هين(شديد) ولذلك انصحك كما نصحت نسريييين بأتباع النظام السابق وكانك نفاس بس قبل كل شي اذهبي لطبيبة نساء وعالجي الالتهابات اذا فيه واذا ماعندك التهابات ابدأي العلاج على طريقتي وتوكلي على الله وخبريني بكل شيء يصير معاك وانا ان شاء الله راح اكون معاك وتحت امرك وبالنسبة لتقطع الدورة هل كانت على هذا الوضع من قبل الزواج او الولادة ام بس هذي الفترة ؟ وبعدين اذا نزلت تتفتفت زي التراب وسوداء في بدايتها تم تنزل بس بشكل خفيف؟ ياليت تخبريني

سؤال: أختي كانت تآخذ طب عرب في نفاسها ....وفي الدورة اللي بعد النفاس نزل عليها الدورة سوداء كانها صنبور ماء.....وكأنها معها تراب.....إيش معنى هذا ......وإيش علاجها.....خاصة إنها من يومها تركت العلاج وهذا من سنين طويلة .
أختي الثانية : في اول ولادة لها .....تحمست وتبخرت بخور ( الخوا جوا ) لأنهم مدحوه لها وقالوا ينشف...... لكن المشكلة .....إنها تبخرت وهي توها طرية ....مع أول ايام الولادة....وعقب ما جابت إلا مرة ......لكن دائما ما تطهر.....وما هي هذه المشكلة.....المشكلة إنه مرة ( طبيبة عرب ) فحصت عليها وقالت لها إن رحمك ( رايح فيها ) متففت كأنه عيش ( على قولتها ) وهذا بعد من سنين .....هل لها علاج.....دليني الله يجزاك خير على حل لهم الثنتين ؟؟

بالنسبة لأختك الأولى من اعرضها كان المفروض إنها مكمله طب العرب اللي آخذته لان عندها ( فقرة) وأنا تكلمت عنها من قبل ويا ليت توضحين اكثر كم لها من يوم استخدمت العلاج إلى الحين وهل
هي الآن عجوز أم شابه مازالت قادرة على الإنجاب
أما أختك الثانية ما فهمت أي شيء من كلامك أبى توضيح شامل وكم لها سنه بعد الولادة
أما قول المرأة لها أن ارحامك عيشه فهذا مصطلح عند نساء طب العرب يعني أن ارحمها خربانه جدا جدا جدا ويبيلها مشوار طويل مع العلاج

سؤال: أن ألآلم الظهر ظهرت في هذاالوقت أي قبل شهرين وآلام مصاحبة قبل الدورة وبعدها واثناء الجماع كما أنني قد عالجت من مشكلة الألتهابات التي عندي ولكنها تنقطع يوم او يومين وبعدها تعاود من جديد وعدم إنتظام الدورة بعد الولادة مباشرة وعندما تاتي تاتي بشكل خفيف جدا فما هو الحل في نظرك أفيديني جزاك الله خير.

على مايبدولي انه عندك ميلان للخلف ممكن اصبح عندك هذا الميلان من تو يعني تذكري الدورة الي قبل ماتحسين بهذي الاعراض يمكن انك شلتي شيء ثقيل فوق طاقتك او سحبتي حاجه ثقيله اثناء الدورة على كل حال ياختي هذا الميلان على مايبدولي للخلف لذلك استعجلي وابحثي عن مرأة تعالج واهم شيء تكون ثقه وتطمني منها افضل وياليت ترجعين شوي لموضوعي عن الميلان وتقرينه عشان تعرفين اخطاره وكذلك عندي ( فقرة) لاتتركين نفسك

سؤال: عن بخور(كبو)اسويه بنفسي يتكون من (خواجوا,مرة،قشربصل،كمون،فلفلة الهوا) ياليت لوتعطيني رايك فيه,,,مع العلم اني بعد ما اتبخر به احس بالم في بطني وظهري ما ادري استمر عليه,,,وبرايك ايش سالفة هالالم؟؟؟

لابأس بالكبو اللي ذكرتي وممكن تضيفين له ( محلب+حلتيته )
هل تتكبين وقت الدوره؟ اذا وقتها فهذا الالم طبيعي لان الارحام تدفى وتنزل الدم الفاسد

سؤال: بعض الأشياء ما سمع عنها العطار وهي قشرقهوه ونونخة وأرطا وكبو الهواء ما أدري اذا تعرفين لهم مسميات ثانية
وذكرتي بعد من أدوية العشرين يوم الأخيره الحبة السمراء فهل هاذي هي نفسها الحبة السودة وبعد بالنسبة للسفوف اشلون ناكله مع شاي الأعشاب نخلطه معاه والا ناكله في البدايه بروحه ونشرب وراه الشاي؟؟؟؟
ويصير نحط مع الشاي شوية سكر أو عسل لتحسين الطعم؟؟؟؟

المشكلة ان قشر القهوه موجود ابحثي عنه في محلات العطارة والتي يعمل بها من الاخوة الحضارم (من اليمن)واكيد بيعرفونه على طول
الحبة السوداء نفس الحبة السمراء
الارطاء نبات صحراوي معمر معروف وهو ممتاز للجروح اتمنى انك تحصلينه ودوري عنه في محلات العطارة اللي يعمل فيها كبار السن من السعوديين .
النونخه تشبه الى حد كبير حبة الحلوة ولاكن لها لذعه شوي وطعمها حالي
اما كبو الهواء مخلط من مجموعه من الاعشاب مثل( خوا جوا + مرة+ كمون +حلتيته+محلب+ [حاجه والله مدري وس اسمه لكن مثل الانابيب المفرغه لونها اسود وحجمها متوسط]+قشر بصل +هدب الاثل) وفيه حبوب ضغيره حمرا يابسه زي الخرز هذي شيليها مهيب زينه.

سؤال: اسمع عن نزول الارحام نسال الله العافيه لنا ولجميع المسلمين لكن مااعرف وشي اعراض

أما نزول الأرحام ما عرف عنه كثير ولكن إلى اعرفه أن الأرحام يتغير موقعها نزول وتكون رخوة وغير قادرة على تحمل الضغط(الحمل) ولذلك اكثر ألي يعنون منه الحوامل واسبابه ما عرفها

سؤال: قشر القهوة فما لقيناه فهل ممكن الأستغناء عنه أو انه ضروري ومهم.

ممكن تستغنين عن قشر القهوة وتضعين مع قهوتك اللي تتقهوينها قرنفل

سؤال: بالنسبة لي فأعاني من الهواء ولكن في فترات متباعدة وشئ بسيط والسوائل كذلك احيانا تزيد خاصة بعد اليوم التالي للجماع مع رائحة واحيانا لا توجد افرازات واود ان اعمل تضييق كما اني اشعر احينا بألم عند الجماع كوخز في نهاية المهبل مع العلم اني ركبت لولب بعدما انجبت طفلي الثاني بثلاث اشهر والأن افكر في ازالته اي بعد عشرة اشهرمن تركيبه ولكن الدورة تأخرت علي خمس ايام مع انها كانت منتظمه وخايفه بصراحة اني اكون حامل فوق اللولب واحيانا اقول يمكن اللولب طاح بدون ما احس وبصراحة اكثر خايفة اروح اكشف

انتي لابد ان تتبعي النظام السابق وقت الحيض كما كتبته
اما الوخز الذب تحسين فيه سوف اشرحه لك هل( عندما يأتيك وانتي واقفه لاتستطيعين الجلوس وكأنه عصا تخترقك)اذا كان مثل الوصف السابق
فانتي داخلك هواء اثناء الحيض او النفاس لذلك بادري بالعلاج بالنسبه للحمل لابد انك تروحين وتشوفين وبعدين اذا انتي حامل لا تتضايقين الحمدلله هذي هدية الرحمن ويالها من هديه من اجمل الهداياقال تعالى(المال والبنون زينة الحياة الدنيا...) سورة الكهف ايه 46.
واذا حامل بشريني لان عندي لك كلام خاص واذا مو حامل ابدأي العلاج

سؤال: بالنسبه للوخز اللي تقصيده هذا كان من زمان يجيني قبل الزواج وبعدين خلاص يعني نادرا ما احس فيه
اما الوخز الذي اشعر به هو وقت الجماع اي بالداخل لا ادري يمكن عند بداية الرحم واحتمال يكون من اللولب ويمكن يكون سبب ثاني ما ادري بصراحة وحتى هذا الالم حسب طريقة الجماع ( اسفه على دقة الشرح )
واذا اتكدت انه ما فيه حمل شو اسوي بالضبط هل اتبع خلطة الحيض اللي ذكرتيها ولازم اتبع النظام الغذائي اللي ذكرتيه او يكفي اني ابتعد عن الممنوعات في تلك الفتره
وبالنسبه للكبسولات استخدمها بعد فترة الحيض وهل هناك مدة محددة يعني شهر مثلا او اسبوع او الامر مفتوح
وشو رايك بالرياضة بصراحة لما اسوي رياضة اشعر بالسوائل تزداد
واخيرا شو هو الرشاد

اتبعي النظام السابق وقت الحيض, والكبسولات استخدميها كل ايام الحيض ولابأس في بعض الايام العاديه يعني مرة واحده في الشهر بالنسبة للرياضة في ايام الدورة تجنبي الرياضة العنيفه ممكن تمشين وتعملين في المنزل الاعمال العاديه.اما بالايام العادية سوي جميع الرياضات الي تحبين
حب الرشاد هو البذور وهي ضغيره ولونها بني ولطعمها لذعه واذا وضعتيها في ماء تصبح لزجة.

سؤال: أبي أسألك عن الحبه السوداء تلهم ( تسف سفوف ) حب بدون طحن ( بودره ) وإلا مطحون؟؟؟ وإذا طحناه تستخدم مباشره بعد الطحن ؟؟ لأن فيه ناس يقولون إذا طحناه وجلست فتره تروح فايدته

فيه عرق الظهر يوضع مع الحلبه ويمنع الريحه ولكن ايضا يقلل من فائدة الحلب وانا انصحك ماتستخدمين عرق الظهر لانه يذهب فائدة الحلب وممكن تقرين جميع الردود وانا كتبت عن الرائحه وايضا ممكن تطحنين(شبه بيضاء +البودرة اللي تحبين)وتستخدميها للابطين
اما الحبه السوداء اذا قصدك مع السفوف نعم تطحن اما مع العسل لا ماتطحن.

سؤال: التمر مع الرشاد ينفع من دون سمن لاني مستحيل آكل السمن,هل ينفع؟

ممكن تستغنين عن السمن بزبده ولكن السمن البلدي افضل بكثير

سؤال: بالنسبة للتحاميل..تصلح للي مركبة لولب،،يعني مافيه خوف ان الملح والعسل يذوب اللولب،،او ان الملح حار على الرحم ممكن يحرقه ؟؟؟؟

ممنوع استخدام التحميلات مع الولب يخربن اللولب

سؤال: بغيت أعرف طريقة التمر مع الرشاد بالضبط أشلون انحط الرشلد على التمر ننقعة أول في ماي وبعدين نحطه عليه وهو ناشف...بينخلط يعني؟؟؟

عمل التمره مع الرشاد كالتالي:
خذي تمر بدون نوى +سمن (المقادير على راحتك) ضعيهم في قدر وعلى نار هادئة لمدة 10 دقائق حتي يذوب التمر قليلا مع شوي تحريك بعدين اضيفي الرشاد وهو حب ناشف وكثري شوي مثل السمسم لا تحطينه بماء.

سؤال: انا ماآكل السمن ولا الزبده ينفع التمر مع الرشاد بدونهم؟سؤالي الثاني اللي تحس نفسها مره خربانه كم المفروض تستمر على البرنامج يعني اربعين يوم تكفي؟

حاولي تغصبي نفسك عليها لان الحريم الاولات يسمونها ربيبة الارحام ومعناه انها ترب الارحام مثل مترب الدلال وتصير تلمع من النظافه واذا ماقدرتي جربي معه زيت الزيتون واذا متحبينه بس اطبخي التمرة واضيفي الرشاد(بس ماضنيت بتنفع كثير) ومثل ماقلت الخراب عشان الوحده يطيب منه ميه بالميه لازم يكون بعد نفاس بس اذا الوحده سوت النظام لمدة اربعين يوم عادي تكون بأذن الله نسبة الشفاء ثمانين بالميه وهذا تقدم ومع الدورات ترجع مثل اول واحلا واهم شي صحتها قبل كل شيء

سؤال: بغيت أسألك عن شي إسمه ( مردود ) موجود عند العطار هل هو زين للنفاس والحيض ؟؟ وياليت أخت فيافي تعطينا إذا فيه برنامج تتبعه الحامل في فترة الحمل وبغيت بعد الأشياء اللي تساعد على الولاده. شاهي الأعشاب اللي ذكرتيه للنفاس والحيض هل هو يطحن أو يترك حب ؟؟ وهل يغلى أو ينقع حتى لا تذهب فائدته والنقع يكون بماء مغلي أو ماء فاتر؟؟ ماهو مقدار الشب والبودره اللي ذكرتيه لي يروح ريحة الحلب ؟؟

انا ماأنصحك تشرين دواء ماتعرفينه لان العطرين يبيعون بعض النباتات اللي تسبب الخراب مثال:
الصك والك معروف يخرب وشكله زي الكلوه لونه بني واملس هذا ياساتر منه يسبب الخراب بشكل مرعب. وصدقيني الادوية اللي كتبت عبارة عن مردود وهي ممتازة .
اما شاي الاعشاب مايطحن تغلينه على شكله لمدة عشر دقايق وتحلينه اما بسكر نبات او عسل طبيعي .
الشبة خذي الحجم (كبر حبة المشمش) واطحنيها واضيفي عليها تقريباَ 12 م.ك من البودره المفضله عندك وهذي للاستخدام اليومي ماراح تضر اذا كل يوم الصباح غسلتي منطقة الابط ووضعتيها وهكذا

سؤال: حبيت أسألك عن المكروشه وكيف طريقة استخدامها؟

المكروشة ممتازة جدا بس تبي الحذر والتعامل الجيد مع البخار عشان متسبب حروق:
خذي كرش ذبيحة غنم لاتكون مقطعه يعني على شكله غسليهاونظفيها وبعدين احشيها بأدويه مثل:
كمون +فلفل اسود+حبة حلوه+دارسين(قرفه)+حلبه +محلب+نونخه ماش+قيصوم+شيح+يانسون+ميرميه+حزاة+الحبة السوداء+قرنفل) وبعدين تخيطينها وتحطينها في قدر كاتم لمدة ساعه بعدين تسكرين النار ولاتفتحين القدر خلي لهواء ينسم مع الفتحه المخصصه بعدين بربع ساعه خذي القدر معك داخل بطانيه وافتحيه شوي شوي واستنشقي البخار واذا تقدرين تاكلين منها يكون احسن وبعدين اجلسي لك شوي انتي ومتلحفه بالبطانيه وخلي احد يروح ويوزنلك الدش على ماء دافي وقومي وانت والبطانيه وادخلي تحت الدش وتروشي ,والهدف انك ماتطلعين من تحت البطانيه عشان ماتتعرضين لتيارات الهواء المختلفه ويكون الماء اللي تتروشين تحته دافي .وكذا تمت العمليه كامله .
سؤال: عن كبو الهوى فانا اشتريتة بشكل يشبة المزمار اي مجوف ولونة اسود واختي اشترتة يشبة هيك الفلفل الاسود ولاعرف ايهم هو كبو الهوا فارجو منك التوضيح ان امكن
كبو اللهواء مكون من كل الاعشاب اللي ذكرت سابقا واللي زي المزمار يسمى عود الهواء(اسمه توي اعرفه من امي) والي اختك حصلت عليه هذا اسمه فلفل الهواء وها العنصرين اخلطيهم مع بعض راح اعطيك بعض من مكونات كبو الهواء(محلب+ورق حناء+فلفل هواء+ عود هواء+ مرة + حلتيته+خوا جوا+قشر بصل+كمون+هدب اثل).

__________________________________________________ __________

سؤال: انا الان في خامس يوم الدوره واستخدمت التحاميل والبخور عادي اتبخر ثم احط التحميله والتحميله ما نشفت عندي دخلتها وهي رطبه اشوي عادي
ابي منك لو سمحتي وش احط اخر يوم دوره علشان المنطقه تضوق
الالم الي معي وقت الجماع شديد جدا كان ارحامي بتنفجر حتي نفسي يضيق منها
ورحت لدكتوره من ثلاث اشهر واكشفت من تحت وقالت الارحام سليمه وارجعت لوضعها الطبيعي علشاني انا مرضع فانا علشان حاسه في الهواء توقعت هو الي يضغط علي ارحامي ما توقعت ميلان ابد لكن هل تتوقعين انهم ما عندهم سالفه وارحامي علي قولك ما يله اذا كذا لزم اجي السعوديه واعالج لان الالم حار وهل عندك طريقه لهذا الشي وش اسوي

حبيبتي خروج الهواء هذا خراب وما يسبب الم ابد ابد لكن الميلان والالتهابت هي اللي تسبب الالم وانتي تقولين انك كشفتي ويقولون لك مافيه شيء وانا اسألك لو كان كل شيء تمام ماكنتي حسيتي بالألم ولاطلع من هواء صح؟ عشان كذا اقولك شكلك معك ميلان ويمكن للخلف واذا تقدرين تجين هند اهلك بالاجازة لاتخلين نفسك روحي لمرأة متخصصه بعلاج طب العرب وياليت تكون هذه المرأه من نجد لانهم جدا شاطرات.
اما علاج الميلان فلايعالجه اعشاب الذي يعالجه (المخبنة والتدليك)وهذا يسونه الحريم وياسبحان اللي عطاهم المعرفه .
تخيلي بنت عمتي عندها ميلان ومحد اكتشف هذا الميلان وكانت دايم تشكي من الالم وقلنا لها اكيد ميلان وراحت لمرأة وعالجتها والحمدلله الحين تعدل الرحم والحين هي حامل ويكون بعلمك أي واحده عندها ميلان يأما متحمل ااو اذا حملت مايثبت لازم تأخذ مثبت والعلاج مرة في الشهر حتى يتعدل بعض الحريم من اول شهر وتطيب وبعضهن يبيلها 3 شهور.

سؤال: هل الفلفل مع العسل في اخر ايام الدورة زين للمرة حيث سمعت من الصديقات انه يحرحر!! وهل المحلب ينزل المويات؟

الفلفل الاسود ممتاز مع الشوربات والايدامات والمرقوق والمطازيز والعسل ايضاممتاز لكن معمري انا خلطتهم مع بعض
والمحلب ينشف وينزل المويات بس مايستخدم إلا في اخر ايام الدورة او 20 يوم الاخيرة من النفاس

سؤال: في الدوره الي فاتت قريت لوحده تقول السكر النبات بعد الدوره زين والله جربته علي طول والله لا يوريك احس انه خربني ازياده والالم هل تتوقعين انه من اللتهبات ولا التهبات تجي مع الميلان

حنا في حالات الكسور والجروح الصعبه نمنع المصاب من اكل السكر لانه مايساعد على التأم الجرح او الكسر
وننصح بالعسل الطبيعي لانه يساعد على تكون الانسجة التالفة. عشان كذا قليل مانستخدم السكر في النفاس او الحيض ونلجأ الى العسل الطبيعي .

سؤال: هل شرب منقوعة العنزروت في ايام الدورة ضارة لاني سمعت من بعض الاخوات انها ترخي..!!
للفائدة لقد استعملت الشبة وياليتني ما استعملتها الله اعلم وش صار لكني ادركت نفسي وانقذتها
من هلاك كاد ان يبطش بها (مويات ما توصف ) المرة بعد عناية الله هي الحل الوحيد .. انصح الجميع بها" لاتذكريها لعدوك " غاليتي وش رأيك بالغسول المذكور"جرجبيت ريسيب" انة يطهر ويضيق

لا منقوع العنزروت ان شاء الله مايضر لانه منظف للمعده والامعاء ولا يضر ابدا لكن يكون مكون من(عنزروت+مرة+شوي محلب) ويشرب يومياَ
اما الشبه فهي مخربة جدا جدا بعض النساء تستخدمه لجهلها كتحميلات او كغسول لمنطقة المهبل وهي لاتعلم ان اثره شديد وتسبب التهابات وتخرب اما اغسول اللي ذكرتيه ما أعرفه .

سؤال: إذا ( لاقدر الله ) وكانت الولاده قيصريه هل أستعمل كل هذه الأشياء الكبو ، شاي الأعشاب ، التحاميل ، الغسول ... وإلا خلاص أريح عمري مالها فايده ؟؟؟؟

انا جبت بعملية ومشيت على النظام لان الارحام هي الاساس والخراب يكون بالارحام مو بالمهبل.
بالنسبه لشاي الهواء زي ما قلتلك مافيه شاي هواء لكن ممكن المقصود المطبوخة وفيها مجموعة من الاعساب فيه حاجه يابسه زي ورق البازلا وخشب زي الاغصان وحب صغير احمر هذي تنظف من الدم ولكن فيها اعشاب لابد تتخلصين منها لانها اذا انقطعت عنك تخربين ولذلك اعطيتك شاي اعشاب حتى لو ماتوفر ماتخربين اذا تركتيه وانا استخدمه وخواتي وخالاتي وكلنا ولله الحمد تمام

سؤال: الدش المهبلي 00زين ولا يخرب المرأه لان صديقتي قالتلي حطي فيه مويه وملح وتغسلي فيه اومويه مع مره في الدور او النفاس او الايام العاديه 00000000والحامل هل الماي والمره او الملح يضرها لو تشطفت فيه من جوا 00000000وش احسن حاجه للمره في النفاس التنقع في الماي والملح لمده عشر دقايق او التشطف فقط 00وش احسن يوم تبدا فيه بعد الولاده بالماي والملح لاني سمعت لازم بعد اسبوع من الولاده 0000000وهل استمر فيه لاخر يوم من الاربعين
0000بغيت اسأل عن البخور متى تبدأ فيه الوحده بنفاسها في اي يوم ولمتى لحد ماتخلص الاربعين ولا لا 000000

الدش المهبلي مايضر بس استخدميه من برى اما التنقع بالماء تجنبيه لان الحين اللحم اذا تعرض لماء يفسد والارحام بعد الولادة تكون عباره عن لحم متجرح فوش يصير لو تعرض لماء (تخرب الارحام) والتشطف للحامل عادي بس مو داخلي وتتجنب التحميلات عشان ماتسحب موية الطفل اما الكبو يستخدم في الايام الاخيرة من الدورة او20 يوم الاخيرة من النفاس
وافضل شي بالليل عند النوم

سؤال: قلت مع اللولب اتجنب التحاميل,,,طيب بقية الادوية اللي ذكرتيها تكفي يعني ،،،اذا كنت تعبانة ممكن بعد الله تساعد على الشفاء؟
مافيه اي شيء اذا تركتي التحميلات واهم شيء الادويه الداخليه السفوف والشاي والاهم انك تتقيدين بترك الممنوعات والجوع اثناء الدورة والحيض وان شاء الله بتشوفين بنفسك الفرق لما تخف المويات والرطوبة ولكن استمري ولاتملين

سؤال: فيه وحده قريبتي عندها ضعف في المبايض وكل ماحملت وصار لها شهر سقطت ومافيه مستشفى إلا وراحت له بس ما استفادت شي وش تنصحينها تستخدم من الأدويه؟

اذا تكرر التسقيط عند زميلتك فما ادري وشو السبب لان لابد ان تكشف عليها مرأة متخصصة بطب العرب في بعض الحالات لايكون معروف عند النساء ولذلك تنصح بالرقية الشرعية فقد يكون عين او نفس هي المانع اما اذا كان التسقيط معروف سببه عند الاطباء مثل (قصر المهبل) فهذا اكيد يحتاج ربط ويسويه المستشفى واللي مثل حالتها لاتستخدم اي دواء شعبي حتي لا يطيح الطفل وحتي الحلب توقف استخدامه
قلتي صديقتك عندها ضعف عليها بالحلب حتي يتم الحمل بعدين توقف استخدامه
وممكن تستخدم عسل طبيعي +بار النخيل(كافر واحد) وتأخذ ملعقة كل صباح وان شاء الله يكون حمل وانا اخاف ان صديقتك معاها ميلان معه عشان كذا مايثبت الحمل وبالغالب اللي معاها ضعف بالمبايض قليل مايثبت الطفل لكن انا انصحه تعالج عند مرأةطب عرب.

سؤال: _بغيت أسئلك عن الرز ناكله عادي بفترة النفاس والدوره؟؟ لأن فيه ناس يقولون يكبر البطن ليه هو يضر أكله بهالفترتين؟؟
_ بالنسبه لشاهي الأعشاب ذكرتي أنه ناخذ 3ملاعق كبيره من الأعشاب وش كثر الماء اللي نغلي فيه؟
_ منقوع العنزروت والمره والمحلب قد إيش أشرب منه والماء اللي أزيده قد ايش هو كثر اللي آخذ منه ؟؟
_ البنت بفترة الدوره تسوي ( كبو الهواء ) ؟؟ ومتى أصلحه؟؟ وهل ضروري أسويه وإلا أكتفي باللي قلتي بفترة الدوره؟؟
عزيزتي فيافي أنا طلبت منك تعطينا إذا فيه برنامج تتبعه الحامل فترة الحمل وكذلك الأشياء اللي تسهل الولاده لأن أختي حامل وتمنينا تفيدينا بخبرتك ..

اكل الرز عادي بس المشكلة فيه انه يكبر البطن ويسمن وثقيل على المعدة عشان كذا نستغني عنه بالبر وخاصه البر ونخالته مثل المطازيز او المرقوق او ايدام لحم مع خبز بر.
اما شاي الاعشاب 3.م.ك مع 3اكواب ماء حجم وسط منقوع العنزروت كوب ماء صغير او وسط واذا شربتي زيدي
نفس كمية الماء واذا ذابت العنزروت والمرة والمحلب اضيفي ثاني .
البنت عادي تتكبا؟ والكبو ضروري وافضل طريقه له هي كالتالي:
حطي الفحم في المبخرة تحت كرسي مفرغ اجلسي على الكرسي والمبخرة تحته وضعي على الجمر قبضه من الكبو وتكونيين شايلة بس الملابس الداخلية وهذى يكون كل ليله عند النوم وفي الايام الاخيرة من الحيض او النفاس.
بالنسبه للحامل افضل شيء لها المشي وبعدين اذا بدت الالام (الوضع) تشرب حلب وتأكل رطب (والرطب ذكرة الله لافضل نساء اهل الجنه مريم عليها السلام) وانا اعرف نساء كثير ولدتهن سهله من الله ثم للرطب وانا للاسف ما جربته لاني استفرغ اثناء الالام الله يكرمكم ولكن امي واختي جربنه كذلك اذا ماتوفر الرطب خذي تمر واعبطيه بماء وزعفران واقرائي
سورة الزلزلة واول آل عمران واشربيه

سؤال: حبيبت أسأل التجشؤ الكثير بصوت عال - يعني الهواء اللي يطلع من المعدة - ومو بعد أكل، يعني على طول .... هل هو دليل على شيء مو زين ؟؟؟

والله مااعرف عن التجشؤ شيء. بس اذا كان طول الوقت مع راحه كل محصل التجشؤ ورغبه للاستفراغ مع عدم شهية للطعام او كره للاكل (زي الوحم)والوجه لونه اصفر والرموش متفتلة(كأنها محروقه) فهذي اسمها خشة برد وتكون
مصيبه الشخص بعد اكلة دسمة ومتعرض للبرد شديد وهذي لها علاج اخر.
العلاج:
اخلطي المقادير التالية :
3.م.ك عنزروت+ 3.م.ك مرة+ مكعب من الحلتيته المطبوخه (مو الرطبه) وتلقينها عند العطار +3.م.ك علك مر+ م.ص كاثه +م.ص من الصبرة(المباركه) + اقل من ربع ملعقه صغيرة كبريته . بعدين تأخذين ملعقه صغيرة من الخلطه مع كوب ماء حار وخليها لحد متبرد وحركي ثم اشربيها.
يمكن يصير معك شوي اسهال (الله يكرمكم) بس لاتخافين اهم شيء تقيدي بالمقادير لان مثلا عندك الكبريته لونها رصاصي بودرة خطرة شوي ماتكثر.. اتمنى انك فهمتي واستمري على العلاج لحد متطيبين وهي ممتازة حتى للاطفال من عمر 3سنوات وما فوق.
على فكرة ترا ريحتمه مرعبه بس عادي واذا جمعتيهم اطحنيهم بس في مكان برا المطبخ في الحوش مثلا لان اذا انكبو في المكان ماترو ريحتهم ابدا

سؤال: العطار ما عرف الكاثه ... وخيرني بين الكبيريت الأصفر والبيض .
وعندي سؤال إذا سمحت لي :
ما الفرق بين الحلتيته الطريه واليابسه .... على الصحة ؟

والله لااعرف للكاثه غير هذا الاسم وممكن انك تحذفيها اذا لم تجديها واذا انتي من اهل الرياض انصحك انك تروحين للصمعاني في حي المروج والرجل معروف بصدقه وخوفه من الله ولا ازكي على الله احد
ممكن انك تجدين ماصعب عليك من الادويه عنده

سؤال: الشراب يكون على الريق ....... وإلا عادي خلال النهار وهل المعدة لازم يكون فيها أكل ؟؟ وكم مرة في اليوم ؟؟
طريقة تنظيف العنزروت ؟؟؟؟ فيه شيء معين ينشال منه ؟؟؟ علك اللبان..... يكون لين وإلا يابس ؟؟

تشربين الدواء مرتين في اليوم على الريق وعند المغرب من نفس الكوب يعني الصبح نص الكوب وعند المغرب باقي الكوب.
العنزروت زي التراب وهولونين حليبي واحمر واذا اضفتي له ماء يلزق مع بعضه وما يحتاج تشيلين منه شيء العلك المر طعمه مر وشين وهو دوائر صغيرة مو زي العلك المستكه

سؤال: لو سمحت متى تستخدم التحميله يعني من اول يوم من النفاس حتى لو كان فيه جراحه؟

نعم التحميله من اول يوم لانها تعمل كمطهر للجروح وكمنظف وطارد للدم الفاسد

سؤال: النفاس ماتتنقع ابد ولا بعد تتشطف؟ فهمييييييييني عيوني

نعم النفاس ماتتنقع في بانيو ابد ابد ابد ليش؟؟؟؟؟ لان الماء يدخل الارحام ويفسدها(يخربها) والتروش (الاستحمام)ضروري مرة في الاسبوع بس علي السريع وانتي واقفه تحت الدش اما التشطف للمناطق الدخليه
يكون يوميا بس(بالارطى+ الملح + الماء ) غير كذا ممكن تغسل الرقبه والصدر الى السرة فقط واهم شيء
القدمين لايتعرضون لماء لفترة طويله او تمشين على الرخام حافيه لازم تلبسين شبشب لان البرد مو زين للقدمين.

__________________________________________________ __________

سؤال: هل الرشاد في ثاني يوم من الدوره له فائدة؟

الرشاد ينشف الدورة بدون تنظيف عشان كذا نستخدمه مع التمر بس اول ايام الدورة وفي الايام الاخيرة نستخدمه مع التمر والسفوف

سؤال: ذكرتي عن خشة البرد وان ابنتي عمرها اربع سنوات وفيها الاعراض اللي ذكرتيها فهي اذا اكلت الاكل احس انها ودها تطلعة لكن انا توقعت انة حلقة صغير لهذا السبب فارجو منك التوضيح

اعطي بنتك منه وان شاء الله اذا ما نفعه ماراح يضرة وراح تلاحظين اذا خذته راح تتعدل شهيته وتنفتح وتزين حاله
واذا تبينها تسمن شوي عطيها 100 غرام من المحلب + سكر نبات اطحنيهم وكل يوم .م.ص

سؤال: الدش المهبلي من جوه ما اسويه ابد لو مره بعد الدوره؟ ويكون عباره عن عسل وماء دافي علشان انا بعدة عن الى في الصيدليه با المره والعسل وش رايك؟

ابدا لاتسوين دش مهبلي اثناء الدورة حطي تحميلات او تشطفي

سؤال: اود ان اسالك عن الماش ،،،انا اذا استخدمته يبين مفعوله بسرعة ينشف ويوقف الافرازات،،ياليت لو تقولين رايك فيه اخاف انه مثل الصك واللك اللي يخرب؟؟؟

الماش ممتاز جدا جدا وقت الدورة ولا يهمك استخدميه وهو مو مثل الصك واللك فرق السماء عن الارض
والماش حب زي حبة الوبياء لونه اخضر وهو ممتاز ويضاف ممكن مع المرقوق او المطازيز او يطحن ويضاف الى السفوف

سؤال: ممكن تساعديني في معرفة العفص ايش هو وهل يصلح لتنظيف الرحم من الالتهابات

تجنبي العفص لانه يخرب سواء حمستيه او طحنتيه

سؤال: بغيت اسالك هل (خشة البرد ) هى اللى نسميها غبطة؟؟ واعراضها معدة منتفخة وريحة البطن خايسة ( الله يكرمك)ونلاحظها بالصغار اكثر شى لما يكثرون من البفك والبطاط , لان فى حرمة تعالج قالت ان البفك اخطر شى للطفل يخيس بمعدته وبعدها كل ما خرج بطنه تشمين ريحة خايسة ونصحتنا ان ما نعطى عيالنا منه.فهل هى اللى قلتيها؟؟ وعندى سؤال ثانى اعرف طفل فيه بو صفار من يوم ما انولد! لما اهله راجعوا فيه لقو كل شى فيه سليم واللون الاصفر اللى فى وجهه خلقة ما يروح وكبده سليمة مافيها شى الحمدلله. بس قال الطبيب انها حالة نادرة جدا . عندك علاج له؟ تصدقين فى عجوز تداوى شافته وقالت لامه جيبيه اكويه على رؤوس الاظافر وهو يطيب باذن الله ويروح البو صفار منه!! شرايك؟؟

خشة البرد تختلف عن الخبطة الخبطة هي عبارة عن تلبك معوى وممكن يزول مع زوال المسبب لتلبك لكن الخشة لا تصيب بسبب الدسم عند التعرض لبرد وتسري مع الدم والمصاب بالخشة يكرة الاكل يصيبه الخمول ويصفر بشرته ورموش العين تتفتل(زي المحترقة) ولا يصيبه اسهال ولامغص اما الطفل اللي قلتي ممكن تعطيه (عنزروت بس تخففه مو ثقيلة ) وعسل طبيعي واذا مانفع تكويه عند المرأة

سؤال: انا لي 15يوم مخلصه الاربعين واحيانا يعورني ظهري مررررررررررررره وتنزل مني افرازات الله يكرمك بنيه او ورديه او دم خفيف ...مع ان الدوره جتني بعد الاربعين على طول ماادري وش الحل وجع ظهري متعبني مره خاصه مع شغل البيت والاطفال

اولا دورة النفاس تسمي(ردة النفاس) وهي مهمة وممكن انتي مانظفتي زين يعني باقي دم فاسد وابعطيك وصفه استخدميها مع الدورة القادمة ( فنجال مرة+فنجال حبه سوداء) اطحنيهم واخلطيهم مع عسل طبيعي على الريق وان شاء الله بيتحسن وتنظفين اما اذا استمر وجع الظهر فيمكن متعرضه لظغط اثناء الوضع من الممرضات وصاير شيء لفقرات الظهر
والافضل تأخذين اشعه للاطمئنان . واذا ماصار تحسن بلغيني

سؤال: بغيت أسألك حبيبتي ياليت تعلميني الأشياء اللي نعطيه المولود مثلا للمغص وغيره..وياليت تذكرين المقادير والوقت علشان ما أعيد السؤال نفسه.
بغيت أسألك أختي بناته يوم ولدتهم كل الليل يصيحون ولاندري وش السبب لدرجة إن بنته الأولى حصله بعج وسووله عميله. والثانيه مثل إخته كل الليل إلى الفجر تصيح بصوت واحد ولما سألنا وحده من الحريم الكبار قالت لنا نقطوا بحلقه نقطتين مره وصلحناه وكأنه أحسن إذا تعرفين السبب قوليلنا وعلمينا وش نسوي ؟؟ صديقيني محتارين وش نسوي والخوف للي بيجي يصير مثلهم .

للمولود اذا فيه مغص اطبخي شوي كمون مع ماء وسكر نبات ورضعيه يهدي المغص
اما اطفال اختك فامراض الاطفال تختلف فمثلا ولدي الصغير بعد ماجبته بأسبوعين صار بس يصيح ويرجع راسه وراء ومايرضع بغى يموت وماخليت مستشفى ماوديته المهم وديته لمرأة متخصصه بالاطفال
وشافته وقالت لي مشتم بريحان ولازم كوي المهم كويته وتوكلت على الله ماتصدقين نام على طول ورضع ولله الحمد عشان كذا صعب اقولك وش فيه لكن اكيد انتم بعد الولادة مارضعتوه جليكوز لانه ينظف المعدة وهوحلو للمواليد

سؤال: هل خشة البرد علاجها اللي ذكرتيه.. هو نفس اللي يبيعونة الحريم (سعوط) ام لازم انا اخلطهم رغم ان الحريم موثوق فيهم ..لونه بين الكحلي والبني

ممتاز السعوط مع الدواء اللي كتبتلك يعني اضيفي سعوط مع نفس الكوب اللي فيه الدواء ويشرب
وانا للاسف ما أعرف مكونات السعوط وإلاكان كتبته لاني اخذه من عجوز تقرب لامي وحنى متكلين عليها ولا عمري فكرت اخذ مقاديرة

سؤال: ممكن اعرف شلون تعرضت للضغط من الممرضات ؟؟؟؟؟؟
ونسيت اعلمك انه ظهري بدا يالمني قبل الولاده بخمس ايام يعني الالم موجود قبل الولاده
وسؤال اخير الله يعطيك العافيه وش الحل اذا كنت متعرضه للضغط من الممرضات يعني مافيه شي اسويه او اكله قبل الدوره الثانيه واخاف مع الرضاعه تطول ماتنزل والالم صعب خاصه مع شغل البيت

الضغط من الممرضات يكون بتفريق القدمين ودفعهن للخلف بشده ومع الالم ما تحسين لكن بعدين تكتشفين ان اخر عضمه بالظهر متحركه عن موقعها على كل حال الم الظهر طبيعي بعد الولاده وتجلسين تقريبا ست شهور وانتي تعانين منه وخاصه اذا كنتي غير معتاده على المجهود العضلي لكن انصحك تأخذين اشعه على الظهر واذا طلع كل شيء تمام لاتضغطين على نفسك بالشغل وكلي (الماش) وهو ممتاز للعضام والجروح وتقدرين تأكلينه في اي وقت
اما الرضاعه الطبيعيه ماتضر ابد بل على العكس مفيده للام ولطفل.

سؤال: كم مقدار الجيليكوز في الرضاعه وكم مره في اليوم؟؟ أضيف للجليكوز سكر نبات أو عسل لأنه طعمه مالح؟؟
فيه شاهي المولود يصلح بالبيت وهو مكون من : (حلب + كمون + يانسون + كراويه +نعناع +|حبه سوداء) نخلطهم مع بعض من طحن وناخذ ملعقه صغيره ونحط عليه مويه مغليه ونخليه ألين يصير دافئ ونشربه.. وش رايك فيه زين وإلا مو زين للمولود
بالنسبه لحالة بنت أختي صياح من الليل للفجر والعصر تلوى من بطنه وإذا رضعت الله يكرمكم تستفرغ والله يكرم الجميع البراز قليل ولما عطيناها مثل ما قلتلك نقطتين من منقوع المره الله يكرمكم برزت وإرتاحت.. أتمنى عندك الحل والعلاج بإذن الله ..

لا يأختي شراب الجيليكوز حلو مو مالح والطفل ابدا ماتعطينه ملح في السنه الاولى من عمرة عشان ما يصاب بالتسمم.
انا ابوصفلك الجليكوز: في علبه زجاج صغيره علتها طبعه ورديه وهوثقيل حالي والغطي معدني وهو مصنوعه عشان تشيلين الغطى وتحطين بداله الحلمه حقت الرضاعه. الشاي اللي قلتي حلو بس شيلي منه اليانسون والحبه السوداء لانهم حارين على معده الطفل الصغير ممكن تعطينه هذولي اذا كان عمره اربعة اشهر
بالنسبه لبنت اختك ابغى اسألك؟؟؟ هل تخريجه(ولكم الكرامه) زي الخيوط الصمغيه اللي فيها لون اسود او اخضر غامق او زي القطن الابيض وله ريحه كأنه طالع من ثلاجه ومعاه زي الزلال يليت يردين علي.

سؤال: تخريجه زي القطن الأبيض وله ريحه وزلال.. بالنسبه لشاهي المولود اللي قلتلك عليه كم مره نعطيه المولود.؟؟

هذا برد يمكن اختك نايمه عند المكيف بدون لتغطي البنت زين المهم اعطوها من الشاي اللي ذكرتي تقريبا رضعتين الى ثلاث رضعات باليوم بس بدون لا تطحنون الاعشاب اغليها 10 دقايق وصفيها بالرضاعه
ونقعيله شوي عنزروت في فنجال قهوه وخليها خفيفه واعطيه مرتين مرة الصبح ومرة عند المغرب واذا تعرفين السعوط عطيه سوي مع العنزروت منه وطمنيني على بنت اختك اذا فيه تحسن لازم

سؤال: بنت أختي اللي أقولك عليها كبيره لها سنتين وشوي والحمد الله ما تشتكي من شي بس أختي من كثر ما تعبت من بناته لأنهن نفس الطريقه وخافت ليكون كل عياله نفس الشي لأنها تعبت تخيلي ماتنام ولاترتاح وقلق وخوف على البنت يعني حالتها النفسيه مرررررررررره تعبانه وخافت ليصير كل عياله نفس الشي وتعيد المأساة من جديد حبت تسألك وتعرف السبب علشان إذا جاها مولود جديدتكون عارفه السبب وتداويه لأنهم نفس المشكله وحده

الله يخلي لاختك بناته بس الحين خليها تعطي بنته لو مرة بالاسبوع (عنزروت)
اما بنسبة للمواليد ابعطيك بعض النصائح للمستقبل
اولا: بعد الولاده مباشرة تعطيها جلوكوز رضعه كامله ليش؟؟؟؟ لان الطفل يكون في بطنه بعض من سوائل الام فلازم تطلع والجليكوز يساعد على تنظيف باطنيته
ثانيا: تشربه مغلي الكمون مع سكرنبات
ثالثا: تحرص على الدفى وتعطيه عنزروت لو مرة في الاسبوع بس تخففه
رابعا: تحاول ترضعه طبيعي لو فترة الاربعين لان هذا مفيد لطفل ولها

سؤال: ممكن نعطي المولود شاهي الأعشاب اللي قلتلك عليه وندهنه بزيت الزيتون يومياطبعا مع النصايح اللي قلتيلي عليها .. وكم مره نعطيه من الشاهي ؟؟وكم المقدار؟؟؟
كم مره نعطيه من الجلوكوز طبعا غير الرضعه الكامله اللي قلتيلي عليه؟؟ كم المقدار؟؟؟
متى نوقف الجلوكوز مانعطيه المولود؟؟؟
كم مقدار العنزروت اللي نعطيه المولود؟؟؟ومتى نوقفه عن المولود؟؟

اعطي الطفل من شاي الاعشاب اللي عندك عادي في اليوم مرة واحده واذا فيه مغص مرتين اما الجليكوز اعطيه مرة واحده كل صبح فترة الاربعين بس وبعدين اقطعيه العنزروت مقدار ملعقه صغيرة مرة في اليوم الزيت الزيتون يدهن الصدر والبطن بزيت دافي مرة الصبح ومرة عند النوم

سؤال: كم مقدار الجلوكوز في الرضاعه ؟؟

بالنسبه للعنزروت مو واضح كلامك لي معليش آسفه لكن مره قلتي لي نعطي المولود مره في الإسبوع وألحين تقولين مره في اليوم فيه تعارض كلامك أنا عاذرتك والله من كثر الأسئله.. سؤالي هل نعطيه مره في الإسبوع أو مره في اليوم؟؟ وش كثر نعطي المولود منه؟؟ ياليت تبينين لي مقدار العنزروت والماء ؟؟
لا مافيه تعارض ولا شيء انا اقولك تعطينه عنزروت لو مرة في الاسبوع اذا هو طيب مافيه شيء لكن اذا كان تعبان تعطينه ممكن مرة في اليوم ملعقه صغيره او ملعقتين صغار مايضرة ان شاء الله يعني اذا هو تعبان مرة تعطينه مرتين في اليوم عنزروت مرة الصبح ملعقه ضغيرة ومرة المغرب ملعقه صغيره
بس اهم شيء ماتثقلينه تتركينه خفيفه اتمنى انك فهمتيني

سؤال: سالتك عن الفواكه مثل المشمش والكرز يعني فاكهة الصيف

بالنسبه لفاكهت الصيف زي المشمش والعنب والكرز بعد الاكل يعني على شبعه بس لاتكثرين
اما اذاكان العنب حامض تجنبيه كذلك الرمان ممنوع الخوخ ممكن بس على شبع

سؤال: بغيت اخبرك اني ماشيه تمام على النظام وبديت احس ان خروج الهواء قل بنسبه كبيره عن قبل قبل خمسة أيام كنت مسافره ووديت معاي الأدويه وكل شي بس تعرفين زحمة السفر ويا العيال يعني شوي صار في خربطة في العلاج بس في هالأيام.. ما أدري الحين اواصل عادي والا اعوض الأيام اللي طافتني يعني ازيد العشرين يوم الأولات خمسة ايام بعد على نفس الأدويه وبعدين انتقل للعشرين يوم الأخيره؟

الحمدلله على التحسن واذا ان شاء الله استمريتي في كل دوراتك بتشوفين العجب وياليت انك مالخبطتي لان الفايدة في الالتزام بالنظام بس معليش الحين بعد مارجعتي كملي النظام عادي واذا جتك الدورة اقلبيه على الايام الاولى من الدورة ثم الايام الاخيرة من الدورة ثم كمليه عادي وصدقيني وحدة مشت على النظام 3 دورات هي وزوجها حسو بالفرق.

سؤال: يقولون الغسيل بالصابون والشامبو للمنطقه يخرب ايش رايك 00وهل في صابون طبي تعرفينه زين؟ وفي حريم ينشفون المنطقه التناسليه من داخل بشاش او قماش ناعم هل هو كويس ولا لا؟

التغسيل بالماء او الصابون وقت الحيض او النفاس من مسببات الخراب ولكن في الاوقات العادية غسلي بماء وصابون عادي ولكن تجنبي الشامبو او الصابون المعطر انا شخصيا استخدم (صابون ديتول) بس مو دايما واحرصي انك تنشفي المناطق هذي بعد التشطف بمناديل أي نوع لان الفطريات والبكتريا تحب تتجمع في المناطق الرطبه الحارة وهذا من المساعدات على حصول الالتهابات.

سؤال: إذا كانت المرأة ولله الحمد سليمة ولا تعاني شيئا مما سبق من بعض أمراض النساء فهل هناك أعشاب معينة تتناولها المرأة أثناء الدورة مثلا لتحافظ على صحتها مع زوجها؟
والسؤال الثاني:
إذا كانت المرأة قبل النفاس لا تعاني من أي مرض مما سبق ذكره فما هي نصيحتك لكل امرأة نفساء ويمكن أن نطلق عيها(النصيحة الذهبية) حتى ترجع مثل ماكانت من قبل وتنال رضا زوجها؟

السيدة التي تريد المحافضه على صحتها انصحها بأن:
1ـ ان تستمر على نظامها الذي اعتادت عليه ولاتغيره
2ـ ان لاتشتري ادويه مطحونه من العطار او أي امرأة دون ان تعرف
مكوناته فقد يكون بعض الادويه مخلطه من نباتات ضارة لها
3ـ تتجنب الجوع فترة الحيض او النفاس
4ـ ان لاتستخدم تحميلات لاتعرف مكوناته وافضل التحميلات اللي ذكرت لانه لو تركته لم تؤثر عليها .
واتمنى اني وضحت مع ان الذاكرة بعض الاحيان لاتسعفن

سؤال: _ في فترة النفاس فيه شي نستخدمه علشان البطن يرجع لوضعه الطبيعي أي مثل ماكان قبل الحمل ؟؟ فيه حريم ماشاء الله عليهم إذا طلعوا من النفاس ما كأنه حملت وولدت.

اجابة الأخت أم الحسن: بائع في محل (عطّار) وهو رجل كبير في السن وعنده خبره وصف لإحدى قريباته عن قشر الرمان وبأنه يزيل البطن بشكل فعّال .
والوصفة هي:
نضع قطعة من قشر الرمان الجاف في ماء مغلي ونتركه يغلي خمس دقائق ثم يشرب فنجان صغير على الريق يوميا (والله يعينكن على مرارة الطعم).
والوصفة يحتاج لها قوة إرادة حتى نصل إلى المطلوب

اجابة الأخت فيافي: قشر الرمان معروف كعلاج لقرحة المعده
البطن لم يكن مشكلة كبيرة قبل 30 عام فجداتنا وامهاتنا كن ينجبن 15 من الابناء او 12 ولانرى لهن بطون وكان الدواء هو نفسه الذي نستخدمه الان وانا لاانكر ان العمليات تؤثر ولكن العمل الشاق له دور
فمثلا عندك المشي على الرمال (الثمامه,الدهناء,النفود)كله تمسح البطن مسح فقد كانت جدتي حامل في شهرها التاسع ولانرى لها بطن كله من المشي لذلك اللي يكبر البطن شرب الماء اثناء الحيض والنفاس عدم الحركه فمهما اكلتي من الادويه حتي تذهبي البطن لن يروح مادمتي لن تبذلي
مجهود عضلي وانا اعرف افضل رياضه وهي المشي على الرمال وصعودها فهذه تشد عضلات البطن شد خيالي, ايضا تمارين البطن اما ادويه شعبيه تنزل البطن ما اعرفها .


سؤال: أنا إستخدمت قشر رمان مع شاي صيني ونعناع وزنجبيل وطبعا أغليه بمويه لكن ماينحف البطن إلا شي بسيط..
هذه الطريقة قريتها من احد المنتديات وياريت اختي فيافي تعطينا رايك فيهاوهل تنفع نسويها مع النظام اللي قاعده اسويه
وهذه هي الطريقه...
للي تعاني من بروز الكرش:
خذى كميه من قشرالرمان اليابس اطحنيه ثم انخليه ثم ضعي عليه كميه من العسل الطبيعي كوني منهاعجينه متماسكه شكلي منها على هيئه اقراص بحجم نصف حبه الباندول ضعيها في علبه ثم ضعيها في الفريزر استعمليها في العشرين الاخيره من النفاس (او) في الثلاثه الايام الاخيرة من الحيض خمس حبات في الصباح على الريق وهى مفيده ايضا للمعده وتقوم بتنضيف الرحم .

والوصفه اللي ذكرتي ممتازه للمعده

سؤال: أنتي ذكرتي ( أرطأ+ ماء + ملح ) لكن ماذكرتي المقادير ياليت توضحين حبيبتي..وإذا طبخته أحطه بالثلاجه وإلا برى وكم مره باليوم؟؟
كذلك التحميلات:
م ك مره + شوي محلب + ملح خشن.<<< ياليت توضحين الشوي وش كثره والملح وش كثره ..

والله يا اختي انا اقدرها تقدير ولكن خذي مقدار 3كوب ارطا 1ملح +لتر ونصف ماء واغليهم وهذا يمكن استخدام يومين ومافيه داعي تحطيهم في ثلاجه ولكن اذا كثرتي الكميه احفضيها في الثلاجه
اما التحميلات م.ك مرة + فنجال ملح خشن+ م.ك محلب اعجنيهم بعسل طبيعي لحد مايتماسكون وكوريهم كبر حبة نوى التمر ويبسيهم يومين وبعدين استخدميهم.

يتبع

__________________________________________________ __________

سؤال: ابي اسال الله يعطيك العافيه بالنسبه للسفوف هل يمكن ان يخلط مع الحليب ويشرب؟

لاتخلطين السفوف بالحليب السفوف يكون مطحون وتأخذين بملعقه وتبلعينه وعشان يروح ميلزق بالحلق تشربين

سؤال: بالنسبه للغسول الأرطأ كم مره أستخدمه في اليوم هل كل ماأدخل الله يكرمك الحمام أتغسل منه ؟؟
سؤال ثاني :الحين إذا بغيت أغسل المنطقه أغسلها بماء ثم بالأرطأ؟؟

الغسول مرة في اليوم ايام الحيض والنفاس واكتفي بالتنشف بالمناديل اطبخي الارطا بالماء والملح مع بعض وهذولي استخدميهم لتشطيف تلك المناطق
اغلي الارطى مع الماء والملح لمدة ربع ساعه وبعدين صفيه واحفظيه للاستخدام

سؤال: ولدي الحين عمره شهرين واحس ان معه بلغم الله يعزك اسمع صوت خشخشه بصدره لكن من دون كحه
سؤالي هل اقدر اعطيه مره الحين يعني مهيب قويه عليه ؟؟؟؟؟؟؟ واذا عندك وصفه للكحه والبلغم الله يعافيك عطيني لان شتانا على الابواب ومن هالحين لازم نستعد

انا ملي خبر كبيرة بالاطفال بس من علاجي لعيالي يعني معرفه محدودهبس بالعاده اذا فيه كحه مع حشرجه اعطيه منقوع العلك المر وطريقته اخذ كوب علك مر في لتر ماء واخليه ينقع في الثلاجه وكل يوم اعطيه ملعقتين كبار مع اني ما استغني عن الطبيب حق الاطفال

سؤال: تعرفين شى عن ( السقاط) احنا نسميه شذى واذا تاخرتى فى علاجه يسمونه( عظيم) وتكون اللوز نازلة وتخلى الطفل ما يرضع العلاج اللى نعرفه من امهاتنا انه نرش راس الطفل بماء بارد عشان يشهق ويروح السقاط . عندك حل ثانى؟؟واباسالك عن الكوى اللى نسميه ( الترقيش ) شرايك فيه ؟؟ حريمنا يقولون انه زين للطفل اللى فيه (اخيته)مادرى شنو يقصدون بس والله بنتى بعد الله وبعد ما رقشتها حرمة بطلت من الصياح وزان حالها.

(العظيم)معروف عندنا ويكون علاجه بالترفيع مع السعوط مع انه النصيحه العامه عدم الترفيع
اما(اخته)نسميها الخشه اللي سبق وذكرتها والافضل علاجها بالدواء السابق واذا مانفع يكوى الطفل

انتو مثلنا بالترفيع. يعنى احنا نرفع بالطريقة التالية: نجيب نوى التمر ونصفه جمب بعض على شيلة ونبرمها على شكل اسطوانى وبعدين نرفع الطفل فيها بان نضعها تحت اللوز بالضبط ونرفعها شوى شوى. مع ان امى تقول مو زين يتعود الطفل عليها.

نعم فيه تشابه بالترفيع ولكن بدون نوى التمر

سؤال: بغيت أسألك : إذا فيه غسول يومي في وقت الطهاره ؟؟
وش نحط على سر المولود علشان يطيح ؟؟
الحين إذا طهرنا المولود الذكر وش نسوي بالطهار وش نحط عليه ؟؟
لأن حنا ماجانا مولود ذكر ولا نعرف وش نسوي لو يجينا

افضل غسول يومي الماء ولابأس بصابونة(ديتول) مرة واحدة في اليوم
اما سر المولود احرصي على نظافته وذلك بتنظيفه بمسحة طبيه كل يوم وبطريقه لطيفه وعاده يطيح سر المولود من 15 الى 20 يوم وبعد مايطيع ذري عليه شوي (صبرة) المباركه وممكن تجيبين قرش اونص ريال وتلزقينه على السر عشان اذا بكى الطفل مايطلع او ينفتح سرة طبعا بعد ماتنظفين السر بمسحه تذرين شوي صبرة ثم تلزقين القرش العمليه يوميه اما الطهار اهم شيء لاتشيلين اللي يركبون المستشفى واكتفي انك تصبين زيت زيتون عليه مع مطهر جروح وبعد مايشيلون المستشفى اللزقه صبي عليه زيت زيتون ولاتنظفين اللون الابيض اللي يطلع تراه جلد ينمو وهو طبيعي بيلتأم من نفسه

سؤال: تذكرين .... سؤالي عن خشة البرد أنت الله يجزاك خير.....قلت عن المقادير للدواء لكن هل هي لمرة واحدة ..... يعني أكرر المقادير في كل مرة؟

بالنسبة لمقادير الخشه بعد ماتطحنينه وتحطينه بعلبه تأخذين كل يوم مقدار .م.ص بكوب ماء وهكذا.. واذا خلص المقدار بعد اسبوع اطحني ثاني واعيدي العمليه لحد ماتعافين

سؤال: بغيت اسالك وش رايك بقشر الرمان كغسول هل يخرب ومتى ممكن استخدامه يعني ممكن كل يوم من غير ايام الدوره.وش فوايده؟
وبعد ممكن استخدام الماء والملح كغسول كل يوم من غير ايام الدوره ؟وش فايدتهم ولو استخدمناهم بانتظام وبكثره؟
وعندي سؤال ثالث بس مادري لو بتزعلون لو قلته سامحوني عشاني غشيمه بهالامور ومحتاجه منكم نصايح لاني استحي من الكلام بالموضوع حتى مع امي
سامحيني على سؤالي, بعد مايحطون الكبسولات بالليل كيف تنشال ,يعني هي بتذوب وبتخرج مع الدوره ولا كيف

بالنسبه لقشر الرمان انا ماعمري استخدمته ولكن هو قابض وكانو اول يستخدمونه في الدباغ لانه يقسي واعتقد انه ان شاءالله مايضر بس افضل شيء كغسول يومي بدون ايام الدورة
الماء العادي لان فيه مثل يقول(كثرالشد يرخي) وما انصحك بالماء والملح يوميا لانه يجفف خاصه كغسول يومي مع انه ضروري ايام الدورة
اما التحميلات بنفسها بتذوب داخل الجسم وتنظف كل اللى داخليعنى ماله داعى تشيلين همها.

سؤال: ودي اسالك عن الرياضة بالنسبة للمراة هل منها ضرر ؟؟؟ كثير يقولون انها تسبب نزول الارحام ما ادري وش رايك؟؟؟؟؟؟

الشغل والرياضه الغير عنيفه ماتضر بالعكس تقوي العضلات ولكن اذا ماعمرك سويتي رياضه ابدي بالتدريج حتى تتعودي عليها بس الاعمال العنيفه وحمل الاشياء الثقيلة هي اللي تسبب نزول الارحام وانا اشجعك على الرياضه بس لا تكون عنيفه

سؤال: تابعت موضوعك من البدايه وقلتي ان الي خربانه مره تمشي على نظام مده اربعين يوم وقلتي ان الحلب للدوره ثلاث ايام وللنفاس 20 يوم ياريت تقولي الحلب كم مده اذا ني ما ولدتولا في دوره انا بصراحه احس برطوبه معليش علي الصراحه لاكن وش مالي غيرك زوجي كثير الشكوي مني وبصراحه قررت امشي علي طريقتك 40 يوم بس قوليلي الممنوع من الاكل اتركه با الرغم من عدم وجود دوره والحلب الله يخليك كم مره ومنقوع الارطي والملح كل يوم والتحا ميل كل يوم مده اربعين يوم ولا لا

ياليت توضحين بالنسبه للنظام اتبعيه لمدة اربعين يوم حتى لو كنتي مو نفاس بس انك بالنسبه للنظافه عادي غسلي وتنظفي بالماء ولكن اذا جتك الدورة وسط هذي الايام اقلبي النظام من جديد واتركي الممنوع من الاكلات بالنسبه للحلب عادي مع السفوف يكون مطحون في الايام الاولي والايام الاخيرة تحذفينه وياليت تقرين اسئلة البنات والردود عليهن واذا فيه شيء مو واضح اسئليني

سؤال: ابن اخوي عمرة سنتين ونص تقريبا وبطنة منتفخة دائما ومعاه كتمه ايش احسن شي له؟

بالنسبه لولد اخوك سوو له الدواء اللي ذكرته دواء الخشه بنفس الطريقه يمكن ينفعه والظاهر ان الولد ما نظف بطنه زين بعد الولده وهذا لو كنا نتبع سنة المصطفى محمد صلىالله عليه وسلم بتحنيك الطفل بعد الولاده لكانت صحتهم تمام وغير كذا لابد اي مولود قبل لايرضع حليب الام يرضع سكر نبات مع كمون او جيلكوز حتى ينظف بطنه.

سؤال: هل المراه فى النفاس لازم تلبس شيله ودلاغات عن الهوا مع ان فى حريم يقولن مو لازم اهم شى الدويات وباالنسبه للبنت كذاللك
فى وحده اعرفها بنت ماتزوجت بس يطلع معها افرازات زرقاء تميل الى الاخضرار وعرسها بعد شهر ورجانا فيج
اختى لها كرش وهى جايبه 4 اطفال مع انه اللى معها نفس الاطفال بس بدون كروش شنو حلها وهى المسكينه متعقده حيل وحده تقول انه هوا
والمراه اللى نفاس وحيض هل اول شى تشربه القوه مع العنزروت فى حريم يقولن الريوق الفطور بعدين منقوع القهوه لانه يسد النفس

بالنسبه لسؤالك الاول المرأة سواء بنت او متزوجه مافيه داعي للبس الشيله والقفازات اهم شيء اذا كنتي في موسم الشتاء تلبسين بنطلون عشان الهواء مايدخل ويسبب الخراب وكبر البطن
اما البنت اللي تطلع منها افرازات زرقاء اولا عليها تسوي تحاليل في المستشفى عند طبيبة نساء واذا ما عندها اكياس اواي شيء اخر وقالت لها الطبيبه انه مجرد التهابات فاهذا دليل قوي على انها عدمانه من شدة الخراب لانه وبصراحه قليل من البنات يكون معاهم الخراب بهذا الشكل لو كانت متزوجه ممكن لكن اعراضه تخوف عشان كذا انصح انه تسوي تحاليل بالمستشفى واذا النتيجه سليمه ومجرد التهابات (ان شاء الله سليمه) تهتم بنفسها اثناء الدورة وتتجنب البارد والمشروبات الغازيه والممنوع من الفواكه والخضار من الردود الماضيه وتستخدم السفوف وشاي الاعشاب والتمرة مع الرشاد مهمه وان شاء الله ماتشوف شر
بالنسبه لاختك اذا ولادتها طبيعيه وحجم البطن كبير ياليت تحاول تتذكر هل في واحد من اولادها جابته وقت الشتاء وكانت تمشيء حافيه ومتهتم بتدفية نفسها بالملابس الداخليه يمكن داخلها هواء عشان كذا لازم تستخدم كبو الهواء مع انه اذا داخلها هواء ممكن تنحل مشكلة الارحام ولكن كبر البطن صعب يرجع زي اول الله يكون بعونها ولكن انصحيها وشجعيها على تمارين البطن وشوي شوي مو تعذب نفسها
اما المرأة بالنفاس اهم شيء تبدأ يومها على ماتعودت عليه خاصة السليمه ولكن طريقة النظام اللي انا كاتبته هو افضل شيء لان كل حاجة محسوبه يعني توقيت هضم المعده وتوقيت امتصاصها للادويه وتوقيت الفائدة من هذه الادويه.

سؤال: حسيت انه لازم استمر على العلاج اربعين يوم وسوف ابدأ من بداية الدورة فهل اخذ علاج الايام الآولى وعلاج الآيام ألاخيرة وبعدين ابدأ بالعلاج من جديد ولا اخذ علاج الآيام الاولى عشرين يوم حتى بعد ما اطهر وهل التحميل اثناء الدورة والغسول يكون مجرد شطف من الخارج او لابد من الداخل
انا جبت جميع المطلوب بس العنزروت مثل اللبان الذكر بس لون احمر والارطا مثل الحجر ولونه ابيض انا شاكه فيه لانه وصفك له غير والقيصوم كيف شكله وكبوا الهوا ما احد عرفه

مع بداية الدورة ابدئي بنظام الثلاث الايام الاولات ثم الثلاث الايام الاخيرات وبعد ماتخلصين وتطهرين اعيدي النظام من جديد 20 يوم الاولات ثم 20 يوم الاخيرات واثناء هذه الفترة اذا جتك الدورة اقلبيه من جديد واذا خلصتي كملي على الايام الاخيرة لحد ماتخلصين كل 40 يوم وان شاءالله ماتشوفين الا العافيه وبالنسبه للتحاميل تستخدم اثناء الدورة او بدون عادي اما الغسول فمن الخارج فقط
اما العنزروت لونها مختلط بين الحليبي والاحمر وزي الحصى الصغير وطعمها مر واذا غسلتيها تلزق مع بعض واذا نقعتيها يكون لونها مائل للعكر وتذوب جزئيا اذا طولتي ناقعته(لمدة يومين)
اما الارطا فهي جذوع نبات صحراوي معمر وهو مجود في الرمال الصحراويه ويكون على شكل اخشاب تكسر وتطحن وتستخدم وهو ليس ماذكرتي يمكن اللي عرض لك العطار شبه
اما القيصوم نبات صحراوي وله مواسم ينبت فيها وريحته عطريه حلوه
اما كبو الهواء معروف ولكن انا راح اعطيك بعض من مكوناته (محلب,ورق حناء,فلفل هواء, عودهواء, مرة , حلتيته (رطبه او يابسه) خواجوا , قشربصله , كمون, هدب اثل)

سؤال: بغيت اسألك ايش رايك بالبخور في الجاوي العشرين الايام الاخيره من النفاس لمدة ساعه او سعف النخل؟

اذا قصدك البخور الجاوي الغير مفصود ولونه ابيض وريحته يعني فانا اعرف انه يستخدم لتبخير المنزل لكن انا ماعمري تبخرت فيه ولذلك لااستطيع اني انصحك بشيء لااعلم عنه اما سعف النخل لا ماأنصحك فيه لان مافيه نفع

سؤال: مشكلتي اني دايم احس بنغز في جنبي اليمين مره واليسار مره قبل موعد الدورة باسبوعين تقريبا واثناء ايام التبويض المفروض بالاضافة لآلام في احدى الجنبين اثناء الجماع قبل موعد الدورة
باسبوع تقريبا ..قلت يمكن المشكلة تكون ميلان في الارحام ولا وش رايك

المشكله اختي الالم اللي تقولين ماتحسين فيه الا عند قرب موعد الدورة يعني مو مستمر لانه لو كان مستمر وخاصه وقت الحماع كان قلت ميلان ولكن انتي حددتيه بوقت معين يعني هذا شيء مرتبط بوقت الدورة ويمكن انك تعانين من فرط في نشاط التبويض وانا انصحك بالذهاب الي الصمعاني عندك بالرياض اذا انتي من اهل الرياض وممكن هو يدلك على نساء ثقه

سؤال: حبيت استشيرك بشى وهو فى شى يسونه الحريم اثناء النفاس وهذى اخذناها منجداتنا انها تكبا بكرش الخروف او راسه تاخذ الكرش وتعبيها دويات من ( رشاد وحلبه وكلهم) وتخيطهم بعد ذالك تكبى فيه تحت البطانيه وتبخر بلبخار مال الكرش وتاكل منه الى الصباح لين تعرق اذا عرقت معناه انه فى نتيجه وهذا يتبعنها خواتى فى النفاس مارايك فيها ارجوا الافاده
وماعلاج غازات اللى تصيب المراه المتزوجه؟

سبق واني ذكرت المكروشه وهي ممتازة للنفاس بس تبي احد يعرفله اما حشو الرأس (راس الغنم ) فهي ممتازة ولكن صعبه طريقتها وهي ممتازة للي داخلها هواء بالراس ومن اعراضه صداع مزمن وشديد
يمكن يستمر لاكثر من يوم مع دوخه ورغبه بالاستفراغ وخاصه اذا تروشت وتعرضت الوحده لهواء

سؤال: كبو الهواء اللي انتي ذكرتيه فيه ورق حناء هل الحنا كويس ومايسبب شمم ورق السدر هل هو يحط مع البخور ولا لا
انتي ذكرتي منقوع مكون من كوب ماء -ملعقه صغيره مره - ملعقه صغيره محلب-ملعقه كبيره عنزروت ، هل ستخدمه لاخر يوم في الاربعين يعني من البدايه الى النهايه كل الاربعين وانتي ذكرتي ان المحلب مايستخدم العشرين الايام الاولى .. فهميني ارجوك من اليوم وانا في موضوعك اكتب لاني في الشهر السادس وابغى اجمع معلومات منك بدري والله يعطيك العافيه اختي فيافي الادويه هذي ماتخرب اذا جمعتها وطحنتها من الحين ولا بدري مرررررررررره ابي افتك

المحلب وبالكميه اللي ذكرت وهي ملعقه صغيره ماتضر على العكس تبعد الشمم ولكن الهدف من عدم تكثير المحلب في الايام الاولى هو انك ماتنشفين على خراب لان المحلب ينشف واذا تقيدتي بالمقادير ان شاء الله بتشوفين الفرق والمنقوعه ممتازة كل ايام النفاس عشان تنظف المعده والله يقومك بالسلامه ولكن اهتمي بنفاسك القادم زين لانه باهتمامك ممكن ترجعين بنت
والكبو معاه حناء بس ماعمري حطيت معه ورق سدر الادويه مافيه مشكله انك تجمعينها الحين ولكن خلي طحنها اذا جاء الشهر الثامن على خير

سؤال: انا عندي مشكله ما ادري سببها من شهر وانا اعاني من نزيف وذهبت لاكثر من طبيبه والادويه مع اختلافها الا ان تاثيرها لوقت محدد ثم يرجع النزيف المهم وقررت ازالة اللولب مع ان الفحص لم يبين اي مشكله في اللولب
المشكله اني خلال فترة النزيف جاتني الدورة وتعرضت لبردشديد لاني كنت مسافرة في مكان بارد ولم انتبه لنفسي وشربت اشياء باردة ويمكن هو السبب في خروج الكثير من الهواء مع النزيف والان احس بضيق شديد لا اعرف ماذا افعل خاصة اني امتنعت عن زوجي فترة طويله تقارب الشهر

بالعادة اللي تركب لولب يصير معاها لخبطه يعني نزيف اصبري عليه واذا تبين توقفين النزيف
(شبه سوداء ويكون حجمه كبر حبة الحمص+ فنجان حلب) اطحنيهم وخذي ملعقه مع كوب حليب على الريق وان شاء الله يوقف النزيف المهم انك حاولتي تهتمين بدورتك وخاصه البرد
وبالنسبه للنظام اذا انتي سويته ماكان فيه داعي تمتنعين عن زوجك اذا لم تكوني نفاس او حائض

سؤال: اذا كانت الوحده مسقطه0ومسويه عملية تنظيف تسوي نفس النظام للنفاس ونفس البخور والى متى يعني كم يوم؟

المسقطه اذا كان مدة العوار 15 يوم تقسم الايام 7ايام على الايام الاولى و8 ايام على الاخيرة وبالعادة العوار مايتعدي 15 الى 20 يوم وتستخدم نفس الادويه بس انها تكثر من الكمون في الايام الاخيرة

سؤال: الحامل في الشهور الأولى من حمله يعني بالثاني أو الثالث ينزل معه الله يكرمك شوي دم مو كثير وهذا يعني إنذار للإجهاض وش تنصحينه تسوي وإذا فيه شي تستخدمه قوليلنا ..

والله اذا فيه انذار اجهاض فأفضل شيء لها المستشفى يعطونها مثبتات وتحاول تبعد عن الاجهاد العضلي والنفسي

سؤال: عمرك سمعتي عن لحاء الطلح يقولون انه يستعمل كبو وفيه ناس جربوه يمدحونه وش رايك؟
بالنسبه للعنزروت اللي مع المنقوع انا طحنته ينفع؟

سمعت ان فيه نساء يستخدمونه لكن انا ماعمري جربته والشيء اللي ما جربته ما اقدر انصح فيه لاني ما ادري هو زين ولاشين وبالنسبه للعنزروت المفروض انك ماطحنتيها بس مافيه شيء استخدمي اللي عندك واذا خلص لاتطحنين الجديد.

سؤال: فيه ناس إنصحونا بالحلب لانه يرفع الجنين وناس قالوا تشرب منقوع المره إذا نزل معه الله يكرمكم دم ولا ندري من نسمع كلامه علشان كذا أنا قلت مافيه غير أخت فيافي تدلنا على الصواب ..

بالنسبه للعوار ما انصح بالحلب لانه يرخي الارحام ولكن عليها بالكمون اذا الجنين حي بيرتفع واذا هو ميت او ضعيف او مشوه بيطيح اما المرة لا ولا ولا لانها تساعد على تسقيط الجنين حتى لو كان سليم
اختي لاتسيئي الظن في الي وصفت لك الحلب مع العوار فبعض الناس يستخدموه وينجح معاهم والناس مو زي بعض لاني اليوم سألت امي عنه وقالت لي انه ان شاء الله مايضر اما الكمون تستخدمه مرتين في اليوم لمدة يومين وبعدين توقف وتشوف لعله ينفعها ولكن المره اكيد مو زينه

سؤال: اريد علاجاللعقم فأنا لي فترة متزوجة والسبب انه عند زوجي لزوجة في الحيوان المنوي وقلة عدد والمشكلة الاخرى هي اردافي فهي كبيرة ولكن وجهي صغير بالنسبة لها ولا استطيع ان اعمل ريجيم بسبب الفرق

اولا ياأختي عليك انتي وزوجك بالدعاء وان تراعي شروطه وان تتحري اوقات استجابة الدعاء
ودائما افضل شيء اتباع هدى المصطفي محمد عليه افضل الصلاة والتسليم بالتداوي مثل اخذ 7 حبات من الحبه السوداء مع ملعقة عسل كل صباح
وانصحك ان تدعي زوجك يجرب الحلب لمدة شهرين كسفوف وشاي مرتين في اليوم بعد الشهرين اضيفي العسل الطبيعي(سدر)مع بار النخيل واتركيه يستمر عليه انتي مولاازم تاكلين معاه اذا مافيك شيء وان شاء الله يكون حمل ولكن اهم شيء الدعاء والثقه بالله
اما كبر الارداف وصغر الوجه ماعندي له علاج ولكن اختي تعاني نفس المشكله وهي تلعب الهيلاهوب عشان يتناسق الجسم

سؤال: أنا زواجي بعد شهرين .. وحابه أتطمن على نفسي .. أنا دورتي مدتها 3 أيام بس .. وتنزل الدورة بدون ألم ..يعني ماادري إلا وهي نازله علي فجأه .. أحياناً يكون هناك ألأم خفيفه .. هل هذا دليل على شي .. أو هو شي عادي .. ولو حبيت آخذ الخلطات اللي قلتيها وشلون آخذها في الثلاث أيام الأولى وأنا دورتي كلها 3 أيام؟؟ .. وهل للبنت إنها تاخذ مثل هالخلطات حتى لو كانت ماتعاني من شي .. ؟؟؟
بعد الدورة بعشرة أيام يمكن أو أ:ثر أحس آلام مثل نغز السكاكين في أسفل بطني مع إفرزات شفافه شوي .. فهل هذا شي عادي ..
مرة كنت أطوف حول الكعبه .. ومشيت كثير بصراحة لأني كنت أطوف فوق والشوط الواحد كان طويل .. المهم .. جلست أ{تاح شوي وأشرب مويه ..وبعدين قمت فجأه وأثناء قومتي حسيت وكأنه سكين نغزتني بقوة داخل رحمي .. وشوي خف الألم ..ولما رحت لدورة المياه لقيت على ملابسي الداخلية مثل الدم خفيف لونه بني .مارأيك يا أختي ؟؟

فيه بعض النساء دورتهن بس 3ايام عادي لذلك يومين اولات ويومين اخيرات(اضيفي يوم زياده)
يعني بعد ماتطهرين وتصلين اضيفي يوم عادي اما النغز اللي تحسين فيه فأكثري من الفلفل الاسود مع اكلك فترة الدورة وجميع النظام السابق يصلح للبنت الا (التحميلات) اما الدم اللي طلع منك اثناء الطواف فهذا دليل على انك ماتعملين اي مجهود اذا جتك الدورة وهذا دم فاسد وطلع لما سويتي هالمجهود لذلك انصحك بالعمل والحركه الطبيعيه اثناء الحيض

سؤال: تعانى اختى من حكه مهبليه شديده ومبرحه وهى متزوجه ولها 4اطفال ومع هذه الحكه المهبليه جروح وروائح كريهه تخرج منها مع العلم انها ذهبت للاطباء وعملت جميع الفوحوصات ولكن مايقولون شى مجرد حساسيه وماصارت حساسيه ذبحتها وكانت مركبه لولب لمده 3سنين ولكن شالته قالت يمكن السبب منه بس نفس الشى اتمنى اختى انك تجدى الحل ولا تبخلى علينا لحل مثل التحاميل او شى تكفييييين هى متعذبه

بالنسبه لاختك اذا تحاليلها طبيعيه ومعاها هذه الاعراض فهي تعاني من نوع من الخراب ولذلك انصحها بتطبيق النظام وقت الدورة

سؤال: أنا إستخدمت النظام اللي للدوره بدورتي السابقه أنا وأختي والحمدلله كل شي تمام .
الدوره هذي المره إستخدمت بعد نفس النظام أنا وأختي بس الصراحه لا حظنا فرق كبير عن الدوره السابقه وهو:
أول يوم من الدوره نزل الله يكرمك دم أسود قليل
ثاني يوم نزل الله يكرمك دم بني مائل للأحمر
ثالث يوم نزل اللهيكرمك أحمر عادي
والمشكله الثانيه إن كمية الدم الله يكرمك مو كثيره مثل أول
وأحس بصداع شديد برأسي لدرجة إني ما أتحمل أسمع أي صوت بس أبي هدؤ هذي مشكلتي أنا وأختي .
بغيت أقولك المره السابقه ماإستخدمنا الأرطأ لأنه ماكان عندنا والمره هذي جبنا الأرطأ وإستخدمناه ..
ياليت تردين علي بسرعه وتطمنيني ..

بالنسبه للصداع هل كل الدورتين يجيك وهل اختك يجيها بعد نفس الصداع اما الدورة الثانيه اللي تقولين انه تدرج فهذا دليل على انك نظفتي وان شاء الله يمكن تطهرين قبل العادة وهذا زين .

سؤال: بالنسبه للصداع أنا وأختي بس بهذي الدوره يعني أول مره .
وبقولك إن الأرطأوالكبوأنا وأختي المره السابقه ماستخدمناه والمره هذي فقط إستخدمنا الأرطأ وقفناالأرطأاليوم فقط لأن خفنا يكون هو السبب بمنع نزول الدم الله يكرمك أما الكبو هذي المره مااستخدمناه أيضاً..
الأن بالنسبه للأرطأ عادي نستخدمه من أول يوم للدوره ؟؟
ياليت تقولين لي وش أضرار الجوع بفترة الدوره والنفاس لأن الصراحه الأدويه تسد النفس عن الأكل ؟؟

والله غريبه اول وحدة تشكي بعد استخدام الدواء من صداع ولكن هل انتي واختك ممن يستخدمون الريحان او المسك هل وجع الرأس بالمقدمه(الناصيه)او بالخلف (الهامه) اذا كان بالمقدمه فهذا شمم في الجيوب الانفيه (لذلك شمي شوي صبرة (المباركه)) اما اذا كانت في هامة الراس فهي هواء داخل الرأس نتيجة انك متروشه وطالعه لتيارات هواء وشعرك وراسك رطب ويكون معاها دوخه ويمكن العلاجات اللي اخذتيها في الدورة اثرت عليها وتبي تطلع . ياليت توصفين لي وجع الرأس استخدمي كبو الشمم انتي واختك (خوا جوا,قشر بصل, حلتيته رطبه, مرة, صبرة (مباركه), ورق شاي, محلب ) وعادي استخدمي الارطا ولاتخافين بالنسبه للادويه لاتخافون استخدموها لاني والله كتبت لكم ادويه ان تركتوها ماتضر ونفعها اكثر وانا وخواتي وخالاتي نستخدمها من عقود ولاضرتنا ولله الحمد
اما الجوع فهو العدو الاول للمرأة وقت الحيض او النفاس وممكن انك تسوين رجيم وقت الحيض او النفاس وذلك بالاعتماد على البر وبنفس الوقت تشبعين وماتجوعين ابد وفيه كثير من النساء تخسر كثير من الوزن في النفاس ومن غير ماتجوع وذلك باعتماده على البرمثل(المرقوق والمطازيز) والجوع هو من مسببات الخراب الاساسيه.

سؤال: بالنسبه للريحان والمسك ما نستخدمه. وحنا نتروش ونتعرض لتيارالهواء البارد وش نسوي صيف لازم بس إذا فيه طريقه للتروش ياليت تذكرينه..
وجع الرأس ماعرفت كلامك الناصيه والهامه بس أوضحلك الوجع من أعلى الرأس مكان الجافوخ .
أنا عندي إرتفاع بضغط الدم وأختي عندها إنخفاض بضغط الدم لكن ما ناخذ أدويه ضغط إلا وقت الحاجه لأنه غير ثابت .
أنا وأختي مانسوي ريجيم بس تنسد أنفسنا وقت الدوره وأختي بالدوره والنفاس .أنتي ذكرتي في أحد الردود إن الرشادمع التمريؤخذ من أول يوم للدوره أو النفاس وألأيام الأخيره يؤخذ الرشاد سفوف .... ماهو مقدار الرشاد مع السفوف في الأيام الأخيره ؟؟
بالنسبه لكبو الشمم ياليت تقولين متى نستخدمه ؟ وياليت تحددي المقادير؟ وكيف طريقة إستخدامه؟
ماهي مكونات كبو الهواء ؟
وماهي مقاديره؟

الناصيه:مقدمة الرأس اللي هي نهاية الجبهه ومنابت الشعر والهامه هي اعلى منطقه في الرأس
وشكلك بالهامه لانك لو قلتي بالجبهه كان قلنا التهاب بالجيوب الانفيه اللي هو شمم
ولكن يبدو انك تتروشين بدون ماتنشفين راسك زين وتجلسين عند المكيف وهذا خطأ غير انه معك ضغط ويمكن بعظ الادويه العربيه ماتناسبك والله اعلم
لكن اذا لاحظتي انك كل دورة من استخدامك للادويه يوجعك توقفي عن هذه الادويه اما معبوطه التمر مع الرشاد استمري عليهاالى اخر يوم والرشاد اضيفي كاسة شاي منه مع المقادير السابقه كبو الشمم زينته مافيه مقادير خلطي الادويه وخذي مقدار قبظة اليد اليد وحطيه على الجمر وتكبي فيه
وكذلك كبو الهواء وانا ذكرت مكونات كبو الهواء في الردود السابقه.

يتبع

__________________________________________________ __________

سؤال: كبو الهواء اللي هو: (محلب,ورق حنا,فلفل هواء,عود هواء ,مره ,حلتيته,خواجوا,قشر بصل,كمون,هدب اثل )؟
بالنسبه للمقادير أحطها بالتساوي وإلا في شي أكثر من شي ؟
كبو الشمم:
ماوضحتي المقادير معليش حبيبتي أحطها بالتساوي وإلا شي أقل من شي ؟؟
وشلون طريقة كبو الشمم أحطها على فحم وأشمها وإلا وشلون ياليت توضحين وبالتفصيل الله يوفقك؟
شو هو المقلقل والمطازيز
مابي الطريقة بس اقصد ليش هالاكلات بالذات يعني مثلا الصالونه والدجاج والمجبوس والبيض والحليب والخبز الابيض كلها عادي ممكن اكلها
وذكرتي البر اكثر من مرة اعرف انه له فائدة غذائية كبيرة لكن في وقت الدورة هل له ميزه خاصة
وحدة صاحبتي الدورة مو منتظمه ومتأخر الحمل عندها ممكن يكون هو السبب لانها فحصت وكل شي عادي وفي شي ينظم الدورة
والالم وقت الجماع كوخز متوسط الام في الداخل (احيانا ) ماسببه؟

كبو الهواء لا مافيه مقادير معينه لكن خذي من كل نوع مقدار قبضة اليد واخلطيهم مع بعض واذا جيتي تتكبين خذي من المخلوط مقدار ملعقتين كبار وحطيهم على الفحم ووقفي تحت المدخنه او ممكن تحطين المدخنه تحت كرسي مفرغ وتجلسين على الكرسي وبكذا يدخل الكبو وبنفس الطريقه سوي كبو الشمم الا انك تشمينه وتحطينه قريب من وجهك وبعدين تجلسين او توقفين زي الطريقه السابقه
المقلقل: اللحم ومرقته لما تكون ثقيله
المطازيز: مثل المرقوق بس العجينه تكون اصغر
وانا افضل البر لانه مايسمن ولا يساعد على تكون الشحوم في الجسم وهوافضل بكثير من الابيض وممكن انك تأكلين اللي تبين واللي تحبه نفسك ولكن تتجنبين الممنوعات وممكن تاكلين اسماك وروبيان ولحوم وطيور عادي ولكن الممنوعات من الخظار والفواكه اما الرز مايفيد ابد بس يكبر البطن(المجبوس).
اما لتنظيم الدورة ما اعرف .
اما كبو الهواء ممكن انك تلغينه وتتبعين النظام عادي واي
فرصه تحصلك جيبيه واستخدميه ولكن كثري الفلفل الاسود في اكلك.

سؤال: انا والده مرتين وعمري 23 سنه متزوجه من 9 سنوات في كل ولاده سويت رجيم (خبله)
انا مافيني التهابات الحمدلله الهواء احييانا فيني واحيانا لا بس بدون صوت اما بطني احس ان فيه هواء مافيني مويات الحمدلله بس فيني افرازات بيضاء مالها ريحه قليله احيانا في الجماع احس اني ضيقه واحيانا لا مادري ليش؟؟؟؟
جاني امساك في النفاس واحس ان الخياطه انفتحت مع المحاولات احس ان فتحه المهبل الخارجيه ماهي ملتئمه!!!بس من داخل عادي انا الحين لي سنه من اخر ولاده وزني 90 كيلو وفيني فقر دم من كثر الرجيم
هذي حالتي باختصار ارجو انك تجاوبيني
لازم الوحده تكون ضيقه مره كانها ماحملت وولدت ولا عادي وهل هذا يدل على خراب؟؟

بالنسبه لفقر الدم اشربي منقوع الزبيب اليمني بعد طحنه وسوف تنبهرين بارتفاع نسبة الهموجلوبين خلال اسبوع من الاستخدام واضبطي نفسك في الدورات القادمه بالنظام


سؤال: ذكرتي الزبيب اليماني وين أحصل عليه ؟ أشرب المنقوع فقط وإلا آكل بعد الزبيب المنقع (أي أشرب الماء وآكل الزبيب بعد النقع)؟ كم مره باليوم ؟ متى أوقف الزبيب وإلا طول العمر ؟

الزبيب اليماني تلقينه عند العطار, اشربيه كله المنقوع والزبيب واذا تبين تاكلينه كانه مكسرات عادي وعدد المرات على قدرتك مرتين او ثلاث او اربع وبالنسبه لتوقيفه لحد مايرتفع نسبة الدم عندك للنسبه المطلوبه.

سؤال: والله انج خوفتيني لأني مره تعبت بالدوره وقالت لي وحده ان فيني فجره اللي قلتي عنها وانا حشاج الدوره ماتنزل معاي عدل ينزل معاي دم اسود اول يومين الله يخليج دبريني والله خاااايفه
وسؤالي الثاني صج لما الهم الرشاد ينظف الرحم؟؟؟؟

اعراض الفقرة جفاف في الدورة ويكون الدم في الايام الاولى زي التراب
وبعدين خفيفه ومؤلمه, ياليت تروحين لمرأة وتكشفين عندها اذا عندكم بالكويت واحدة ثقه
الرشاد ممتاز وينظف ولكن يستخدم في الايام الاخيرة احسن وياليت تشوفين
تدرج وضعي للدواء فانا اضع الرشاد مع التمر من اول الايام ولكن ما اخلطه مع السفوف الا بالايام الاخيرة.

سؤال: أنا ولدت مره واحده وكانت قبل ست سنوات .. وكان أسوء نفاس .. لا أكل ولا اهتمام ولااااااااااااااشي
معلوماتي تحت الصفر في هذي الأشياء ..
المهم حبيبتي ماطوّل عليك .. باقول لك على الأعراض وانتي تدليني أي نظام اختار اللي أثناء الدوره ولا الأربعين يوم .. عندي إفرازات مستمره مع إني سليمه طبياً والدوره كان الله في العون صعبه ومتعسره يبدا بطني ينتفخ قبل موعدها باسبوعين ثلاثه وآلام أسفل الظهر واسفل البطن والرجلين .. وأحياناً تتأخر أسبوع زياده عن موعدها .. تجلس ست ايام .. والثلاث الايام الأخيره تكون قليييييييله..وأحياناً يطلع هوا خلال الــ ...
وبعد عندي كم سؤال بخصوص الأعشاب ..
1- الحبه السمرا ممكن استغني عنها أو أبدلها لأني إلى الآن مالقيتها ..
2- جنبة البر .. كيف شكلها وكم أغلي منها ؟
3- ممكن أستغني عن مغلي الميرميه والقشر والقيصوم و ... ولا ضروري
4- البخور بكبو الهوا يكون وقت الدوره بس ولا أي وقت .. عادي
5- بقي آخر سؤال .. قريت في أحد المنتديات النسائيه .. وصفه شعبيه على شان الوحده تتأكد انها نظفت اليومين الأخيره من الدوره تجيب قدر أو أي إناء ماتحتاجه وتحط فيه مويه مغليه وتوقف عليه وتلف عليها شرشف على شان البخار مايطلع .. ما أدري الطريقه هذي سليمه ولا لا ..

الحبه السمراء(حبة البركه او الحبه السوداء) لازم
الجنبه والله مادري كيف اوصفها بس تنبت اخر الربيع علي شكل منبسط وردها لونه وردي مايل للموف وشوكيه ولكن الشوك يكون قوي بعد ماتيبس يعني في فصل الصيف اما الميرميه والقيصوم ضروريات ولكن ممكن تستغنين عن قشر القهوه
الكبو افضل شيء وقت الدورة اما الوصفه اللي ذكرتي ما اعرفها

سؤال: اريد علاجا للالتهابات فأنا وقت الاخصاب يسير عندي حكة داخلية ثم حرقة بول ما هو السبب برأيك ؟

بالنسبة للالتهابات والحكه افضل شيء انك تروحين لطبيبة نساء وولادة لان الالتهابات لازم تعالج بمضاد

سؤال: ابي اعرف شو تعني كلمة سفوف صاحبتي متزوجه من ثلاث سنوات وما حملت يقولن لها البويضات صغيرة واحيانا الهرمونات ماادري شوفيها وهي ضعيفةوااايد وحملت مرتيين وتسقط لان البويضة صغيرة كانوا يعطونها منشطات بس الحين وقفت شو رايك

كلمة سفوف تعني أي شيء مخلط ومطحون ويسف (يأخذ ناشف ويبلع) وانا بعباراتي هذي برجعكم للتراث اما صديقتك فأنصحها بالحلب تطحنه وتسفه على الريق وبعد المغرب وعند النوم غير انها تشرب مغلي الحلب كل مابغت ماتصدقين مفعوله على المبايض يقويها اذا كانت ضعيفه وتستمر عليه وفيه وحدة قريبه لي كان عندها ضعف في المبايض واستخدمت علاج الطبيب ومانفع لوحدة وبعدين رجعت استخدمت علاج الطبيب مع الحلب وحملت ولله الحمد والحين عندها طفلين .

سؤال: انا اشتكي من اشياء كثيره .انا ولدت مرتين قيصريه وما تنفست زين للاسف وما كنت ادري ان اللي اشتكي منه له علاقه بالنفاس الا من موضوعك الله يجزاك خير ..... انا دورتي غير منتظمه وعندي الام في اسفل البطن وعلى الجوانب ودائما معي افرازات طوول الوقت واحيانا يصير فيه رائحه كريهه واحس بالام عند الجماع ومرات يطلع هواء مع الجماع بطريقه معينه انا كنت حاطه لولب لاكثر من اربع سنوات وشلته من حوالي ستة شهور وماحصل حمل للحين !!! ياريت تساعديني يا اخت فيافي وتدليني على الحريم اللي قلتي في الرياض

اولا اذا انتي عمليه ليش مركبه لولب لان اللي عمليه ماتركب لولب بعدين فتره طويله اربع سنوات وخاصه انك عمليه بتقولين لان الاطباء نصحوك تطولين عشان الخياطه تتقوي وانا اقولك فيه طبيب بريطاني مسلم ممتاز جدا بعد ولادتي الاخيرة وقالي اني اجلس سنتين بس وهذي كفيله بأنها تقوي الخياطه وبعدين اترك المانع واحاول احمل لانهم يخافون من الاتصاق عشان كذا اقولك اصبري على نفسك ست شهور واذا ماحملتي روحي لمستشفى ممتاز وسوي منظاربس عشان تتطمنين والحين اصبري وحاولي بس بالدورة تمشين على النظام واذا حملتي ان شاء الله بعد الولاده طبقي النظام كامل

سؤال: شرايك باللي تشرب منقوع المحلب والمرة يعني تنقع لها محلب مع مرة في بطل ماء .... وطوال الدورة تشربهم وهل المحلب ينشف ..... وما رايك في جند البوال ( وحده من البنات مدحته على الريق للنفاس )

منقوعه المحلب والمرة ممتازة بس في الايام الاولى قللي من المحلب وبعدين في الايام الخيرة كثري منه اما جندالبوال ما اعرفه .

سؤال: احب اسألك ايش رأيك في المسك مسح مجرى الدم به بعد الدورة لمدة ثلاث ايام ويقولون انه الرسول عليه السلام وصى به

اما المسك اذا كان الرسول صلى الله عليه وسلم ذكرة في حديث عاثشه رضي الله عنها. فأنا ما اقدر اقول أي شيءلان الله سبحانه وتعالى قال (وما ينطق عن الهوى) سورة النجم.