عنوان الموضوع : تبين تحافظين على زوجك تعالي معاي -لحياة سعيدة
مقدم من طرف منتديات نساء الجزائر

تبين تحافظين على زوجك تعالي معاي






انا من رايي بعد اذن الكل طبعا ان الزوج يحسس بملل في حياته ترا الحياة الزوجيه مو بس الفراش هناك اشياء كثيره ثانيه لازم ان نتقنها عشان نكمل مع بعض حياه سعيده
اعرف ان اغلب هالاشياء لو مو كلها تعرفونها بس حبيت اذكركم

يالله نبدء

1- تبادل العبادات (الرجل حتى لو فاجر يحب الزوجه العابده ) خليه يشوفك تصلين شجعيه يصلي معاك القيام ويكون هو الامام والله مافي احلى من هاللحظه اللي يحس فعلا ان زوجته تتبعه تنافسوا على منوا يقوم ويقوم الثاني لصلات الفجر وشجعيه دايما على صلاة الجماعه في المسجد بس بالكلام الحلو مو بالضرابه


2- تعلمي فن الاعتذار خليكي انتي دايما الاحسن لاني لو حتى ماقال يحس انك احسن منه لما اعتذرتي و تغاظيتي عن هفواته ولا اقولك سوي نفسك اصلا مادريتي انه غلط مثلا انا لما كنت اتصل بخطيبي وانا عارفه انه يتكلم ف الخط الثاني واكيدمع بنت كنت استهبل ولاكاني عرفت ان عنده خط ثاني عشان ما اسوي مشاكل وما اقهر نفسي ولا اخليه يتعلق فيها لاني لما يتكلم عنها بالسوء يكرهني و يحن لها وعمر المراه زوجها مافي بينهم كرامه
ولاتنسين الحديث القدسي اللي يحث المراه على هالشي
للاسف ما اذكر الحديث بس بما معناه ان المراه اللي لوزعل عليها زوجها حتى لو هو زعلان و راضته ولو مارضى تبقى ماسكه ايده لين الصبح عشان يرضى غفر الله لها ذنبها
وبعد الحديث اللي قول ان المرا اذا مات عنها زوجها و هو عنها راض دخلت الجنه تخيلوا يعني بدون حساب ولا كتاب


3- تهادوا تحابوا سبحان الله كيف الله حط حكمه في الهدايا اهديه هديه يشوفها طول الوقت علشان يتذكرك بمناسبه وبدون مناسبه

شي ينحط في المكتب و شي ثاني يكون معاه على طول حتى وهو مع اصداقاءه
وشي يكون معاه في سفره


4- عمرك في حياتك لاتقولين له انا سويت وانا ضحيت وانا كم وكم وكم
ولاتفكرين مجرد تفكير انك تقولين له انا في حياتي ماشفت معاك يوم حلو لان هالكلام يحبط عملك كلللللللللله عند الله تخيلي عند الله الرحيم الغفور مابالك عند زوجك



5- عمرك لاتقارنين بينه وبين غيره ولا حالك وحال غيرك لانك بهالطريقه تكرهينه بنفسك و في الشخص اللي تتكلمين عنه



6-لما تكلمينه دايما خلي صوتك واطي و ناعم و عمرك لاتسمعينه صوتك الي بالي بالك حتى لو معصبه على الاولادولا الخدامه ولاتنسين تستقبلينه بايتسامه ولا بوسه كلما دخل البيت لان هالشي ضروري


7-لما يكون متضايق و معصب حتى لو كان جارج لاتعقدين الموضوع و تدققين على كل كلمه يقولها لك بالعكس اسكتي و اسمعيه للاخر ولما يخلص روحي سويله عصير بارد و خليه يشربه و بعدين لما يكون خلاص هدا كلميه بصوت ناعم وحنون عن المشكله

8-لاتثقلين عليه بالطلبات لانك بتضرينه على حساب سعادتك و هو من النوع اللي يحسب هالشي ضدك حتى لو ماتكلم

9- حاسبي على كلامك معاه بالذات لما تكونين معصبه لانه الريال ماينسى و يحسب عليك بالكلام عكس اللي يبيه منك

10- لاتخلينه يغار عليك لان الغيره المفتعله تتحول الى شك والغيره الطبيعيه هي اللي تبني الحب ولاتفتعلين مواقف سخيفه عشان تحسسينه انك مرغوبه من قبل غيره لان هالشي اكبر غلط

11- لاتطلعين اسراره ولاتحطينه في مو قف انه يوم من الايام يسمع كلمه هو قالك اياها ولا شي سويتوه مع بعض من بره البيت حتى لو كانت امه
لاتكونين من النساء اللي لازم زوجها يحلفها ماتخبرحد قبلا يقولها شي بالعكس خلي قلبك قبر لسرك
وخااااااااااصه المشاكل والاشاء الحميمه ترا ماتنقال وحرااااام

12- عمرك لاتمدحين حد قدامه صديقتك اختك ممثله لااااا والف لا ابدا لاتخلين وحده تحلو بعينه ولا تمدحينه قدام حد عشان مايلهفون ولاتنحسدون ونفس الشي لاتحسسينه انك حاقده على حد وتجرحين في حد قدامه ولا تنمين لنك تخلينه يخاف منك و من حقدك والريال يحب الحنون مو الحقوده



13-الكلمه الطيبه صدقه عيل تصدقي كل شوي عليه شو المانع

14- داايما كوني انيقه و نظيفه و راقيه قدامه ولا من وراه خليه يتفاجا انك راقيه حتى في طريقة نومك حتى وانتي تغسلين الملابس وانتي تخمين البيت الرجل يحب البنت الراقيه واهتمي بنظافته وكشخته عطريه و دخنيه قبلا يطلع خاصه لو عنده مناسبه ولا عرس ولا صلاة الجمعه

15- لومدحلك بنت ولا وحده لاتسكتينه ولاتغزينه بعيونك اسمعيه للاخر شوفي شو الشي اللي ركن عليه لانه لما يتكلم بتكتشفين الاشياء اللي يحبها في المراه مثلا خطيبي من النوع اللي دايما لما يتكلم عن وحده يقول كانت لابسه خواتم الماس كبيره
اها يعني يحب الخواتم الكبيره وتركيزه الكبير يكون على اليد يعني لازم اكون بعد من النوع اللي البس خواتم كبيره و اركز في العنايه باليدين


16- حديثه مع اصدقاءه دايما اسمعي اللي يقوله عاد مو تتجسسين عليه لا خليكي كول ولاحظي من كلامه مع ربعه شو يحب شو مايحب لان في ناس مكنوناتهم تطلع مع الاصدقاء

17- حاولي تشوفين شو اهتماماته وهواياته بدون اساله مباشره وفاجئيه انك تحبين هالشي
مثلا انا قريت عن وحده عرفت ان زوجها يحب الحمام اللي نربيه في البيت راحت اشترت كتب و دورت ف الانترنت عن اي شي يخص الحمام ونكت معرفتها بكل اللي يخص الحمام و بدات تحب الحمام عشان خاطر زوجها و هالشي خلا علاقتهم تتقوى بدون ما يحس
مو احنا لما نتعرف على بنت مثلنا شو يجذبنا لها اسلوب كلامها هدوءها و مرحها و هواياتها و احيانا نتبادل الهوايات يعد

18- لاتتصلين فيه كل شوي لا, خليه هو اللي يحن ويتصل مو كلما رن التلفون يقول يارب حد من ربعي المفروض بالعكس

19- لعب ومرح خلي بينك ايام مرح و لعب خليه يتفاجأ انه بعده الطفل المدلل وبداخله طفل يبي يلعب ويمرح
تسابقي معاه العبي معاه شوفي شو يحب حتى لو بليستيشن العبي ومعاه وبينيله انك متحمسه وتبين تفوزين عليه

20- فاجئيه بامسيه رومانسه وماشاء الله البنات مو مقصرات في هالمجال دوريلك شي حلو وسويه بس ها خلي الليله كلها ماتنسي مو بس فستان و مكياج والبيت لايث لازم كل شي يكون تمام التمام

22- اهتمي بنعوتة ايدينك وريولك ونظافة الفم
23- ولاتنسين تستقبلينه بايتسامه ولا بوسه كلما دخل البيت لان هالشي ضروري

24- حطي في بالك ان لبس النوم للنوم مو عشان تدورين فيه في البيت ولاتخلينه يشوف مفاتن جسمك طول اليوم لا خليها للمناسبات خليه يشوفك محتشمه طول الوقت لابسه لبس ساتر جسمك عشان مايمل ويتعود ولما تلبسين عاري ولاقصير يحس انه شاف شي جديد محروم منه كل يوم

25- شاركيه مخططات للمستقبل سواء على صعيد العمل ولا حياتك مع بعض ولا بيت بتبنونه

26- عمرك لاتكلمينه عن اللي يضايقه في هالاوضاع
توه داخل البيت/ جوعان/ طالع من الحمام ولا بيدخله/ مهموم


منقول للفائده ....

>>>>> ردود الأعضـــــــــــــــــــاء على الموضوع <<<<<
==================================


حبيبتي مين يهتم فينا المراء تمر بتغيير بحياتها من حمل من دوره صحيح كلامك بس وين نحن من كل هذا مكثر ما ندلل

يشوفون نفسهم ودمتي


__________________________________________________ __________

احنا يالحريم مساااااااااااكين نسوي ايه ولا ايه كل شي على هالحرمه والرجال مايسوي شي والله ضلم ياناااااااااس اشبكم يالله ياالله في البيت في البازارين فيلو هوه في نفسي اما عاد مازعلو واتحمل يكلم بنات وانا اسوي نفي مادري هذا بجد مسحيل وليه اكل نفسي بنفسي وهو مبسوط لا والف لا والله لو اكتشفو لا اسوي هلما وجنان بعد صراحه في كلام لاااااااااااااااااااااااايعقل اسمحولي


__________________________________________________ __________

الله يعطيك العافيه يالغلا ع الطرح الرائع

تسلم يمينك ولاعدمنا جديدك

دمتي مميزه


__________________________________________________ __________

هل الزواج من رجل مطلق مع إمرأة لم يسبق لها الز واج يؤثر في رغبته فيها


__________________________________________________ __________

جزالك الله خيرر