عنوان الموضوع : الحمدلله ولدت وجبت احلى ولد--
مقدم من طرف منتديات نساء الجزائر

الحمدلله ولدت وجبت احلى ولد--



الحمدلله وماشاءالله


اقول لكم قصتي مع ولادتي الثانيه --طبعا ولادتي الاولى طلق صناعي لاني عوشرت وابتدوا يعطوني التحميلات من 7 الصباح وولدت 9 بعد العشاء يعني 15 ساعه


ولادتي الثانيه من 6 الصبح ولدت 1ونص الظهر يعني 7ساعات<<<<شفتوا الفرق ياربي لك الحمد

اول شي با اخر اسبوع من التاسع شربت الخلطه حقت فتح الرحم ابتديت فيها من يوم الجمعه الى يوم الجمعه الثاني يعني اسبوع كامل كل يوم اشرب كووووب ---

وبعدها جاء صباح السبت 25-5- 1437-1436

طبعا هاالتاريخ هو اليوم المحدد لولادتي من عند الدكتوره ---- المهم بعد مااصليت الفجر حسيت شي ينزل مني ومسحت حصلت دممممم واخترعت

ورحت اغسل المنطقه اشوف تنزل افرازات مخلوطه بدم <<<<<هذي علامات ولاده

وبعدها جاني الم كان متقارب كل عشر دقايق قلت شكلها ولاده وهذا هو الطلق الحقيقي --- المهم رحت صحيت زوجي على بال ما يجهز --رحت سويت لي كاس من الخلطه وشربته وقعدت امشي باالشقه وبنتي وراي تقلدني اقول ما اقوووى ما اقوى وتقول مثلي ما اقوى واقول لاحول ولا قوة الا بالله وتردد لاحول ولا قوه الا بالله وتضحك وبعد تقلد مشيتي كني بطريق ههههههه

المهم نزلت بنتي عند اهلي وطلبت من امي تدعيلي ورحنا على المستشفى للطوارىء ودخلوني قسم الولاده وجاتني دكتوره قمممه باالاخلاق اسمها مي سعوديه وقاست الرحم قالت 4سم

قالت ولاده ---كانت الساعه 8 المهم راحت وبقت معاي سستر شكلها فلبينيه كانت تقولي قومي امشي كذا وانتي منسدحه ماراح يفتح رحم ----- وتقولي لاجاك الم خذي نفس

وطلعت من شنطتي حلتيته قعدت اتمشى باالغرفه ولمن تجيني الطلقه اشم هاالحلتيته وتصير الطلقه نااااااااار يعني مع الشم وقت الطلقه تصير ناااار قلت احسن عشان يفتح الرحم وظليت على هاالحال تقولي السستر برافووووا انتا كذا كووويس عشان يجي ولاده <<<<تشجعني

وساأألتني شنو هذا انتا شم قلت هذي تفتح رحم طبعا مستغربه مو مصدقه هاالاشياء ههههه

وجات 11 اقولها احس براز قالت انسدحي اشوف قياس رحم وقاسته طلع 7 وبعدها خلاص ما عاد فيني حيل صار الطلق ناااار والحلتيته حذفتها باالشنطه صدعت راسي خخخخ وقمت ااعصب اقول سستر في الم تقول باقي لازم يفتح 10سم وكنت ادفع تقول مافي ادفع انتا كذا في سوي مشكله نزيف والله ماعلي منها احط حرة الطلق في الدفع وتعصب علي وضليت ادفع من حرارة الطلق والله قالت خذي شمي هذا اوكسجين واشمه واحس ماكو فايده واحذفه وخلاص وصلت حدي وافسخ جهاز نبضات البيبي من على بطني شلته جاب لي الكتمه وعصبت السستر قالت شلون اعرف انا نبضات بيبي خلاص انا مافي ولد انتا قلت سستر والله انا في الم --واحاول اكسر خاطرها والحمدلله حنت علي وجلست تهدي فيني وطلبت ابرة العضل قالوا ليش ماطلبتيها من الاول الحين انتي 8سم وبعد الترجي والتوسل جاتني الدكتوره مي قالت راح يعطونك ابرة العضل قاعدين يجهزونها لك والحمدلله جات السستر وعطتني اياها واقول لها ماراح الالم تقول انتظر ربع ساعه مافي مفعول على طول <<<عصبتها المسكينه

والمهم خدرتني هاالابره وماوعيت الا عليهم يقولون لي يالله ولاده 10 سم --وانا دايخه قالوا مافي نوووم يالله دفي وادفع وادفع طبعا امسك الحدايد حقت السرير اخذ نفس وادفع وبعد جهد جهيد طلع ولدي وكانت الساعه 1ونص

وفرحت كثير اني افتكيت وجلست اتاأأسف للسستر واشكرهاا وعطوني ارضع البيبي وانا فيني خمول من الابره


وعلى الساعه 2ونص دخل علي زوجي واستغرب شاف المولود بحضني قال ولدتي <<<مو مصدق

كان يقول توقعتك بتولدين بالليل <<<<كان الحبيب يخلص اشغاله بعد مانزلني وماجاء لي الا ومحصلني والده الحمدلله رب العالمين



كانت هذي قصة ولادتي وانصحكم بقووووووووه باالخلطه لفتح الرحم بعد اسبوعين من التاسع

ووقت الكشف لقياس الرحم خلي جسمك وخاصه مقعدتك لازقه باالسرير يعني لا تقومين تشدين وترفعينها والله ماحسيت باالم الكشف كنت متعذبه منه بولادتي الاولى ونصحوني بهاالطريقه وصرت الحين اشوفه شي عادي

والحلتيته خذوها معكم شموها وقت الطلقه واتحملوا الالم <<<اي هين

ووقت الدفع لا تصارخين بس خذي نفس وادفعي على تحت وبيخرج البيبي بحول الله وقوووته



بالنهايه خرجت من قسم الولاده وانا مع مووولودي بخير وسلااامه ياربي لك الحمد وهذا اهم شي واحس اني كنت بحلمممممممممممم <<<<رحمه من ربي ننسى الالم مع شوفة البيبي الله يرزق كل من تتمنى هاالحلم



وسلامتكم

>>>>> ردود الأعضـــــــــــــــــــاء على الموضوع <<<<<
==================================


وقعدت امشي باالشقه وبنتي وراي تقلدني اقول ما اقوووى ما اقوى وتقول مثلي ما اقوى واقول لاحول ولا قوة الا بالله وتردد لاحول ولا قوه الا بالله وتضحك

ضحكتيني والله ربي يحفظلك بنتك

شكله دمها خفيف متل امها

ربي يحفظ مولودك والحمد لله على سلامتك

يقيم ويزين بالنجوم


__________________________________________________ __________

المشاركة الأصلية كتبت بواسطة لطيفة بكلامي


ضحكتيني والله ربي يحفظلك بنتك

شكله دمها خفيف متل امها

ربي يحفظ مولودك والحمد لله على سلامتك

يقيم ويزين بالنجوم

الله يحفظك يالطيفه بكلامي وانتي العسسسسسل كله بالمنتدى فديتك الله يسلمك ويبارك فيك---------وبنتي عليها حركات تخيلي لمن طلعت من المستشفى واشوفها لمن راحت تنام تحط يدها على ظهرها تقووول ما اقوى خخخخ مانست منظري <<مقلده بارعه ولاحقه على شقا الولاده



ومشكوووووووووووووووره على التقييم


__________________________________________________ __________

الف مبروك
و الله بنتك ظحكتني


__________________________________________________ __________

الحمد لله على سلامتك ويتربى بعزك
بس الله يخليك شو الخلطة يلي اشربتيها لاني انا باقي 3 ايام بخلص شهري وخلص زهقت بدي اولد وما بدي اجرب طلق صناعي
بليز تساعديني


__________________________________________________ __________

لولو حبيبتي حطيت موضوع للخلطه ياليت تشوفيه ويارب يسهل عليك ولادتك

طبعا الاعشاب للخلطه كلها عند العطار