عنوان الموضوع : اهم الاشياء اللي لازم تجهزينها لنفاسك -الجمل و الولادة
مقدم من طرف منتديات نساء الجزائر

اهم الاشياء اللي لازم تجهزينها لنفاسك



--------------------------------------------------------------------------------

*تجهيز النفاس:
حوامل شلونكم و شخباركم سويتلكم موضوع عن الأشياء الضرورية لفترة النفاس و انشالله يعجبكم آنا بجر و ما أعرف أي شي بالنفاس بس خذيت خبرة من بحثي في المنتديات و من بنات خالتي و رفيجاتي يالله نبدي شنو الأشياء اللي تشترينها حق فترة النفاس:

1- المشد الأندونيسي – شورت التخسيس – أو أي مشد آخر ( الغترة و الكشكول).

2- الأعشاب الضرورية للنفاس ( المرة – رشاد – التمر – حلبة – دارسين – زعتر – ميرمية – مقادير الحسو: رشاد – كمون – كركم ناعم – زنجبيل ناعم – فلفل أسود – حبة حلوة – حلبة ) إنتوا و طريقتكم في عمل الحسو) – اللهوم – شاي أخضر – قشر قهوة – بابونج). * هذيل تلقينهم عند الحواي أو هني بالمنتدى يمدحون أم خالد خبيرة أعشاب.

3- تحاميل البيتادين – البوثيل ( بعد سؤال الدكتور).

4- كريم للسترتش مارك بالصيدليات آنا عن نفسي أستخدم ماركة روك أو زيت السمسم و زيت الزيتون أو زبدة الكاكاو تلاقينها فبودي شوب.

5- كريم لحلمات الثدي تلقينهم فموذر كير أو في الصيدليات حق اللي بترضع.

6- غسول سيتيال. (وايد ممتاز) للأماكن الحساسة

7- صابونة التفتيح – صابونة الحمام المغربي تلاقينها بالحواي عشان كل ما تسبحين تفركين المناطق السودة بالجسم.

8- إذا عندج خلطات للوجه تستخدمينها كل أسبوع مرة (العسل بالروب ) أو أي كريم زين للوجه أو مقشر و مرطب للوجه.

9- زيت للشعر أي زيت أنتي تفضلينه آنا أستخدم زيت من حواي النزهة خلطة حلوة فيها زيت سمسم و جرجير و زيووت واايد.

10- كريمات العناية بالمنطقة الحساسة كريمات التفتيح و خلطات التفتيح + مسك الطهارة (تستخدم في آخر 10 أيام من النفاس)
.
11- ماننسى الردادة آنا سمعت عن واايد ردادات إن شاء الله
أتأكد من أساميهم و أرقامهم و أعطيكم إياهم.

12- الحمام المغربي ضروري.

13- آخر أيام من النفاس ممكن جلسات نظارة للبشرة أو تقشير عند أي عيادة تفضلينها اللي تعرف عيادة زينة لا تبخل علينا.

14- آنا عن نفسي راح أسوي تبييض لأسناني بعيادة أسنان.

15- ما ننسى نشتري جم قميص نوم حلوين و ملابس حلوة جديدة و ملابس داخلية جديدة ( كأنج عروس).

16- إزالة الشعر من الجسم كلة + بديكير منكيير + حمامات زيت + قص شعر + صبغة.

17- جلسة مساج دلعي نفسج و استرخاء.

راح تطلعين من النفاس كأنج عروس...

منقووووووووووووووول لعيونكم



واللي عندها اي اضافه تضيفها لانه الموضوع مجمع

>>>>> ردود الأعضـــــــــــــــــــاء على الموضوع <<<<<
==================================


يعطيك الف عافيه وماقصرتي بارك الله فيك ...ّ

لكن ايش تعني كلمه رداده
11- ماننسى الردادة آنا سمعت عن واايد ردادات إن شاء الله
أتأكد من أساميهم و أرقامهم و أعطيكم إياهم.


__________________________________________________ __________

ثنكيوووووووووووووووووووووووووووو


__________________________________________________ __________

اهليين والله انكم نورتو صفحتي
هبوب الشمال
الرداده هي اللي تدهنك بعد النفاس على شان الرحم والظهر يردون مكانهم تدرين بعد الحمل العمود الفقري يتاثر من ثقل الحمل
والرحم راح يكون نازل بعد الولاده


__________________________________________________ __________

بارك الله فيك غاليتي
ربي يسهل عليكي ويقمك بالسلامة يارب


__________________________________________________ __________

يعطيكي العافيه يا عسل