عنوان الموضوع : قصتي مع الحمل... - للحمل و الولادة
مقدم من طرف منتديات نساء الجزائر

قصتي مع الحمل...



السلام عليكن حبيباتي سيدات منتدى سيدتي
متل م وعدتكن رح خبركن قصة معاناتي مع الحمل
في البداية تزوجت في عمر 19عاما و زوجي قريبي , الحمد لله رب العالمين بعد شهر من زواجي عملت تحليل و طلعت حامل و كانت فرحة كبيرة لاني كنت اخشى من عدم الانجاب وكنت دائما ادعي ربي ان يكتب لي و اكون ام . المهم عانيت كثيرا في فترة الوحام استمرت لمدة ثلاث اشهر عثيان و تقيؤ اكرمكن الله و دوخة يعني 3 اشهر كنت احس حالي عم بموت المهم خلصوا 9 اشهر و ربي رزقني طفلة نستني كل العذاب يلي تعذبته و الحمدلله كانت بصحة جيدة و طبيعية , و خلال فترة ارضاعي لها تم حملي الثاني و كان عمرها 7اشهر , المهم حملي الثاني كان اهون من الاول لم اشعر كثيرا بالوحام و الحمدلله ربي رزقني بطفل فصار عندي بنت و ولد ارضعت ابني لمدة عشر شهور و بعدين فطمته لاني حسيت بضعف عام بجسدي مش من ناحية الوزن و لكن اعضاء جسمي.فقررت ان اتوقف قليلا عن الانجاب اي لمدة سنة.
بعد مرور السنة و هنا بدأت معاناتي..
الحمدلله تم الحمل و صرت اتابع عند الدكتورة و تقول كل شي منيح لعند اخر الشهر الثالث رحت عند الدكتورة سالتني باي شهر صرتي قلتلها , قالت لالا انتي بعدك بالتاني قلتلها عن تاريخ اخر دورة و حسبتهم و رجعت عملت ايكو عشان تتاكد و للاسف طلع الجنين ميت في بطني مدة 3 اسابيع و عندما خبرتني انصدمت و ما عرفت شو بدي احكي لانها كانت صدمة بدون اي سبب صار هيك. رحت عالمستشفى و عملت تنظيف (كورتاج) و عملنا زرع عشان نعرف شو سبب الاجهاض و كانت نتيجة الزرع انه ما في اي شي نظيف .. عملت جميع الفحوصات انا وزوجي يلي بتتعلق بالانجاب و كله يطلع نظيف
بعد اجهاضي ب 3 شهور تم الحمل مرة اخرى و ايضا بنفس الموعد اي 9 اسابيع حصل الاجهاض مرة اخرى
و استمريت على هذا الحال 5 مرات متتالية يتم فيها الاجهاض على 9 اسابيع و بكل مرة اكون بحالة لا يعلم فيها الا ربنا ولكن الحمدلله كنت من الصابرين و ما بينت هذا شي لحدا حتى لزوجي .
معلش طولت عليكن بس حتى تعرفن قصتي من البداية
المهم مرة باحد الايام زوجي التقىى بصديقه دكتور و خبره عن الشي يلي صار معنا قلوا بس يصير في حمل اعطيني خبر الحمد لله ربي كتبلي و حملت و خبرنا الدكتور فقال انه لازم اخد كل يوم ابرة بالبطن اسمها
(lovenox 0.4mg) و كمان دوا اسمه(medrol)
استمرت المتابعة مع الدكتور(امراض روماتيزمية) و الدكتورة النسائية و كل يوم يفوت تكون اعصابي مشدودة لوقت وصلت للمرحلة يلي بيصير فيها الاجهاض و الحمدلله بقي الجنين حي و مرقت فترة 9 اشهر و ربنا عوضني بطفلة متل القمر ما شاء الله الله يحميها و خلتني انسىىى سنوات العذاب و شجعتني اني احمل بعدها دغري هههههههههه شو يعني بعدني عروس الي بس 8 سنين متزوجة حاسة كانهم سنه واحدة بس
اخواتي ما تنسوا ابدا الدعاء ثم الدعاء ثم الدعاء في صلاة قيام الليل خصوصا و الاستغفار الدائم و الله له مفعول عجيب سبحان الله .
هاي قصتي حبيت اقول لكن عليها يمكن في حدا متلي مر بهالتجربة بعدها ما عرفت السبب استشيروا اطبائكن و اسالوهن عن الدوا الابر
وربنا يرزق كل محرومة و يعوض عليها بالذرية الصالحة
وما تنسوني من دعائكن.اتمنى ان تعم الفائدة الجميع.
اسفةكتيييييييير على الاطالة
مستني ردودكن

>>>>> ردود الأعضـــــــــــــــــــاء على الموضوع <<<<<
==================================


ما شاء الله
الله يحفظ لك عيالك ويصونهم
ويجعلهم من حمله كتابه
ويرزق كل اخت ولا يحرمها نعمة الاولاد


__________________________________________________ __________

الله يحفضك و يحفضلك زوجك و اولادك


__________________________________________________ __________

لله يخليلك اولادك ويديم عليك صحتك ويسعدك انتي وزوجك


__________________________________________________ __________

ينقل للقسم المناسب


__________________________________________________ __________

ما شاء الله عليكي يا ريماس
الله يباركلك بأولادك يارب ويباركلك بصحتك