عنوان الموضوع : ولادة طبيعية ام قيصرية اسألي طبيبتك أولا -للحوامل
مقدم من طرف منتديات نساء الجزائر

ولادة طبيعية ام قيصرية اسألي طبيبتك أولا



السلام عليكم ورحمة الله وبركاته...هذه اول مشاركة لي بالمنتدى فاخترت ان اكتب عن ذكراي مع القيصرية..ولكن بالبداية احب ان اقول لكل حامل انشاء الله الله يقومك بالسلامة واللي ولدت اقولها الحمدلله عالسلامةومبروك ما ياج واللي بعدها توها باول المشوار انشاء الله يرزقج رب العباد بالذرية الصالحة..

عالعموم كان يا مكان والكلام صار في بداية رمضان.. اني رحت المستشفى على اساس موعد متابعة الحمل وكانت الامور طيبة الين الحين ولما يا دوري انتظرت الدكتورة في الممر وانا رايحة جاية مثل ما ايقولون المشي يسهل الولادة.. دخلت عند الدكتورة بعد انتظار يمكن ساعة وبعد الاسئلة والفحص قالت لي الدكتورة حبيبتي انتي لازم تتدخلين المستشفى خلاص عشان انولدج انا استغربت ما فيني عوار الطلق ولا نزل الماي قلت حقها ليش مستعيلين قالت لي حبيبتي انتي طايفة موعدج قلت انزين انا ما فيني ويع قالت بس انتي عندج مفتوح 3 سم.
وانا كانه حد ورش علي ماي بارد مع انها مب اول ولادة لي.. المهم حبيباتيقالتلي انزين الحين بنخليج اشوي تحت المراقبة عشان نسمع ونتاكد ان البيبي بخير ومن بعدها اذا كانت الامور طيبة اتوكلي وروحي البيت وهاتي اغراضج وتعالي عشان انولدك انا هنا مت من الخوف كيف اربي وزوجي مب عندي مع انه الاهل وياي وما بيقصرون بس الحب غير..

المهم رجعت البيت واتجهزت حق الولادة ورقدة المستشفى وودعت بنتي الصغيرونه وانا اقول حقها ماما انا بروح المستشفى عشان اييبلج بنوته صغيرونه عشان تلعبين وياها وهي حليلها فرحانه مب عارفة شو السالفة.


لما وصلت المستشفى قالوا لي يالله بناخذج لغرفة الولادة وانا مصرة عليهم يا ناس ما فيني عوار ولا حاسة بشي والبيبي قاعده اترفس قالت الدكتورة خلينا اشوي وبنشوف وراحة وجاية تقريبا 3 ساعات والحال كما هو مب حاسة باي شئ المهم جت الدكتورة مرة ثانية وقالت خلاص جهزوا المريضة لغرفة الولادة ونزلت لغرفة الولادةوضليت مع الممرضات تقريبا 4 ساعات انسولف ونضحك وانا مب حاسة باي شئ وانا كنت الوحيدة بذاك الوقت علة القائمة واخر شئ قالت الدكتورة خلاص ما راح انولدك اليوم وبنصبر عليكي وعدا هذا اليوم من دون ما اولد ههههههه الحمدلله على كل حال.... للحديث بقية حبيباتي بنوتي صحت من النوم ابي ردودكم عشان اكمل قصتي :

>>>>> ردود الأعضـــــــــــــــــــاء على الموضوع <<<<<
==================================


حمدالله على سلامتك وايش باقي القصة


__________________________________________________ __________

حلو اسلوبك بالطرح....يلا ننتظر البقية


__________________________________________________ __________

شوقتيني لمعرفة باقي القصة..


__________________________________________________ __________

شكلها مغامرة يالله حبيبتي بانتظار البقيه


__________________________________________________ __________

تسلمون حبيباتي عالمرور وين وصلنا هيه دخلت المستشفى عندهم بالخميس العصر ونمت في قسم ما قيل الولادة 3 أيام وأنا أهلي رايحين ويايين حتى الصغارية كانوا مستانسين يتحرون اعمارهم رايحين رحلة ترفيهية ههههههه....الى ان جاء اليوم المحتوم واللي طبعا خبرتني فية الدكتورة بانة خلاص بيولدوني غصبا عني؟؟؟؟


انزين يا ناس ما دام البيبي مب حاب يظهر ويشوفكم خلاص خلوه على راحته!!!!!!!!!!!!!!!!!!! المهم اني قعدت من نومي الصبح رايقة خذتلي شاور معتبر واتريقت هاك الريوق"" اكل مستشفيات"" ويلست اتريا والا اسمع الممرضة تنادي على اسمي اهنه وبلعت ريجي يت الدكتورة عشان تطمن علي وتفحصني عشان اتعرف ............... اقدر اقولكم من هنا بدات معاناتي

بالله عليكم نفس الموال تكرر الحريم يصرخن بالغرف ساعة الولادة وانا يالسة تمشي من غرفة لين غرفة ويالسة آآزرهم الين ما ينظفون غرفة الخمس نجوم اللي بيولدوني فيها.... والله اني ما خليت ممرضة او دكتورة الا وسولفت وياها وضحكنا هذا كله وانا بعدني عالويتنغ لست.....

دخلت الغرفة اتمددت عالسرير الا وشان اتيني هذيك الممرضة وخذت اقلب ايدي عشان اتحطيلي المغذي وانا اقول بخاطريه هذا كله ما يهم وما خلصت رمستي الا والدكتورة ياية تبي تفحصني مرة ثالثة؟؟ اعنبوة والله زهقوني ويت دكتورة ثانية بعدوممرضتين وهم يتكلمون بالانجليزي عشان ما افملهم وناسبن اني وحدة مهم وفيهم عالعموم من كلامهم حسيتبانه فيه شئ غلط بعد كل هالمواعيد ورقدة المستشفى عندهم وتطمينهم لي اني بربي طبيعي الا ان الظروف شاءت انهم يولدوني بقيصرية لان وضعية البيبي كانت مش مناسبة يعنيكانت نازلة بوجها لان الدكتورة لمست انف البيبي بالفحص وهذا اللي خلاهم ينادوا الاستشارية عشاني...

المهم اهلي خافوا وقتها علي لكن انا من الوجع اتوكلت على رب العالمين وسحبوني بالسرير من غرفة الولادة العادية الى غرفة العمليات وهناك ما ادري شو صار لي وما قمت الا وانا بغرفة الملاحظة.... فتاكدوا يا امهات المرة الياية واسالوا الطبيبة طبيعي او قيصري