عنوان الموضوع : كيف اتعامل مه هالاشكال؟
مقدم من طرف منتديات نساء الجزائر

كيف اتعامل مه هالاشكال؟



السلام عليكم ورحمة الله وبركاته
بنات حابه اتكلم لكم عن بنات السكشن اللي معي لان احس اني خلاص بنفجر منهم
اول شي انا ادرس ف جامعه مو ف منطقتي كل شي غريب علي فيها العادات الاسلوب اللهجه
وانا تعودت على اشياء كثيره الا الاسلوب
اساليب البنات مره تقهر مره غبيه مع احترامي
وانا عجزت اتأقلم
بقولكم من البدايه قبل سنه في بدايه الدراسه جاتني بنت قالت لي ماعندي سواق ومن هذا الكلام وان ابوها رجال كبير ومايقدر يسوق
عاد اعطيتها رقم سواقي وياليتني ما اعطيتها والله العظيم ندمانه قد شعر راسي ناس ماتنعطى وجهه
طبعا كان السواق يجيني دايم سبعه ونص ومحاضراتي تبدا الساعه 8 من لما جات هالسوسه تغير علي السواق وصرت بالمره مو قادره اتحكم فيه تدرون ليش؟
لانها قليله ذوق راحت واعطت رقم السواق لبنات خالها 3 وجاراتها والله يمكن جابت لي 8 طالبات !!
وسوو زحمه ف السياره يعني معليش شي ينرفز ماقدر اخذ راحتي زي اول وبدون اذني جابتهم ووزعت رقم سواقي سكتت واحتسبت الاجر رغم اني مقهوره وصار السواق يجيني الساعه7 واحايانا سبع الا ربع
بتقولون عادي !!
عندي انا مو عادي بالعكس لما كان يجيني سبع ونص كنت اصحى بدري واتروش واصلي وافطر والبس عدل براحتي عكس لما صارو معي هالبنات لانه يجيني مرا بدري بسبب ان لازم يلحق ياخذ كل الينات والله العظيم كم مره اروح م مشطت شعري زين بسبب انه يجيني بدري
طيب هذا موقف
موقف ثاني الينت هذي والله حسوده هي ووحده تعرفت عليهم بششكل لايطاق عارفين وش معنى بشكل لايطاق
والله ي بنات م ابالغ شعري كان طويل وحلو ولونو بني من الحنا قبل ادري انها حسوده كانت بس تحب تلزق فيني وتحط يدها ع شعري واحيانا تحب تلعب ف شعري وانا هالشي يضايقني ماحب احد يلمسني او يلمس شعري وكنت احاول ابتعد عنها وكانت لما تجيني قسم ودي اصيح منها
ادري فيه بنات احلى من شعري لكن هي مفجوعه مرا
سكتت ع هالموضوع بعدها والله العظيم كل ماتروش شعري ينعقد ثلاث عقدات من فوق واتعب وانا افكهم يعني بسم الله قبل لا اتروش يكون عادي وناعم بسواتروش ينعقد انا لاحظت هذا الشي بعد ماتكرر اكثر من مر والعقد بنفس المكان تدرون مره والله العظيم امي قالت لي مافيه حل الا اقصه لك عجزت امي تفك هالعقد وتنفك بعد ساعتين من المشط يعني لازم امشطه ساعتين او ساعه ونص باقليل وبعدها تنفك وبعد ايش بعد مامتلي المشط من شعري
حاليا شعري متغير صاير خفيف لامنظر ولا لون زي اول وصايره اعالجه واقرا واحصن نفسي
ومو بس انا تدرون وقسم بالله كل ماتجلس عندي وتمر بنت كل بنت من هالبنات لازم تشوف شعرها تعرفها او ماتعرفها
نره ماشاء الله مرت من قدامنا بنت شعرها غزير وناعم وطويل لا اله الا الله والبنت الحسوده ذي تطير عيونها وتقول شعرها كثير !!
عاد انا جلست اقول ماشاء الله ابغاها تحس ع نفسها وتذكر الله ابداً ماقالت شي
ولو تمر بنت شعرها نص كتفها بعد الا تغار وتنقهر والله نظراتها تجيب الغبنه تجلس تطالع ف البنت وماتوخر عيونها لما تروح البنت وتختفي
عاد بتقولون كيف شعر هالحسوده عادي وناعم شوي يعني موصلعاء استغفر الله عشان تسوي كل هالخبال
ولكن اسلوب يقرف وتعودت ع هالشي
وانا صرت ابتعد عنها تليفوناتها ما ارد عليها وطبعا ماعندي واتس انا حاليا وبس مناشبتني ليش ماتركبين الواتس لانها تحب تشوف اخر ظهور وخصوصاً ف الاختبارات وانا اسلك لها واقول لها م ابغى وكذا
وبرضو مناشبتني هي وحده معها ع درجاتي
تحب تشوف درجاتي وهالشي انا يضايقني بصراحه موضوع الدرجات احسه موضوع حساس بالنسبه لي سواء كانت درجاتي حلوه او مو حلوه ماحب احد يشوفها ولا يسالني عنها الا اهلي وناس معينين احبهم
تدرون رحت دكتوراتي وقلت دكتوره معليش مابي احد يشوف درجاتي وبصراحه شكيت لهم الوضع اني اتضايق من موضوع الدرجات
والله ي بنات كنت جايبه درجه حلوه زمان ف الميد وعرفتها هي جاء الفاينل صرت ابكي واكتئبت وماذاكرت اعوذبالله
انا م ابالغ لكن هذا الجد وما اقول انا اشطر وحده بالعكس فيه ناس كثير اشطر مني وافضل مني لكن الحمدلله مستوايا حلو
وحتى الشاطرين ماسلموا منها كل بنت شاطره تحب تشوف درجاتها هالحسوده وتنشر درجات البنات وكل ماتشوف درجه حلوه لازم الكل يدري منها
ع بالكم تمدح لا؟
والله ماتمدح تجي باسلوب زعل فلانه جايبه درجه كذا وكذا
اف قرفت منها هي وصحباتها
تخيلو فيه شله بنات شاطرين وكنت اراجه قبل الاختبار جاوني هالبنتين وقالوا لي ترى راح نندم لو هذول الشله جابوا درجات حلوهه !!
انا انصدمت يعني لهادحه الحسد قلت ماشاء الله بالعكس انا اندم لو اني ماذاكرت وجبت درجه خايسه وكان الاختبار سهل
وبعد اقولكم شي لما انزل للبيت حقنا الظهر تكون هي ف السياره وطبعا باب بيتنا يكون مفتوح عشان ادخل ع طول لازم تطالع ف الباب والبت من داخل مع انها ف السياره لكن عيونها اعوذبالله
طيب عيب حتى لو الباب مفتوح عيب تطالعين للبيوت حرمات
ومره شافت سياره صاحب اخوي وتجلس تسالني هذي سياره مين ؟
اف تقهر طيب وش دخلها مافيه خصوصيه يعني ؟
يتبع

>>>>> ردود الأعضـــــــــــــــــــاء على الموضوع <<<<<
==================================


مرا شافت اخوي عند الباب حق بيتنا كان ياخذ اغراض من سياره جات بعد كم يوم وصارت توصف اخوي وصف يقهر عند الطالبات يعني تقول شكله مو حلو اوني احلا منه
مع انه والله العظيم اخوي حلو وهي شافته بسرعه وحتى لو كان مو حلو ماله داعي تتكلم كذا عند الطالبات تحملت وصبرت وطنشتها مع اني احس اني مقهوره منها
مو تاركتني ف حالي ابد
نجي للبنت اللي معاها هم استغفر الله يعني زي الجدار
يعني يجون للمحاضره لاكتب ولا دفاتر ولا حتى قلم بس همهم الكشخه والفشخره والاكل
صح اول كنت كذا بس تغيرت انا الحمدلله هالسنه هذي صرت اجيب محاضراتي مطبوعه وكتبي وكل شي واجلس ف الاول وانتبه للشرح واكتب مع الدكتورات الحمدلله
المهم الفرق بيننا انا تغيرت وهم زي ماهم ماتغيروا ولاني حابه اقارن بيننا بس انا اقولكم كذا عشان تتضح الصوره
اللي ابغى اوضحه انه كل م اجي الصبح يشوفون شنطتي ثقيله خخخخخخخ
حتى شنطتي المسكينه مو تاركينها ف حالها وربي كم مره تحاول تفتح شنطتي تشوف وش فيها مرتين او ثلاث مرات تحاول تفتحها ؟ ةوانا اسحب شنطتي واقول لها لاتفتشين
ع بالكم تستحي لا ..!!
ومره كنت اذاكر جاو عندي ماحسيت الا هي تفتش ف الارواق اللي ف شنطتي وملخصاتي بدون اذني
عديتها برضو وسكتت مع اني صابتني غبنه قبل الاختبار
احد بيقول لي طنشي انا طنشهم ع الاخير حتى صايره افطر لحالي وابتعد عنهم
لكن هم مو راضين يتركوني والله لزقه والله نشبه. يعني ناس تجيب الكآبه انا مو متعوده ع هالاشكال
وحتى الحمدلله احصن نفسي واقرا اذكاري لكن برضو يظل الاسلوب يقهر وينرفز
بتقولون اكسحيها والله ياكم مره المح لهم وكذا بس ناس بليده
لو اشوف اشكالهم الصبح احس بتجيني الصيحه
ودي اصيح حتى السلام كارهه اسلم عليهم
مو قلت لكم رحت للدكتورات وقلت دكتوره مابغى احد يشوف درجاتي
الدكتورات وافقوا ع هالشي الحمدلله
لكن هم مالقوا اي طريقه وصاروا يسالوني كمم جبتي كم درجتك؟
واحيانا اقولهم مدري ماشفت واحايانا اقولهم مو حلوه
واصرفهم ويوم اقول لهم ماشفت او ماحب اشوف
ياخذون دور الناصحه ويعنني انصح ياخبله روحي شوفي درجاتك عشان تشدين حيلك
وادري هدفهن يبغوني اشوف عشان يسالوني وانا اقول لا ما ابغى وماحب احد يسالني عن درجاتي. والله يمكن الف مره قلتها
اخر شي قالت لي وحده ف الصريح خلاص انا بروح اشوف لك درجاتك !!
وقلت لها باسلوب عفن ونفخت عليها لا ماعليش مابيك تشوفينها
انا احس التلميح مانفع التطنيش مانفع وحتى يوم اقولهم ماحب احد يسالني برضو مانفع
ترى انا احب اساعد وماحب اجرح احد عمداً والله العظيم بس هالتصرفات والاساليب الغبيه عجزت اتعامل معاها حتى الابتعاد ابتعدت عنهم ووجهيهم مغسوله ف مرق ابد ابد مايحسون ولا ينتخون
ابغى حل جذري لهالمشكله واذا احد عنده تجربه يقولها لي
والله احس حتى نفسيتي تعبت وحتى الجامعه كرهتها بسبب هالنفسيات


__________________________________________________ __________

حَبيبي ..
شُوفي ألسيَآرة وألسَوآق خَآص فِيكِ لآ تأخذيهم ، وَقولي هَآلكَلآم للسوَآق ..
وألبِنت هَآذي وأي بِنت تضَآيقكِ إقطَعي عَلآقتكِ فِيهـم !
لآتِسمحَي لهَآ تقَرب مِنك أو تَحآدثكِ ، صَرآحة مَدري كَيف مِتحملتهم شيء لآيُطآق أبداً أبداً أبداً
صَرآحة كُل ألتَصرفآت ألسيئة فيُهم أعوذ بِآلله ! ينرفزوآ من جد !
شُوفي قُولي لَهآ مَآ أسْمح لأي شَخص يِفتح شَنطتي لأنَهآ تُسمى لقَآفه ..
مَآعليكِ منهَآ ، هِي يبغَآلهآ شَخص يِعطيهآ عَلى رأسهآ ، هَآلأشكَآل مِنتشرة مِرة كَثير ..
ألله يِعين بَس ، حَآفظي عَلى ألأذكَآر ، وَسُورة ألبَقرة دآئماً ألله يَعينكِ يَآرب
مَوفقـه يَ قَمـرة :"


__________________________________________________ __________

اذا السواق خاص لك حتى يوديك الجامعة فيك تهدديه انه ما بقى ياخدهم او بدك تضطري تطرديه من شغله وما بقى تعطيها وجه ابدا قولي لها بصراحة ان بدك تقطعي كل علاقة معها وارتاحي


__________________________________________________ __________

السلام عليكم مالك دخل فيهم خليكى بمحاضراتك وبس ولا تعطيهم اكبر من حجمهم ربنا يهديهم ويصلح احوالهم ويتوب عليهم ويردهم اليه ردا جميلا ربى يصلح ذات بينكم ويسخركم لبعض ربى يسعدكم سعادة الدارين ويوفقكم الى ما يحب ويرضا ويجعل مثواكم جميعا الفردوس الاعلى تقبلى مرورى اخيتى الفاضلة محبتكم فى الله ام حفصة ان شاء الله


__________________________________________________ __________

ربي يعينك