عنوان الموضوع : تذكري قصتي -تم الرد
مقدم من طرف منتديات نساء الجزائر

تذكري قصتي



السلام عليكم ورحمة الله وبركاته

كيف الحال

حبيت اطرح هذه القصه في قسم افتحي قلبلك و بحاول اطرحها في مشكلتي لان فيه بنات عندها علاقات حب والثقه العمياء تجرهم لسوء شيء فشيء وتنزل مشاكلها انها محتاره او ماتبي تترك حبيبها والي تكره اهلها عشان حبيبها والي تروح مع حبيبها من ورى اهلها وكل هالحالات والخ ..

هذه القصه حصلت مع صديقة اخت صديقتي بحاول اختصر لكم قدر المستطاع من الكلام الي وصلني



حبيت واحد عن طريق الفيس بوك تعرفت عليه واندهشت من ثقافته وادبه واخلاقه و دفاعه عن المرأه وتقديسه لها
اخذ رقم جوالي وكان في غاية الادب والاحترام انسان ما قابلت مثله في حياتي والفرق بينا كان العمر اكبر مني لكن ما اهتمت و اعترف لي انه مطلق ولما سألته عن سبب طلاقه قال انها انسانه ما تحترمه استمرينا لمدة سنتين وكنت مره مبسوطه معه
وقابلته وبعدين كلمت اهلي وقلت لهم فيه واحد يبي يخطبني وسألوني من وين قلت عن طريق زميله معي بدوام بس مايقدر يجيب اهله لانهم مفصولين ابوه في كنده وامه في الامارات وهو مستقل من عمره 24 سنه
وفعلا جى البيت وخطبني واخذني الفيلا عشان نختار الفرش ورحنا محلات الاثاث واخترت كم غرض و شراهم
لكن كنت استغرب ان جواله ما ينزل من يده ولما اسئله قالي انت بتتزوجي رجل اعمال مو اي كلام يعني لازم تعتادي اني اقعد على الجوال ولاب توب ساعات طويله
غرقني بالهدايا والفلوس وكنت اطلع معه وللاسف صار بينا قبلات واحضان لا اكثر وكان يقولي بس تجهز الفيلا خلاص نكتب الكتاب و ننتزوج خلال شهر

ومره قلت له عن زوج واحده كيف خانها وطلاقها عصب وثار غضبه وقالي اعطيني اسمه وادمره لكن رفضت بس ساعدها ودور لها على شغل

يصلي الصلاه في وقتها ما يتأخر وكل شي فيه كان تقريبا مثالي كأني عايشه في الخيال من كثر ما كنت سعيده
الى ان مره جى زارنا في البيت يكلم ابوي متى يحدد موعد الملكه ونسى جواله عندي واتصلت بنت وقالت هلا حبيبي وينك اليوم قلت لها مين انت قالت انت الي مين قلت انا اخته قالت غريبه ما اذكر ان عنده خوات انا حبيبته مسكت نفسي وحاولت اسحب منها كلام وانا بنفس الوقت مصدومه قلت لها حتى انا ما قالي ان عنده حبيبه بليز لا تقولين له اني رديت عليك عشان لا يزعل قالت تمام ياحلوه قلت لها طيب هو مو موجود خلينا نسولف شوي اتعرف عليك قالت طيب عطيني رقمك قلت لها انا بتصل فيك سكرت الخط وكنت معصبه شوي بنفجر من القهر والالم ما كنت مصدقه قلت يمكن مقلب مسحت اتصالها وفتشت جواله وياليتني مافتشته انهالت علي مصايب وصدمات لا تحصى صور بنات وصور له بوضع مقزز واسماء بنات وبنات يحبهم ويلعب عليهم جواله كان فيه عدد لا يحصى من البنات الي قاهرني ان البنات يقولهم نفس الكلام الي يقوله لهي وماخذهم على الفيلا و وواعدهم بالزواج
وبعد كذبت نفسي وقلت مستحيل انا ما اصدق مستحيل هو يكون كذا هو ملاك مستحيل واحاول اتمالك اعصابي هالكلام صار الظهر ورجع العصر مثل المجنون يسالنا عنه قلت ليه معصب كذا معك جوال ثاني قال عندي اجتماع بعد ساعه ومحتاجه عطيته الجوال ما كأن فيه شي
وبعدين رحت وكلمت البنت الواتس اب و سولفت معها وسحبت منها كلام عنه وكل مافيها تصدمني بعدين قلت لها خلينا على الفيس بوك وخذيت الفيس بوك و شفت صورها هي من ضمن البنات الي كانو في جواله
بعدين دقيت عليها وقلت لها على فكره ترى انا خطيبة فلان مو اخته وترى صورك عنده في الجوال انت وغيرك قالت ما احب هالمزح قلت والله انا خطيبته وسويت نفسي اخته قالت مستحيل هو واعدني انا يخطبني قلت لها حتى اليوم جى عند ابوي وكلمته
واستمرينا بالحديث لحد ما قالت طيب عشان تصدقني انا اليوم بدق عليه الساعه سته عشان تصدقني طلبت اشوف قالي مو فاضي قلت ضروري قالي تعالي الفيلا قلت ما اقدر اهلي مارح يرضون قالي انت حره وفعلا قلت بروح ممشى ورحت عنده و دقت عليه البنت الساعه سته وكان يكلمها بصيغة انها مو بنت يحاول يخفي بعدين قالي انا الحين بروح اجتماع ما يصلح تقعدين هنا وصورته وهو مايدري وهو يكلمها
رحت وكلمت البنت وقلت لها والبنت انصدمت بعد ماشافت الصوره وتعودت فيها وقعدنا ندور وراها ولقينا فضايح وبلاوي مو حنا او ضحايا له ولما واجته هي انكر ولما واجته انا انكر وقالي هذا كذب وتلفيق وصارت هوشه كبيره بيني وبينه يعني يوم كان عنده اجتماعات و يدقون ويراسل رجال اعمال كانو بنات مثلنا يلعب عليه بزواج يعني انسان مريض مجنون معقد وقالي كلمه ثانيه واقول لاهلك انك كنت تجي عندي هنا انا انطميت وماعرفت وش اقول وين كلامه الي يقول الحب يسوي المعجزات الي تقابل حبيبها عادي مافيها شي هالحين انا صرت بنظره والا شي وبعدين رحت البيت مرضت بطريقها مو طبيعيه حرارتي ارتفعت وكنت ارجف واستفرغ قرفانه مو مستوعبه كاني كنت في غيبوبه اغمى علي ماصحيت الا بعد خمس ايام كنت في المستشفى منومه انهيار اهلي المساكين يحاولون يعرفون وش السبب وش فيني واقولهم بس تعابنه اختي تقولي لما شلناك كنت كأنك مستحبه من العرق الي نازل منك وحرارة جسمك فظيعه
كل الي صار لي كان فقط زعل على نفسي وصدمه وقهر والم

والي زاد الطين بله بعد كم من اسبوع اتصل على ابوي وقاله انا ما اقدر اكمل مع بنتكم وابوي الا يبي يعرف السبب قاله ما اتفقنا وطلع لابوي اعذار لا تحصى
بس انا ما سكت اتصلت وهددته وقلت له كل سوالفك عندي وبشهر فيك وامسح في كرامتك الارض وتبي تقولي لاهلي قول المهم مايكون فيه غيري ضحيه لوساختك وحقارتك
وقمت وجمع الصور والارقام لاني حفظتهم وارسلت للبنات من برنامج رسائل ونبتهتم وبعد كم يوم دقيت عليه جواله غير مستخدم مالقيته في تويتر او الفيس بوك
رحت لفلته قالي صاحب الفله انه كان مستأجرها بس يعني بعد حتى هاذي طلعت كذب ونصب
دورت ودورت عليه من دون فايده
وتذكرت ان معه جنسيه كنديه ورحت لسفاره سألتهم عنه قالو مانقدر نعطيك معلومات خاصه بمواطن من دون موافقته
اختفى وماقدرت اوصله
انا الى الان اعاني بسبته حسبي الله ونعم الوكيل فيه الى الان احس اني مقهوره وماشفيت غليلي منه كل شي فيني تغير قعدت اشهر وانا احاول ارجع مثل قبل واغير نفسيتي
وانسى واقول كأنه شي ما صار واتقرب من ربي الى الان مقهوره وما اقدر اثق باحد من وراه او ارتاح مع احد غيرت رقمي جوالي وحذفت حساباتي في الفيس بوك وتويتر واي شي كان يربطني فيه
اقول لكل بنت تحب لا تنخدعي بظاهر ولا تسلمي نفسك له ولا تسمحي له يلمسك اذا ما كان بينكم عقد رسمي ولا تسوين شي من ورى اهلك او بتصفين طابور جنبي

>>>>> ردود الأعضـــــــــــــــــــاء على الموضوع <<<<<
==================================


مابني على باطل فهو باطل


__________________________________________________ __________

اختي بالغكس لازم تفرحي لانكي لم تتزوجي به تخيلي لو تزوجتي بهذا النصاب او لاقدر الله اعطاكي منوم واستغلكي بالعكس لازم تكوني فرحانة لان الله سبحانه فضحه الحمد لله على سلامتك اختي والله يعوضك بخير زوج ويزوجني انا ايضا امين


__________________________________________________ __________

القصة عبرة كبيرة لكل فتاة تجري خلف الاوهام وتنسى مبادئها ودينها


__________________________________________________ __________

واو كأنها من قصص خيال, الله يستر علينا و على بنات مسلمين, حسبي الله و نعم الوكيل على ذئاب البشرية
مشكورة عزيزتي على نصيحة ,جزاك الله خيراً
دمتِ بخير مع محبتي كومي


__________________________________________________ __________

لآحول ولآقوة إلآ بآلله!!
حسبي الله ونعم الوكيل على أي وآحد يضحك على فتآة ويوهمهآ بآلحب
الله يعينك يآروحي تقربي من الله فآلقرب منه لذه وإدعي عليه
موفقه