فضفضتي اسمعيها وأنتظر رأيك
عنوان الموضوع : فضفضتي اسمعيها وأنتظر رأيك
مقدم من طرف منتديات نساء الجزائر
فضفضتي اسمعيها وأنتظر رأيك
السلام عليكم ورحمة الله وبركاته
حبيباتي اليوم حابه أفتح قلبي لكم بموضوع مزعجني من فترة من كثرة ما ألاحظه بالمنتديات وع الطبيعه وبكلل مكان والله المستعان
الموضوع هو السطحيه اللي عايشين فيها معظم البنات (الا من رحم ربي) وممكن نسميها سذاجه بعض الأحيان يعني لما تكون البنت فاهمه ومتعلمه وطبعا مافي أحد جاهل هالأيام ....وأشوفها تحب لها واحد وترسل صورها وتقابله ؟؟؟؟
يعني هذي البنت مثلا مو عايشه بعالمنا؟ ماسمعت بقصص البنات اللي انضحك عليهم واللي هددها حبيبها واللي واللي ...؟؟ وين عقلها وين دينها قبل؟؟ المفروض نكون أوعى وأكثر حرص بحكم انا صرنا منفتحين وبكبسة زر تقدري تطلعي قصص ووقائع يشيب لها الراس والله
المصيبه لما تشوفي بعض البنات الحين شغلها الشاغل وحتى سوالفها مع صديقاتها واللي أحيانا تكون علنيه وبعلو الصوت (بلا حياء أو خجل ) عن صديقها ان لم يكن أصدقاءها وعن مغامراتها اللي تعتقد انها الرابحه فيها وانها ضحكت عليهم رغم انها هي المسكينه وهي الضحيه
وبالأسواق والأماكن العامه ألقى البنت بكااامل مكياجها وبالعباة اللي أحيانا تكون أحلى من فساتين السهرات وتجلس طول وقتها تتصيد بعيونها الشباب .. تطالع هذا وتتبسم لهذا وهذا اش فيه يطالعني وهذا ليش يمشي وراي ؟؟؟؟
يعني محور حياتها صار الشباب ؟؟؟ وكيف تخليهم يطالعوها وكيف تشوف نظرات الإعجاب بعيونهم حتى لو كانت كذب ؟؟؟؟؟لا وصارت الوحده فيهم تجاهر وتتفاخر باللي تسويه ولا عليها من أحد هنا تكون الكارثه خصوصا لو لقت من يسمع ويشجع بدل ماينصح ويردع
حبيباتي انا ماكتبت هالكلام انتقاص أو شماته بأحد بس والله يؤسفني وضع الكثيير من البنات وليس الكل طبعا وبعضهم للأسف صغيرات
يعني البنت الحين متعلمه وعندها كل وسائل التثقيف من كتب ونت وبرامج رائعه بالتلفزيون تقدر عن طريقها تشغل وقت فراغها وتبني شخصيتها وتقويها وتبتعد عن هالسخافات اللي تضر ماتنفع
أتمنى ماأكون أزعجت أحد بفضفضتي واني اسمع آراءكم وحلول نقدر تساعد فيها البنت عشان ما تنجرف لهالأشياء
دمتم بود
>>>>> ردود الأعضـــــــــــــــــــاء على الموضوع <<<<<
==================================
ربنا يتولنا برحمته يا اختى
__________________________________________________ __________
بصراحة أنا أشوف الأهل لهم دور كبير لأن البنت اللي بتخاف من أهلها ماتقدر تسوي شي غلط لأنها تعرف ماراح يسكتون لها وبيعاقبونها,,أما البنت اللي تعرف ان أهلها عادي عندهم أو ممكن مايدرون عنها أصلا فهذي البنت لأسف بتكون ضحية لأهل ماربوها تربية حسنة ,أو ضحية لأهمالهم وبعدهم عن بنتهم,, وفي النهاية نسمع القصص اللي تخوف وينصدمون الأهل بنتهم اللي ماتوقعوها كذا واللوم في النهاية يعود اليهم لأنهم أهملوها وماربوها زين,,,ماودي أكثر كلام ولكن هالموضوع يحتاج الى تثقيف مجتمع بأكمله وأولهم الأهل,,
............
__________________________________________________ __________
والله شي يقهر بصراحه يعني ماسمعوا القصص الي تشيب بالراس
ويعرفون الخطاء ويستمرون فيه يالله يارب انك تهديهم وتردهم
لعقولهم
__________________________________________________ __________
مشكورة على الموضوع ،،، الأهل الهم الدور الأساسي ،،، الأهل المتحررين زيادة و اللي بكون عندهم هاد الاشي عادي و حتى بتلائي البنت اوئات بتخبر امها عن بطولاتها مع صديقها هدول الهم دور اكيد اساسي و رئيسي في هذا الحال و كمان الأهل اللي بيضغطوا على اولادهم كتير كمان الهم نفس الدور !! يعني بتلائي الاب بيمنع بناته من كل شئ و لو بئيده الهوا بيمنعه عليهم فبتصير البنت بتستغل اي فسحه للتنفيس عن الالم و الكبت اللي داخلها و بتصير الحنان اللي فئته بالبيت بدور عليه برى البيت ،،، الفكرة انو الاهل الهم دور اساسي كبير بهاد الاشي مشان هيك بتمنى من الامهات اللي بالمنتدى يتعاملوا بالوسط مع اولادهم لا شد كتير و لا رخي كتير 
__________________________________________________ __________
مشكورة اختى على الموضوع ... فعلا احنا فى زمن الخجل والحياء ماتو من البنت الله المستعان ورغم كل المصايب اللى بنسمعها وبنشوفها فعلا البنات مش بيتعلمو والله انا شايفة ان الغلط على اعلامنا البنات بيتعلمو من الافلام والمسلسلات ويبداو يقلدو وكذلك الاهل عندما يتركو البنت على حريتها بدون اى ظابط او رابط او رقيب عليها فيتركونها تفعل ماتشاء ويالله لو كان لها صديقات من صديقات السوء وقتها هيشجعو بعض على فعل اشياء يندى لها الجبين
ربنا يستر على بناتنا ويعييننا على تربيتهم تربية دينية اسلامية ان شاء الله
رد مع اقتباس
