عنوان الموضوع : الي تبغى دعوه من عند الكعبه المشرفه تدخل وتساعدني ويشهد الله اني لادعيلها
مقدم من طرف منتديات نساء الجزائر

الي تبغى دعوه من عند الكعبه المشرفه تدخل وتساعدني ويشهد الله اني لادعيلها



بسم الله الرحمن الرحيم
السلام عليكم ورحمة الله وبركاته وبعد
اخواتي الفاضلات اسعدكن الله في الدنيا والاخره ونفع بكن الاسلام والمسلمين ....عشان مااطول عليكم وتطفشون بدخل في الموضوع على طول ...طبعا تعودنا اي وحده عندها مشكله او هموم تجي تقولها في المنتدى يمكن دعوه او مساعده من الاخوات تغير عليها حالتها للاحسن ...اكيد كل وحده متزوجه تسكن مع اهل زوجها او بعيده عنهم لالالابد من المشاكل والحزازيات بينهم خصوصا بين السلفات الي هم زوجات اخوان الزوج تشوفين انواع الغيره والمشاكل ويسوون لك مشاكل ويرمونها على راسك مستحيل تخلو اي عائله او بيت من المشاكل هذي الا من رحم الله تشوفين سلفتك مقهورررره منك ومن لبسك ومن طلعاتك وليه اهل الزوج يحبونك اكثر منها يعني انوااااااااااااع الغيره والحسد الله يكفينا شرهن لان ممكن الوحده تحسدك على الراحه وتقلب حياتك جحيم
عشان كذا حبيت نتناقش في هالموضووع والاهم ابغى تفاعل كبييير ونصايح وتجارب مفيده والله العظيم يابنات الموضوع اكبر مما تتصورون لان فيه حريم تخرب بيوتهم باسباب الشي هذا ويمكن تجربه منكم او نصيحه تغير احوالهم ...يعني ابغى كل وحده تقول كيف معاملة سلفاتها لها يحبونها ولا يكرهونها واذا يكرهونها كيف تتعامل معهم وكيف وقفتهم عند حدهم وماابغى الوحده تجي وتقول والله معاملتنا زي العسل وخلاص تروح لا ابغى نصيحه او تجربه وكيف نتعامل مع النوع هدا .....يعني بعطيكم مثااااااال .....انا ساكنه في القصيم في شقه بعيده عن اهل زوجي وعن سلفاتي طبعا كلنا في القصيم بس كل واحد في بيت و معاملت اهل زوجي كويسه معاي بس المصايب كلها من سلفاتي حسبي الله عليهن ونعم الوكيل لين امووووت وانا اتحسب عليهن ...لانهم يابنات يظلممووووني في اشياء كثيرررره ويخترعون علي مشاكل وانا بريئه منها وفوق هذا مايبغوني البس ولا اكشخ ولا اطلع مع زوجي ولا يبغون احد يسولف معي ولا احد يعطيني وجه ويجلسووون يحشوون فيني يعني من الاخيريغارن مني وحاسداتني مايبون الخير لي وانا اقسم بالله العظيم اني ماتذكر في يوم من الايام اني غلطت عليهن ولا اذيتهن وانا بنت ناس واخلاقي عاليه ومااحب اني اتكلم في احد او اسبه خوف من الله قبل كل شي ويعلم الله اني على نياتي يابنات ....يمكن تطفشووون من كلامي بس وربي من القهر اكتب واحس اني تذكرت حاجات قهرتني وجالسه ابكي منها وانا اكتب تكفون يابنات لاتخيبون ظني فيكم انا ادري ان كل وحده فيكم متعلمه وفاهمه وعقلها يوووزن بلد من الذكاء والحكمه ...ابغى نصااااااااايح تغير حيييياااااتي وتريحني منهم تخيلو يابنات كلهن اربعه ضدي المشكله ان اخلاقهم سئه واهل زوجي واغلب الناس يسبونهم والله العظييم صرت بدل مااموت في الخرجات والجمعات اني صرت اكرهها واليوم الي بيكون فيه جمعه عند اهل زوجي كاني رايحه قبري من تصرفاتهن لاتقولون طنشي وماعليك فيهم حطو انفسكم مكاني وكيف بيكون موقفكم لمانتجمع وكلهن يضحكن ويسولفن كله عناد لي ويحاولون يسحبون ام زوجي بالسوالف عشان تنشغل معاهم ولاتسولف معي واجلس انا وحيده محد معطيني وجه هذا مقصدهم ..ولاتقولون خففي من زياراتك ولا تروحين لانه ضروري نتجمع ولو ماتجمعنا يزعل ابو زوجي ويزعل زوجي مني ..واصلا لو مارحت هم بيفكرون اني اخاف منهم عشان كذا ابغى احضر اي جمعه وفي نفس الوقت ابغى اوقف كل وحده عند حدها وماتتجاوز حدودها معي ........
اسسسسسسسسسفه طووووووولت عليكم بس من الحره الي بقلبي جالسه ابكي وانا اكتب ..
الي ابيه منكم تقلون لي كيف اقهرهن من غير مااوضح لهم وعل فكره انا الحين مااكلمهم لانهم سوولي مشكله قرريب وقاطعتهم
يالله يالذيبات كل وحده تقول تجاربها ونصايحها وكيف لما نتجمع اخلي ام زوجي وبناتها يسولفون معي اكثر منهن وكيف اتعامل معاهم واقوفهم عند حدهم واخلي الوحده تحسب لي الف حسااااب حسو فيني يابنات ...والرسول صللا الله عليه وسلم يقول(من فرج عن مؤمن كربه من كرب الدنيا فرج الله عنه كربة من كرب يوم القيامه )منتم خسرانين شي اكيدمتكين وجالسين والنت عندكم كل وحده تقول تجربه مرت بها او باحد من اقاربها وارتاحت بعدها تكفوووووون الله يسعدكم ابغى نفسيتي ترتاح وابغى حياتي تتغير للاحسن بعد ردودكم وماابي رد يمشي حاله ابى رد على الجرح ويجيب نتيججججججججججججججه ..اسف للمره العشرين على الاطااااااله ..انظره ردودكم

>>>>> ردود الأعضـــــــــــــــــــاء على الموضوع <<<<<
==================================


حبيبتي اسمعي انا راح انصحك نصيحه وماراح تندمين تبين اهل زوجك يحبونك واكثر ساعديهم في البيت معاهم وحبي ام زوجك اكثر خليها في عيونك وفضليها انها تاج راسك واذا شفتي كذا ولا كذا العلاج هي تنطيش طنشي ولا كنك تسمعين ايش كانو يقولون عنك بلعكس هم يخففوا عنك الذنوب وهم يتحملون ذنوبك فوق ذنوبهم وان شاء الله اني اكون ساعدتك فيهم


__________________________________________________ __________

ربي يسعدك اختي وعود ماتخون والله يجعلها في موازين حسناتك وانا والله اني اساعدهم بس عندي سلفات مصايب مدري كيف يستولون عليها وانا عارفه انهم يخففون ذنوبي بس مشكلتي حساسه ومبغى احد يجرحني ...الف شكر على تواضعك ونصيحتك الطيبه وفي انظاااااار اخواتي الباقيات


__________________________________________________ __________

اسمعي لاتكوني حساسه ولاشئ بلعكس خليك قويه وقوليلهم انه في رب في السماء يعرف منه الظالم ومنه المظلوم وماعليك منهم ابد انسي انه في شئ اسمه سلفات اعتبريهم ماكانهم موجودين اعتبري نفسك انك اول وحده تزوجتي وهم لسه متزوجوا واعتبريهم كانك ماتعرفينهم ولاشفتيهم ولاحتى سمعتيهم وقولي انه ربي يهديهم ويصلح بالهم..


__________________________________________________ __________

اختي انا اعاني نفس المشكلة بس زيادة بنات الاحماء وان بعاملهم بالمثل اللي تحترمني احترمها واللي ما تعبرني اسلم عليها باطراف اصابعي ودايما كاشخه لحتى اقهرهم بزيادة ودايما حاطة اجر عرجل واللي بقدر عليه بساعد فيه وما بحمل نفسي فوق طاقتها وبتلهى بولادي عنهم ومرات بخلي حد من صاحباتي يرن علي وبحكي معهم وبتحجج باي اشي عشان ما اقابلهم وبتبين عفوية


__________________________________________________ __________

يا حبيبتي وانتي ليش كتير بتعبري رأيهم
اعملي اللي بدك ياه طول ما انو زوجك رضيان عنك
يعني البسي احلى ما عندك طول ما انو زوجك مو معترض وما تعطي رأيهم اهمية
بكرا كل وحدة بتتزوج وبتلبس وبتعمل شو ما بدا وما بتروح الا عليكي
ويا ستي احكي بالتلفون اتفرجي ع تلفزيون بتعرفي حتى روحي نعسانة ونامي
لحتى يفهمو انو هما مفروض يقدروكي عشان تحترميهم
لانو قيمتك من قيمة زوجك
انا والله مرت اخوي بحبا تطلع احلى شي واحسن شي عشان العز لالنا اكتر ما الها
واللي هيشوفها هيحسدها ع بيت حماها
ع كل حال الله يسعدك وما تعدلي كتير عليهم
حكو ولا ما حكو مالك بحاجة حكيهم هو يوم وبيمضي وبتروحي ع بيتك
الله يسعدك ويهديهم