عنوان الموضوع : مين صارت معها؟ساعدوني -تم الرد
مقدم من طرف منتديات نساء الجزائر

ساعدوني الله يوفقكم يا رب



السلام عليكم يا بنات انا بحاجتكم كتير ما الي غيركم انا عرسي قريب وكان متأجل المفروض انا تزوجنا زمان بس ظروف خطيبي كانت صعبه وما قدرنا نتزوج وبعد ما جهزنا كل شي وتقرر العرس توفى عم خطيبي وهلأ رح نتزوج بعد الاربعين يوم بس المشكله انه بدون رقص واغاني وفرح يعني بس رح البس الفستان ونقعد في الكوشه ويلبسني الصيغه والنسوان يشوفونا ونتصور وخلص وانا ما بدي هيك انا بدي يتأجل العرس ويكون عرسي متل كل البنات بس اهله رافضيييينهو حكالي انه ازا انا بدي رح يأجله بس هيك اهله رح يزعلو منه كتير هم بدهم يزوجوه ويرتاحو لانهم مضطرين في منهم رح يسافرو وهيك انا وكمان خطيبي وعدني انه رح يعوضني ونسافر شهر عسل وننبسط بس ما في احلى من فرحة العرس مع العلم انه انا رح اعمل حفلة حنا واعزم صاحباتي ورح يغنولي ويرقصو ويفرحو فيني هيك عنا العادة بس ما في احلى من فرحة العرس والا شو رأيكم؟؟؟
اسفة عالاطاله بس بحاجتكمممممممممم وفتحتلكم قلبي اتمنى اشوف ردودكم ومشكورييييييييييييييين

>>>>> ردود الأعضـــــــــــــــــــاء على الموضوع <<<<<
==================================


اقنعيه يكون الفرح مع اغاني حتى لو توفى عمو خلص يعني لو فرحتو رح يرجع ؟ مش رح يتغير شي او اجليها ولا تسألي بحدا انتي اتخذي قرارك اللي انتي حابيتو بس برأيي انو هاليوم ما بتعوض ومش حلو ع السكت


__________________________________________________ __________

انتي حاولي فيه وان هذي ليلة العمر ولازم افرح فيها بس اذا رفض خلاص لاتضغطي عليه دامكم بتسافرون وعلى قولتك أعزمي صاحباتك و سوي حفله صغيرونه وانبسطي ولا تبدئين حياتك الزوجيه ع طول بمشاكل تغاضي عن بعض الامور وربي يوفقك ويسعدك ويعوضك ان شاء الله


__________________________________________________ __________

انا اللي اعرفو الحزن 3 ايام وبحكم انو قريب جدا يعني عمو باعتقادي كافي الحزن لمدة 40 يوم و40 ماتجوز بديننا لانو اليهود اللي يعملو هاد العادة وبقت في العرب
المهم ماعلينا انت اقنعيه واذا ماقتنع انت اعملي حفلة عندكم ببيتكم قبل بيوم تزيني والبسي فستانك وحضري صديقاتك من غيراهل زوجك ولا زوجك واعملي حفلة مثل ماتريدي واذا ماتقدري خلاص عدجيه مو نهاية الدنيا هي صعبة بس شو تعملي ومو منيح تأجلي كمان عرسك اكثر لانك قلتي انك اجلتيه كدا مرة
الف مبروك مقدما والله يعدي عرسك بخير وعلى خير ولانسي تبتسمي لما تكون فيه كاميرا وصور ولا تحزني حتى ولو مافيه غناء من شان الصور يطلعولك حلوين لانو ماراح تتذكري شي بعد عرسك والشيء الوحيد الي يذكرك بعرسك هو الصور
ان شالله اكون خفيفة عليك


__________________________________________________ __________

المشاركة الأصلية كتبت بواسطة شمعة الطفولة
اقنعيه يكون الفرح مع اغاني حتى لو توفى عمو خلص يعني لو فرحتو رح يرجع ؟ مش رح يتغير شي او اجليها ولا تسألي بحدا انتي اتخذي قرارك اللي انتي حابيتو بس برأيي انو هاليوم ما بتعوض ومش حلو ع السكت

مشكورة حبيبتي


__________________________________________________ __________

المشاركة الأصلية كتبت بواسطة *njoud
انتي حاولي فيه وان هذي ليلة العمر ولازم افرح فيها بس اذا رفض خلاص لاتضغطي عليه دامكم بتسافرون وعلى قولتك أعزمي صاحباتك و سوي حفله صغيرونه وانبسطي ولا تبدئين حياتك الزوجيه ع طول بمشاكل تغاضي عن بعض الامور وربي يوفقك ويسعدك ويعوضك ان شاء الله

مشكورة حبيبتي عالرد انا هيك رح اعمل حفله صغيرونه واسمع كلامك ما رح اضغط عليه اكتر