عنوان الموضوع : الظاهر إني خلاص بنزل المعاش -تم الرد
مقدم من طرف منتديات نساء الجزائر

الظاهر إني خلاص بنزل المعاش



مساء الخير عزيزاتي إن شاء الله تكونو بخير و ما كترتو من لحمة العيد زي حالاتي
اليوم بحكيلكم عن شيء مقلقني من 3 سنين.. و هو إنقطاع الدورة الشهرية.. أول ما بلغت كنت بصف سادس إبتدائي و كانت الدورة منتظمة إلى المتوسط و بدت اللخبطة و أنا بتاني ثانوي.. رحت عند الدكتورة عملتلي موجات صوتية و تحليل هرمونات قالت لي إنو عندي تكيس مبايض (إيش هدا كمان ) و وصفتلي حبوب منع الحمل لمدة 6 شهور و من أول ما بديت أستخدمها نزلت الدورة بعد غياب 3 شهور (سويت حفلة ترحيب).. إستمريت عليها لمدة شهر بس مع الدورة الثانية حسيت بألم فظيع بأسفل البطن كلمت زوجة خالي قالتلي وقفيها و أنا أوديك للدكتورة اللي أتابع معاها حملي ما شاء الله عليها شاطرة و أنا معاها 12 سنة.. أخدتلي موعد و رحنا و حكيتلها على اللي صار قالتلي خلاص أعملك موجات و نشوف إيش بيصير بعد ما خلصنا موجات قالتلي زين إنك وقفتي حبوب منع الحمل ما عندك تكيس ولا شيء و عندك لخبطة هرمونات مع شوية قلق و توتر (بنت توجيهي كيف ما أتوتر ) المهم أعطتني حبوب ما أذكر إسمها لونها بني و ريحتها و طعمها يجيب الغثه بس إستحملت عاد إيش أسوي و شرفت الدورة بعد إسبوع و عادي من غير ألم و أول ما خلصت الدوا من هنا و ذهبت الدورة مع الريح من هنا بعدين إنشغلت بالجامعه و نسيت أمرها و صارت تشرف على كيف كيفها مره 3 شهور و مره أربع شهور و إستمر الحال هكذا إلين السنه اللي راحت و قامت الدورة زودتها و مصختها حبتين و 8 شهور ما جات كلمت أمي و قالتلي (يا لهوي كمان شهر و بتولدي يلا نبدا نجهز للولاده) مستانسة الوالدة الله يطول بعمرها المهم رحنا أنا و هيا لمتخصصة أشعة و عملتلي موجات صوتية و قالت لي ما فيك إلا العافية يا قلبو الحمد لله (المحرك سليم) بس الظاهر يبغالو شوية زيت و بعد كدا قالت لي نروح ندور دكتورة قلتلها لاااااا بلاش دكاترة أنا صرت أكره الدكاترة أنا خلاص رفعت الراية البيضاء و رضيت بقسمتي إني بلغت أرذل العمر و أنا عمري 22 سنة أمي قالتلي كيفك خليك معاي تخدميني بعد أكبر (تصتاد بالمويه العكره)
و هدي يا حبيباتي حكايتي مع الدورة بس بيني و بينكم و لا تقولو لأحد جبت مردقوش و حلبة قلت أجربهم يمكن ينفعو و كل ما يجي واحد بيخطبني أطالع عليه من ورا الباب و أقول مسكين ما يدري إني رجال زيو

إدعولي أخواتي إنو ربي يشفيني و أنا بعد بدعيلكم بكل صلاة

>>>>> ردود الأعضـــــــــــــــــــاء على الموضوع <<<<<
==================================


ربي يعطيك العافيه


__________________________________________________ __________

امممم

بنت اختي قبل الزواج كانت تقول ان دورتها ماتجي 7 شهور

وبعدين تشرف ست الحقه خخخخخ

واللحين تزوجت وعندها درزن عيال ماشاء الله > بس مااعرف اذا تعالجت او انتظمت من نفسها

او للحين تتقطع هيييك ..

ان شاء الله مافيه ضرر عليك دام قالوا لك طبيعي وسليم

وان شاء الله البنات يفيدوك


__________________________________________________ __________

الحال من بعضه ونفس موالك هو موالي بس انا بعد العلاج قصدها انتظمت وصارت
تجيني كل بعد شهرين وضع متعب بس الشكوه لغير الله مذله

الله يفرجها من عنده


__________________________________________________ __________


__________________________________________________ __________